| Library / Tipiṭaka / တိပိဋက • Tipiṭaka / ဝိမတိဝိနောဒနီ-ဋီကာ • Vimativinodanī-ṭīkā |
ကတာပတ္တိဝာရဝဏ္ဏနာ
Katāpattivāravaṇṇanā
၂၇၇. ဒုတိယေ ပန ကတိဝာရေ ပဌမသမုဋ္ဌာနေန အာပဇ္ဇိတဗ္ဗာနံ အာပတ္တီနံ လဟုဒသ္သနသုခတ္ထံ ကုဋိကာရာဒီနိ ဧဝ သမုဒ္ဓဋာနိ, န အညေသံ အဘာဝာ, သဉ္စရိတ္တာဒီနမ္ပိ ဝိဇ္ဇမာနတ္တာ။ ဧဝံ ဒုတိယသမုဋ္ဌာနာဒီသုပိ။ ‘‘ကပ္ပိယသညီ’’တိ ဣမိနာ အစိတ္တကတ္တံ ဒသ္သေတိ။ ‘‘ကုဋိံ ကရောတီ’’တိ ဣမိနာ ဝစီပယောဂာဘာဝံ။ ဥဘယေနာပိ ကေဝလံ ကာယေနေဝ ဒုက္ကဋာဒီနံ သမ္ဘဝံ ဒသ္သေတိ။ ဧဝံ ဥပရိပိ ယထာနုရူပံ ကာတဗ္ဗံ။
277. Dutiye pana kativāre paṭhamasamuṭṭhānena āpajjitabbānaṃ āpattīnaṃ lahudassanasukhatthaṃ kuṭikārādīni eva samuddhaṭāni, na aññesaṃ abhāvā, sañcarittādīnampi vijjamānattā. Evaṃ dutiyasamuṭṭhānādīsupi. ‘‘Kappiyasaññī’’ti iminā acittakattaṃ dasseti. ‘‘Kuṭiṃ karotī’’ti iminā vacīpayogābhāvaṃ. Ubhayenāpi kevalaṃ kāyeneva dukkaṭādīnaṃ sambhavaṃ dasseti. Evaṃ uparipi yathānurūpaṃ kātabbaṃ.
‘‘ဧကေန သမုဋ္ဌာနေန သမုဋ္ဌဟန္တီ’’တိ ဣဒံ ဣဓ ဝိသေသေတ္ဝာ ဒသ္သိတာနံ ကာယတောဝ သမုဋ္ဌိတာနံ ဝသေန ဝုတ္တံ, အဝိသေသတော ပန တာ အာပတ္တိယော ဣတရသမုဋ္ဌာနေဟိပိ ယထာရဟံ သမုဋ္ဌဟန္တိ ဧဝ။ ဧဝံ ဥပရိပိ။
‘‘Ekenasamuṭṭhānena samuṭṭhahantī’’ti idaṃ idha visesetvā dassitānaṃ kāyatova samuṭṭhitānaṃ vasena vuttaṃ, avisesato pana tā āpattiyo itarasamuṭṭhānehipi yathārahaṃ samuṭṭhahanti eva. Evaṃ uparipi.
‘‘တိဏဝတ္ထာရကေန စာ’’တိ ဣဒံ သင္ဃာဒိသေသဝဇ္ဇိတာနံ စတုန္နံ အာပတ္တီနံ ဝသေန ဝုတ္တံ။
‘‘Tiṇavatthārakena cā’’ti idaṃ saṅghādisesavajjitānaṃ catunnaṃ āpattīnaṃ vasena vuttaṃ.
၂၇၉. သံဝိဒဟိတ္ဝာ ကုဋိံ ကရောတီတိ ဝာစာယ သံဝိဒဟတိ, သယဉ္စ ကာယေန ကရောတီတိ အတ္ထော။
279.Saṃvidahitvākuṭiṃ karotīti vācāya saṃvidahati, sayañca kāyena karotīti attho.
ကတာပတ္တိဝာရဝဏ္ဏနာ နိဋ္ဌိတာ။
Katāpattivāravaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / ပရိဝာရပာဠိ • Parivārapāḷi / ၂. ကတာပတ္တိဝာရော • 2. Katāpattivāro
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / ဆအာပတ္တိသမုဋ္ဌာနဝာရာဒိဝဏ္ဏနာ • Chaāpattisamuṭṭhānavārādivaṇṇanā
