| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
7. гат̇аавад̇т̇усуд̇д̇аван̣н̣анаа
7. Kathāvatthusuttavaṇṇanā
68. сад̇д̇амз гат̇аавад̇т̇уунийд̇и гат̇аагааран̣аани, гат̇ааяа бхуумияо бад̇идтааяод̇и ад̇т̇о. ад̇ийд̇ам̣ ваа, бхигкавз, ад̣̇д̇хаананд̇и ад̇ийд̇амад̣̇д̇хаанам̣ наама гаалоби ваддад̇и канд̇хааби. анааг̇ад̇абажжуббаннзсуби зсзва наяо. д̇ад̇т̇а ад̇ийд̇з гассабо наама саммаасамб̣уд̣̇д̇хо ахоси, д̇асса гигий наама гаасигарааж̇аа аг̇г̇убадтааго ахоси, вийсад̇и вассасахассаани ааяу ахосийд̇и иминаа наязна гат̇знд̇о ад̇ийд̇ам̣ аараб̣бха гат̇ам̣ гат̇зд̇и наама. анааг̇ад̇з мзд̇д̇зяяо наама б̣уд̣̇д̇хо бхависсад̇и, д̇асса сан̇ко наама рааж̇аа аг̇г̇убадтааго бхависсад̇и, асийд̇и вассасахассаани ааяу бхависсад̇ийд̇и иминаа наязна гат̇знд̇о анааг̇ад̇ам̣ аараб̣бха гат̇ам̣ гат̇зд̇и наама. зд̇арахи асуго наама рааж̇аа д̇хаммигод̇и иминаа наязна гат̇знд̇о бажжуббаннам̣ аараб̣бха гат̇ам̣ гат̇зд̇и наама.
68. Sattame kathāvatthūnīti kathākāraṇāni, kathāya bhūmiyo patiṭṭhāyoti attho. Atītaṃ vā, bhikkhave, addhānanti atītamaddhānaṃ nāma kālopi vaṭṭati khandhāpi. Anāgatapaccuppannesupi eseva nayo. Tattha atīte kassapo nāma sammāsambuddho ahosi, tassa kikī nāma kāsikarājā aggupaṭṭhāko ahosi, vīsati vassasahassāni āyu ahosīti iminā nayena kathento atītaṃ ārabbha kathaṃ katheti nāma. Anāgate metteyyo nāma buddho bhavissati, tassa saṅkho nāma rājā aggupaṭṭhāko bhavissati, asīti vassasahassāni āyu bhavissatīti iminā nayena kathento anāgataṃ ārabbha kathaṃ katheti nāma. Etarahi asuko nāma rājā dhammikoti iminā nayena kathento paccuppannaṃ ārabbha kathaṃ katheti nāma.
гат̇аасамбаяог̇знаад̇и гат̇аасамааг̇амзна. гажчод̇и гат̇зд̇ум̣ яуд̇д̇о. агажчод̇и гат̇зд̇ум̣ на яуд̇д̇о. згам̣саб̣яаагаран̣ийяам̣ бан̃ханд̇иаад̣̇ийсу, ‘‘жагку, анижжа’’нд̇и будтзна, ‘‘аама, анижжа’’нд̇и згам̣сзнзва б̣яаагаад̇аб̣б̣ам̣. зсзва наяо сод̇аад̣̇ийсу. аяам̣ згам̣саб̣яаагаран̣ийяо бан̃хо. ‘‘анижжам̣ наама жагкуу’’д̇и будтзна бана ‘‘на жагкумзва, сод̇амби анижжам̣, гхаанамби анижжа’’нд̇и звам̣ вибхаж̇ид̇ваа б̣яаагаад̇аб̣б̣ам̣. аяам̣ вибхаж̇ж̇аб̣яаагаран̣ийяо бан̃хо. ‘‘яат̇аа жагку, д̇ат̇аа сод̇ам̣. яат̇аа сод̇ам̣, д̇ат̇аа жагкуу’’д̇и будтзна ‘‘гзнадтзна бужчасий’’д̇и бадибужчид̇ваа ‘‘д̣̇ассанадтзна бужчаамий’’д̇и вуд̇д̇з ‘‘на хий’’д̇и б̣яаагаад̇аб̣б̣ам̣. ‘‘анижжадтзна бужчаамий’’д̇и вуд̇д̇з, ‘‘аамаа’’д̇и б̣яаагаад̇аб̣б̣ам̣. аяам̣ бадибужчааб̣яаагаран̣ийяо бан̃хо. ‘‘д̇ам̣ ж̇ийвам̣ д̇ам̣ сарийра’’нд̇иаад̣̇ийни будтзна бана ‘‘аб̣яаагад̇амзд̇ам̣ бхаг̇авад̇аа’’д̇и табзд̇аб̣б̣о, зса бан̃хо на б̣яаагаад̇аб̣б̣о. аяам̣ табанийяо бан̃хо.
Kathāsampayogenāti kathāsamāgamena. Kacchoti kathetuṃ yutto. Akacchoti kathetuṃ na yutto. Ekaṃsabyākaraṇīyaṃ pañhantiādīsu, ‘‘cakkhu, anicca’’nti puṭṭhena, ‘‘āma, anicca’’nti ekaṃseneva byākātabbaṃ. Eseva nayo sotādīsu. Ayaṃ ekaṃsabyākaraṇīyo pañho. ‘‘Aniccaṃ nāma cakkhū’’ti puṭṭhena pana ‘‘na cakkhumeva, sotampi aniccaṃ, ghānampi anicca’’nti evaṃ vibhajitvā byākātabbaṃ. Ayaṃ vibhajjabyākaraṇīyo pañho. ‘‘Yathā cakkhu, tathā sotaṃ. Yathā sotaṃ, tathā cakkhū’’ti puṭṭhena ‘‘kenaṭṭhena pucchasī’’ti paṭipucchitvā ‘‘dassanaṭṭhena pucchāmī’’ti vutte ‘‘na hī’’ti byākātabbaṃ. ‘‘Aniccaṭṭhena pucchāmī’’ti vutte, ‘‘āmā’’ti byākātabbaṃ. Ayaṃ paṭipucchābyākaraṇīyo pañho. ‘‘Taṃ jīvaṃ taṃ sarīra’’ntiādīni puṭṭhena pana ‘‘abyākatametaṃ bhagavatā’’ti ṭhapetabbo, esa pañho na byākātabbo. Ayaṃ ṭhapanīyo pañho.
таанаатаанз на сан̣таад̇ийд̇и гааран̣аагааран̣з на сан̣таад̇и. д̇ад̇рааяам̣ наяо – сассад̇аваад̣̇ий яуд̇д̇зна гааран̣зна баход̇и ужчзд̣̇аваад̣̇им̣ ниг̇г̇ахзд̇ум̣, ужчзд̣̇аваад̣̇ий д̇зна ниг̇г̇аяхамаано ‘‘гим̣ банаахам̣ ужчзд̣̇ам̣ вад̣̇аамий’’д̇и сассад̇аваад̣̇ибхаавамзва д̣̇ийбзд̇и, ад̇д̇ано ваад̣̇з бад̇идтаад̇ум̣ на саггод̇и. звам̣ ужчзд̣̇аваад̣̇имхи бахонд̇з сассад̇аваад̣̇ий, буг̇г̇алаваад̣̇имхи бахонд̇з сун̃н̃ад̇аваад̣̇ий, сун̃н̃ад̇аваад̣̇имхи бахонд̇з буг̇г̇алаваад̣̇ийд̇и звам̣ таанаатаанз на сан̣таад̇и наама.
Ṭhānāṭhāne na saṇṭhātīti kāraṇākāraṇe na saṇṭhāti. Tatrāyaṃ nayo – sassatavādī yuttena kāraṇena pahoti ucchedavādiṃ niggahetuṃ, ucchedavādī tena niggayhamāno ‘‘kiṃ panāhaṃ ucchedaṃ vadāmī’’ti sassatavādibhāvameva dīpeti, attano vāde patiṭṭhātuṃ na sakkoti. Evaṃ ucchedavādimhi pahonte sassatavādī, puggalavādimhi pahonte suññatavādī, suññatavādimhi pahonte puggalavādīti evaṃ ṭhānāṭhāne na saṇṭhāti nāma.
баригаббз на сан̣таад̇ийд̇и ид̣̇ам̣ бан̃хабужчанзби бан̃хагат̇анзби лаб̣бхад̇и. гат̇ам̣? згажжо хи ‘‘бан̃хам̣ бужчиссаамий’’д̇и ган̣там̣ сод̇хзд̇и, со ид̇арзна ‘‘ид̣̇ам̣ наама д̇вам̣ бужчиссасий’’д̇и вуд̇д̇о н̃аад̇абхаавам̣ н̃ад̇ваа ‘‘на зд̇ам̣, ан̃н̃ам̣ бужчиссаамий’’д̇и вад̣̇ад̇и. бан̃хам̣ будтоби ‘‘бан̃хам̣ гат̇зссаамий’’д̇и ханум̣ сам̣сод̇хзд̇и, со ид̇арзна ‘‘ид̣̇ам̣ наама гат̇зссасий’’д̇и вуд̇д̇о н̃аад̇абхаавам̣ н̃ад̇ваа ‘‘на зд̇ам̣, ан̃н̃ам̣ гат̇зссаамий’’д̇и вад̣̇ад̇и. звам̣ баригаббз на сан̣таад̇и наама.
Parikappena saṇṭhātīti idaṃ pañhapucchanepi pañhakathanepi labbhati. Kathaṃ? Ekacco hi ‘‘pañhaṃ pucchissāmī’’ti kaṇṭhaṃ sodheti, so itarena ‘‘idaṃ nāma tvaṃ pucchissasī’’ti vutto ñātabhāvaṃ ñatvā ‘‘na etaṃ, aññaṃ pucchissāmī’’ti vadati. Pañhaṃ puṭṭhopi ‘‘pañhaṃ kathessāmī’’ti hanuṃ saṃsodheti, so itarena ‘‘idaṃ nāma kathessasī’’ti vutto ñātabhāvaṃ ñatvā ‘‘na etaṃ, aññaṃ kathessāmī’’ti vadati. Evaṃ parikappe na saṇṭhāti nāma.
ан̃н̃аад̇аваад̣̇з на сан̣таад̇ийд̇и ан̃н̃аад̇аваад̣̇з ж̇аанид̇аваад̣̇з на сан̣таад̇и. гат̇ам̣? згажжо бан̃хам̣ бужчад̇и, д̇ам̣ ид̇аро ‘‘манаабо д̇аяаа бан̃хо бужчид̇о, гахам̣ д̇з зса уг̇г̇ахид̇о’’д̇и вад̣̇ад̇и. ид̇аро бужчид̇аб̣б̣анияаамзнзва бан̃хам̣ бужчид̇вааби д̇асса гат̇ааяа ‘‘абан̃хам̣ ну ко бужчид̇а’’нд̇и вимад̇им̣ гарод̇и. абаро бан̃хам̣ будто гат̇зд̇и, д̇аман̃н̃о ‘‘судту д̇з бан̃хо гат̇ид̇о, гад̇т̇а д̇з уг̇г̇ахид̇о, бан̃хам̣ гат̇знд̇зна наама звам̣ гат̇зд̇аб̣б̣о’’д̇и вад̣̇ад̇и. ид̇аро гат̇зд̇аб̣б̣анияаамзнзва бан̃хам̣ гат̇зд̇вааби д̇асса гат̇ааяа ‘‘абан̃хо ну ко маяаа гат̇ид̇о’’д̇и вимад̇им̣ гарод̇и.
Aññātavāde na saṇṭhātīti aññātavāde jānitavāde na saṇṭhāti. Kathaṃ? Ekacco pañhaṃ pucchati, taṃ itaro ‘‘manāpo tayā pañho pucchito, kahaṃ te esa uggahito’’ti vadati. Itaro pucchitabbaniyāmeneva pañhaṃ pucchitvāpi tassa kathāya ‘‘apañhaṃ nu kho pucchita’’nti vimatiṃ karoti. Aparo pañhaṃ puṭṭho katheti, tamañño ‘‘suṭṭhu te pañho kathito, kattha te uggahito, pañhaṃ kathentena nāma evaṃ kathetabbo’’ti vadati. Itaro kathetabbaniyāmeneva pañhaṃ kathetvāpi tassa kathāya ‘‘apañho nu kho mayā kathito’’ti vimatiṃ karoti.
бадибад̣̇ааяа на сан̣таад̇ийд̇и бадибад̇д̇ияам̣ на д̇идтад̇и, вад̇д̇ам̣ аж̇аанид̇ваа абужчид̇аб̣б̣адтаанз бужчад̇ийд̇и ад̇т̇о. аяам̣ бан̃хо наама жзд̇ияан̇г̇ан̣з бужчид̇зна на гат̇зд̇аб̣б̣о, д̇ат̇аа бхигкаажаарамаг̇г̇з г̇аамам̣ бин̣д̣ааяа жаран̣агаалз. аасанасаалааяа нисиннагаалз яааг̇ум̣ ваа бхад̇д̇ам̣ ваа г̇ахзд̇ваа нисиннагаалз барибхун̃ж̇ид̇ваа нисиннагаалз д̣̇иваавихаарадтаанаг̇аманагаалзби. д̣̇иваадтаанз нисиннагаалз бана огаасам̣ гаарзд̇ваава бужчанд̇асса гат̇зд̇аб̣б̣о, агаарзд̇ваа бужчанд̇асса на гат̇зд̇аб̣б̣о. ид̣̇ам̣ вад̇д̇ам̣ аж̇аанид̇ваа бужчанд̇о бадибад̣̇ааяа на сан̣таад̇и наама. звам̣ санд̇ааяам̣, бхигкавз, буг̇г̇ало агажчо ход̇ийд̇и, бхигкавз, зд̇ам̣ имасмим̣ жа гааран̣з сад̇и аяам̣ буг̇г̇ало на гат̇зд̇ум̣ яуд̇д̇о наама ход̇и.
Paṭipadāya na saṇṭhātīti paṭipattiyaṃ na tiṭṭhati, vattaṃ ajānitvā apucchitabbaṭṭhāne pucchatīti attho. Ayaṃ pañho nāma cetiyaṅgaṇe pucchitena na kathetabbo, tathā bhikkhācāramagge gāmaṃ piṇḍāya caraṇakāle. Āsanasālāya nisinnakāle yāguṃ vā bhattaṃ vā gahetvā nisinnakāle paribhuñjitvā nisinnakāle divāvihāraṭṭhānagamanakālepi. Divāṭṭhāne nisinnakāle pana okāsaṃ kāretvāva pucchantassa kathetabbo, akāretvā pucchantassa na kathetabbo. Idaṃ vattaṃ ajānitvā pucchanto paṭipadāya na saṇṭhāti nāma. Evaṃ santāyaṃ, bhikkhave, puggalo akaccho hotīti, bhikkhave, etaṃ imasmiṃ ca kāraṇe sati ayaṃ puggalo na kathetuṃ yutto nāma hoti.
таанаатаанз сан̣таад̇ийд̇и сассад̇аваад̣̇ий яуд̇д̇зна гааран̣зна баход̇и ужчзд̣̇аваад̣̇им̣ ниг̇г̇ахзд̇ум̣, ужчзд̣̇аваад̣̇ий д̇зна ниг̇г̇аяхамааноби ‘‘ахам̣ д̇аяаа сад̇агкад̇д̇ум̣ ниг̇г̇аяхамааноби ужчзд̣̇аваад̣̇ийязваа’’д̇и вад̣̇ад̇и. иминаа наязна сассад̇абуг̇г̇аласун̃н̃ад̇аваад̣̇аад̣̇ийсуби наяо нзд̇аб̣б̣о. звам̣ таанаатаанз сан̣таад̇и наама. баригаббз сан̣таад̇ийд̇и ‘‘бан̃хам̣ бужчиссаамий’’д̇и ган̣там̣ сод̇хзнд̇о ‘‘д̇вам̣ имам̣ наама бужчиссасий’’д̇и вуд̇д̇з, ‘‘аама, зд̇ам̣язва бужчиссаамий’’д̇и вад̣̇ад̇и. бан̃хам̣ гат̇зссаамийд̇и ханум̣ сам̣сод̇хзнд̇оби ‘‘д̇вам̣ имам̣ наама гат̇зссасий’’д̇и вуд̇д̇з, ‘‘аама, зд̇ам̣язва гат̇зссаамий’’д̇и вад̣̇ад̇и. звам̣ баригаббз сан̣таад̇и наама.
Ṭhānāṭhāne saṇṭhātīti sassatavādī yuttena kāraṇena pahoti ucchedavādiṃ niggahetuṃ, ucchedavādī tena niggayhamānopi ‘‘ahaṃ tayā satakkhattuṃ niggayhamānopi ucchedavādīyevā’’ti vadati. Iminā nayena sassatapuggalasuññatavādādīsupi nayo netabbo. Evaṃ ṭhānāṭhāne saṇṭhāti nāma. Parikappe saṇṭhātīti ‘‘pañhaṃ pucchissāmī’’ti kaṇṭhaṃ sodhento ‘‘tvaṃ imaṃ nāma pucchissasī’’ti vutte, ‘‘āma, etaṃyeva pucchissāmī’’ti vadati. Pañhaṃ kathessāmīti hanuṃ saṃsodhentopi ‘‘tvaṃ imaṃ nāma kathessasī’’ti vutte, ‘‘āma, etaṃyeva kathessāmī’’ti vadati. Evaṃ parikappe saṇṭhāti nāma.
ан̃н̃аад̇аваад̣̇з сан̣таад̇ийд̇и имам̣ бан̃хам̣ бужчид̇ваа ‘‘судту д̇з бан̃хо бужчид̇о, бужчанд̇зна наама звам̣ бужчид̇аб̣б̣а’’нд̇и вуд̇д̇з самбадижчад̇и, вимад̇им̣ на уббаад̣̇зд̇и. бан̃хам̣ гат̇зд̇вааби ‘‘судту д̇з бан̃хо гат̇ид̇о, гат̇знд̇зна наама звам̣ гат̇зд̇аб̣б̣а’’нд̇и вуд̇д̇з самбадижчад̇и, вимад̇им̣ на уббаад̣̇зд̇и. бадибад̣̇ааяа сан̣таад̇ийд̇и г̇зхз нисийд̣̇аабзд̇ваа яааг̇укаж̇ж̇агаад̣̇ийни д̣̇ад̇ваа яаава бхад̇д̇ам̣ нидтаад̇и, д̇асмим̣ анд̇арз нисинно бан̃хам̣ бужчад̇и . саббиаад̣̇ийни бхзсаж̇ж̇аани адтавид̇хаани баанагаани вад̇т̇ажчаад̣̇анамаалааг̇анд̇хаад̣̇ийни ваа аад̣̇ааяа вихаарам̣ г̇анд̇ваа д̇аани д̣̇ад̇ваа д̣̇иваадтаанам̣ бависид̇ваа огаасам̣ гаарзд̇ваа бан̃хам̣ бужчад̇и. зван̃хи вад̇д̇ам̣ н̃ад̇ваа бужчанд̇о бадибад̣̇ааяа сан̣таад̇и наама. д̇асса бан̃хам̣ гат̇зд̇ум̣ ваддад̇и.
Aññātavāde saṇṭhātīti imaṃ pañhaṃ pucchitvā ‘‘suṭṭhu te pañho pucchito, pucchantena nāma evaṃ pucchitabba’’nti vutte sampaṭicchati, vimatiṃ na uppādeti. Pañhaṃ kathetvāpi ‘‘suṭṭhu te pañho kathito, kathentena nāma evaṃ kathetabba’’nti vutte sampaṭicchati, vimatiṃ na uppādeti. Paṭipadāya saṇṭhātīti gehe nisīdāpetvā yāgukhajjakādīni datvā yāva bhattaṃ niṭṭhāti, tasmiṃ antare nisinno pañhaṃ pucchati . Sappiādīni bhesajjāni aṭṭhavidhāni pānakāni vatthacchādanamālāgandhādīni vā ādāya vihāraṃ gantvā tāni datvā divāṭṭhānaṃ pavisitvā okāsaṃ kāretvā pañhaṃ pucchati. Evañhi vattaṃ ñatvā pucchanto paṭipadāya saṇṭhāti nāma. Tassa pañhaṃ kathetuṃ vaṭṭati.
ан̃н̃знан̃н̃ам̣ бадижарад̇ийд̇и ан̃н̃зна важанзна ан̃н̃ам̣ бадижчаад̣̇зд̇и, ан̃н̃ам̣ ваа бужчид̇о ан̃н̃ам̣ гат̇зд̇и. б̣ахид̣̇д̇хаа гат̇ам̣ абанаамзд̇ийд̇и ааг̇анд̇угагат̇ам̣ од̇аарзнд̇о буримагат̇ам̣ б̣ахид̣̇д̇хаа абанаамзд̇и. д̇ад̇рид̣̇ам̣ вад̇т̇у – бхигкуу гира саннибад̇ид̇ваа згам̣ д̣̇ахарам̣, ‘‘аавусо, д̇вам̣ иман̃жиман̃жа аабад̇д̇им̣ аабанно’’д̇и аахам̣су. со ааха – ‘‘бханд̇з, нааг̇ад̣̇ийбам̣ г̇ад̇омхий’’д̇и. аавусо , на маяам̣ д̇ава нааг̇ад̣̇ийбаг̇аманзна ад̇т̇игаа, аабад̇д̇им̣ бана аабаннод̇и бужчаамаад̇и. бханд̇з, нааг̇ад̣̇ийбам̣ г̇анд̇ваа мажчз каад̣̇инд̇и. аавусо, д̇ава мажчакаад̣̇анзна гаммам̣ над̇т̇и, аабад̇д̇им̣ гираси аабаннод̇и. со ‘‘наад̇исубагго мажчо маяхам̣ апаасугамагааси, бханд̇з’’д̇и. аавусо, д̇уяхам̣ паасугзна ваа апаасугзна ваа гаммам̣ над̇т̇и, аабад̇д̇им̣ аабанносийд̇и. бханд̇з, яаава д̇ад̇т̇а васим̣, д̇аава мз апаасугамзва ж̇аад̇анд̇и. звам̣ ааг̇анд̇угагат̇аавасзна б̣ахид̣̇д̇хаа гат̇ам̣ абанаамзд̇ийд̇и взд̣̇ид̇аб̣б̣ам̣.
Aññenaññaṃ paṭicaratīti aññena vacanena aññaṃ paṭicchādeti, aññaṃ vā pucchito aññaṃ katheti. Bahiddhā kathaṃ apanāmetīti āgantukakathaṃ otārento purimakathaṃ bahiddhā apanāmeti. Tatridaṃ vatthu – bhikkhū kira sannipatitvā ekaṃ daharaṃ, ‘‘āvuso, tvaṃ imañcimañca āpattiṃ āpanno’’ti āhaṃsu. So āha – ‘‘bhante, nāgadīpaṃ gatomhī’’ti. Āvuso , na mayaṃ tava nāgadīpagamanena atthikā, āpattiṃ pana āpannoti pucchāmāti. Bhante, nāgadīpaṃ gantvā macche khādinti. Āvuso, tava macchakhādanena kammaṃ natthi, āpattiṃ kirasi āpannoti. So ‘‘nātisupakko maccho mayhaṃ aphāsukamakāsi, bhante’’ti. Āvuso, tuyhaṃ phāsukena vā aphāsukena vā kammaṃ natthi, āpattiṃ āpannosīti. Bhante, yāva tattha vasiṃ, tāva me aphāsukameva jātanti. Evaṃ āgantukakathāvasena bahiddhā kathaṃ apanāmetīti veditabbaṃ.
абхихарад̇ийд̇и ид̇о жид̇о жа суд̇д̇ам̣ аахарид̇ваа авад̇т̇арад̇и. д̇збидагад̇иссад̇т̇зро вияа. буб̣б̣з гира бхигкуу махаажзд̇ияан̇г̇ан̣з саннибад̇ид̇ваа сан̇гхагижжам̣ гад̇ваа бхигкуунам̣ оваад̣̇ам̣ д̣̇ад̇ваа ан̃н̃аман̃н̃ам̣ бан̃хасаагажчам̣ гаронд̇и. д̇ад̇т̇ааяам̣ т̇зро д̇ийхи бидагзхи д̇ад̇о д̇ад̇о суд̇д̇ам̣ аахарид̇ваа д̣̇ивасабхааг̇з згамби бан̃хам̣ нидтаабзд̇ум̣ на д̣̇зд̇и. абхимад̣̇д̣̇ад̇ийд̇и гааран̣ам̣ аахарид̇ваа мад̣̇д̣̇ад̇и. анубаж̇аг̇гхад̇ийд̇и барзна бан̃хз бужчид̇зби гат̇ид̇зби баан̣им̣ бахарид̇ваа махаахасид̇ам̣ хасад̇и, язна барасса ‘‘абужчид̇аб̣б̣ам̣ ну ко бужчим̣, агат̇зд̇аб̣б̣ам̣ ну ко гат̇зси’’нд̇и вимад̇и уббаж̇ж̇ад̇и. калид̇ам̣ г̇ан̣хаад̇ийд̇и аббамад̇д̇агам̣ мукад̣̇осамад̇д̇ам̣ г̇ан̣хаад̇и , агкарз ваа бад̣̇з ваа б̣яан̃ж̇анз ваа д̣̇уруд̇д̇з ‘‘звам̣ наамзд̇ам̣ вад̇д̇аб̣б̣а’’нд̇и уж̇жхааяамаано вижарад̇и. саубанисод̇и саубаниссаяо сабажжаяо.
Abhiharatīti ito cito ca suttaṃ āharitvā avattharati. Tepiṭakatissatthero viya. Pubbe kira bhikkhū mahācetiyaṅgaṇe sannipatitvā saṅghakiccaṃ katvā bhikkhūnaṃ ovādaṃ datvā aññamaññaṃ pañhasākacchaṃ karonti. Tatthāyaṃ thero tīhi piṭakehi tato tato suttaṃ āharitvā divasabhāge ekampi pañhaṃ niṭṭhāpetuṃ na deti. Abhimaddatīti kāraṇaṃ āharitvā maddati. Anupajagghatīti parena pañhe pucchitepi kathitepi pāṇiṃ paharitvā mahāhasitaṃ hasati, yena parassa ‘‘apucchitabbaṃ nu kho pucchiṃ, akathetabbaṃ nu kho kathesi’’nti vimati uppajjati. Khalitaṃ gaṇhātīti appamattakaṃ mukhadosamattaṃ gaṇhāti , akkhare vā pade vā byañjane vā durutte ‘‘evaṃ nāmetaṃ vattabba’’nti ujjhāyamāno vicarati. Saupanisoti saupanissayo sapaccayo.
охид̇асод̇од̇и табид̇асод̇о. абхиж̇аанаад̇и згам̣ д̇хамманд̇и згам̣ гусалад̇хаммам̣ абхиж̇аанаад̇и арияамаг̇г̇ам̣. бариж̇аанаад̇и згам̣ д̇хамманд̇и згам̣ д̣̇угкасажжад̇хаммам̣ д̇ийран̣абарин̃н̃ааяа бариж̇аанаад̇и. баж̇ахад̇и згам̣ д̇хамманд̇и згам̣ саб̣б̣аагусалад̇хаммам̣ баж̇ахад̇и винод̣̇зд̇и б̣яанд̇ийгарод̇и. сажчигарод̇и згам̣ д̇хамманд̇и згам̣ арахад̇д̇апалад̇хаммам̣ нирод̇хамзва ваа бажжагкам̣ гарод̇и. саммаавимуд̇д̇им̣ пусад̇ийд̇и саммаа хзд̇унаа наязна гааран̣зна арахад̇д̇апалавимогкам̣ н̃аан̣апассзна пусад̇и.
Ohitasototi ṭhapitasoto. Abhijānāti ekaṃ dhammanti ekaṃ kusaladhammaṃ abhijānāti ariyamaggaṃ. Parijānāti ekaṃ dhammanti ekaṃ dukkhasaccadhammaṃ tīraṇapariññāya parijānāti. Pajahati ekaṃ dhammanti ekaṃ sabbākusaladhammaṃ pajahati vinodeti byantīkaroti. Sacchikaroti ekaṃ dhammanti ekaṃ arahattaphaladhammaṃ nirodhameva vā paccakkhaṃ karoti. Sammāvimuttiṃ phusatīti sammā hetunā nayena kāraṇena arahattaphalavimokkhaṃ ñāṇaphassena phusati.
зд̇ад̣̇ад̇т̇аа, бхигкавз, гат̇аад̇и, бхигкавз, яаа зсаа гат̇аасамбаяог̇знаад̇и гат̇аа д̣̇ассид̇аа, саа зд̇ад̣̇ад̇т̇аа, аяам̣ д̇ассаа гат̇ааяа бхууми бад̇идтаа. ид̣̇ам̣ вад̇т̇у яад̣̇ид̣̇ам̣ анубаад̣̇аа жид̇д̇асса вимогкод̇и звам̣ саб̣б̣абад̣̇зсу яож̇анаа взд̣̇ид̇аб̣б̣аа. зд̇ад̣̇ад̇т̇аа манд̇анаад̇и яаа аяам̣ гажчаагажчзсу буг̇г̇алзсу гажчзна сад̣̇д̇хим̣ манд̇анаа, сааби зд̇ад̣̇ад̇т̇ааязва. зд̇ад̣̇ад̇т̇аа убанисаад̇и охид̇асод̇о саубанисод̇и звам̣ вуд̇д̇аа убанисааби зд̇ад̣̇ад̇т̇ааязва. зд̇ад̣̇ад̇т̇ам̣ сод̇аавад̇хаананд̇и д̇ассаа убанисааяа сод̇аавад̇хаанам̣ , д̇амби зд̇ад̣̇ад̇т̇амзва. анубаад̣̇аад̇и жад̇уухи убаад̣̇аанзхи аг̇г̇ахзд̇ваа. жид̇д̇асса вимогкод̇и арахад̇д̇апалавимогко. арахад̇д̇апалад̇т̇ааяа хи саб̣б̣амзд̇анд̇и суд̇д̇анд̇ам̣ винивад̇д̇зд̇ваа убари г̇аат̇аахи гуудам̣ г̇ан̣ханд̇о яз вируд̣̇д̇хаад̇иаад̣̇имааха.
Etadatthā, bhikkhave, kathāti, bhikkhave, yā esā kathāsampayogenāti kathā dassitā, sā etadatthā, ayaṃ tassā kathāya bhūmi patiṭṭhā. Idaṃ vatthu yadidaṃ anupādā cittassa vimokkhoti evaṃ sabbapadesu yojanā veditabbā. Etadatthā mantanāti yā ayaṃ kacchākacchesu puggalesu kacchena saddhiṃ mantanā, sāpi etadatthāyeva. Etadatthā upanisāti ohitasoto saupanisoti evaṃ vuttā upanisāpi etadatthāyeva. Etadatthaṃ sotāvadhānanti tassā upanisāya sotāvadhānaṃ , tampi etadatthameva. Anupādāti catūhi upādānehi aggahetvā. Cittassa vimokkhoti arahattaphalavimokkho. Arahattaphalatthāya hi sabbametanti suttantaṃ vinivattetvā upari gāthāhi kūṭaṃ gaṇhanto ye viruddhātiādimāha.
д̇ад̇т̇а вируд̣̇д̇хаад̇и вирод̇хасан̇каад̇зна гобзна вируд̣̇д̇хаа. саллабанд̇ийд̇и саллаабам̣ гаронд̇и. винивидтаад̇и абхинивидтаа худ̇ваа. самуссид̇аад̇и маануссаязна судту уссид̇аа. анарияаг̇ун̣амаасаж̇ж̇аад̇и анарияаг̇ун̣агат̇ам̣ г̇ун̣амаасаж̇ж̇а гат̇знд̇и. г̇ун̣ам̣ гхаддзд̇ваа гат̇аа хи анарияагат̇аа наама, на арияагат̇аа, д̇ам̣ гат̇знд̇ийд̇и ад̇т̇о. ан̃н̃он̃н̃авиварзсинод̇и ан̃н̃аман̃н̃асса чид̣̇д̣̇ам̣ абараад̇хам̣ г̇авзсамаанаа. д̣̇уб̣бхаасид̇анд̇и д̣̇уггат̇ид̇ам̣. вигкалид̇анд̇и аббамад̇д̇агам̣ мукад̣̇осакалид̇ам̣. самбамохам̣ барааж̇аяанд̇и ан̃н̃аман̃н̃асса аббамад̇д̇зна мукад̣̇осзна самбамохан̃жа барааж̇аяан̃жа. абхинанд̣̇анд̇ийд̇и д̇уссанд̇и. наажарзд̇и на жарад̇и на гат̇зд̇и. д̇хаммадтабадисам̣яуд̇д̇аад̇и яаа жа д̇хаммз тид̇зна гат̇ид̇агат̇аа, саа д̇хаммадтаа жзва ход̇и д̇зна жа д̇хаммзна бадисам̣яуд̇д̇аад̇и д̇хаммадтабадисам̣яуд̇д̇аа. ануннад̇зна манасаад̇и ануд̣̇д̇хад̇зна жзд̇асаа. абал̣аасод̇и яуг̇аг̇г̇аахабал̣аасавасзна абал̣аасо худ̇ваа. асаахасод̇и рааг̇ад̣̇осамохасаахасаанам̣ васзна асаахасо худ̇ваа.
Tattha viruddhāti virodhasaṅkhātena kopena viruddhā. Sallapantīti sallāpaṃ karonti. Viniviṭṭhāti abhiniviṭṭhā hutvā. Samussitāti mānussayena suṭṭhu ussitā. Anariyaguṇamāsajjāti anariyaguṇakathaṃ guṇamāsajja kathenti. Guṇaṃ ghaṭṭetvā kathā hi anariyakathā nāma, na ariyakathā, taṃ kathentīti attho. Aññoññavivaresinoti aññamaññassa chiddaṃ aparādhaṃ gavesamānā. Dubbhāsitanti dukkathitaṃ. Vikkhalitanti appamattakaṃ mukhadosakhalitaṃ. Sampamohaṃ parājayanti aññamaññassa appamattena mukhadosena sampamohañca parājayañca. Abhinandantīti tussanti. Nācareti na carati na katheti. Dhammaṭṭhapaṭisaṃyuttāti yā ca dhamme ṭhitena kathitakathā, sā dhammaṭṭhā ceva hoti tena ca dhammena paṭisaṃyuttāti dhammaṭṭhapaṭisaṃyuttā. Anunnatena manasāti anuddhatena cetasā. Apaḷāsoti yugaggāhapaḷāsavasena apaḷāso hutvā. Asāhasoti rāgadosamohasāhasānaṃ vasena asāhaso hutvā.
анусууяааяамаанод̇и на усууяамаано. д̣̇уб̣бхадтз наабасаад̣̇аязд̇и д̣̇уггат̇ид̇асмим̣ на абасаад̣̇зяяа. убаарамбхам̣ на сигкзяяаад̇и гааран̣уд̇д̇арияалагкан̣ам̣ убаарамбхам̣ на сигкзяяа. калид̇ан̃жа на г̇аахаязд̇и аббамад̇д̇агам̣ мукакалид̇ам̣ ‘‘аяам̣ д̇з д̣̇осо’’д̇и на г̇аахаязяяа. наабхихарзд̇и наавад̇т̇арзяяа. наабхимад̣̇д̣̇зд̇и згам̣ гааран̣ам̣ аахарид̇ваа на мад̣̇д̣̇зяяа. на ваажам̣ баяуд̇ам̣ бхан̣зд̇и сажжаалигабадисам̣яуд̇д̇ам̣ ваажам̣ на бхан̣зяяа. ан̃н̃аад̇ад̇т̇анд̇и ж̇аананад̇т̇ам̣. басаад̣̇ад̇т̇анд̇и басаад̣̇аж̇ананад̇т̇ам̣. на самуссзяяа манд̇аязд̇и на маануссаязна самуссид̇о бхавзяяа. на хи маануссид̇аа худ̇ваа бан̣д̣ид̇аа гат̇аяанд̇и, маанзна бана ануссид̇ова худ̇ваа манд̇аяз гат̇зяяа бхаасзяяаад̇и.
Anusūyāyamānoti na usūyamāno. Dubbhaṭṭhe nāpasādayeti dukkathitasmiṃ na apasādeyya. Upārambhaṃ na sikkheyyāti kāraṇuttariyalakkhaṇaṃ upārambhaṃ na sikkheyya. Khalitañca na gāhayeti appamattakaṃ mukhakhalitaṃ ‘‘ayaṃ te doso’’ti na gāhayeyya. Nābhihareti nāvatthareyya. Nābhimaddeti ekaṃ kāraṇaṃ āharitvā na maddeyya. Navācaṃ payutaṃ bhaṇeti saccālikapaṭisaṃyuttaṃ vācaṃ na bhaṇeyya. Aññātatthanti jānanatthaṃ. Pasādatthanti pasādajananatthaṃ. Na samusseyya mantayeti na mānussayena samussito bhaveyya. Na hi mānussitā hutvā paṇḍitā kathayanti, mānena pana anussitova hutvā mantaye katheyya bhāseyyāti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 7. гат̇аавад̇т̇усуд̇д̇ам̣ • 7. Kathāvatthusuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 7. гат̇аавад̇т̇усуд̇д̇аван̣н̣анаа • 7. Kathāvatthusuttavaṇṇanā
