| Library / Tipiṭaka / ತಿಪಿಟಕ • Tipiṭaka / ವಿಮತಿವಿನೋದನೀ-ಟೀಕಾ • Vimativinodanī-ṭīkā |
ಕತಾಪತ್ತಿವಾರವಣ್ಣನಾ
Katāpattivāravaṇṇanā
೨೭೭. ದುತಿಯೇ ಪನ ಕತಿವಾರೇ ಪಠಮಸಮುಟ್ಠಾನೇನ ಆಪಜ್ಜಿತಬ್ಬಾನಂ ಆಪತ್ತೀನಂ ಲಹುದಸ್ಸನಸುಖತ್ಥಂ ಕುಟಿಕಾರಾದೀನಿ ಏವ ಸಮುದ್ಧಟಾನಿ, ನ ಅಞ್ಞೇಸಂ ಅಭಾವಾ, ಸಞ್ಚರಿತ್ತಾದೀನಮ್ಪಿ ವಿಜ್ಜಮಾನತ್ತಾ। ಏವಂ ದುತಿಯಸಮುಟ್ಠಾನಾದೀಸುಪಿ। ‘‘ಕಪ್ಪಿಯಸಞ್ಞೀ’’ತಿ ಇಮಿನಾ ಅಚಿತ್ತಕತ್ತಂ ದಸ್ಸೇತಿ। ‘‘ಕುಟಿಂ ಕರೋತೀ’’ತಿ ಇಮಿನಾ ವಚೀಪಯೋಗಾಭಾವಂ। ಉಭಯೇನಾಪಿ ಕೇವಲಂ ಕಾಯೇನೇವ ದುಕ್ಕಟಾದೀನಂ ಸಮ್ಭವಂ ದಸ್ಸೇತಿ। ಏವಂ ಉಪರಿಪಿ ಯಥಾನುರೂಪಂ ಕಾತಬ್ಬಂ।
277. Dutiye pana kativāre paṭhamasamuṭṭhānena āpajjitabbānaṃ āpattīnaṃ lahudassanasukhatthaṃ kuṭikārādīni eva samuddhaṭāni, na aññesaṃ abhāvā, sañcarittādīnampi vijjamānattā. Evaṃ dutiyasamuṭṭhānādīsupi. ‘‘Kappiyasaññī’’ti iminā acittakattaṃ dasseti. ‘‘Kuṭiṃ karotī’’ti iminā vacīpayogābhāvaṃ. Ubhayenāpi kevalaṃ kāyeneva dukkaṭādīnaṃ sambhavaṃ dasseti. Evaṃ uparipi yathānurūpaṃ kātabbaṃ.
‘‘ಏಕೇನ ಸಮುಟ್ಠಾನೇನ ಸಮುಟ್ಠಹನ್ತೀ’’ತಿ ಇದಂ ಇಧ ವಿಸೇಸೇತ್ವಾ ದಸ್ಸಿತಾನಂ ಕಾಯತೋವ ಸಮುಟ್ಠಿತಾನಂ ವಸೇನ ವುತ್ತಂ, ಅವಿಸೇಸತೋ ಪನ ತಾ ಆಪತ್ತಿಯೋ ಇತರಸಮುಟ್ಠಾನೇಹಿಪಿ ಯಥಾರಹಂ ಸಮುಟ್ಠಹನ್ತಿ ಏವ। ಏವಂ ಉಪರಿಪಿ।
‘‘Ekenasamuṭṭhānena samuṭṭhahantī’’ti idaṃ idha visesetvā dassitānaṃ kāyatova samuṭṭhitānaṃ vasena vuttaṃ, avisesato pana tā āpattiyo itarasamuṭṭhānehipi yathārahaṃ samuṭṭhahanti eva. Evaṃ uparipi.
‘‘ತಿಣವತ್ಥಾರಕೇನ ಚಾ’’ತಿ ಇದಂ ಸಙ್ಘಾದಿಸೇಸವಜ್ಜಿತಾನಂ ಚತುನ್ನಂ ಆಪತ್ತೀನಂ ವಸೇನ ವುತ್ತಂ।
‘‘Tiṇavatthārakena cā’’ti idaṃ saṅghādisesavajjitānaṃ catunnaṃ āpattīnaṃ vasena vuttaṃ.
೨೭೯. ಸಂವಿದಹಿತ್ವಾ ಕುಟಿಂ ಕರೋತೀತಿ ವಾಚಾಯ ಸಂವಿದಹತಿ, ಸಯಞ್ಚ ಕಾಯೇನ ಕರೋತೀತಿ ಅತ್ಥೋ।
279.Saṃvidahitvākuṭiṃ karotīti vācāya saṃvidahati, sayañca kāyena karotīti attho.
ಕತಾಪತ್ತಿವಾರವಣ್ಣನಾ ನಿಟ್ಠಿತಾ।
Katāpattivāravaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ವಿನಯಪಿಟಕ • Vinayapiṭaka / ಪರಿವಾರಪಾಳಿ • Parivārapāḷi / ೨. ಕತಾಪತ್ತಿವಾರೋ • 2. Katāpattivāro
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಜಿರಬುದ್ಧಿ-ಟೀಕಾ • Vajirabuddhi-ṭīkā / ಛಆಪತ್ತಿಸಮುಟ್ಠಾನವಾರಾದಿವಣ್ಣನಾ • Chaāpattisamuṭṭhānavārādivaṇṇanā
