| Library / Tipiṭaka / তিপিটক • Tipiṭaka / ৰিমতিৰিনোদনী-টীকা • Vimativinodanī-ṭīkā |
কতাপত্তিৰারৰণ্ণনা
Katāpattivāravaṇṇanā
২৭৭. দুতিযে পন কতিৰারে পঠমসমুট্ঠানেন আপজ্জিতব্বানং আপত্তীনং লহুদস্সনসুখত্থং কুটিকারাদীনি এৰ সমুদ্ধটানি, ন অঞ্ঞেসং অভাৰা, সঞ্চরিত্তাদীনম্পি ৰিজ্জমানত্তা। এৰং দুতিযসমুট্ঠানাদীসুপি। ‘‘কপ্পিযসঞ্ঞী’’তি ইমিনা অচিত্তকত্তং দস্সেতি। ‘‘কুটিং করোতী’’তি ইমিনা ৰচীপযোগাভাৰং। উভযেনাপি কেৰলং কাযেনেৰ দুক্কটাদীনং সম্ভৰং দস্সেতি। এৰং উপরিপি যথানুরূপং কাতব্বং।
277. Dutiye pana kativāre paṭhamasamuṭṭhānena āpajjitabbānaṃ āpattīnaṃ lahudassanasukhatthaṃ kuṭikārādīni eva samuddhaṭāni, na aññesaṃ abhāvā, sañcarittādīnampi vijjamānattā. Evaṃ dutiyasamuṭṭhānādīsupi. ‘‘Kappiyasaññī’’ti iminā acittakattaṃ dasseti. ‘‘Kuṭiṃ karotī’’ti iminā vacīpayogābhāvaṃ. Ubhayenāpi kevalaṃ kāyeneva dukkaṭādīnaṃ sambhavaṃ dasseti. Evaṃ uparipi yathānurūpaṃ kātabbaṃ.
‘‘একেন সমুট্ঠানেন সমুট্ঠহন্তী’’তি ইদং ইধ ৰিসেসেত্ৰা দস্সিতানং কাযতোৰ সমুট্ঠিতানং ৰসেন ৰুত্তং, অৰিসেসতো পন তা আপত্তিযো ইতরসমুট্ঠানেহিপি যথারহং সমুট্ঠহন্তি এৰ। এৰং উপরিপি।
‘‘Ekenasamuṭṭhānena samuṭṭhahantī’’ti idaṃ idha visesetvā dassitānaṃ kāyatova samuṭṭhitānaṃ vasena vuttaṃ, avisesato pana tā āpattiyo itarasamuṭṭhānehipi yathārahaṃ samuṭṭhahanti eva. Evaṃ uparipi.
‘‘তিণৰত্থারকেন চা’’তি ইদং সঙ্ঘাদিসেসৰজ্জিতানং চতুন্নং আপত্তীনং ৰসেন ৰুত্তং।
‘‘Tiṇavatthārakena cā’’ti idaṃ saṅghādisesavajjitānaṃ catunnaṃ āpattīnaṃ vasena vuttaṃ.
২৭৯. সংৰিদহিত্ৰা কুটিং করোতীতি ৰাচায সংৰিদহতি, সযঞ্চ কাযেন করোতীতি অত্থো।
279.Saṃvidahitvākuṭiṃ karotīti vācāya saṃvidahati, sayañca kāyena karotīti attho.
কতাপত্তিৰারৰণ্ণনা নিট্ঠিতা।
Katāpattivāravaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / পরিৰারপাল়ি • Parivārapāḷi / ২. কতাপত্তিৰারো • 2. Katāpattivāro
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā / ছআপত্তিসমুট্ঠানৰারাদিৰণ্ণনা • Chaāpattisamuṭṭhānavārādivaṇṇanā
