| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
9-10. гат̇аавад̇т̇усуд̇д̇ад̣̇ваяаван̣н̣анаа
9-10. Kathāvatthusuttadvayavaṇṇanā
69-70. навамз д̇иражчаанагат̇анд̇и анияяаанигад̇д̇аа саг̇г̇амогкамаг̇г̇аанам̣ д̇иражчаанабхууд̇ам̣ гат̇ам̣. д̇ад̇т̇а рааж̇аанам̣ аараб̣бха ‘‘махаасаммад̇о манд̇хаад̇аа д̇хаммаасого звам̣махаанубхааво’’д̇иаад̣̇инаа наязна бавад̇д̇агат̇аа рааж̇агат̇аа. зса наяо жорагат̇аад̣̇ийсу. д̇зсу ‘‘асуго рааж̇аа абхируубо д̣̇ассанийяо’’д̇иаад̣̇инаа г̇зхасид̇агат̇аава д̇иражчаанагат̇аа ход̇и, ‘‘соби наама звам̣махаанубхааво каяам̣ г̇ад̇о’’д̇и звам̣ бавад̇д̇аа бана гаммадтаанабхаавз д̇идтад̇и. жорзсуби ‘‘муулад̣̇зво звам̣махаанубхааво, мзгхад̣̇зво звам̣махаанубхааво’’д̇и д̇зсам̣ гаммам̣ бадижжа ‘‘ахо суураа’’д̇и г̇зхасид̇агат̇аава д̇иражчаанагат̇аа. яуд̣̇д̇хзсуби бхаарад̇аяуд̣̇д̇хаад̣̇ийсу ‘‘асугзна асуго звам̣ маарид̇о звам̣ вид̣̇д̇хо’’д̇и гаммассаад̣̇авасзнзва гат̇аа д̇иражчаанагат̇аа, ‘‘д̇зби наама каяам̣ г̇ад̇аа’’д̇и звам̣ бавад̇д̇аа бана саб̣б̣ад̇т̇а гаммадтаанамзва ход̇и. абижа аннаад̣̇ийсу ‘‘звам̣ ван̣н̣аванд̇ам̣ расаванд̇ам̣ пассасамбаннам̣ каад̣̇имха бхун̃ж̇имха бивимха барибхун̃ж̇имхаа’’д̇и гаамарасассаад̣̇авасзна гат̇зд̇ум̣ на ваддад̇и, саад̇т̇агам̣ бана гад̇ваа ‘‘буб̣б̣з звам̣ ван̣н̣аад̣̇исамбаннам̣ аннам̣ баанам̣ вад̇т̇ам̣ яаанам̣ маалам̣ г̇анд̇хам̣ сийлаванд̇аанам̣ ад̣̇амха, жзд̇ияам̣ бууж̇имхаа’’д̇и гат̇зд̇ум̣ ваддад̇и.
69-70. Navame tiracchānakathanti aniyyānikattā saggamokkhamaggānaṃ tiracchānabhūtaṃ kathaṃ. Tattha rājānaṃ ārabbha ‘‘mahāsammato mandhātā dhammāsoko evaṃmahānubhāvo’’tiādinā nayena pavattakathā rājakathā. Esa nayo corakathādīsu. Tesu ‘‘asuko rājā abhirūpo dassanīyo’’tiādinā gehasitakathāva tiracchānakathā hoti, ‘‘sopi nāma evaṃmahānubhāvo khayaṃ gato’’ti evaṃ pavattā pana kammaṭṭhānabhāve tiṭṭhati. Coresupi ‘‘mūladevo evaṃmahānubhāvo, meghadevo evaṃmahānubhāvo’’ti tesaṃ kammaṃ paṭicca ‘‘aho sūrā’’ti gehasitakathāva tiracchānakathā. Yuddhesupi bhāratayuddhādīsu ‘‘asukena asuko evaṃ mārito evaṃ viddho’’ti kammassādavaseneva kathā tiracchānakathā, ‘‘tepi nāma khayaṃ gatā’’ti evaṃ pavattā pana sabbattha kammaṭṭhānameva hoti. Apica annādīsu ‘‘evaṃ vaṇṇavantaṃ rasavantaṃ phassasampannaṃ khādimha bhuñjimha pivimha paribhuñjimhā’’ti kāmarasassādavasena kathetuṃ na vaṭṭati, sātthakaṃ pana katvā ‘‘pubbe evaṃ vaṇṇādisampannaṃ annaṃ pānaṃ vatthaṃ yānaṃ mālaṃ gandhaṃ sīlavantānaṃ adamha, cetiyaṃ pūjimhā’’ti kathetuṃ vaṭṭati.
н̃аад̇игат̇аад̣̇ийсуби ‘‘амхаагам̣ н̃аад̇агаа суураа самад̇т̇аа’’д̇и ваа ‘‘буб̣б̣з маяам̣ звам̣ вижид̇рзхи яаанзхи вижаримхаа’’д̇и ваа ассаад̣̇авасзна вад̇д̇ум̣ на ваддад̇и , саад̇т̇агам̣ бана гад̇ваа ‘‘д̇зби но н̃аад̇агаа каяам̣ г̇ад̇аа’’д̇и ваа ‘‘буб̣б̣з маяам̣ зваруубаа убааханаа сан̇гхасса ад̣̇амхаа’’д̇и ваа гат̇зд̇аб̣б̣ам̣. г̇аамагат̇ааби сунивидтад̣̇уннивидтасубхигкад̣̇уб̣бхигкаад̣̇ивасзна ваа ‘‘асугаг̇аамаваасино суураа самад̇т̇аа’’д̇и ваа звам̣ ассаад̣̇авасзнзва на ваддад̇и, саад̇т̇агам̣ бана гад̇ваа ‘‘сад̣̇д̇хаа басаннаа’’д̇и ваа ‘‘каяаваяам̣ г̇ад̇аа’’д̇и ваа вад̇д̇ум̣ ваддад̇и. ниг̇аманаг̇араж̇анабад̣̇агат̇аасуби зсзва наяо.
Ñātikathādīsupi ‘‘amhākaṃ ñātakā sūrā samatthā’’ti vā ‘‘pubbe mayaṃ evaṃ vicitrehi yānehi vicarimhā’’ti vā assādavasena vattuṃ na vaṭṭati , sātthakaṃ pana katvā ‘‘tepi no ñātakā khayaṃ gatā’’ti vā ‘‘pubbe mayaṃ evarūpā upāhanā saṅghassa adamhā’’ti vā kathetabbaṃ. Gāmakathāpi suniviṭṭhadunniviṭṭhasubhikkhadubbhikkhādivasena vā ‘‘asukagāmavāsino sūrā samatthā’’ti vā evaṃ assādavaseneva na vaṭṭati, sātthakaṃ pana katvā ‘‘saddhā pasannā’’ti vā ‘‘khayavayaṃ gatā’’ti vā vattuṃ vaṭṭati. Nigamanagarajanapadakathāsupi eseva nayo.
ид̇т̇игат̇ааби ван̣н̣асан̣таанаад̣̇ийни бадижжа ассаад̣̇авасзна на ваддад̇и, ‘‘сад̣̇д̇хаа басаннаа каяам̣ г̇ад̇аа’’д̇и звамзва ваддад̇и. суурагат̇ааби ‘‘нанд̣̇имид̇д̇о наама яод̇хо сууро ахосий’’д̇и ассаад̣̇авасзнзва на ваддад̇и, ‘‘сад̣̇д̇хо ахоси каяам̣ г̇ад̇о’’д̇и звамзва ваддад̇и. сураагат̇анд̇и баал̣ияам̣ бана анзгавид̇хам̣ маж̇ж̇агат̇ам̣ ассаад̣̇авасзна гат̇зд̇ум̣ на ваддад̇и, аад̣̇ийнававасзнзва вад̇д̇ум̣ ваддад̇и. висикаагат̇ааби ‘‘асугависикаа сунивидтаа д̣̇уннивидтаа суураа самад̇т̇аа’’д̇и ассаад̣̇авасзнзва на ваддад̇и, ‘‘сад̣̇д̇хаа басаннаа каяам̣ г̇ад̇аа’’д̇и ваддад̇и. гумбхадтаанагат̇аа наама гуудадтаанагат̇аа уд̣̇агад̇ид̇т̇агат̇аа вужжад̇и (д̣̇ий. ни. адта. 1.17; ма. ни. адта. 2.223; сам̣. ни. адта. 3.5.1080). гумбхад̣̇аасигат̇аа ваа. сааби ‘‘баасаад̣̇игаа нажжид̇ум̣ г̇ааяид̇ум̣ чзгаа’’д̇и ассаад̣̇авасзна на ваддад̇и, ‘‘сад̣̇д̇хаа басаннаа’’д̇иаад̣̇инаа наязнзва ваддад̇и.
Itthikathāpi vaṇṇasaṇṭhānādīni paṭicca assādavasena na vaṭṭati, ‘‘saddhā pasannā khayaṃ gatā’’ti evameva vaṭṭati. Sūrakathāpi ‘‘nandimitto nāma yodho sūro ahosī’’ti assādavaseneva na vaṭṭati, ‘‘saddho ahosi khayaṃ gato’’ti evameva vaṭṭati. Surākathanti pāḷiyaṃ pana anekavidhaṃ majjakathaṃ assādavasena kathetuṃ na vaṭṭati, ādīnavavaseneva vattuṃ vaṭṭati. Visikhākathāpi ‘‘asukavisikhā suniviṭṭhā dunniviṭṭhā sūrā samatthā’’ti assādavaseneva na vaṭṭati, ‘‘saddhā pasannā khayaṃ gatā’’ti vaṭṭati. Kumbhaṭṭhānakathā nāma kūṭaṭṭhānakathā udakatitthakathā vuccati (dī. ni. aṭṭha. 1.17; ma. ni. aṭṭha. 2.223; saṃ. ni. aṭṭha. 3.5.1080). Kumbhadāsikathā vā. Sāpi ‘‘pāsādikā naccituṃ gāyituṃ chekā’’ti assādavasena na vaṭṭati, ‘‘saddhā pasannā’’tiādinā nayeneva vaṭṭati.
буб̣б̣абзд̇агат̇аа наама ад̇ийд̇ан̃аад̇игат̇аа. д̇ад̇т̇а вад̇д̇амаанан̃аад̇игат̇аасад̣̇исова винижчаяо. наанад̇д̇агат̇аа наама буримабажчимагат̇аавимуд̇д̇аа авасзсаа наанаасабхааваа д̇иражчаанагат̇аа. логагкааяигаа наама ‘‘аяам̣ лого гзна ниммид̇о? асугзна наама ниммид̇о. гааго сзд̇о адтийнам̣ сзд̇ад̇д̇аа, б̣алаагаа рад̇д̇аа лохид̇асса рад̇д̇ад̇д̇аа’’д̇извамаад̣̇игаа логааяад̇авид̇ан̣д̣асаллаабагат̇аа. самуд̣̇д̣̇агкааяигаа наама гасмаа самуд̣̇д̣̇о сааг̇арод̇и. сааг̇арад̣̇звзна кад̇ад̇д̇аа сааг̇аро, кад̇о мзд̇и хад̇т̇амуд̣̇д̣̇ааяа нивзд̣̇ид̇ад̇д̇аа самуд̣̇д̣̇од̇извамаад̣̇игаа нирад̇т̇агаа самуд̣̇д̣̇агкааяанагат̇аа. бхавод̇и вуд̣̇д̇хи, абхавод̇и хаани. ид̇и бхаво ид̇и абхавод̇и яам̣ ваа д̇ам̣ ваа нирад̇т̇агагааран̣ам̣ вад̇ваа бавад̇д̇ид̇агат̇аа ид̇ибхаваабхавагат̇аа наама.
Pubbapetakathā nāma atītañātikathā. Tattha vattamānañātikathāsadisova vinicchayo. Nānattakathā nāma purimapacchimakathāvimuttā avasesā nānāsabhāvā tiracchānakathā. Lokakkhāyikā nāma ‘‘ayaṃ loko kena nimmito? Asukena nāma nimmito. Kāko seto aṭṭhīnaṃ setattā, balākā rattā lohitassa rattattā’’tievamādikā lokāyatavitaṇḍasallāpakathā. Samuddakkhāyikā nāma kasmā samuddo sāgaroti. Sāgaradevena khatattā sāgaro, khato meti hatthamuddāya niveditattā samuddotievamādikā niratthakā samuddakkhāyanakathā. Bhavoti vuddhi, abhavoti hāni. Iti bhavo iti abhavoti yaṃ vā taṃ vā niratthakakāraṇaṃ vatvā pavattitakathā itibhavābhavakathā nāma.
д̇зж̇асаа д̇зж̇анд̇и ад̇д̇ано д̇зж̇асаа д̇зсам̣ д̇зж̇ам̣. барияаад̣̇иязяяаат̇аад̇и кзбзд̇ваа г̇ахзд̇ваа абхибхавзяяаат̇а. д̇ад̇рид̣̇ам̣ вад̇т̇у – зго бин̣д̣абаад̇иго махаат̇зрам̣ бужчи – ‘‘бханд̇з, д̇зж̇асаа д̇зж̇ам̣ барияаад̣̇ияамаанаа бхигкуу гим̣ гаронд̇ий’’д̇и. т̇зро ааха – аавусо, гин̃жид̣̇зва аад̇абз табзд̇ваа яат̇аа чааяаа хздтаа на од̇арад̇и, уд̣̇д̇хам̣язва г̇ажчад̇и д̇ат̇аа гаронд̇и. д̣̇асамз баасам̣саани таанаанийд̇и басам̣саавахаани гааран̣аани. сзсам̣ саб̣б̣ад̇т̇а уд̇д̇аанад̇т̇амзваад̇и.
Tejasā tejanti attano tejasā tesaṃ tejaṃ. Pariyādiyeyyāthāti khepetvā gahetvā abhibhaveyyātha. Tatridaṃ vatthu – eko piṇḍapātiko mahātheraṃ pucchi – ‘‘bhante, tejasā tejaṃ pariyādiyamānā bhikkhū kiṃ karontī’’ti. Thero āha – āvuso, kiñcideva ātape ṭhapetvā yathā chāyā heṭṭhā na otarati, uddhaṃyeva gacchati tathā karonti. Dasame pāsaṃsāni ṭhānānīti pasaṃsāvahāni kāraṇāni. Sesaṃ sabbattha uttānatthamevāti.
яамагаваг̇г̇о д̣̇уд̇ияо.
Yamakavaggo dutiyo.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya
9. батамагат̇аавад̇т̇усуд̇д̇ам̣ • 9. Paṭhamakathāvatthusuttaṃ
10. д̣̇уд̇ияагат̇аавад̇т̇усуд̇д̇ам̣ • 10. Dutiyakathāvatthusuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 9-10. батамагат̇аавад̇т̇усуд̇д̇аад̣̇иван̣н̣анаа • 9-10. Paṭhamakathāvatthusuttādivaṇṇanā
