| Library / Tipiṭaka / ཏིཔིཊཀ • Tipiṭaka / ཝིམཏིཝིནོདནཱི-ཊཱིཀཱ • Vimativinodanī-ṭīkā |
ཀཏཱཔཏྟིཝཱརཝཎྞནཱ
Katāpattivāravaṇṇanā
༢༧༧. དུཏིཡེ པན ཀཏིཝཱརེ པཋམསམུཊྛཱནེན ཨཱཔཛྫིཏབྦཱནཾ ཨཱཔཏྟཱིནཾ ལཧུདསྶནསུཁཏྠཾ ཀུཊིཀཱརཱདཱིནི ཨེཝ སམུདྡྷཊཱནི, ན ཨཉྙེསཾ ཨབྷཱཝཱ, སཉྩརིཏྟཱདཱིནམྤི ཝིཛྫམཱནཏྟཱ། ཨེཝཾ དུཏིཡསམུཊྛཱནཱདཱིསུཔི། ‘‘ཀཔྤིཡསཉྙཱི’’ཏི ཨིམིནཱ ཨཙིཏྟཀཏྟཾ དསྶེཏི། ‘‘ཀུཊིཾ ཀརོཏཱི’’ཏི ཨིམིནཱ ཝཙཱིཔཡོགཱབྷཱཝཾ། ཨུབྷཡེནཱཔི ཀེཝལཾ ཀཱཡེནེཝ དུཀྐཊཱདཱིནཾ སམྦྷཝཾ དསྶེཏི། ཨེཝཾ ཨུཔརིཔི ཡཐཱནུརཱུཔཾ ཀཱཏབྦཾ།
277. Dutiye pana kativāre paṭhamasamuṭṭhānena āpajjitabbānaṃ āpattīnaṃ lahudassanasukhatthaṃ kuṭikārādīni eva samuddhaṭāni, na aññesaṃ abhāvā, sañcarittādīnampi vijjamānattā. Evaṃ dutiyasamuṭṭhānādīsupi. ‘‘Kappiyasaññī’’ti iminā acittakattaṃ dasseti. ‘‘Kuṭiṃ karotī’’ti iminā vacīpayogābhāvaṃ. Ubhayenāpi kevalaṃ kāyeneva dukkaṭādīnaṃ sambhavaṃ dasseti. Evaṃ uparipi yathānurūpaṃ kātabbaṃ.
‘‘ཨེཀེན སམུཊྛཱནེན སམུཊྛཧནྟཱི’’ཏི ཨིདཾ ཨིདྷ ཝིསེསེཏྭཱ དསྶིཏཱནཾ ཀཱཡཏོཝ སམུཊྛིཏཱནཾ ཝསེན ཝུཏྟཾ, ཨཝིསེསཏོ པན ཏཱ ཨཱཔཏྟིཡོ ཨིཏརསམུཊྛཱནེཧིཔི ཡཐཱརཧཾ སམུཊྛཧནྟི ཨེཝ། ཨེཝཾ ཨུཔརིཔི།
‘‘Ekenasamuṭṭhānena samuṭṭhahantī’’ti idaṃ idha visesetvā dassitānaṃ kāyatova samuṭṭhitānaṃ vasena vuttaṃ, avisesato pana tā āpattiyo itarasamuṭṭhānehipi yathārahaṃ samuṭṭhahanti eva. Evaṃ uparipi.
‘‘ཏིཎཝཏྠཱརཀེན ཙཱ’’ཏི ཨིདཾ སངྒྷཱདིསེསཝཛྫིཏཱནཾ ཙཏུནྣཾ ཨཱཔཏྟཱིནཾ ཝསེན ཝུཏྟཾ།
‘‘Tiṇavatthārakena cā’’ti idaṃ saṅghādisesavajjitānaṃ catunnaṃ āpattīnaṃ vasena vuttaṃ.
༢༧༩. སཾཝིདཧིཏྭཱ ཀུཊིཾ ཀརོཏཱིཏི ཝཱཙཱཡ སཾཝིདཧཏི, སཡཉྩ ཀཱཡེན ཀརོཏཱིཏི ཨཏྠོ།
279.Saṃvidahitvākuṭiṃ karotīti vācāya saṃvidahati, sayañca kāyena karotīti attho.
ཀཏཱཔཏྟིཝཱརཝཎྞནཱ ནིཊྛིཏཱ།
Katāpattivāravaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / པརིཝཱརཔཱལི༹ • Parivārapāḷi / ༢. ཀཏཱཔཏྟིཝཱརོ • 2. Katāpattivāro
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝཛིརབུདྡྷི-ཊཱིཀཱ • Vajirabuddhi-ṭīkā / ཚཨཱཔཏྟིསམུཊྛཱནཝཱརཱདིཝཎྞནཱ • Chaāpattisamuṭṭhānavārādivaṇṇanā
