| Library / Tipiṭaka / តិបិដក • Tipiṭaka / វជិរពុទ្ធិ-ដីកា • Vajirabuddhi-ṭīkā |
កតាបត្តិវារាទិវណ្ណនា
Katāpattivārādivaṇṇanā
១៦៦. កតាបត្តិវារេ ‘‘សង្ឃិកំ មញ្ចំ វា’’តិអាទិ អជ្ឈោកាសត្តា វិហារព្ភន្តរេបិ អាបជ្ជនតោ លេឌ្ឌុបាតាតិក្កមវសេន វុត្តំ។ ទុតិយេ សេយ្យំ សន្ថរិត្វាតិ អព្ភន្តរេ សន្ថរិតភាវតោ វិហារតោ ពហិគមនេបិ តំទិវសានាគមេ អាបជ្ជនតោ ‘‘បរិក្ខេបំ អតិក្កាមេតី’’តិ វុត្តំ។
166. Katāpattivāre ‘‘saṅghikaṃ mañcaṃ vā’’tiādi ajjhokāsattā vihārabbhantarepi āpajjanato leḍḍupātātikkamavasena vuttaṃ. Dutiye seyyaṃ santharitvāti abbhantare santharitabhāvato vihārato bahigamanepi taṃdivasānāgame āpajjanato ‘‘parikkhepaṃ atikkāmetī’’ti vuttaṃ.
១៧១. សញ្ចិច្ច បាណំ ជីវិតា វោរោបេន្តោ ចតស្សោ អាបត្តិយោតិ ឯត្ថ កិញ្ចាបិ តស្មិំ សិក្ខាបទេ តិរច្ឆានគតបាណោវ អធិប្បេតោ, អថ ខោ បាណោតិ វោហារសាមញ្ញតោ អត្ថុទ្ធារវសេន ‘‘ចតស្សោ’’តិ វុត្តំ។ ឯស នយោ អញ្ញេសុបិ ឯវរូបេសុ ឋានេសុ។
171.Sañcicca pāṇaṃ jīvitā voropento catasso āpattiyoti ettha kiñcāpi tasmiṃ sikkhāpade tiracchānagatapāṇova adhippeto, atha kho pāṇoti vohārasāmaññato atthuddhāravasena ‘‘catasso’’ti vuttaṃ. Esa nayo aññesupi evarūpesu ṭhānesu.
១៧៣. វិកាលេ គាមប្បវេសនេ ‘‘បឋមំ បាទំ បរិក្ខេបំ អតិក្កាមេតិ, អាបត្តិ ទុក្កដស្សា’តិ វុត្តត្តា ឧបចារេ នាបជ្ជតិ, បរិក្ខេបំ អតិក្កមិត្វាវ អាបជ្ជតីតិ សិទ្ធមេវា’’តិ វទន្តិ។
173. Vikāle gāmappavesane ‘‘paṭhamaṃ pādaṃ parikkhepaṃ atikkāmeti, āpatti dukkaṭassā’ti vuttattā upacāre nāpajjati, parikkhepaṃ atikkamitvāva āpajjatīti siddhamevā’’ti vadanti.
១៩៣. បច្ចយវារេ បុរិមវារតោ វិសេសោ អត្ថិយេវ, ‘‘មេថុនំ ធម្មំ បដិសេវន្តោ កតិ អាបត្តិយោ អាបជ្ជតី’’តិ វុត្តេ ជតុមដ្ឋកស្សោកាសោ ន ជាតោ, ឥធ បន ‘‘មេថុនំ ធម្មំ បដិសេវនបច្ចយា’’តិ វុត្តេ បុគ្គលនិទ្ទេសាភាវា ជតុមដ្ឋកញ្ច បវិដ្ឋំ, ឯវំ វិសេសោ អត្ថិ។ តថា ឯវរូបេសុ ឋានេសុ។
193. Paccayavāre purimavārato viseso atthiyeva, ‘‘methunaṃ dhammaṃ paṭisevanto kati āpattiyo āpajjatī’’ti vutte jatumaṭṭhakassokāso na jāto, idha pana ‘‘methunaṃ dhammaṃ paṭisevanapaccayā’’ti vutte puggalaniddesābhāvā jatumaṭṭhakañca paviṭṭhaṃ, evaṃ viseso atthi. Tathā evarūpesu ṭhānesu.
មហាវិភង្គេ ច ភិក្ខុនិវិភង្គេ សោឡសមហាវារវណ្ណនា និដ្ឋិតា។
Mahāvibhaṅge ca bhikkhunivibhaṅge soḷasamahāvāravaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / បរិវារបាឡិ • Parivārapāḷi
២. ភូតគាមវគ្គោ • 2. Bhūtagāmavaggo
៧. សប្បាណកវគ្គោ • 7. Sappāṇakavaggo
៩. រាជវគ្គោ • 9. Rājavaggo
១. បារាជិកកណ្ឌំ • 1. Pārājikakaṇḍaṃ
