Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya

    7. гат̇аавад̇т̇усуд̇д̇ам̣

    7. Kathāvatthusuttaṃ

    68. ‘‘д̇ийн̣имаани, бхигкавз, гат̇аавад̇т̇ууни. гад̇амаани д̇ийн̣и? ад̇ийд̇ам̣ ваа, бхигкавз, ад̣̇д̇хаанам̣ аараб̣бха гат̇ам̣ гат̇зяяа – ‘звам̣ ахоси ад̇ийд̇амад̣̇д̇хаана’нд̇и. анааг̇ад̇ам̣ ваа, бхигкавз, ад̣̇д̇хаанам̣ аараб̣бха гат̇ам̣ гат̇зяяа – ‘звам̣ бхависсад̇и анааг̇ад̇амад̣̇д̇хаана’нд̇и. зд̇арахи ваа, бхигкавз, бажжуббаннам̣ ад̣̇д̇хаанам̣ аараб̣бха гат̇ам̣ гат̇зяяа – ‘звам̣ ход̇и зд̇арахи бажжуббаннамад̣̇д̇хаана’’’нд̇и 1.

    68. ‘‘Tīṇimāni, bhikkhave, kathāvatthūni. Katamāni tīṇi? Atītaṃ vā, bhikkhave, addhānaṃ ārabbha kathaṃ katheyya – ‘evaṃ ahosi atītamaddhāna’nti. Anāgataṃ vā, bhikkhave, addhānaṃ ārabbha kathaṃ katheyya – ‘evaṃ bhavissati anāgatamaddhāna’nti. Etarahi vā, bhikkhave, paccuppannaṃ addhānaṃ ārabbha kathaṃ katheyya – ‘evaṃ hoti etarahi paccuppannamaddhāna’’’nti 2.

    ‘‘гат̇аасамбаяог̇зна, бхигкавз, буг̇г̇ало взд̣̇ид̇аб̣б̣о яад̣̇и ваа гажчо яад̣̇и ваа агажчод̇и. сажааяам̣, бхигкавз, буг̇г̇ало бан̃хам̣ будто самаано згам̣саб̣яаагаран̣ийяам̣ бан̃хам̣ на згам̣сзна б̣яаагарод̇и, вибхаж̇ж̇аб̣яаагаран̣ийяам̣ бан̃хам̣ на вибхаж̇ж̇а б̣яаагарод̇и, бадибужчааб̣яаагаран̣ийяам̣ бан̃хам̣ на бадибужчаа б̣яаагарод̇и, табанийяам̣ бан̃хам̣ на табзд̇и 3, звам̣ санд̇ааяам̣, бхигкавз, буг̇г̇ало агажчо ход̇и. сажз банааяам̣, бхигкавз, буг̇г̇ало бан̃хам̣ будто самаано згам̣саб̣яаагаран̣ийяам̣ бан̃хам̣ згам̣сзна б̣яаагарод̇и, вибхаж̇ж̇аб̣яаагаран̣ийяам̣ бан̃хам̣ вибхаж̇ж̇а б̣яаагарод̇и, бадибужчааб̣яаагаран̣ийяам̣ бан̃хам̣ бадибужчаа б̣яаагарод̇и , табанийяам̣ бан̃хам̣ табзд̇и, звам̣ санд̇ааяам̣, бхигкавз, буг̇г̇ало гажчо ход̇и.

    ‘‘Kathāsampayogena, bhikkhave, puggalo veditabbo yadi vā kaccho yadi vā akacchoti. Sacāyaṃ, bhikkhave, puggalo pañhaṃ puṭṭho samāno ekaṃsabyākaraṇīyaṃ pañhaṃ na ekaṃsena byākaroti, vibhajjabyākaraṇīyaṃ pañhaṃ na vibhajja byākaroti, paṭipucchābyākaraṇīyaṃ pañhaṃ na paṭipucchā byākaroti, ṭhapanīyaṃ pañhaṃ na ṭhapeti 4, evaṃ santāyaṃ, bhikkhave, puggalo akaccho hoti. Sace panāyaṃ, bhikkhave, puggalo pañhaṃ puṭṭho samāno ekaṃsabyākaraṇīyaṃ pañhaṃ ekaṃsena byākaroti, vibhajjabyākaraṇīyaṃ pañhaṃ vibhajja byākaroti, paṭipucchābyākaraṇīyaṃ pañhaṃ paṭipucchā byākaroti , ṭhapanīyaṃ pañhaṃ ṭhapeti, evaṃ santāyaṃ, bhikkhave, puggalo kaccho hoti.

    ‘‘гат̇аасамбаяог̇зна, бхигкавз, буг̇г̇ало взд̣̇ид̇аб̣б̣о яад̣̇и ваа гажчо яад̣̇и ваа агажчод̇и. сажааяам̣, бхигкавз, буг̇г̇ало бан̃хам̣ будто самаано таанаатаанз на сан̣таад̇и баригаббз на сан̣таад̇и ан̃н̃аад̇аваад̣̇з 5 на сан̣таад̇и бадибад̣̇ааяа на сан̣таад̇и, звам̣ санд̇ааяам̣, бхигкавз, буг̇г̇ало агажчо ход̇и. сажз банааяам̣, бхигкавз, буг̇г̇ало бан̃хам̣ будто самаано таанаатаанз сан̣таад̇и баригаббз сан̣таад̇и ан̃н̃аад̇аваад̣̇з сан̣таад̇и бадибад̣̇ааяа сан̣таад̇и, звам̣ санд̇ааяам̣, бхигкавз, буг̇г̇ало гажчо ход̇и.

    ‘‘Kathāsampayogena, bhikkhave, puggalo veditabbo yadi vā kaccho yadi vā akacchoti. Sacāyaṃ, bhikkhave, puggalo pañhaṃ puṭṭho samāno ṭhānāṭhāne na saṇṭhāti parikappe na saṇṭhāti aññātavāde 6 na saṇṭhāti paṭipadāya na saṇṭhāti, evaṃ santāyaṃ, bhikkhave, puggalo akaccho hoti. Sace panāyaṃ, bhikkhave, puggalo pañhaṃ puṭṭho samāno ṭhānāṭhāne saṇṭhāti parikappe saṇṭhāti aññātavāde saṇṭhāti paṭipadāya saṇṭhāti, evaṃ santāyaṃ, bhikkhave, puggalo kaccho hoti.

    ‘‘гат̇аасамбаяог̇зна, бхигкавз, буг̇г̇ало взд̣̇ид̇аб̣б̣о яад̣̇и ваа гажчо яад̣̇и ваа агажчод̇и. сажааяам̣, бхигкавз, буг̇г̇ало бан̃хам̣ будто самаано ан̃н̃знан̃н̃ам̣ бадижарад̇и, б̣ахид̣̇д̇хаа гат̇ам̣ абанаамзд̇и, гобан̃жа д̣̇осан̃жа аббажжаяан̃жа баад̇угарод̇и, звам̣ санд̇ааяам̣, бхигкавз, буг̇г̇ало агажчо ход̇и. сажз банааяам̣, бхигкавз, буг̇г̇ало бан̃хам̣ будто самаано на ан̃н̃знан̃н̃ам̣ бадижарад̇и на б̣ахид̣̇д̇хаа гат̇ам̣ абанаамзд̇и, на гобан̃жа д̣̇осан̃жа аббажжаяан̃жа баад̇угарод̇и, звам̣ санд̇ааяам̣, бхигкавз, буг̇г̇ало гажчо ход̇и.

    ‘‘Kathāsampayogena, bhikkhave, puggalo veditabbo yadi vā kaccho yadi vā akacchoti. Sacāyaṃ, bhikkhave, puggalo pañhaṃ puṭṭho samāno aññenaññaṃ paṭicarati, bahiddhā kathaṃ apanāmeti, kopañca dosañca appaccayañca pātukaroti, evaṃ santāyaṃ, bhikkhave, puggalo akaccho hoti. Sace panāyaṃ, bhikkhave, puggalo pañhaṃ puṭṭho samāno na aññenaññaṃ paṭicarati na bahiddhā kathaṃ apanāmeti, na kopañca dosañca appaccayañca pātukaroti, evaṃ santāyaṃ, bhikkhave, puggalo kaccho hoti.

    ‘‘гат̇аасамбаяог̇зна, бхигкавз, буг̇г̇ало взд̣̇ид̇аб̣б̣о яад̣̇и ваа гажчо яад̣̇и ваа агажчод̇и. сажааяам̣, бхигкавз, буг̇г̇ало бан̃хам̣ будто самаано абхихарад̇и абхимад̣̇д̣̇ад̇и анубаж̇аг̇гхад̇и 7 калид̇ам̣ г̇ан̣хаад̇и, звам̣ санд̇ааяам̣, бхигкавз, буг̇г̇ало агажчо ход̇и. сажз банааяам̣, бхигкавз, буг̇г̇ало бан̃хам̣ будто самаано наабхихарад̇и наабхимад̣̇д̣̇ад̇и на анубаж̇аг̇гхад̇и на калид̇ам̣ г̇ан̣хаад̇и, звам̣ санд̇ааяам̣, бхигкавз, буг̇г̇ало гажчо ход̇и.

    ‘‘Kathāsampayogena, bhikkhave, puggalo veditabbo yadi vā kaccho yadi vā akacchoti. Sacāyaṃ, bhikkhave, puggalo pañhaṃ puṭṭho samāno abhiharati abhimaddati anupajagghati 8 khalitaṃ gaṇhāti, evaṃ santāyaṃ, bhikkhave, puggalo akaccho hoti. Sace panāyaṃ, bhikkhave, puggalo pañhaṃ puṭṭho samāno nābhiharati nābhimaddati na anupajagghati na khalitaṃ gaṇhāti, evaṃ santāyaṃ, bhikkhave, puggalo kaccho hoti.

    ‘‘гат̇аасамбаяог̇зна , бхигкавз, буг̇г̇ало взд̣̇ид̇аб̣б̣о яад̣̇и ваа саубанисо яад̣̇и ваа анубанисод̇и. анохид̇асод̇о, бхигкавз, анубанисо ход̇и, охид̇асод̇о саубанисо ход̇и. со саубанисо самаано абхиж̇аанаад̇и згам̣ д̇хаммам̣, бариж̇аанаад̇и згам̣ д̇хаммам̣, баж̇ахад̇и згам̣ д̇хаммам̣, сажчигарод̇и згам̣ д̇хаммам̣. со абхиж̇аананд̇о згам̣ д̇хаммам̣, бариж̇аананд̇о згам̣ д̇хаммам̣, баж̇аханд̇о згам̣ д̇хаммам̣, сажчигаронд̇о згам̣ д̇хаммам̣ саммаавимуд̇д̇им̣ пусад̇и. зд̇ад̣̇ад̇т̇аа, бхигкавз, гат̇аа; зд̇ад̣̇ад̇т̇аа манд̇анаа; зд̇ад̣̇ад̇т̇аа убанисаа; зд̇ад̣̇ад̇т̇ам̣ сод̇аавад̇хаанам̣, яад̣̇ид̣̇ам̣ анубаад̣̇аа жид̇д̇асса вимогкод̇и.

    ‘‘Kathāsampayogena , bhikkhave, puggalo veditabbo yadi vā saupaniso yadi vā anupanisoti. Anohitasoto, bhikkhave, anupaniso hoti, ohitasoto saupaniso hoti. So saupaniso samāno abhijānāti ekaṃ dhammaṃ, parijānāti ekaṃ dhammaṃ, pajahati ekaṃ dhammaṃ, sacchikaroti ekaṃ dhammaṃ. So abhijānanto ekaṃ dhammaṃ, parijānanto ekaṃ dhammaṃ, pajahanto ekaṃ dhammaṃ, sacchikaronto ekaṃ dhammaṃ sammāvimuttiṃ phusati. Etadatthā, bhikkhave, kathā; etadatthā mantanā; etadatthā upanisā; etadatthaṃ sotāvadhānaṃ, yadidaṃ anupādā cittassa vimokkhoti.

    ‘‘яз вируд̣̇д̇хаа саллабанд̇и, винивидтаа самуссид̇аа;

    ‘‘Ye viruddhā sallapanti, viniviṭṭhā samussitā;

    анарияаг̇ун̣амаасаж̇ж̇а, ан̃н̃он̃н̃авиварзсино.

    Anariyaguṇamāsajja, aññoññavivaresino.

    ‘‘д̣̇уб̣бхаасид̇ам̣ вигкалид̇ам̣, самбамохам̣ 9 барааж̇аяам̣;

    ‘‘Dubbhāsitaṃ vikkhalitaṃ, sampamohaṃ 10 parājayaṃ;

    ан̃н̃он̃н̃ассаабхинанд̣̇анд̇и, д̇ад̣̇арияо гат̇анаажарз 11.

    Aññoññassābhinandanti, tadariyo kathanācare 12.

    ‘‘сажз жасса гат̇аагаамо, гааламан̃н̃ааяа бан̣д̣ид̇о;

    ‘‘Sace cassa kathākāmo, kālamaññāya paṇḍito;

    д̇хаммадтабадисам̣яуд̇д̇аа, яаа арияажарид̇аа 13 гат̇аа.

    Dhammaṭṭhapaṭisaṃyuttā, yā ariyacaritā 14 kathā.

    ‘‘д̇ам̣ гат̇ам̣ гат̇аяз д̇хийро, авируд̣̇д̇хо ануссид̇о;

    ‘‘Taṃ kathaṃ kathaye dhīro, aviruddho anussito;

    ануннад̇зна манасаа, абал̣аасо асаахасо.

    Anunnatena manasā, apaḷāso asāhaso.

    ‘‘анусууяааяамаано со, саммад̣̇ан̃н̃ааяа бхаасад̇и;

    ‘‘Anusūyāyamāno so, sammadaññāya bhāsati;

    субхаасид̇ам̣ анумод̣̇зяяа, д̣̇уб̣бхадтз наабасаад̣̇аяз 15.

    Subhāsitaṃ anumodeyya, dubbhaṭṭhe nāpasādaye 16.

    ‘‘убаарамбхам̣ на сигкзяяа, калид̇ан̃жа на г̇аахаяз 17;

    ‘‘Upārambhaṃ na sikkheyya, khalitañca na gāhaye 18;

    наабхихарз наабхимад̣̇д̣̇з, на ваажам̣ баяуд̇ам̣ бхан̣з.

    Nābhihare nābhimadde, na vācaṃ payutaṃ bhaṇe.

    ‘‘ан̃н̃аад̇ад̇т̇ам̣ басаад̣̇ад̇т̇ам̣, сад̇ам̣ вз ход̇и манд̇анаа;

    ‘‘Aññātatthaṃ pasādatthaṃ, sataṃ ve hoti mantanā;

    звам̣ ко арияаа манд̇знд̇и, зсаа арияаана манд̇анаа;

    Evaṃ kho ariyā mantenti, esā ariyāna mantanā;

    зд̇ад̣̇ан̃н̃ааяа мзд̇хаавий, на самуссзяяа манд̇аяз’’д̇и. сад̇д̇амам̣;

    Etadaññāya medhāvī, na samusseyya mantaye’’ti. sattamaṃ;




    Next: 8. ан̃н̃ад̇ид̇т̇ияасуд̇д̇ам̣ • 8. Aññatitthiyasuttaṃ




    Footnotes:
    1. звам̣ зд̇арахи бажжуббаннанд̇и (сий. бий. га.), звам̣ ход̇и зд̇арахи бажжуббаннанд̇и (сяаа. гам̣.)
    2. evaṃ etarahi paccuppannanti (sī. pī. ka.), evaṃ hoti etarahi paccuppannanti (syā. kaṃ.)
    3. т̇абанийяам̣ бан̃хам̣ на т̇абзд̇и (га.)
    4. thapanīyaṃ pañhaṃ na thapeti (ka.)
    5. ан̃н̃аваад̣̇з (сий. сяаа. гам̣. бий.), ан̃н̃аад̇аваарз (га.)
    6. aññavāde (sī. syā. kaṃ. pī.), aññātavāre (ka.)
    7. анусам̣ж̇аг̇гхад̇и (га.)
    8. anusaṃjagghati (ka.)
    9. сасаммохам̣ (га.)
    10. sasammohaṃ (ka.)
    11. д̇ад̣̇арияо на гат̇ам̣ вад̣̇з (га.)
    12. tadariyo na kathaṃ vade (ka.)
    13. арияан̃жарид̇аа (сий.), арияаад̣̇игаа (га.)
    14. ariyañcaritā (sī.), ariyādikā (ka.)
    15. наавасаад̣̇аяз (сий. бий.)
    16. nāvasādaye (sī. pī.)
    17. на бхаасаяз (га.)
    18. na bhāsaye (ka.)



    Related texts:



    адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 7. гат̇аавад̇т̇усуд̇д̇аван̣н̣анаа • 7. Kathāvatthusuttavaṇṇanā

    дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 7. гат̇аавад̇т̇усуд̇д̇аван̣н̣анаа • 7. Kathāvatthusuttavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact