| Library / Tipiṭaka / д̇ибидага • Tipiṭaka / бариваара-адтагат̇аа • Parivāra-aṭṭhakathā |
гат̇инабхзд̣̇ам̣
Kathinabhedaṃ
гат̇инаад̇т̇ад̇аад̣̇иван̣н̣анаа
Kathinaatthatādivaṇṇanā
403. гат̇инз – адта маад̇игаад̇и канд̇хагз вуд̇д̇аа баггамананд̇игаад̣̇игаа адта. балиб̣од̇хаанисам̣сааби буб̣б̣з вуд̇д̇аа зва.
403. Kathine – aṭṭha mātikāti khandhake vuttā pakkamanantikādikā aṭṭha. Palibodhānisaṃsāpi pubbe vuttā eva.
404. баяог̇ассаад̇и жийварад̇хованаад̣̇ино сад̇д̇авид̇хасса буб̣б̣агаран̣ассад̇т̇ааяа яо уд̣̇агаахаран̣аад̣̇иго баяог̇о гаяирад̇и, д̇асса баяог̇асса. гад̇амз д̇хаммаа ананд̇арабажжаязна бажжаяод̇и анааг̇ад̇авасзна ананд̇араа худ̇ваа гад̇амз д̇хаммаа бажжаяаа хонд̇ийд̇и ад̇т̇о. самананд̇арабажжаязнаад̇и судту ананд̇арабажжаязна, ананд̇арабажжаяамзва аасаннад̇арам̣ гад̇ваа бужчад̇и. ниссаяабажжаязнаад̇и уббаж̇ж̇амаанасса баяог̇асса ниссаяам̣ аад̇хаарабхаавам̣ убаг̇ад̇аа вияа худ̇ваа гад̇амз д̇хаммаа бажжаяаа хонд̇ийд̇и ад̇т̇о. убаниссаяабажжаязнаад̇и убзд̇зна ниссаяабажжаязна; ниссаяабажжаяамзва убаг̇ад̇ад̇арам̣ гад̇ваа бужчад̇и. бурзж̇аад̇абажжаязнаад̇и иминаа батамам̣ уббаннасса бажжаяабхаавам̣ бужчад̇и. бажчааж̇аад̇абажжаязнаад̇и иминаа бажчаа уббаж̇ж̇анагасса бажжаяабхаавам̣ бужчад̇и. сахаж̇аад̇абажжаязнаад̇и иминаа абуб̣б̣ам̣ ажаримам̣ уббаж̇ж̇амаанаанам̣ бажжаяабхаавам̣ бужчад̇и. буб̣б̣агаран̣ассаад̇и д̇хованаад̣̇ино буб̣б̣агаран̣асса. бажжуд̣̇д̇хаарассаад̇и бураан̣асан̇гхаадиаад̣̇ийнам̣ бажжуд̣̇д̇харан̣асса. ад̇хидтаанассаад̇и гат̇инажийвараад̇хидтаанасса. ад̇т̇аарассаад̇и гат̇инад̇т̇аарасса. маад̇игаанан̃жа балиб̣од̇хаанан̃жаад̇и адтаннам̣ маад̇игаанам̣ д̣̇виннан̃жа балиб̣од̇хаанам̣. вад̇т̇уссаад̇и сан̇гхаадиаад̣̇ино гат̇инавад̇т̇усса; сзсам̣ вуд̇д̇анаяамзва.
404.Payogassāti cīvaradhovanādino sattavidhassa pubbakaraṇassatthāya yo udakāharaṇādiko payogo kayirati, tassa payogassa. Katame dhammā anantarapaccayena paccayoti anāgatavasena anantarā hutvā katame dhammā paccayā hontīti attho. Samanantarapaccayenāti suṭṭhu anantarapaccayena, anantarapaccayameva āsannataraṃ katvā pucchati. Nissayapaccayenāti uppajjamānassa payogassa nissayaṃ ādhārabhāvaṃ upagatā viya hutvā katame dhammā paccayā hontīti attho. Upanissayapaccayenāti upetena nissayapaccayena; nissayapaccayameva upagatataraṃ katvā pucchati. Purejātapaccayenāti iminā paṭhamaṃ uppannassa paccayabhāvaṃ pucchati. Pacchājātapaccayenāti iminā pacchā uppajjanakassa paccayabhāvaṃ pucchati. Sahajātapaccayenāti iminā apubbaṃ acarimaṃ uppajjamānānaṃ paccayabhāvaṃ pucchati. Pubbakaraṇassāti dhovanādino pubbakaraṇassa. Paccuddhārassāti purāṇasaṅghāṭiādīnaṃ paccuddharaṇassa. Adhiṭṭhānassāti kathinacīvarādhiṭṭhānassa. Atthārassāti kathinatthārassa. Mātikānañca palibodhānañcāti aṭṭhannaṃ mātikānaṃ dvinnañca palibodhānaṃ. Vatthussāti saṅghāṭiādino kathinavatthussa; sesaṃ vuttanayameva.
звам̣ яан̃жа лаб̣бхад̇и яан̃жа на лаб̣бхад̇и, саб̣б̣ам̣ бужчид̇ваа ид̣̇аани яам̣ яасса лаб̣бхад̇и, д̇ад̣̇зва д̣̇ассзнд̇о буб̣б̣агаран̣ам̣ баяог̇ассаад̇иаад̣̇инаа наязна виссаж̇ж̇анамааха. д̇ассад̇т̇о – яам̣ вуд̇д̇ам̣ ‘‘баяог̇асса гад̇амз д̇хаммаа’’д̇иаад̣̇и, д̇ад̇т̇а вужжад̇з, буб̣б̣агаран̣ам̣ баяог̇асса ананд̇арабажжаязна бажжаяо, самананд̇араниссаяаубаниссаяабажжаязна бажжаяо. баяог̇асса хи сад̇д̇авид̇хамби буб̣б̣агаран̣ам̣ яасмаа д̇зна баяог̇зна нибпаад̣̇зд̇аб̣б̣асса буб̣б̣агаран̣ассад̇т̇ааяа со баяог̇о гаяирад̇и, д̇асмаа имзхи жад̇уухи бажжаязхи бажжаяо ход̇и. бурзж̇аад̇абажжаяз банзса уд̣̇д̣̇идтад̇хаммзсу згад̇хаммамби на лабхад̇и, ан̃н̃ад̣̇ад̇т̇у буб̣б̣агаран̣асса саяам̣ бурзж̇аад̇абажжаяо ход̇и, баяог̇з сад̇и буб̣б̣агаран̣асса нибпаж̇ж̇анад̇о . д̇зна вуд̇д̇ам̣ – ‘‘баяог̇о буб̣б̣агаран̣асса бурзж̇аад̇абажжаязна бажжаяо’’д̇и. бажчааж̇аад̇абажжаяам̣ бана лабхад̇и, д̇зна вуд̇д̇ам̣ – ‘‘буб̣б̣агаран̣ам̣ баяог̇асса бажчааж̇аад̇абажжаязна бажжаяо’’д̇и. бажчаа уббаж̇ж̇анагасса хи буб̣б̣агаран̣асса ад̇т̇ааяа со баяог̇о гаяирад̇и. сахаж̇аад̇абажжаяам̣ бана маад̇игаабалиб̣од̇хаанисам̣сасан̇каад̇з баннараса д̇хаммз табзд̇ваа ан̃н̃о баяог̇аад̣̇ийсу згоби д̇хаммо на лабхад̇и, д̇з зва хи баннараса д̇хаммаа саха гат̇инад̇т̇аарзна згад̇о нибпаж̇ж̇анд̇ийд̇и ан̃н̃аман̃н̃ам̣ сахаж̇аад̇абажжаяаа хонд̇и. д̇зна вуд̇д̇ам̣ – ‘‘баннараса д̇хаммаа сахаж̇аад̇абажжаязна бажжаяо’’д̇и. зд̇знубааязна саб̣б̣абад̣̇ависсаж̇ж̇анаани взд̣̇ид̇аб̣б̣аани.
Evaṃ yañca labbhati yañca na labbhati, sabbaṃ pucchitvā idāni yaṃ yassa labbhati, tadeva dassento pubbakaraṇaṃ payogassātiādinā nayena vissajjanamāha. Tassattho – yaṃ vuttaṃ ‘‘payogassa katame dhammā’’tiādi, tattha vuccate, pubbakaraṇaṃ payogassa anantarapaccayena paccayo, samanantaranissayaupanissayapaccayena paccayo. Payogassa hi sattavidhampi pubbakaraṇaṃ yasmā tena payogena nipphādetabbassa pubbakaraṇassatthāya so payogo kayirati, tasmā imehi catūhi paccayehi paccayo hoti. Purejātapaccaye panesa uddiṭṭhadhammesu ekadhammampi na labhati, aññadatthu pubbakaraṇassa sayaṃ purejātapaccayo hoti, payoge sati pubbakaraṇassa nipphajjanato . Tena vuttaṃ – ‘‘payogo pubbakaraṇassa purejātapaccayena paccayo’’ti. Pacchājātapaccayaṃ pana labhati, tena vuttaṃ – ‘‘pubbakaraṇaṃ payogassa pacchājātapaccayena paccayo’’ti. Pacchā uppajjanakassa hi pubbakaraṇassa atthāya so payogo kayirati. Sahajātapaccayaṃ pana mātikāpalibodhānisaṃsasaṅkhāte pannarasa dhamme ṭhapetvā añño payogādīsu ekopi dhammo na labhati, te eva hi pannarasa dhammā saha kathinatthārena ekato nipphajjantīti aññamaññaṃ sahajātapaccayā honti. Tena vuttaṃ – ‘‘pannarasa dhammā sahajātapaccayena paccayo’’ti. Etenupāyena sabbapadavissajjanāni veditabbāni.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бариваарабаал̣и • Parivārapāḷi
1. гат̇инаад̇т̇ад̇аад̣̇и • 1. Kathinaatthatādi
2. гат̇инаананд̇арабажжаяаад̣̇и • 2. Kathinaanantarapaccayādi
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / гат̇инабхзд̣̇аван̣н̣анаа • Kathinabhedavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / гат̇инаад̇т̇ад̇аад̣̇иван̣н̣анаа • Kathinaatthatādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / гат̇инаад̇т̇ад̇аад̣̇иван̣н̣анаа • Kathinaatthatādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / гат̇инаад̇т̇ад̇аад̣̇иван̣н̣анаа • Kathinaatthatādivaṇṇanā
