| Library / Tipiṭaka / തിപിടക • Tipiṭaka / അങ്ഗുത്തരനികായ • Aṅguttaranikāya |
൭. കഥാസുത്തം
7. Kathāsuttaṃ
൯൭. ‘‘പഞ്ചഹി , ഭിക്ഖവേ, ധമ്മേഹി സമന്നാഗതോ ഭിക്ഖു ആനാപാനസ്സതിം ഭാവേന്തോ നചിരസ്സേവ അകുപ്പം പടിവിജ്ഝതി. കതമേഹി പഞ്ചഹി? ഇധ, ഭിക്ഖവേ, ഭിക്ഖു അപ്പട്ഠോ ഹോതി അപ്പകിച്ചോ സുഭരോ സുസന്തോസോ ജീവിതപരിക്ഖാരേസു; അപ്പാഹാരോ ഹോതി അനോദരികത്തം അനുയുത്തോ; അപ്പമിദ്ധോ ഹോതി ജാഗരിയം അനുയുത്തോ; യായം കഥാ ആഭിസല്ലേഖികാ ചേതോവിവരണസപ്പായാ, സേയ്യഥിദം – അപ്പിച്ഛകഥാ…പേ॰… വിമുത്തിഞാണദസ്സനകഥാ, ഏവരൂപിയാ കഥായ നികാമലാഭീ ഹോതി അകിച്ഛലാഭീ അകസിരലാഭീ; യഥാവിമുത്തം ചിത്തം പച്ചവേക്ഖതി. ഇമേഹി ഖോ, ഭിക്ഖവേ, പഞ്ചഹി ധമ്മേഹി സമന്നാഗതോ ഭിക്ഖു ആനാപാനസ്സതിം ഭാവേന്തോ നചിരസ്സേവ അകുപ്പം പടിവിജ്ഝതീ’’തി. സത്തമം.
97. ‘‘Pañcahi , bhikkhave, dhammehi samannāgato bhikkhu ānāpānassatiṃ bhāvento nacirasseva akuppaṃ paṭivijjhati. Katamehi pañcahi? Idha, bhikkhave, bhikkhu appaṭṭho hoti appakicco subharo susantoso jīvitaparikkhāresu; appāhāro hoti anodarikattaṃ anuyutto; appamiddho hoti jāgariyaṃ anuyutto; yāyaṃ kathā ābhisallekhikā cetovivaraṇasappāyā, seyyathidaṃ – appicchakathā…pe… vimuttiñāṇadassanakathā, evarūpiyā kathāya nikāmalābhī hoti akicchalābhī akasiralābhī; yathāvimuttaṃ cittaṃ paccavekkhati. Imehi kho, bhikkhave, pañcahi dhammehi samannāgato bhikkhu ānāpānassatiṃ bhāvento nacirasseva akuppaṃ paṭivijjhatī’’ti. Sattamaṃ.
Related texts:
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / അങ്ഗുത്തരനികായ (ടീകാ) • Aṅguttaranikāya (ṭīkā) / ൧-൧൦. പഠമസമ്പദാസുത്താദിവണ്ണനാ • 1-10. Paṭhamasampadāsuttādivaṇṇanā
