| Library / Tipiṭaka / ติปิฎก • Tipiṭaka / วิมติวิโนทนี-ฎีกา • Vimativinodanī-ṭīkā |
กตาปตฺติวารวณฺณนา
Katāpattivāravaṇṇanā
๒๗๗. ทุติเย ปน กติวาเร ปฐมสมุฎฺฐาเนน อาปชฺชิตพฺพานํ อาปตฺตีนํ ลหุทสฺสนสุขตฺถํ กุฎิการาทีนิ เอว สมุทฺธฎานิ, น อเญฺญสํ อภาวา, สญฺจริตฺตาทีนมฺปิ วิชฺชมานตฺตาฯ เอวํ ทุติยสมุฎฺฐานาทีสุปิฯ ‘‘กปฺปิยสญฺญี’’ติ อิมินา อจิตฺตกตฺตํ ทเสฺสติฯ ‘‘กุฎิํ กโรตี’’ติ อิมินา วจีปโยคาภาวํฯ อุภเยนาปิ เกวลํ กาเยเนว ทุกฺกฎาทีนํ สมฺภวํ ทเสฺสติฯ เอวํ อุปริปิ ยถานุรูปํ กาตพฺพํฯ
277. Dutiye pana kativāre paṭhamasamuṭṭhānena āpajjitabbānaṃ āpattīnaṃ lahudassanasukhatthaṃ kuṭikārādīni eva samuddhaṭāni, na aññesaṃ abhāvā, sañcarittādīnampi vijjamānattā. Evaṃ dutiyasamuṭṭhānādīsupi. ‘‘Kappiyasaññī’’ti iminā acittakattaṃ dasseti. ‘‘Kuṭiṃ karotī’’ti iminā vacīpayogābhāvaṃ. Ubhayenāpi kevalaṃ kāyeneva dukkaṭādīnaṃ sambhavaṃ dasseti. Evaṃ uparipi yathānurūpaṃ kātabbaṃ.
‘‘เอเกน สมุฎฺฐาเนน สมุฎฺฐหนฺตี’’ติ อิทํ อิธ วิเสเสตฺวา ทสฺสิตานํ กายโตว สมุฎฺฐิตานํ วเสน วุตฺตํ, อวิเสสโต ปน ตา อาปตฺติโย อิตรสมุฎฺฐาเนหิปิ ยถารหํ สมุฎฺฐหนฺติ เอวฯ เอวํ อุปริปิฯ
‘‘Ekenasamuṭṭhānena samuṭṭhahantī’’ti idaṃ idha visesetvā dassitānaṃ kāyatova samuṭṭhitānaṃ vasena vuttaṃ, avisesato pana tā āpattiyo itarasamuṭṭhānehipi yathārahaṃ samuṭṭhahanti eva. Evaṃ uparipi.
‘‘ติณวตฺถารเกน จา’’ติ อิทํ สงฺฆาทิเสสวชฺชิตานํ จตุนฺนํ อาปตฺตีนํ วเสน วุตฺตํฯ
‘‘Tiṇavatthārakena cā’’ti idaṃ saṅghādisesavajjitānaṃ catunnaṃ āpattīnaṃ vasena vuttaṃ.
๒๗๙. สํวิทหิตฺวา กุฎิํ กโรตีติ วาจาย สํวิทหติ, สยญฺจ กาเยน กโรตีติ อโตฺถฯ
279.Saṃvidahitvākuṭiṃ karotīti vācāya saṃvidahati, sayañca kāyena karotīti attho.
กตาปตฺติวารวณฺณนา นิฎฺฐิตาฯ
Katāpattivāravaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / ปริวารปาฬิ • Parivārapāḷi / ๒. กตาปตฺติวาโร • 2. Katāpattivāro
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วชิรพุทฺธิ-ฎีกา • Vajirabuddhi-ṭīkā / ฉอาปตฺติสมุฎฺฐานวาราทิวณฺณนา • Chaāpattisamuṭṭhānavārādivaṇṇanā
