| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
гат̇инабхзд̣̇ам̣
Kathinabhedaṃ
гат̇инаад̇т̇ад̇аад̣̇иван̣н̣анаа
Kathinaatthatādivaṇṇanā
404. гат̇инз анааг̇ад̇авасзнаад̇и уд̣̇агаахаран̣аад̣̇ибаяог̇з уббаннз бажчаа д̇хованаад̣̇ибуб̣б̣агаран̣асса уббад̇д̇ид̇о д̇аббаяог̇асса анааг̇ад̇авасзнзва ананд̇арабажжаяо. бажжаяад̇д̇ан̃жасса гаарияабхууд̇асса яасмаа нибпаад̣̇зд̇аб̣б̣ад̇ам̣ ниссааяа бажжаяаа бавад̇д̇аа, на винаа д̇зна, д̇асмаа д̇зна барияааязна вуд̇д̇ам̣, на сабхаавад̇о саб̣б̣ад̇т̇а. д̇знааха ‘‘баяог̇асса хий’’д̇иаад̣̇и. д̇ад̇т̇а баяог̇асса сад̇д̇авид̇хамби буб̣б̣агаран̣ам̣ бажжаяо ход̇ийд̇и самб̣анд̇хо. гааран̣амааха ‘‘яасмаа’’д̇иаад̣̇и. буб̣б̣агаран̣ассад̇т̇ааяаад̇и буб̣б̣агаран̣асса нибпаад̣̇анад̇т̇ааяа. бурзж̇аад̇абажжаязд̇и бурзж̇аад̇абажжаяасса висаяз. зсаад̇и баяог̇о. д̇хованаад̣̇ид̇хаммзсу згамби ад̇д̇ано бурзж̇аад̇абажжаяабхууд̇ам̣ д̇хаммам̣ на лабхад̇и, ад̇д̇ано уббад̇д̇ид̇о бурзж̇аад̇асса буб̣б̣агаран̣асса абхааваад̇и ад̇т̇о. лабхад̇ийд̇и бажчааж̇аад̇абажжаяам̣ буб̣б̣агаран̣ам̣ лабхад̇и, бажчааж̇аад̇абажжаяо ход̇ийд̇и ад̇т̇о.
404. Kathine anāgatavasenāti udakāharaṇādipayoge uppanne pacchā dhovanādipubbakaraṇassa uppattito tappayogassa anāgatavaseneva anantarapaccayo. Paccayattañcassa kāriyabhūtassa yasmā nipphādetabbataṃ nissāya paccayā pavattā, na vinā tena, tasmā tena pariyāyena vuttaṃ, na sabhāvato sabbattha. Tenāha ‘‘payogassa hī’’tiādi. Tattha payogassa sattavidhampi pubbakaraṇaṃ paccayo hotīti sambandho. Kāraṇamāha ‘‘yasmā’’tiādi. Pubbakaraṇassatthāyāti pubbakaraṇassa nipphādanatthāya. Purejātapaccayeti purejātapaccayassa visaye. Esāti payogo. Dhovanādidhammesu ekampi attano purejātapaccayabhūtaṃ dhammaṃ na labhati, attano uppattito purejātassa pubbakaraṇassa abhāvāti attho. Labhatīti pacchājātapaccayaṃ pubbakaraṇaṃ labhati, pacchājātapaccayo hotīti attho.
баал̣ияам̣ баннараса д̇хаммаа сахаж̇аад̇абажжаязна бажжаяод̇и зд̇т̇а буб̣б̣агаран̣ассаад̇и ваа баяог̇ассаад̇и ваа ан̃н̃асса гассажи бажжаяуббаннасса абараамадтад̇д̇аа баннараса д̇хаммаа саяам̣ ан̃н̃аман̃н̃асахаж̇аад̇абажжаязна бажжаяод̇и звамад̇т̇о г̇ахзд̇аб̣б̣о, д̇зхи саха уббаж̇ж̇анагасса ан̃н̃асса абхааваа. звам̣ убари саб̣б̣ад̇т̇а. д̇знааха ‘‘сахаж̇аад̇абажжаяам̣ банаа’’д̇иаад̣̇и. маад̇игаа жа балиб̣од̇хаа жаад̇и зд̇т̇а жа-сад̣̇д̣̇зна бан̃жаанисам̣саани г̇ахид̇аанийд̇и д̣̇адтаб̣б̣ам̣. звам̣ маад̇игаанан̃жа балиб̣од̇хаанан̃жаад̇и зд̇т̇ааби. д̇зхиби ад̇т̇о ананд̇арамзва маад̇игаад̣̇ийхи саха ж̇ааяанд̇и. д̇знзва ‘‘баннараса д̇хаммаа сахаж̇аад̇абажжаязна бажжаяо’’д̇и вуд̇д̇аа. аасаад̇и жийвараасаа. вад̇т̇ууд̇и аасааяа нимид̇д̇абхууд̇ам̣ ануббаннажийварам̣. ‘‘д̣̇ассаама гариссаамаа’’д̇и хи д̣̇ааяагзхи бадин̃н̃аад̇ажийварам̣ ниссааяа ананд̇арам̣ уббаж̇ж̇амаанаа жийвараасаа ананд̇арабажжаяаад̣̇ибхаавзна вуд̇д̇аа. аасаанан̃жа анаасаанан̃жаад̇и лаб̣бхамаанагажийварз уббаж̇ж̇анагажийвараасаанан̃жзва алаб̣бхамаанз жийварз уббаж̇ж̇анагаанаасаанан̃жа, аасаанам̣, д̇аб̣б̣иг̇амаанан̃жаад̇и ад̇т̇о. кан̣з кан̣з уббад̇д̇ибхзд̣̇ам̣ санд̇хааяа ‘‘аасаана’’нд̇и б̣ахуважанам̣ гад̇ам̣, аасааяа , анаасааяа жаад̇и ад̇т̇о. д̇знааха ‘‘аасаа жа анаасаа жаа’’д̇и.
Pāḷiyaṃ pannarasa dhammā sahajātapaccayena paccayoti ettha pubbakaraṇassāti vā payogassāti vā aññassa kassaci paccayuppannassa aparāmaṭṭhattā pannarasa dhammā sayaṃ aññamaññasahajātapaccayena paccayoti evamattho gahetabbo, tehi saha uppajjanakassa aññassa abhāvā. Evaṃ upari sabbattha. Tenāha ‘‘sahajātapaccayaṃ panā’’tiādi. Mātikā ca palibodhā cāti ettha ca-saddena pañcānisaṃsāni gahitānīti daṭṭhabbaṃ. Evaṃ mātikānañca palibodhānañcāti etthāpi. Tehipi attho anantarameva mātikādīhi saha jāyanti. Teneva ‘‘pannarasa dhammā sahajātapaccayena paccayo’’ti vuttā. Āsāti cīvarāsā. Vatthūti āsāya nimittabhūtaṃ anuppannacīvaraṃ. ‘‘Dassāma karissāmā’’ti hi dāyakehi paṭiññātacīvaraṃ nissāya anantaraṃ uppajjamānā cīvarāsā anantarapaccayādibhāvena vuttā. Āsānañca anāsānañcāti labbhamānakacīvare uppajjanakacīvarāsānañceva alabbhamāne cīvare uppajjanakaanāsānañca, āsānaṃ, tabbigamānañcāti attho. Khaṇe khaṇe uppattibhedaṃ sandhāya ‘‘āsāna’’nti bahuvacanaṃ kataṃ, āsāya , anāsāya cāti attho. Tenāha ‘‘āsā ca anāsā cā’’ti.
гат̇инаад̇т̇ад̇аад̣̇иван̣н̣анаа нидтид̇аа.
Kathinaatthatādivaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бариваарабаал̣и • Parivārapāḷi / 2. гат̇инаананд̇арабажжаяаад̣̇и • 2. Kathinaanantarapaccayādi
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бариваара-адтагат̇аа • Parivāra-aṭṭhakathā / гат̇инаад̇т̇ад̇аад̣̇иван̣н̣анаа • Kathinaatthatādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / гат̇инабхзд̣̇аван̣н̣анаа • Kathinabhedavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / гат̇инаад̇т̇ад̇аад̣̇иван̣н̣анаа • Kathinaatthatādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / гат̇инаад̇т̇ад̇аад̣̇иван̣н̣анаа • Kathinaatthatādivaṇṇanā
