| Library / Tipiṭaka / ਤਿਪਿਟਕ • Tipiṭaka / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā |
ਕਤਾਪਤ੍ਤਿવਾਰવਣ੍ਣਨਾ
Katāpattivāravaṇṇanā
੨੭੭. ਦੁਤਿਯੇ ਪਨ ਕਤਿવਾਰੇ ਪਠਮਸਮੁਟ੍ਠਾਨੇਨ ਆਪਜ੍ਜਿਤਬ੍ਬਾਨਂ ਆਪਤ੍ਤੀਨਂ ਲਹੁਦਸ੍ਸਨਸੁਖਤ੍ਥਂ ਕੁਟਿਕਾਰਾਦੀਨਿ ਏવ ਸਮੁਦ੍ਧਟਾਨਿ, ਨ ਅਞ੍ਞੇਸਂ ਅਭਾવਾ, ਸਞ੍ਚਰਿਤ੍ਤਾਦੀਨਮ੍ਪਿ વਿਜ੍ਜਮਾਨਤ੍ਤਾ। ਏવਂ ਦੁਤਿਯਸਮੁਟ੍ਠਾਨਾਦੀਸੁਪਿ। ‘‘ਕਪ੍ਪਿਯਸਞ੍ਞੀ’’ਤਿ ਇਮਿਨਾ ਅਚਿਤ੍ਤਕਤ੍ਤਂ ਦਸ੍ਸੇਤਿ। ‘‘ਕੁਟਿਂ ਕਰੋਤੀ’’ਤਿ ਇਮਿਨਾ વਚੀਪਯੋਗਾਭਾવਂ। ਉਭਯੇਨਾਪਿ ਕੇવਲਂ ਕਾਯੇਨੇવ ਦੁਕ੍ਕਟਾਦੀਨਂ ਸਮ੍ਭવਂ ਦਸ੍ਸੇਤਿ। ਏવਂ ਉਪਰਿਪਿ ਯਥਾਨੁਰੂਪਂ ਕਾਤਬ੍ਬਂ।
277. Dutiye pana kativāre paṭhamasamuṭṭhānena āpajjitabbānaṃ āpattīnaṃ lahudassanasukhatthaṃ kuṭikārādīni eva samuddhaṭāni, na aññesaṃ abhāvā, sañcarittādīnampi vijjamānattā. Evaṃ dutiyasamuṭṭhānādīsupi. ‘‘Kappiyasaññī’’ti iminā acittakattaṃ dasseti. ‘‘Kuṭiṃ karotī’’ti iminā vacīpayogābhāvaṃ. Ubhayenāpi kevalaṃ kāyeneva dukkaṭādīnaṃ sambhavaṃ dasseti. Evaṃ uparipi yathānurūpaṃ kātabbaṃ.
‘‘ਏਕੇਨ ਸਮੁਟ੍ਠਾਨੇਨ ਸਮੁਟ੍ਠਹਨ੍ਤੀ’’ਤਿ ਇਦਂ ਇਧ વਿਸੇਸੇਤ੍વਾ ਦਸ੍ਸਿਤਾਨਂ ਕਾਯਤੋવ ਸਮੁਟ੍ਠਿਤਾਨਂ વਸੇਨ વੁਤ੍ਤਂ, ਅવਿਸੇਸਤੋ ਪਨ ਤਾ ਆਪਤ੍ਤਿਯੋ ਇਤਰਸਮੁਟ੍ਠਾਨੇਹਿਪਿ ਯਥਾਰਹਂ ਸਮੁਟ੍ਠਹਨ੍ਤਿ ਏવ। ਏવਂ ਉਪਰਿਪਿ।
‘‘Ekenasamuṭṭhānena samuṭṭhahantī’’ti idaṃ idha visesetvā dassitānaṃ kāyatova samuṭṭhitānaṃ vasena vuttaṃ, avisesato pana tā āpattiyo itarasamuṭṭhānehipi yathārahaṃ samuṭṭhahanti eva. Evaṃ uparipi.
‘‘ਤਿਣવਤ੍ਥਾਰਕੇਨ ਚਾ’’ਤਿ ਇਦਂ ਸਙ੍ਘਾਦਿਸੇਸવਜ੍ਜਿਤਾਨਂ ਚਤੁਨ੍ਨਂ ਆਪਤ੍ਤੀਨਂ વਸੇਨ વੁਤ੍ਤਂ।
‘‘Tiṇavatthārakena cā’’ti idaṃ saṅghādisesavajjitānaṃ catunnaṃ āpattīnaṃ vasena vuttaṃ.
੨੭੯. ਸਂવਿਦਹਿਤ੍વਾ ਕੁਟਿਂ ਕਰੋਤੀਤਿ વਾਚਾਯ ਸਂવਿਦਹਤਿ, ਸਯਞ੍ਚ ਕਾਯੇਨ ਕਰੋਤੀਤਿ ਅਤ੍ਥੋ।
279.Saṃvidahitvākuṭiṃ karotīti vācāya saṃvidahati, sayañca kāyena karotīti attho.
ਕਤਾਪਤ੍ਤਿવਾਰવਣ੍ਣਨਾ ਨਿਟ੍ਠਿਤਾ।
Katāpattivāravaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਪਰਿવਾਰਪਾਲ਼ਿ • Parivārapāḷi / ੨. ਕਤਾਪਤ੍ਤਿવਾਰੋ • 2. Katāpattivāro
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਛਆਪਤ੍ਤਿਸਮੁਟ੍ਠਾਨવਾਰਾਦਿવਣ੍ਣਨਾ • Chaāpattisamuṭṭhānavārādivaṇṇanā
