| Library / Tipiṭaka / ਤਿਪਿਟਕ • Tipiṭaka / ਪਰਿવਾਰਪਾਲ਼ਿ • Parivārapāḷi |
੨. ਕਤਾਪਤ੍ਤਿવਾਰੋ
2. Katāpattivāro
੨੭੭. ਪਠਮੇਨ ਆਪਤ੍ਤਿਸਮੁਟ੍ਠਾਨੇਨ ਕਤਿ ਆਪਤ੍ਤਿਯੋ ਆਪਜ੍ਜਤਿ? ਪਠਮੇਨ ਆਪਤ੍ਤਿਸਮੁਟ੍ਠਾਨੇਨ ਪਞ੍ਚ ਆਪਤ੍ਤਿਯੋ ਆਪਜ੍ਜਤਿ। ਭਿਕ੍ਖੁ ਕਪ੍ਪਿਯਸਞ੍ਞੀ ਸਞ੍ਞਾਚਿਕਾਯ ਕੁਟਿਂ ਕਰੋਤਿ ਅਦੇਸਿਤવਤ੍ਥੁਕਂ ਪਮਾਣਾਤਿਕ੍ਕਨ੍ਤਂ ਸਾਰਮ੍ਭਂ ਅਪਰਿਕ੍ਕਮਨਂ, ਪਯੋਗੇ ਦੁਕ੍ਕਟਂ; ਏਕਂ ਪਿਣ੍ਡਂ ਅਨਾਗਤੇ ਆਪਤ੍ਤਿ ਥੁਲ੍ਲਚ੍ਚਯਸ੍ਸ; ਤਸ੍ਮਿਂ ਪਿਣ੍ਡੇ ਆਗਤੇ ਆਪਤ੍ਤਿ ਸਙ੍ਘਾਦਿਸੇਸਸ੍ਸ; ਭਿਕ੍ਖੁ ਕਪ੍ਪਿਯਸਞ੍ਞੀ વਿਕਾਲੇ ਭੋਜਨਂ ਭੁਞ੍ਜਤਿ, ਆਪਤ੍ਤਿ ਪਾਚਿਤ੍ਤਿਯਸ੍ਸ; ਭਿਕ੍ਖੁ ਕਪ੍ਪਿਯਸਞ੍ਞੀ ਅਞ੍ਞਾਤਿਕਾਯ ਭਿਕ੍ਖੁਨਿਯਾ ਅਨ੍ਤਰਘਰਂ ਪવਿਟ੍ਠਾਯ ਹਤ੍ਥਤੋ ਖਾਦਨੀਯਂ વਾ ਭੋਜਨੀਯਂ વਾ ਸਹਤ੍ਥਾ ਪਟਿਗ੍ਗਹੇਤ੍વਾ ਭੁਞ੍ਜਤਿ, ਆਪਤ੍ਤਿ ਪਾਟਿਦੇਸਨੀਯਸ੍ਸ – ਪਠਮੇਨ ਆਪਤ੍ਤਿਸਮੁਟ੍ਠਾਨੇਨ ਇਮਾ ਪਞ੍ਚ ਆਪਤ੍ਤਿਯੋ ਆਪਜ੍ਜਤਿ।
277. Paṭhamena āpattisamuṭṭhānena kati āpattiyo āpajjati? Paṭhamena āpattisamuṭṭhānena pañca āpattiyo āpajjati. Bhikkhu kappiyasaññī saññācikāya kuṭiṃ karoti adesitavatthukaṃ pamāṇātikkantaṃ sārambhaṃ aparikkamanaṃ, payoge dukkaṭaṃ; ekaṃ piṇḍaṃ anāgate āpatti thullaccayassa; tasmiṃ piṇḍe āgate āpatti saṅghādisesassa; bhikkhu kappiyasaññī vikāle bhojanaṃ bhuñjati, āpatti pācittiyassa; bhikkhu kappiyasaññī aññātikāya bhikkhuniyā antaragharaṃ paviṭṭhāya hatthato khādanīyaṃ vā bhojanīyaṃ vā sahatthā paṭiggahetvā bhuñjati, āpatti pāṭidesanīyassa – paṭhamena āpattisamuṭṭhānena imā pañca āpattiyo āpajjati.
ਤਾ ਆਪਤ੍ਤਿਯੋ ਚਤੁਨ੍ਨਂ વਿਪਤ੍ਤੀਨਂ ਕਤਿ વਿਪਤ੍ਤਿਯੋ ਭਜਨ੍ਤਿ? ਸਤ੍ਤਨ੍ਨਂ ਆਪਤ੍ਤਿਕ੍ਖਨ੍ਧਾਨਂ ਕਤਿਹਿ ਆਪਤ੍ਤਿਕ੍ਖਨ੍ਧੇਹਿ ਸਙ੍ਗਹਿਤਾ? ਛਨ੍ਨਂ ਆਪਤ੍ਤਿਸਮੁਟ੍ਠਾਨਾਨਂ ਕਤਿਹਿ ਸਮੁਟ੍ਠਾਨੇਹਿ ਸਮੁਟ੍ਠਨ੍ਤਿ? ਚਤੁਨ੍ਨਂ ਅਧਿਕਰਣਾਨਂ ਕਤਮਂ ਅਧਿਕਰਣਂ? ਸਤ੍ਤਨ੍ਨਂ ਸਮਥਾਨਂ ਕਤਿਹਿ ਸਮਥੇਹਿ ਸਮ੍ਮਨ੍ਤਿ? ਤਾ ਆਪਤ੍ਤਿਯੋ ਚਤੁਨ੍ਨਂ વਿਪਤ੍ਤੀਨਂ ਦ੍વੇ વਿਪਤ੍ਤਿਯੋ ਭਜਨ੍ਤਿ – ਸਿਯਾ ਸੀਲવਿਪਤ੍ਤਿਂ, ਸਿਯਾ ਆਚਾਰવਿਪਤ੍ਤਿਂ। ਸਤ੍ਤਨ੍ਨਂ ਆਪਤ੍ਤਿਕ੍ਖਨ੍ਧਾਨਂ ਪਞ੍ਚਹਿ ਆਪਤ੍ਤਿਕ੍ਖਨ੍ਧੇਹਿ ਸਙ੍ਗਹਿਤਾ – ਸਿਯਾ ਸਙ੍ਘਾਦਿਸੇਸਾਪਤ੍ਤਿਕ੍ਖਨ੍ਧੇਨ, ਸਿਯਾ ਥੁਲ੍ਲਚ੍ਚਯਾਪਤ੍ਤਿਕ੍ਖਨ੍ਧੇਨ, ਸਿਯਾ ਪਾਚਿਤ੍ਤਿਯਾਪਤ੍ਤਿਕ੍ਖਨ੍ਧੇਨ, ਸਿਯਾ ਪਾਟਿਦੇਸਨੀਯਾਪਤ੍ਤਿਕ੍ਖਨ੍ਧੇਨ, ਸਿਯਾ ਦੁਕ੍ਕਟਾਪਤ੍ਤਿਕ੍ਖਨ੍ਧੇਨ। ਛਨ੍ਨਂ ਆਪਤ੍ਤਿਸਮੁਟ੍ਠਾਨਾਨਂ ਏਕੇਨ ਸਮੁਟ੍ਠਾਨੇਨ ਸਮੁਟ੍ਠਨ੍ਤਿ – ਕਾਯਤੋ ਸਮੁਟ੍ਠਨ੍ਤਿ, ਨ વਾਚਤੋ ਨ ਚਿਤ੍ਤਤੋ। ਚਤੁਨ੍ਨਂ ਅਧਿਕਰਣਾਨਂ ਆਪਤ੍ਤਾਧਿਕਰਣਂ । ਸਤ੍ਤਨ੍ਨਂ ਸਮਥਾਨਂ ਤੀਹਿ ਸਮਥੇਹਿ ਸਮ੍ਮਨ੍ਤਿ – ਸਿਯਾ ਸਮ੍ਮੁਖਾવਿਨਯੇਨ ਚ ਪਟਿਞ੍ਞਾਤਕਰਣੇਨ ਚ, ਸਿਯਾ ਸਮ੍ਮੁਖਾવਿਨਯੇਨ ਚ ਤਿਣવਤ੍ਥਾਰਕੇਨ ਚ।
Tā āpattiyo catunnaṃ vipattīnaṃ kati vipattiyo bhajanti? Sattannaṃ āpattikkhandhānaṃ katihi āpattikkhandhehi saṅgahitā? Channaṃ āpattisamuṭṭhānānaṃ katihi samuṭṭhānehi samuṭṭhanti? Catunnaṃ adhikaraṇānaṃ katamaṃ adhikaraṇaṃ? Sattannaṃ samathānaṃ katihi samathehi sammanti? Tā āpattiyo catunnaṃ vipattīnaṃ dve vipattiyo bhajanti – siyā sīlavipattiṃ, siyā ācāravipattiṃ. Sattannaṃ āpattikkhandhānaṃ pañcahi āpattikkhandhehi saṅgahitā – siyā saṅghādisesāpattikkhandhena, siyā thullaccayāpattikkhandhena, siyā pācittiyāpattikkhandhena, siyā pāṭidesanīyāpattikkhandhena, siyā dukkaṭāpattikkhandhena. Channaṃ āpattisamuṭṭhānānaṃ ekena samuṭṭhānena samuṭṭhanti – kāyato samuṭṭhanti, na vācato na cittato. Catunnaṃ adhikaraṇānaṃ āpattādhikaraṇaṃ . Sattannaṃ samathānaṃ tīhi samathehi sammanti – siyā sammukhāvinayena ca paṭiññātakaraṇena ca, siyā sammukhāvinayena ca tiṇavatthārakena ca.
੨੭੮. ਦੁਤਿਯੇਨ ਆਪਤ੍ਤਿਸਮੁਟ੍ਠਾਨੇਨ ਕਤਿ ਆਪਤ੍ਤਿਯੋ ਆਪਜ੍ਜਤਿ? ਦੁਤਿਯੇਨ ਆਪਤ੍ਤਿਸਮੁਟ੍ਠਾਨੇਨ ਚਤਸ੍ਸੋ ਆਪਤ੍ਤਿਯੋ ਆਪਜ੍ਜਤਿ – ਭਿਕ੍ਖੁ ਕਪ੍ਪਿਯਸਞ੍ਞੀ ਸਮਾਦਿਸਤਿ – ‘‘ਕੁਟਿਂ ਮੇ ਕਰੋਥਾ’’ਤਿ। ਤਸ੍ਸ ਕੁਟਿਂ ਕਰੋਨ੍ਤਿ ਅਦੇਸਿਤવਤ੍ਥੁਕਂ ਪਮਾਣਾਤਿਕ੍ਕਨ੍ਤਂ ਸਾਰਮ੍ਭਂ ਅਪਰਿਕ੍ਕਮਨਂ। ਪਯੋਗੇ ਦੁਕ੍ਕਟਂ; ਏਕਂ ਪਿਣ੍ਡਂ ਅਨਾਗਤੇ ਆਪਤ੍ਤਿ ਥੁਲ੍ਲਚ੍ਚਯਸ੍ਸ; ਤਸ੍ਮਿਂ ਪਿਣ੍ਡੇ ਆਗਤੇ ਆਪਤ੍ਤਿ ਸਙ੍ਘਾਦਿਸੇਸਸ੍ਸ। ਭਿਕ੍ਖੁ ਕਪ੍ਪਿਯਸਞ੍ਞੀ ਅਨੁਪਸਮ੍ਪਨ੍ਨਂ ਪਦਸੋ ਧਮ੍ਮਂ વਾਚੇਤਿ, ਆਪਤ੍ਤਿ ਪਾਚਿਤ੍ਤਿਯਸ੍ਸ – ਦੁਤਿਯੇਨ ਆਪਤ੍ਤਿਸਮੁਟ੍ਠਾਨੇਨ ਇਮਾ ਚਤਸ੍ਸੋ ਆਪਤ੍ਤਿਯੋ ਆਪਜ੍ਜਤਿ।
278. Dutiyena āpattisamuṭṭhānena kati āpattiyo āpajjati? Dutiyena āpattisamuṭṭhānena catasso āpattiyo āpajjati – bhikkhu kappiyasaññī samādisati – ‘‘kuṭiṃ me karothā’’ti. Tassa kuṭiṃ karonti adesitavatthukaṃ pamāṇātikkantaṃ sārambhaṃ aparikkamanaṃ. Payoge dukkaṭaṃ; ekaṃ piṇḍaṃ anāgate āpatti thullaccayassa; tasmiṃ piṇḍe āgate āpatti saṅghādisesassa. Bhikkhu kappiyasaññī anupasampannaṃ padaso dhammaṃ vāceti, āpatti pācittiyassa – dutiyena āpattisamuṭṭhānena imā catasso āpattiyo āpajjati.
ਤਾ ਆਪਤ੍ਤਿਯੋ ਚਤੁਨ੍ਨਂ વਿਪਤ੍ਤੀਨਂ ਕਤਿ વਿਪਤ੍ਤਿਯੋ ਭਜਨ੍ਤਿ…ਪੇ॰… ਸਤ੍ਤਨ੍ਨਂ ਸਮਥਾਨਂ ਕਤਿਹਿ ਸਮਥੇਹਿ ਸਮ੍ਮਨ੍ਤਿ? ਤਾ ਆਪਤ੍ਤਿਯੋ ਚਤੁਨ੍ਨਂ વਿਪਤ੍ਤੀਨਂ ਦ੍વੇ વਿਪਤ੍ਤਿਯੋ ਭਜਨ੍ਤਿ – ਸਿਯਾ ਸੀਲવਿਪਤ੍ਤਿਂ, ਸਿਯਾ ਆਚਾਰવਿਪਤ੍ਤਿਂ। ਸਤ੍ਤਨ੍ਨਂ ਆਪਤ੍ਤਿਕ੍ਖਨ੍ਧਾਨਂ ਚਤੂਹਿ ਆਪਤ੍ਤਿਕ੍ਖਨ੍ਧੇਹਿ ਸਙ੍ਗਹਿਤਾ – ਸਿਯਾ ਸਙ੍ਘਾਦਿਸੇਸਾਪਤ੍ਤਿਕ੍ਖਨ੍ਧੇਨ, ਸਿਯਾ ਥੁਲ੍ਲਚ੍ਚਯਾਪਤ੍ਤਿਕ੍ਖਨ੍ਧੇਨ, ਸਿਯਾ ਪਾਚਿਤ੍ਤਿਯਾਪਤ੍ਤਿਕ੍ਖਨ੍ਧੇਨ, ਸਿਯਾ ਦੁਕ੍ਕਟਾਪਤ੍ਤਿਕ੍ਖਨ੍ਧੇਨ। ਛਨ੍ਨਂ ਆਪਤ੍ਤਿਸਮੁਟ੍ਠਾਨਾਨਂ ਏਕੇਨ ਸਮੁਟ੍ਠਾਨੇਨ ਸਮੁਟ੍ਠਨ੍ਤਿ – વਾਚਤੋ ਸਮੁਟ੍ਠਨ੍ਤਿ, ਨ ਕਾਯਤੋ ਨ ਚਿਤ੍ਤਤੋ। ਚਤੁਨ੍ਨਂ ਅਧਿਕਰਣਾਨਂ, ਆਪਤ੍ਤਾਧਿਕਰਣਂ। ਸਤ੍ਤਨ੍ਨਂ ਸਮਥਾਨਂ ਤੀਹਿ ਸਮਥੇਹਿ ਸਮ੍ਮਨ੍ਤਿ – ਸਿਯਾ ਸਮ੍ਮੁਖਾવਿਨਯੇਨ ਚ ਪਟਿਞ੍ਞਾਤਕਰਣੇਨ ਚ, ਸਿਯਾ ਸਮ੍ਮੁਖਾવਿਨਯੇਨ ਚ ਤਿਣવਤ੍ਥਾਰਕੇਨ ਚ।
Tā āpattiyo catunnaṃ vipattīnaṃ kati vipattiyo bhajanti…pe… sattannaṃ samathānaṃ katihi samathehi sammanti? Tā āpattiyo catunnaṃ vipattīnaṃ dve vipattiyo bhajanti – siyā sīlavipattiṃ, siyā ācāravipattiṃ. Sattannaṃ āpattikkhandhānaṃ catūhi āpattikkhandhehi saṅgahitā – siyā saṅghādisesāpattikkhandhena, siyā thullaccayāpattikkhandhena, siyā pācittiyāpattikkhandhena, siyā dukkaṭāpattikkhandhena. Channaṃ āpattisamuṭṭhānānaṃ ekena samuṭṭhānena samuṭṭhanti – vācato samuṭṭhanti, na kāyato na cittato. Catunnaṃ adhikaraṇānaṃ, āpattādhikaraṇaṃ. Sattannaṃ samathānaṃ tīhi samathehi sammanti – siyā sammukhāvinayena ca paṭiññātakaraṇena ca, siyā sammukhāvinayena ca tiṇavatthārakena ca.
੨੭੯. ਤਤਿਯੇਨ ਆਪਤ੍ਤਿਸਮੁਟ੍ਠਾਨੇਨ ਕਤਿ ਆਪਤ੍ਤਿਯੋ ਆਪਜ੍ਜਤਿ? ਤਤਿਯੇਨ ਆਪਤ੍ਤਿਸਮੁਟ੍ਠਾਨੇਨ ਪਞ੍ਚ ਆਪਤ੍ਤਿਯੋ ਆਪਜ੍ਜਤਿ। ਭਿਕ੍ਖੁ ਕਪ੍ਪਿਯਸਞ੍ਞੀ ਸਂવਿਦਹਿਤ੍વਾ ਕੁਟਿਂ ਕਰੋਤਿ ਅਦੇਸਿਤવਤ੍ਥੁਕਂ ਪਮਾਣਾਤਿਕ੍ਕਨ੍ਤਂ ਸਾਰਮ੍ਭਂ ਅਪਰਿਕ੍ਕਮਨਂ। ਪਯੋਗੇ ਦੁਕ੍ਕਟਂ; ਏਕਂ ਪਿਣ੍ਡਂ ਅਨਾਗਤੇ ਆਪਤ੍ਤਿ ਥੁਲ੍ਲਚ੍ਚਯਸ੍ਸ; ਤਸ੍ਮਿਂ ਪਿਣ੍ਡੇ ਆਗਤੇ ਆਪਤ੍ਤਿ ਸਙ੍ਘਾਦਿਸੇਸਸ੍ਸ। ਭਿਕ੍ਖੁ ਕਪ੍ਪਿਯਸਞ੍ਞੀ ਪਣੀਤਭੋਜਨਾਨਿ ਅਤ੍ਤਨੋ ਅਤ੍ਥਾਯ વਿਞ੍ਞਾਪੇਤ੍વਾ ਭੁਞ੍ਜਤਿ, ਆਪਤ੍ਤਿ ਪਾਚਿਤ੍ਤਿਯਸ੍ਸ। ਭਿਕ੍ਖੁ ਕਪ੍ਪਿਯਸਞ੍ਞੀ ਭਿਕ੍ਖੁਨਿਯਾ વੋਸਾਸਨ੍ਤਿਯਾ ਨ ਨਿવਾਰੇਤ੍વਾ ਭੁਞ੍ਜਤਿ, ਆਪਤ੍ਤਿ ਪਾਟਿਦੇਸਨੀਯਸ੍ਸ – ਤਤਿਯੇਨ ਆਪਤ੍ਤਿਸਮੁਟ੍ਠਾਨੇਨ ਇਮਾ ਪਞ੍ਚ ਆਪਤ੍ਤਿਯੋ ਆਪਜ੍ਜਤਿ।
279. Tatiyena āpattisamuṭṭhānena kati āpattiyo āpajjati? Tatiyena āpattisamuṭṭhānena pañca āpattiyo āpajjati. Bhikkhu kappiyasaññī saṃvidahitvā kuṭiṃ karoti adesitavatthukaṃ pamāṇātikkantaṃ sārambhaṃ aparikkamanaṃ. Payoge dukkaṭaṃ; ekaṃ piṇḍaṃ anāgate āpatti thullaccayassa; tasmiṃ piṇḍe āgate āpatti saṅghādisesassa. Bhikkhu kappiyasaññī paṇītabhojanāni attano atthāya viññāpetvā bhuñjati, āpatti pācittiyassa. Bhikkhu kappiyasaññī bhikkhuniyā vosāsantiyā na nivāretvā bhuñjati, āpatti pāṭidesanīyassa – tatiyena āpattisamuṭṭhānena imā pañca āpattiyo āpajjati.
ਤਾ ਆਪਤ੍ਤਿਯੋ ਚਤੁਨ੍ਨਂ વਿਪਤ੍ਤੀਨਂ ਕਤਿ વਿਪਤ੍ਤਿਯੋ ਭਜਨ੍ਤਿ…ਪੇ॰… ਸਤ੍ਤਨ੍ਨਂ ਸਮਥਾਨਂ ਕਤਿਹਿ ਸਮਥੇਹਿ ਸਮ੍ਮਨ੍ਤਿ? ਤਾ ਆਪਤ੍ਤਿਯੋ ਚਤੁਨ੍ਨਂ વਿਪਤ੍ਤੀਨਂ ਦ੍વੇ વਿਪਤ੍ਤਿਯੋ ਭਜਨ੍ਤਿ – ਸਿਯਾ ਸੀਲવਿਪਤ੍ਤਿਂ, ਸਿਯਾ ਆਚਾਰવਿਪਤ੍ਤਿਂ। ਸਤ੍ਤਨ੍ਨਂ ਆਪਤ੍ਤਿਕ੍ਖਨ੍ਧਾਨਂ ਪਞ੍ਚਹਿ ਆਪਤ੍ਤਿਕ੍ਖਨ੍ਧੇਹਿ ਸਙ੍ਗਹਿਤਾ – ਸਿਯਾ ਸਙ੍ਘਾਦਿਸੇਸਾਪਤ੍ਤਿਕ੍ਖਨ੍ਧੇਨ, ਸਿਯਾ ਥੁਲ੍ਲਚ੍ਚਯਾਪਤ੍ਤਿਕ੍ਖਨ੍ਧੇਨ, ਸਿਯਾ ਪਾਚਿਤ੍ਤਿਯਾਪਤ੍ਤਿਕ੍ਖਨ੍ਧੇਨ, ਸਿਯਾ ਪਾਟਿਦੇਸਨੀਯਾਪਤ੍ਤਿਕ੍ਖਨ੍ਧੇਨ, ਸਿਯਾ ਦੁਕ੍ਕਟਾਪਤ੍ਤਿਕ੍ਖਨ੍ਧੇਨ। ਛਨ੍ਨਂ ਆਪਤ੍ਤਿਸਮੁਟ੍ਠਾਨਾਨਂ ਏਕੇਨ ਸਮੁਟ੍ਠਾਨੇਨ ਸਮੁਟ੍ਠਨ੍ਤਿ – ਕਾਯਤੋ ਚ વਾਚਤੋ ਚ ਸਮੁਟ੍ਠਨ੍ਤਿ, ਨ ਚਿਤ੍ਤਤੋ। ਚਤੁਨ੍ਨਂ ਅਧਿਕਰਣਾਨਂ, ਆਪਤ੍ਤਾਧਿਕਰਣਂ । ਸਤ੍ਤਨ੍ਨਂ ਸਮਥਾਨਂ ਤੀਹਿ ਸਮਥੇਹਿ ਸਮ੍ਮਨ੍ਤਿ – ਸਿਯਾ ਸਮ੍ਮੁਖਾવਿਨਯੇਨ ਚ ਪਟਿਞ੍ਞਾਤਕਰਣੇਨ ਚ, ਸਿਯਾ ਸਮ੍ਮੁਖਾવਿਨਯੇਨ ਚ ਤਿਣવਤ੍ਥਾਰਕੇਨ ਚ।
Tā āpattiyo catunnaṃ vipattīnaṃ kati vipattiyo bhajanti…pe… sattannaṃ samathānaṃ katihi samathehi sammanti? Tā āpattiyo catunnaṃ vipattīnaṃ dve vipattiyo bhajanti – siyā sīlavipattiṃ, siyā ācāravipattiṃ. Sattannaṃ āpattikkhandhānaṃ pañcahi āpattikkhandhehi saṅgahitā – siyā saṅghādisesāpattikkhandhena, siyā thullaccayāpattikkhandhena, siyā pācittiyāpattikkhandhena, siyā pāṭidesanīyāpattikkhandhena, siyā dukkaṭāpattikkhandhena. Channaṃ āpattisamuṭṭhānānaṃ ekena samuṭṭhānena samuṭṭhanti – kāyato ca vācato ca samuṭṭhanti, na cittato. Catunnaṃ adhikaraṇānaṃ, āpattādhikaraṇaṃ . Sattannaṃ samathānaṃ tīhi samathehi sammanti – siyā sammukhāvinayena ca paṭiññātakaraṇena ca, siyā sammukhāvinayena ca tiṇavatthārakena ca.
੨੮੦. ਚਤੁਤ੍ਥੇਨ ਆਪਤ੍ਤਿਸਮੁਟ੍ਠਾਨੇਨ ਕਤਿ ਆਪਤ੍ਤਿਯੋ ਆਪਜ੍ਜਤਿ? ਚਤੁਤ੍ਥੇਨ ਆਪਤ੍ਤਿਸਮੁਟ੍ਠਾਨੇਨ ਛ ਆਪਤ੍ਤਿਯੋ ਆਪਜ੍ਜਤਿ – ਭਿਕ੍ਖੁ ਮੇਥੁਨਂ ਧਮ੍ਮਂ ਪਟਿਸੇવਤਿ, ਆਪਤ੍ਤਿ ਪਾਰਾਜਿਕਸ੍ਸ; ਭਿਕ੍ਖੁ ਅਕਪ੍ਪਿਯਸਞ੍ਞੀ ਸਞ੍ਞਾਚਿਕਾਯ ਕੁਟਿਂ ਕਰੋਤਿ ਅਦੇਸਿਤવਤ੍ਥੁਕਂ ਪਮਾਣਾਤਿਕ੍ਕਨ੍ਤਂ ਸਾਰਮ੍ਭਂ ਅਪਰਿਕ੍ਕਮਨਂ, ਪਯੋਗੇ ਦੁਕ੍ਕਟਂ; ਏਕਂ ਪਿਣ੍ਡਂ ਅਨਾਗਤੇ ਆਪਤ੍ਤਿ ਥੁਲ੍ਲਚ੍ਚਯਸ੍ਸ; ਤਸ੍ਮਿਂ ਪਿਣ੍ਡੇ ਆਗਤੇ ਆਪਤ੍ਤਿ ਸਙ੍ਘਾਦਿਸੇਸਸ੍ਸ। ਭਿਕ੍ਖੁ ਅਕਪ੍ਪਿਯਸਞ੍ਞੀ વਿਕਾਲੇ ਭੋਜਨਂ ਭੁਞ੍ਜਤਿ, ਆਪਤ੍ਤਿ ਪਾਚਿਤ੍ਤਿਯਸ੍ਸ। ਭਿਕ੍ਖੁ ਅਕਪ੍ਪਿਯਸਞ੍ਞੀ ਅਞ੍ਞਾਤਿਕਾਯ ਭਿਕ੍ਖੁਨਿਯਾ ਅਨ੍ਤਰਘਰਂ ਪવਿਟ੍ਠਾਯ ਹਤ੍ਥਤੋ ਖਾਦਨੀਯਂ વਾ ਭੋਜਨੀਯਂ વਾ ਸਹਤ੍ਥਾ ਪਟਿਗ੍ਗਹੇਤ੍વਾ ਭੁਞ੍ਜਤਿ, ਆਪਤ੍ਤਿ ਪਾਟਿਦੇਸਨੀਯਸ੍ਸ। ਚਤੁਤ੍ਥੇਨ ਆਪਤ੍ਤਿਸਮੁਟ੍ਠਾਨੇਨ ਇਮਾ ਛ ਆਪਤ੍ਤਿਯੋ ਆਪਜ੍ਜਤਿ।
280. Catutthena āpattisamuṭṭhānena kati āpattiyo āpajjati? Catutthena āpattisamuṭṭhānena cha āpattiyo āpajjati – bhikkhu methunaṃ dhammaṃ paṭisevati, āpatti pārājikassa; bhikkhu akappiyasaññī saññācikāya kuṭiṃ karoti adesitavatthukaṃ pamāṇātikkantaṃ sārambhaṃ aparikkamanaṃ, payoge dukkaṭaṃ; ekaṃ piṇḍaṃ anāgate āpatti thullaccayassa; tasmiṃ piṇḍe āgate āpatti saṅghādisesassa. Bhikkhu akappiyasaññī vikāle bhojanaṃ bhuñjati, āpatti pācittiyassa. Bhikkhu akappiyasaññī aññātikāya bhikkhuniyā antaragharaṃ paviṭṭhāya hatthato khādanīyaṃ vā bhojanīyaṃ vā sahatthā paṭiggahetvā bhuñjati, āpatti pāṭidesanīyassa. Catutthena āpattisamuṭṭhānena imā cha āpattiyo āpajjati.
ਤਾ ਆਪਤ੍ਤਿਯੋ ਚਤੁਨ੍ਨਂ વਿਪਤ੍ਤੀਨਂ ਕਤਿ વਿਪਤ੍ਤਿਯੋ ਭਜਨ੍ਤਿ…ਪੇ॰… ਸਤ੍ਤਨ੍ਨਂ ਸਮਥਾਨਂ ਕਤਿਹਿ ਸਮਥੇਹਿ ਸਮ੍ਮਨ੍ਤਿ? ਤਾ ਆਪਤ੍ਤਿਯੋ ਚਤੁਨ੍ਨਂ વਿਪਤ੍ਤੀਨਂ ਦ੍વੇ વਿਪਤ੍ਤਿਯੋ ਭਜਨ੍ਤਿ – ਸਿਯਾ ਸੀਲવਿਪਤ੍ਤਿਂ , ਸਿਯਾ ਆਚਾਰવਿਪਤ੍ਤਿਂ। ਸਤ੍ਤਨ੍ਨਂ ਆਪਤ੍ਤਿਕ੍ਖਨ੍ਧਾਨਂ ਛਹਿ ਆਪਤ੍ਤਿਕ੍ਖਨ੍ਧੇਹਿ ਸਙ੍ਗਹਿਤਾ – ਸਿਯਾ ਪਾਰਾਜਿਕਾਪਤ੍ਤਿਕ੍ਖਨ੍ਧੇਨ, ਸਿਯਾ ਸਙ੍ਘਾਦਿਸੇਸਾਪਤ੍ਤਿਕ੍ਖਨ੍ਧੇਨ, ਸਿਯਾ ਥੁਲ੍ਲਚ੍ਚਯਾਪਤ੍ਤਿਕ੍ਖਨ੍ਧੇਨ, ਸਿਯਾ ਪਾਚਿਤ੍ਤਿਯਾਪਤ੍ਤਿਕ੍ਖਨ੍ਧੇਨ, ਸਿਯਾ ਪਾਟਿਦੇਸਨੀਯਾਪਤ੍ਤਿਕ੍ਖਨ੍ਧੇਨ , ਸਿਯਾ ਦੁਕ੍ਕਟਾਪਤ੍ਤਿਕ੍ਖਨ੍ਧੇਨ। ਛਨ੍ਨਂ ਆਪਤ੍ਤਿਸਮੁਟ੍ਠਾਨਾਨਂ ਏਕੇਨ ਸਮੁਟ੍ਠਾਨੇਨ ਸਮੁਟ੍ਠਨ੍ਤਿ – ਕਾਯਤੋ ਚ ਚਿਤ੍ਤਤੋ ਚ ਸਮੁਟ੍ਠਨ੍ਤਿ, ਨ વਾਚਤੋ। ਚਤੁਨ੍ਨਂ ਅਧਿਕਰਣਾਨਂ, ਆਪਤ੍ਤਾਧਿਕਰਣਂ। ਸਤ੍ਤਨ੍ਨਂ ਸਮਥਾਨਂ ਤੀਹਿ ਸਮਥੇਹਿ ਸਮ੍ਮਨ੍ਤਿ – ਸਿਯਾ ਸਮ੍ਮੁਖਾવਿਨਯੇਨ ਚ ਪਟਿਞ੍ਞਾਤਕਰਣੇਨ ਚ, ਸਿਯਾ ਸਮ੍ਮੁਖਾવਿਨਯੇਨ ਚ ਤਿਣવਤ੍ਥਾਰਕੇਨ ਚ।
Tā āpattiyo catunnaṃ vipattīnaṃ kati vipattiyo bhajanti…pe… sattannaṃ samathānaṃ katihi samathehi sammanti? Tā āpattiyo catunnaṃ vipattīnaṃ dve vipattiyo bhajanti – siyā sīlavipattiṃ , siyā ācāravipattiṃ. Sattannaṃ āpattikkhandhānaṃ chahi āpattikkhandhehi saṅgahitā – siyā pārājikāpattikkhandhena, siyā saṅghādisesāpattikkhandhena, siyā thullaccayāpattikkhandhena, siyā pācittiyāpattikkhandhena, siyā pāṭidesanīyāpattikkhandhena , siyā dukkaṭāpattikkhandhena. Channaṃ āpattisamuṭṭhānānaṃ ekena samuṭṭhānena samuṭṭhanti – kāyato ca cittato ca samuṭṭhanti, na vācato. Catunnaṃ adhikaraṇānaṃ, āpattādhikaraṇaṃ. Sattannaṃ samathānaṃ tīhi samathehi sammanti – siyā sammukhāvinayena ca paṭiññātakaraṇena ca, siyā sammukhāvinayena ca tiṇavatthārakena ca.
੨੮੧. ਪਞ੍ਚਮੇਨ ਆਪਤ੍ਤਿਸਮੁਟ੍ਠਾਨੇਨ ਕਤਿ ਆਪਤ੍ਤਿਯੋ ਆਪਜ੍ਜਤਿ? ਪਞ੍ਚਮੇਨ ਆਪਤ੍ਤਿਸਮੁਟ੍ਠਾਨੇਨ ਛ ਆਪਤ੍ਤਿਯੋ ਆਪਜ੍ਜਤਿ। ਭਿਕ੍ਖੁ ਪਾਪਿਚ੍ਛੋ ਇਚ੍ਛਾਪਕਤੋ ਅਸਨ੍ਤਂ ਅਭੂਤਂ ਉਤ੍ਤਰਿਮਨੁਸ੍ਸਧਮ੍ਮਂ ਉਲ੍ਲਪਤਿ, ਆਪਤ੍ਤਿ ਪਾਰਾਜਿਕਸ੍ਸ; ਭਿਕ੍ਖੁ ਅਕਪ੍ਪਿਯਸਞ੍ਞੀ ਸਮਾਦਿਸਤਿ – ‘‘ਕੁਟਿਂ ਮੇ ਕਰੋਥਾ’’ਤਿ। ਤਸ੍ਸ ਕੁਟਿਂ ਕਰੋਨ੍ਤਿ ਅਦੇਸਿਤવਤ੍ਥੁਕਂ ਪਮਾਣਾਤਿਕ੍ਕਨ੍ਤਂ ਸਾਰਮ੍ਭਂ ਅਪਰਿਕ੍ਕਮਨਂ। ਪਯੋਗੇ ਦੁਕ੍ਕਟਂ; ਏਕਂ ਪਿਣ੍ਡਂ ਅਨਾਗਤੇ ਆਪਤ੍ਤਿ ਥੁਲ੍ਲਚ੍ਚਯਸ੍ਸ; ਤਸ੍ਮਿਂ ਪਿਣ੍ਡੇ ਆਗਤੇ ਆਪਤ੍ਤਿ ਸਙ੍ਘਾਦਿਸੇਸਸ੍ਸ। ਭਿਕ੍ਖੁ ਅਕਪ੍ਪਿਯਸਞ੍ਞੀ ਅਨੁਪਸਮ੍ਪਨ੍ਨਂ ਪਦਸੋ ਧਮ੍ਮਂ વਾਚੇਤਿ, ਆਪਤ੍ਤਿ ਪਾਚਿਤ੍ਤਿਯਸ੍ਸ। ਨ ਖੁਂਸੇਤੁਕਾਮੋ ਨ વਮ੍ਭੇਤੁਕਾਮੋ ਨ ਮਙ੍ਕੁਕਤ੍ਤੁਕਾਮੋ ਦવਕਮ੍ਯਤਾ ਹੀਨੇਨ ਹੀਨਂ વਦੇਤਿ, ਆਪਤ੍ਤਿ ਦੁਬ੍ਭਾਸਿਤਸ੍ਸ – ਪਞ੍ਚਮੇਨ ਆਪਤ੍ਤਿਸਮੁਟ੍ਠਾਨੇਨ ਇਮਾ ਛ ਆਪਤ੍ਤਿਯੋ ਆਪਜ੍ਜਤਿ।
281. Pañcamena āpattisamuṭṭhānena kati āpattiyo āpajjati? Pañcamena āpattisamuṭṭhānena cha āpattiyo āpajjati. Bhikkhu pāpiccho icchāpakato asantaṃ abhūtaṃ uttarimanussadhammaṃ ullapati, āpatti pārājikassa; bhikkhu akappiyasaññī samādisati – ‘‘kuṭiṃ me karothā’’ti. Tassa kuṭiṃ karonti adesitavatthukaṃ pamāṇātikkantaṃ sārambhaṃ aparikkamanaṃ. Payoge dukkaṭaṃ; ekaṃ piṇḍaṃ anāgate āpatti thullaccayassa; tasmiṃ piṇḍe āgate āpatti saṅghādisesassa. Bhikkhu akappiyasaññī anupasampannaṃ padaso dhammaṃ vāceti, āpatti pācittiyassa. Na khuṃsetukāmo na vambhetukāmo na maṅkukattukāmo davakamyatā hīnena hīnaṃ vadeti, āpatti dubbhāsitassa – pañcamena āpattisamuṭṭhānena imā cha āpattiyo āpajjati.
ਤਾ ਆਪਤ੍ਤਿਯੋ ਚਤੁਨ੍ਨਂ વਿਪਤ੍ਤੀਨਂ ਕਤਿ વਿਪਤ੍ਤਿਯੋ ਭਜਨ੍ਤਿ…ਪੇ॰… ਸਤ੍ਤਨ੍ਨਂ ਸਮਥਾਨਂ ਕਤਿਹਿ ਸਮਥੇਹਿ ਸਮ੍ਮਨ੍ਤਿ? ਤਾ ਆਪਤ੍ਤਿਯੋ ਚਤੁਨ੍ਨਂ વਿਪਤ੍ਤੀਨਂ ਦ੍વੇ વਿਪਤ੍ਤਿਯੋ ਭਜਨ੍ਤਿ – ਸਿਯਾ ਸੀਲવਿਪਤ੍ਤਿਂ, ਸਿਯਾ ਆਚਾਰવਿਪਤ੍ਤਿਂ। ਸਤ੍ਤਨ੍ਨਂ ਆਪਤ੍ਤਿਕ੍ਖਨ੍ਧਾਨਂ ਛਹਿ ਆਪਤ੍ਤਿਕ੍ਖਨ੍ਧੇਹਿ ਸਙ੍ਗਹਿਤਾ – ਸਿਯਾ ਪਾਰਾਜਿਕਾਪਤ੍ਤਿਕ੍ਖਨ੍ਧੇਨ, ਸਿਯਾ ਸਙ੍ਘਾਦਿਸੇਸਾਪਤ੍ਤਿਕ੍ਖਨ੍ਧੇਨ, ਸਿਯਾ ਥੁਲ੍ਲਚ੍ਚਯਾਪਤ੍ਤਿਕ੍ਖਨ੍ਧੇਨ, ਸਿਯਾ ਪਾਚਿਤ੍ਤਿਯਾਪਤ੍ਤਿਕ੍ਖਨ੍ਧੇਨ, ਸਿਯਾ ਦੁਕ੍ਕਟਾਪਤ੍ਤਿਕ੍ਖਨ੍ਧੇਨ, ਸਿਯਾ ਦੁਬ੍ਭਾਸਿਤਾਪਤ੍ਤਿਕ੍ਖਨ੍ਧੇਨ। ਛਨ੍ਨਂ ਆਪਤ੍ਤਿਸਮੁਟ੍ਠਾਨਾਨਂ ਏਕੇਨ ਸਮੁਟ੍ਠਾਨੇਨ ਸਮੁਟ੍ਠਨ੍ਤਿ – વਾਚਤੋ ਚ ਚਿਤ੍ਤਤੋ ਚ ਸਮੁਟ੍ਠਨ੍ਤਿ, ਨ ਕਾਯਤੋ। ਚਤੁਨ੍ਨਂ ਅਧਿਕਰਣਾਨਂ, ਆਪਤ੍ਤਾਧਿਕਰਣਂ। ਸਤ੍ਤਨ੍ਨਂ ਸਮਥਾਨਂ ਤੀਹਿ ਸਮਥੇਹਿ ਸਮ੍ਮਨ੍ਤਿ – ਸਿਯਾ ਸਮ੍ਮੁਖਾવਿਨਯੇਨ ਚ ਪਟਿਞ੍ਞਾਤਕਰਣੇਨ ਚ, ਸਿਯਾ ਸਮ੍ਮੁਖਾવਿਨਯੇਨ ਚ ਤਿਣવਤ੍ਥਾਰਕੇਨ ਚ।
Tā āpattiyo catunnaṃ vipattīnaṃ kati vipattiyo bhajanti…pe… sattannaṃ samathānaṃ katihi samathehi sammanti? Tā āpattiyo catunnaṃ vipattīnaṃ dve vipattiyo bhajanti – siyā sīlavipattiṃ, siyā ācāravipattiṃ. Sattannaṃ āpattikkhandhānaṃ chahi āpattikkhandhehi saṅgahitā – siyā pārājikāpattikkhandhena, siyā saṅghādisesāpattikkhandhena, siyā thullaccayāpattikkhandhena, siyā pācittiyāpattikkhandhena, siyā dukkaṭāpattikkhandhena, siyā dubbhāsitāpattikkhandhena. Channaṃ āpattisamuṭṭhānānaṃ ekena samuṭṭhānena samuṭṭhanti – vācato ca cittato ca samuṭṭhanti, na kāyato. Catunnaṃ adhikaraṇānaṃ, āpattādhikaraṇaṃ. Sattannaṃ samathānaṃ tīhi samathehi sammanti – siyā sammukhāvinayena ca paṭiññātakaraṇena ca, siyā sammukhāvinayena ca tiṇavatthārakena ca.
੨੮੨. ਛਟ੍ਠੇਨ ਆਪਤ੍ਤਿਸਮੁਟ੍ਠਾਨੇਨ ਕਤਿ ਆਪਤ੍ਤਿਯੋ ਆਪਜ੍ਜਤਿ? ਛਟ੍ਠੇਨ ਆਪਤ੍ਤਿਸਮੁਟ੍ਠਾਨੇਨ ਛ ਆਪਤ੍ਤਿਯੋ ਆਪਜ੍ਜਤਿ – ਭਿਕ੍ਖੁ ਸਂવਿਦਹਿਤ੍વਾ ਭਣ੍ਡਂ ਅવਹਰਤਿ, ਆਪਤ੍ਤਿ ਪਾਰਾਜਿਕਸ੍ਸ ; ਭਿਕ੍ਖੁ ਅਕਪ੍ਪਿਯਸਞ੍ਞੀ ਸਂવਿਦਹਿਤ੍વਾ ਕੁਟਿਂ ਕਰੋਤਿ ਅਦੇਸਿਤવਤ੍ਥੁਕਂ ਪਮਾਣਾਤਿਕ੍ਕਨ੍ਤਂ ਸਾਰਮ੍ਭਂ ਅਪਰਿਕ੍ਕਮਨਂ, ਪਯੋਗੇ ਦੁਕ੍ਕਟਂ; ਏਕਂ ਪਿਣ੍ਡਂ ਅਨਾਗਤੇ ਆਪਤ੍ਤਿ ਥੁਲ੍ਲਚ੍ਚਯਸ੍ਸ; ਤਸ੍ਮਿਂ ਪਿਣ੍ਡੇ ਆਗਤੇ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ। ਭਿਕ੍ਖੁ ਅਕਪ੍ਪਿਯਸਞ੍ਞੀ ਪਣੀਤਭੋਜਨਾਨਿ ਅਤ੍ਤਨੋ ਅਤ੍ਥਾਯ વਿਞ੍ਞਾਪੇਤ੍વਾ ਭੁਞ੍ਜਤਿ, ਆਪਤ੍ਤਿ ਪਾਚਿਤ੍ਤਿਯਸ੍ਸ। ਭਿਕ੍ਖੁ ਅਕਪ੍ਪਿਯਸਞ੍ਞੀ ਭਿਕ੍ਖੁਨਿਯਾ વੋਸਾਸਨ੍ਤਿਯਾ ਨ ਨਿવਾਰੇਤ੍વਾ ਭੁਞ੍ਜਤਿ, ਆਪਤ੍ਤਿ ਪਾਟਿਦੇਸਨੀਯਸ੍ਸ – ਛਟ੍ਠੇਨ ਆਪਤ੍ਤਿਸਮੁਟ੍ਠਾਨੇਨ ਇਮਾ ਛ ਆਪਤ੍ਤਿਯੋ ਆਪਜ੍ਜਤਿ।
282. Chaṭṭhena āpattisamuṭṭhānena kati āpattiyo āpajjati? Chaṭṭhena āpattisamuṭṭhānena cha āpattiyo āpajjati – bhikkhu saṃvidahitvā bhaṇḍaṃ avaharati, āpatti pārājikassa ; bhikkhu akappiyasaññī saṃvidahitvā kuṭiṃ karoti adesitavatthukaṃ pamāṇātikkantaṃ sārambhaṃ aparikkamanaṃ, payoge dukkaṭaṃ; ekaṃ piṇḍaṃ anāgate āpatti thullaccayassa; tasmiṃ piṇḍe āgate, āpatti saṅghādisesassa. Bhikkhu akappiyasaññī paṇītabhojanāni attano atthāya viññāpetvā bhuñjati, āpatti pācittiyassa. Bhikkhu akappiyasaññī bhikkhuniyā vosāsantiyā na nivāretvā bhuñjati, āpatti pāṭidesanīyassa – chaṭṭhena āpattisamuṭṭhānena imā cha āpattiyo āpajjati.
ਤਾ ਆਪਤ੍ਤਿਯੋ ਚਤੁਨ੍ਨਂ વਿਪਤ੍ਤੀਨਂ ਕਤਿ વਿਪਤ੍ਤਿਯੋ ਭਜਨ੍ਤਿ? ਸਤ੍ਤਨ੍ਨਂ ਆਪਤ੍ਤਿਕ੍ਖਨ੍ਧਾਨਂ ਕਤਿਹਿ ਆਪਤ੍ਤਿਕ੍ਖਨ੍ਧੇਹਿ ਸਙ੍ਗਹਿਤਾ ? ਛਨ੍ਨਂ ਆਪਤ੍ਤਿਸਮੁਟ੍ਠਾਨਾਨਂ ਕਤਿਹਿ ਆਪਤ੍ਤਿਸਮੁਟ੍ਠਾਨੇਹਿ ਸਮੁਟ੍ਠਨ੍ਤਿ? ਚਤੁਨ੍ਨਂ ਅਧਿਕਰਣਾਨਂ ਕਤਮਂ ਅਧਿਕਰਣਂ? ਸਤ੍ਤਨ੍ਨਂ ਸਮਥਾਨਂ ਕਤਿਹਿ ਸਮਥੇਹਿ ਸਮ੍ਮਨ੍ਤਿ? ਤਾ ਆਪਤ੍ਤਿਯੋ ਚਤੁਨ੍ਨਂ વਿਪਤ੍ਤੀਨਂ ਦ੍વੇ વਿਪਤ੍ਤਿਯੋ ਭਜਨ੍ਤਿ – ਸਿਯਾ ਸੀਲવਿਪਤ੍ਤਿਂ, ਸਿਯਾ ਆਚਾਰવਿਪਤ੍ਤਿਂ। ਸਤ੍ਤਨ੍ਨਂ ਆਪਤ੍ਤਿਕ੍ਖਨ੍ਧਾਨਂ ਛਹਿ ਆਪਤ੍ਤਿਕ੍ਖਨ੍ਧੇਹਿ ਸਙ੍ਗਹਿਤਾ – ਸਿਯਾ ਪਾਰਾਜਿਕਾਪਤ੍ਤਿਕ੍ਖਨ੍ਧੇਨ, ਸਿਯਾ ਸਙ੍ਘਾਦਿਸੇਸਾਪਤ੍ਤਿਕ੍ਖਨ੍ਧੇਨ, ਸਿਯਾ ਥੁਲ੍ਲਚ੍ਚਯਾਪਤ੍ਤਿਕ੍ਖਨ੍ਧੇਨ, ਸਿਯਾ ਪਾਚਿਤ੍ਤਿਯਾਪਤ੍ਤਿਕ੍ਖਨ੍ਧੇਨ, ਸਿਯਾ ਪਾਟਿਦੇਸਨੀਯਾਪਤ੍ਤਿਕ੍ਖਨ੍ਧੇਨ, ਸਿਯਾ ਦੁਕ੍ਕਟਾਪਤ੍ਤਿਕ੍ਖਨ੍ਧੇਨ। ਛਨ੍ਨਂ ਆਪਤ੍ਤਿਸਮੁਟ੍ਠਾਨਾਨਂ ਏਕੇਨ ਸਮੁਟ੍ਠਾਨੇਨ ਸਮੁਟ੍ਠਨ੍ਤਿ – ਕਾਯਤੋ ਚ વਾਚਤੋ ਚ ਚਿਤ੍ਤਤੋ ਚ ਸਮੁਟ੍ਠਨ੍ਤਿ। ਚਤੁਨ੍ਨਂ ਅਧਿਕਰਣਾਨਂ, ਆਪਤ੍ਤਾਧਿਕਰਣਂ। ਸਤ੍ਤਨ੍ਨਂ ਸਮਥਾਨਂ ਤੀਹਿ ਸਮਥੇਹਿ ਸਮ੍ਮਨ੍ਤਿ – ਸਿਯਾ ਸਮ੍ਮੁਖਾવਿਨਯੇਨ ਚ ਪਟਿਞ੍ਞਾਤਕਰਣੇਨ ਚ, ਸਿਯਾ ਸਮ੍ਮੁਖਾવਿਨਯੇਨ ਚ ਤਿਣવਤ੍ਥਾਰਕੇਨ ਚਾਤਿ।
Tā āpattiyo catunnaṃ vipattīnaṃ kati vipattiyo bhajanti? Sattannaṃ āpattikkhandhānaṃ katihi āpattikkhandhehi saṅgahitā ? Channaṃ āpattisamuṭṭhānānaṃ katihi āpattisamuṭṭhānehi samuṭṭhanti? Catunnaṃ adhikaraṇānaṃ katamaṃ adhikaraṇaṃ? Sattannaṃ samathānaṃ katihi samathehi sammanti? Tā āpattiyo catunnaṃ vipattīnaṃ dve vipattiyo bhajanti – siyā sīlavipattiṃ, siyā ācāravipattiṃ. Sattannaṃ āpattikkhandhānaṃ chahi āpattikkhandhehi saṅgahitā – siyā pārājikāpattikkhandhena, siyā saṅghādisesāpattikkhandhena, siyā thullaccayāpattikkhandhena, siyā pācittiyāpattikkhandhena, siyā pāṭidesanīyāpattikkhandhena, siyā dukkaṭāpattikkhandhena. Channaṃ āpattisamuṭṭhānānaṃ ekena samuṭṭhānena samuṭṭhanti – kāyato ca vācato ca cittato ca samuṭṭhanti. Catunnaṃ adhikaraṇānaṃ, āpattādhikaraṇaṃ. Sattannaṃ samathānaṃ tīhi samathehi sammanti – siyā sammukhāvinayena ca paṭiññātakaraṇena ca, siyā sammukhāvinayena ca tiṇavatthārakena cāti.
ਛਨ੍ਨਂ ਆਪਤ੍ਤਿਸਮੁਟ੍ਠਾਨਾਨਂ
Channaṃ āpattisamuṭṭhānānaṃ
ਕਤਾਪਤ੍ਤਿવਾਰੋ ਨਿਟ੍ਠਿਤੋ ਦੁਤਿਯੋ।
Katāpattivāro niṭṭhito dutiyo.
Related texts:
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਛਆਪਤ੍ਤਿਸਮੁਟ੍ਠਾਨવਾਰਾਦਿવਣ੍ਣਨਾ • Chaāpattisamuṭṭhānavārādivaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਕਤਾਪਤ੍ਤਿવਾਰવਣ੍ਣਨਾ • Katāpattivāravaṇṇanā
