| Library / Tipiṭaka / तिपिटक • Tipiṭaka / विमतिविनोदनी-टीका • Vimativinodanī-ṭīkā |
कतापत्तिवारवण्णना
Katāpattivāravaṇṇanā
२७७. दुतिये पन कतिवारे पठमसमुट्ठानेन आपज्जितब्बानं आपत्तीनं लहुदस्सनसुखत्थं कुटिकारादीनि एव समुद्धटानि, न अञ्ञेसं अभावा, सञ्चरित्तादीनम्पि विज्जमानत्ता। एवं दुतियसमुट्ठानादीसुपि। ‘‘कप्पियसञ्ञी’’ति इमिना अचित्तकत्तं दस्सेति। ‘‘कुटिं करोती’’ति इमिना वचीपयोगाभावं। उभयेनापि केवलं कायेनेव दुक्कटादीनं सम्भवं दस्सेति। एवं उपरिपि यथानुरूपं कातब्बं।
277. Dutiye pana kativāre paṭhamasamuṭṭhānena āpajjitabbānaṃ āpattīnaṃ lahudassanasukhatthaṃ kuṭikārādīni eva samuddhaṭāni, na aññesaṃ abhāvā, sañcarittādīnampi vijjamānattā. Evaṃ dutiyasamuṭṭhānādīsupi. ‘‘Kappiyasaññī’’ti iminā acittakattaṃ dasseti. ‘‘Kuṭiṃ karotī’’ti iminā vacīpayogābhāvaṃ. Ubhayenāpi kevalaṃ kāyeneva dukkaṭādīnaṃ sambhavaṃ dasseti. Evaṃ uparipi yathānurūpaṃ kātabbaṃ.
‘‘एकेन समुट्ठानेन समुट्ठहन्ती’’ति इदं इध विसेसेत्वा दस्सितानं कायतोव समुट्ठितानं वसेन वुत्तं, अविसेसतो पन ता आपत्तियो इतरसमुट्ठानेहिपि यथारहं समुट्ठहन्ति एव। एवं उपरिपि।
‘‘Ekenasamuṭṭhānena samuṭṭhahantī’’ti idaṃ idha visesetvā dassitānaṃ kāyatova samuṭṭhitānaṃ vasena vuttaṃ, avisesato pana tā āpattiyo itarasamuṭṭhānehipi yathārahaṃ samuṭṭhahanti eva. Evaṃ uparipi.
‘‘तिणवत्थारकेन चा’’ति इदं सङ्घादिसेसवज्जितानं चतुन्नं आपत्तीनं वसेन वुत्तं।
‘‘Tiṇavatthārakena cā’’ti idaṃ saṅghādisesavajjitānaṃ catunnaṃ āpattīnaṃ vasena vuttaṃ.
२७९. संविदहित्वा कुटिं करोतीति वाचाय संविदहति, सयञ्च कायेन करोतीति अत्थो।
279.Saṃvidahitvākuṭiṃ karotīti vācāya saṃvidahati, sayañca kāyena karotīti attho.
कतापत्तिवारवण्णना निट्ठिता।
Katāpattivāravaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / विनयपिटक • Vinayapiṭaka / परिवारपाळि • Parivārapāḷi / २. कतापत्तिवारो • 2. Katāpattivāro
टीका • Tīkā / विनयपिटक (टीका) • Vinayapiṭaka (ṭīkā) / वजिरबुद्धि-टीका • Vajirabuddhi-ṭīkā / छआपत्तिसमुट्ठानवारादिवण्णना • Chaāpattisamuṭṭhānavārādivaṇṇanā
