| Library / Tipiṭaka / តិបិដក • Tipiṭaka / វិមតិវិនោទនី-ដីកា • Vimativinodanī-ṭīkā |
កតាបត្តិវារវណ្ណនា
Katāpattivāravaṇṇanā
២៧៧. ទុតិយេ បន កតិវារេ បឋមសមុដ្ឋានេន អាបជ្ជិតព្ពានំ អាបត្តីនំ លហុទស្សនសុខត្ថំ កុដិការាទីនិ ឯវ សមុទ្ធដានិ, ន អញ្ញេសំ អភាវា, សញ្ចរិត្តាទីនម្បិ វិជ្ជមានត្តា។ ឯវំ ទុតិយសមុដ្ឋានាទីសុបិ។ ‘‘កប្បិយសញ្ញី’’តិ ឥមិនា អចិត្តកត្តំ ទស្សេតិ។ ‘‘កុដិំ ករោតី’’តិ ឥមិនា វចីបយោគាភាវំ។ ឧភយេនាបិ កេវលំ កាយេនេវ ទុក្កដាទីនំ សម្ភវំ ទស្សេតិ។ ឯវំ ឧបរិបិ យថានុរូបំ កាតព្ពំ។
277. Dutiye pana kativāre paṭhamasamuṭṭhānena āpajjitabbānaṃ āpattīnaṃ lahudassanasukhatthaṃ kuṭikārādīni eva samuddhaṭāni, na aññesaṃ abhāvā, sañcarittādīnampi vijjamānattā. Evaṃ dutiyasamuṭṭhānādīsupi. ‘‘Kappiyasaññī’’ti iminā acittakattaṃ dasseti. ‘‘Kuṭiṃ karotī’’ti iminā vacīpayogābhāvaṃ. Ubhayenāpi kevalaṃ kāyeneva dukkaṭādīnaṃ sambhavaṃ dasseti. Evaṃ uparipi yathānurūpaṃ kātabbaṃ.
‘‘ឯកេន សមុដ្ឋានេន សមុដ្ឋហន្តី’’តិ ឥទំ ឥធ វិសេសេត្វា ទស្សិតានំ កាយតោវ សមុដ្ឋិតានំ វសេន វុត្តំ, អវិសេសតោ បន តា អាបត្តិយោ ឥតរសមុដ្ឋានេហិបិ យថារហំ សមុដ្ឋហន្តិ ឯវ។ ឯវំ ឧបរិបិ។
‘‘Ekenasamuṭṭhānena samuṭṭhahantī’’ti idaṃ idha visesetvā dassitānaṃ kāyatova samuṭṭhitānaṃ vasena vuttaṃ, avisesato pana tā āpattiyo itarasamuṭṭhānehipi yathārahaṃ samuṭṭhahanti eva. Evaṃ uparipi.
‘‘តិណវត្ថារកេន ចា’’តិ ឥទំ សង្ឃាទិសេសវជ្ជិតានំ ចតុន្នំ អាបត្តីនំ វសេន វុត្តំ។
‘‘Tiṇavatthārakena cā’’ti idaṃ saṅghādisesavajjitānaṃ catunnaṃ āpattīnaṃ vasena vuttaṃ.
២៧៩. សំវិទហិត្វា កុដិំ ករោតីតិ វាចាយ សំវិទហតិ, សយញ្ច កាយេន ករោតីតិ អត្ថោ។
279.Saṃvidahitvākuṭiṃ karotīti vācāya saṃvidahati, sayañca kāyena karotīti attho.
កតាបត្តិវារវណ្ណនា និដ្ឋិតា។
Katāpattivāravaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / បរិវារបាឡិ • Parivārapāḷi / ២. កតាបត្តិវារោ • 2. Katāpattivāro
ដីកា • Tīkā / វិនយបិដក (ដីកា) • Vinayapiṭaka (ṭīkā) / វជិរពុទ្ធិ-ដីកា • Vajirabuddhi-ṭīkā / ឆអាបត្តិសមុដ្ឋានវារាទិវណ្ណនា • Chaāpattisamuṭṭhānavārādivaṇṇanā
