| Library / Tipiṭaka / திபிடக • Tipiṭaka / விமதிவினோத³னீ-டீகா • Vimativinodanī-ṭīkā |
கதாபத்திவாரவண்ணனா
Katāpattivāravaṇṇanā
277. து³தியே பன கதிவாரே பட²மஸமுட்டா²னேன ஆபஜ்ஜிதப்³பா³னங் ஆபத்தீனங் லஹுத³ஸ்ஸனஸுக²த்த²ங் குடிகாராதீ³னி ஏவ ஸமுத்³த⁴டானி, ந அஞ்ஞேஸங் அபா⁴வா, ஸஞ்சரித்தாதீ³னம்பி விஜ்ஜமானத்தா. ஏவங் து³தியஸமுட்டா²னாதீ³ஸுபி. ‘‘கப்பியஸஞ்ஞீ’’தி இமினா அசித்தகத்தங் த³ஸ்ஸேதி. ‘‘குடிங் கரோதீ’’தி இமினா வசீபயோகா³பா⁴வங். உப⁴யேனாபி கேவலங் காயேனேவ து³க்கடாதீ³னங் ஸம்ப⁴வங் த³ஸ்ஸேதி. ஏவங் உபரிபி யதா²னுரூபங் காதப்³ப³ங்.
277. Dutiye pana kativāre paṭhamasamuṭṭhānena āpajjitabbānaṃ āpattīnaṃ lahudassanasukhatthaṃ kuṭikārādīni eva samuddhaṭāni, na aññesaṃ abhāvā, sañcarittādīnampi vijjamānattā. Evaṃ dutiyasamuṭṭhānādīsupi. ‘‘Kappiyasaññī’’ti iminā acittakattaṃ dasseti. ‘‘Kuṭiṃ karotī’’ti iminā vacīpayogābhāvaṃ. Ubhayenāpi kevalaṃ kāyeneva dukkaṭādīnaṃ sambhavaṃ dasseti. Evaṃ uparipi yathānurūpaṃ kātabbaṃ.
‘‘ஏகேன ஸமுட்டா²னேன ஸமுட்ட²ஹந்தீ’’தி இத³ங் இத⁴ விஸேஸெத்வா த³ஸ்ஸிதானங் காயதோவ ஸமுட்டி²தானங் வஸேன வுத்தங், அவிஸேஸதோ பன தா ஆபத்தியோ இதரஸமுட்டா²னேஹிபி யதா²ரஹங் ஸமுட்ட²ஹந்தி ஏவ. ஏவங் உபரிபி.
‘‘Ekenasamuṭṭhānena samuṭṭhahantī’’ti idaṃ idha visesetvā dassitānaṃ kāyatova samuṭṭhitānaṃ vasena vuttaṃ, avisesato pana tā āpattiyo itarasamuṭṭhānehipi yathārahaṃ samuṭṭhahanti eva. Evaṃ uparipi.
‘‘திணவத்தா²ரகேன சா’’தி இத³ங் ஸங்கா⁴தி³ஸேஸவஜ்ஜிதானங் சதுன்னங் ஆபத்தீனங் வஸேன வுத்தங்.
‘‘Tiṇavatthārakena cā’’ti idaṃ saṅghādisesavajjitānaṃ catunnaṃ āpattīnaṃ vasena vuttaṃ.
279. ஸங்வித³ஹித்வா குடிங் கரோதீதி வாசாய ஸங்வித³ஹதி, ஸயஞ்ச காயேன கரோதீதி அத்தோ².
279.Saṃvidahitvākuṭiṃ karotīti vācāya saṃvidahati, sayañca kāyena karotīti attho.
கதாபத்திவாரவண்ணனா நிட்டி²தா.
Katāpattivāravaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / பரிவாரபாளி • Parivārapāḷi / 2. கதாபத்திவாரோ • 2. Katāpattivāro
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / ச²ஆபத்திஸமுட்டா²னவாராதி³வண்ணனா • Chaāpattisamuṭṭhānavārādivaṇṇanā
