| Library / Tipiṭaka / ติปิฎก • Tipiṭaka / วชิรพุทฺธิ-ฎีกา • Vajirabuddhi-ṭīkā |
กตาปตฺติวาราทิวณฺณนา
Katāpattivārādivaṇṇanā
๑๖๖. กตาปตฺติวาเร ‘‘สงฺฆิกํ มญฺจํ วา’’ติอาทิ อโชฺฌกาสตฺตา วิหารพฺภนฺตเรปิ อาปชฺชนโต เลฑฺฑุปาตาติกฺกมวเสน วุตฺตํฯ ทุติเย เสยฺยํ สนฺถริตฺวาติ อพฺภนฺตเร สนฺถริตภาวโต วิหารโต พหิคมเนปิ ตํทิวสานาคเม อาปชฺชนโต ‘‘ปริเกฺขปํ อติกฺกาเมตี’’ติ วุตฺตํฯ
166. Katāpattivāre ‘‘saṅghikaṃ mañcaṃ vā’’tiādi ajjhokāsattā vihārabbhantarepi āpajjanato leḍḍupātātikkamavasena vuttaṃ. Dutiye seyyaṃ santharitvāti abbhantare santharitabhāvato vihārato bahigamanepi taṃdivasānāgame āpajjanato ‘‘parikkhepaṃ atikkāmetī’’ti vuttaṃ.
๑๗๑. สญฺจิจฺจ ปาณํ ชีวิตา โวโรเปโนฺต จตโสฺส อาปตฺติโยติ เอตฺถ กิญฺจาปิ ตสฺมิํ สิกฺขาปเท ติรจฺฉานคตปาโณว อธิเปฺปโต, อถ โข ปาโณติ โวหารสามญฺญโต อตฺถุทฺธารวเสน ‘‘จตโสฺส’’ติ วุตฺตํฯ เอส นโย อเญฺญสุปิ เอวรูเปสุ ฐาเนสุฯ
171.Sañcicca pāṇaṃ jīvitā voropento catasso āpattiyoti ettha kiñcāpi tasmiṃ sikkhāpade tiracchānagatapāṇova adhippeto, atha kho pāṇoti vohārasāmaññato atthuddhāravasena ‘‘catasso’’ti vuttaṃ. Esa nayo aññesupi evarūpesu ṭhānesu.
๑๗๓. วิกาเล คามปฺปเวสเน ‘‘ปฐมํ ปาทํ ปริเกฺขปํ อติกฺกาเมติ, อาปตฺติ ทุกฺกฎสฺสา’ติ วุตฺตตฺตา อุปจาเร นาปชฺชติ, ปริเกฺขปํ อติกฺกมิตฺวาว อาปชฺชตีติ สิทฺธเมวา’’ติ วทนฺติฯ
173. Vikāle gāmappavesane ‘‘paṭhamaṃ pādaṃ parikkhepaṃ atikkāmeti, āpatti dukkaṭassā’ti vuttattā upacāre nāpajjati, parikkhepaṃ atikkamitvāva āpajjatīti siddhamevā’’ti vadanti.
๑๙๓. ปจฺจยวาเร ปุริมวารโต วิเสโส อตฺถิเยว, ‘‘เมถุนํ ธมฺมํ ปฎิเสวโนฺต กติ อาปตฺติโย อาปชฺชตี’’ติ วุเตฺต ชตุมฎฺฐกโสฺสกาโส น ชาโต, อิธ ปน ‘‘เมถุนํ ธมฺมํ ปฎิเสวนปจฺจยา’’ติ วุเตฺต ปุคฺคลนิเทฺทสาภาวา ชตุมฎฺฐกญฺจ ปวิฎฺฐํ, เอวํ วิเสโส อตฺถิฯ ตถา เอวรูเปสุ ฐาเนสุฯ
193. Paccayavāre purimavārato viseso atthiyeva, ‘‘methunaṃ dhammaṃ paṭisevanto kati āpattiyo āpajjatī’’ti vutte jatumaṭṭhakassokāso na jāto, idha pana ‘‘methunaṃ dhammaṃ paṭisevanapaccayā’’ti vutte puggalaniddesābhāvā jatumaṭṭhakañca paviṭṭhaṃ, evaṃ viseso atthi. Tathā evarūpesu ṭhānesu.
มหาวิภเงฺค จ ภิกฺขุนิวิภเงฺค โสฬสมหาวารวณฺณนา นิฎฺฐิตาฯ
Mahāvibhaṅge ca bhikkhunivibhaṅge soḷasamahāvāravaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / ปริวารปาฬิ • Parivārapāḷi
๒. ภูตคามวโคฺค • 2. Bhūtagāmavaggo
๗. สปฺปาณกวโคฺค • 7. Sappāṇakavaggo
๙. ราชวโคฺค • 9. Rājavaggo
๑. ปาราชิกกณฺฑํ • 1. Pārājikakaṇḍaṃ
