| Library / Tipiṭaka / ਤਿਪਿਟਕ • Tipiṭaka / ਪਰਿવਾਰ-ਅਟ੍ਠਕਥਾ • Parivāra-aṭṭhakathā |
ਕਥਿਨਭੇਦਂ
Kathinabhedaṃ
ਕਥਿਨਅਤ੍ਥਤਾਦਿવਣ੍ਣਨਾ
Kathinaatthatādivaṇṇanā
੪੦੩. ਕਥਿਨੇ – ਅਟ੍ਠ ਮਾਤਿਕਾਤਿ ਖਨ੍ਧਕੇ વੁਤ੍ਤਾ ਪਕ੍ਕਮਨਨ੍ਤਿਕਾਦਿਕਾ ਅਟ੍ਠ। ਪਲਿਬੋਧਾਨਿਸਂਸਾਪਿ ਪੁਬ੍ਬੇ વੁਤ੍ਤਾ ਏવ।
403. Kathine – aṭṭha mātikāti khandhake vuttā pakkamanantikādikā aṭṭha. Palibodhānisaṃsāpi pubbe vuttā eva.
੪੦੪. ਪਯੋਗਸ੍ਸਾਤਿ ਚੀવਰਧੋવਨਾਦਿਨੋ ਸਤ੍ਤવਿਧਸ੍ਸ ਪੁਬ੍ਬਕਰਣਸ੍ਸਤ੍ਥਾਯ ਯੋ ਉਦਕਾਹਰਣਾਦਿਕੋ ਪਯੋਗੋ ਕਯਿਰਤਿ, ਤਸ੍ਸ ਪਯੋਗਸ੍ਸ। ਕਤਮੇ ਧਮ੍ਮਾ ਅਨਨ੍ਤਰਪਚ੍ਚਯੇਨ ਪਚ੍ਚਯੋਤਿ ਅਨਾਗਤવਸੇਨ ਅਨਨ੍ਤਰਾ ਹੁਤ੍વਾ ਕਤਮੇ ਧਮ੍ਮਾ ਪਚ੍ਚਯਾ ਹੋਨ੍ਤੀਤਿ ਅਤ੍ਥੋ। ਸਮਨਨ੍ਤਰਪਚ੍ਚਯੇਨਾਤਿ ਸੁਟ੍ਠੁ ਅਨਨ੍ਤਰਪਚ੍ਚਯੇਨ, ਅਨਨ੍ਤਰਪਚ੍ਚਯਮੇવ ਆਸਨ੍ਨਤਰਂ ਕਤ੍વਾ ਪੁਚ੍ਛਤਿ। ਨਿਸ੍ਸਯਪਚ੍ਚਯੇਨਾਤਿ ਉਪ੍ਪਜ੍ਜਮਾਨਸ੍ਸ ਪਯੋਗਸ੍ਸ ਨਿਸ੍ਸਯਂ ਆਧਾਰਭਾવਂ ਉਪਗਤਾ વਿਯ ਹੁਤ੍વਾ ਕਤਮੇ ਧਮ੍ਮਾ ਪਚ੍ਚਯਾ ਹੋਨ੍ਤੀਤਿ ਅਤ੍ਥੋ। ਉਪਨਿਸ੍ਸਯਪਚ੍ਚਯੇਨਾਤਿ ਉਪੇਤੇਨ ਨਿਸ੍ਸਯਪਚ੍ਚਯੇਨ; ਨਿਸ੍ਸਯਪਚ੍ਚਯਮੇવ ਉਪਗਤਤਰਂ ਕਤ੍વਾ ਪੁਚ੍ਛਤਿ। ਪੁਰੇਜਾਤਪਚ੍ਚਯੇਨਾਤਿ ਇਮਿਨਾ ਪਠਮਂ ਉਪ੍ਪਨ੍ਨਸ੍ਸ ਪਚ੍ਚਯਭਾવਂ ਪੁਚ੍ਛਤਿ। ਪਚ੍ਛਾਜਾਤਪਚ੍ਚਯੇਨਾਤਿ ਇਮਿਨਾ ਪਚ੍ਛਾ ਉਪ੍ਪਜ੍ਜਨਕਸ੍ਸ ਪਚ੍ਚਯਭਾવਂ ਪੁਚ੍ਛਤਿ। ਸਹਜਾਤਪਚ੍ਚਯੇਨਾਤਿ ਇਮਿਨਾ ਅਪੁਬ੍ਬਂ ਅਚਰਿਮਂ ਉਪ੍ਪਜ੍ਜਮਾਨਾਨਂ ਪਚ੍ਚਯਭਾવਂ ਪੁਚ੍ਛਤਿ। ਪੁਬ੍ਬਕਰਣਸ੍ਸਾਤਿ ਧੋવਨਾਦਿਨੋ ਪੁਬ੍ਬਕਰਣਸ੍ਸ। ਪਚ੍ਚੁਦ੍ਧਾਰਸ੍ਸਾਤਿ ਪੁਰਾਣਸਙ੍ਘਾਟਿਆਦੀਨਂ ਪਚ੍ਚੁਦ੍ਧਰਣਸ੍ਸ। ਅਧਿਟ੍ਠਾਨਸ੍ਸਾਤਿ ਕਥਿਨਚੀવਰਾਧਿਟ੍ਠਾਨਸ੍ਸ। ਅਤ੍ਥਾਰਸ੍ਸਾਤਿ ਕਥਿਨਤ੍ਥਾਰਸ੍ਸ। ਮਾਤਿਕਾਨਞ੍ਚ ਪਲਿਬੋਧਾਨਞ੍ਚਾਤਿ ਅਟ੍ਠਨ੍ਨਂ ਮਾਤਿਕਾਨਂ ਦ੍વਿਨ੍ਨਞ੍ਚ ਪਲਿਬੋਧਾਨਂ। વਤ੍ਥੁਸ੍ਸਾਤਿ ਸਙ੍ਘਾਟਿਆਦਿਨੋ ਕਥਿਨવਤ੍ਥੁਸ੍ਸ; ਸੇਸਂ વੁਤ੍ਤਨਯਮੇવ।
404.Payogassāti cīvaradhovanādino sattavidhassa pubbakaraṇassatthāya yo udakāharaṇādiko payogo kayirati, tassa payogassa. Katame dhammā anantarapaccayena paccayoti anāgatavasena anantarā hutvā katame dhammā paccayā hontīti attho. Samanantarapaccayenāti suṭṭhu anantarapaccayena, anantarapaccayameva āsannataraṃ katvā pucchati. Nissayapaccayenāti uppajjamānassa payogassa nissayaṃ ādhārabhāvaṃ upagatā viya hutvā katame dhammā paccayā hontīti attho. Upanissayapaccayenāti upetena nissayapaccayena; nissayapaccayameva upagatataraṃ katvā pucchati. Purejātapaccayenāti iminā paṭhamaṃ uppannassa paccayabhāvaṃ pucchati. Pacchājātapaccayenāti iminā pacchā uppajjanakassa paccayabhāvaṃ pucchati. Sahajātapaccayenāti iminā apubbaṃ acarimaṃ uppajjamānānaṃ paccayabhāvaṃ pucchati. Pubbakaraṇassāti dhovanādino pubbakaraṇassa. Paccuddhārassāti purāṇasaṅghāṭiādīnaṃ paccuddharaṇassa. Adhiṭṭhānassāti kathinacīvarādhiṭṭhānassa. Atthārassāti kathinatthārassa. Mātikānañca palibodhānañcāti aṭṭhannaṃ mātikānaṃ dvinnañca palibodhānaṃ. Vatthussāti saṅghāṭiādino kathinavatthussa; sesaṃ vuttanayameva.
ਏવਂ ਯਞ੍ਚ ਲਬ੍ਭਤਿ ਯਞ੍ਚ ਨ ਲਬ੍ਭਤਿ, ਸਬ੍ਬਂ ਪੁਚ੍ਛਿਤ੍વਾ ਇਦਾਨਿ ਯਂ ਯਸ੍ਸ ਲਬ੍ਭਤਿ, ਤਦੇવ ਦਸ੍ਸੇਨ੍ਤੋ ਪੁਬ੍ਬਕਰਣਂ ਪਯੋਗਸ੍ਸਾਤਿਆਦਿਨਾ ਨਯੇਨ વਿਸ੍ਸਜ੍ਜਨਮਾਹ। ਤਸ੍ਸਤ੍ਥੋ – ਯਂ વੁਤ੍ਤਂ ‘‘ਪਯੋਗਸ੍ਸ ਕਤਮੇ ਧਮ੍ਮਾ’’ਤਿਆਦਿ, ਤਤ੍ਥ વੁਚ੍ਚਤੇ, ਪੁਬ੍ਬਕਰਣਂ ਪਯੋਗਸ੍ਸ ਅਨਨ੍ਤਰਪਚ੍ਚਯੇਨ ਪਚ੍ਚਯੋ, ਸਮਨਨ੍ਤਰਨਿਸ੍ਸਯਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ। ਪਯੋਗਸ੍ਸ ਹਿ ਸਤ੍ਤવਿਧਮ੍ਪਿ ਪੁਬ੍ਬਕਰਣਂ ਯਸ੍ਮਾ ਤੇਨ ਪਯੋਗੇਨ ਨਿਪ੍ਫਾਦੇਤਬ੍ਬਸ੍ਸ ਪੁਬ੍ਬਕਰਣਸ੍ਸਤ੍ਥਾਯ ਸੋ ਪਯੋਗੋ ਕਯਿਰਤਿ, ਤਸ੍ਮਾ ਇਮੇਹਿ ਚਤੂਹਿ ਪਚ੍ਚਯੇਹਿ ਪਚ੍ਚਯੋ ਹੋਤਿ। ਪੁਰੇਜਾਤਪਚ੍ਚਯੇ ਪਨੇਸ ਉਦ੍ਦਿਟ੍ਠਧਮ੍ਮੇਸੁ ਏਕਧਮ੍ਮਮ੍ਪਿ ਨ ਲਭਤਿ, ਅਞ੍ਞਦਤ੍ਥੁ ਪੁਬ੍ਬਕਰਣਸ੍ਸ ਸਯਂ ਪੁਰੇਜਾਤਪਚ੍ਚਯੋ ਹੋਤਿ, ਪਯੋਗੇ ਸਤਿ ਪੁਬ੍ਬਕਰਣਸ੍ਸ ਨਿਪ੍ਫਜ੍ਜਨਤੋ । ਤੇਨ વੁਤ੍ਤਂ – ‘‘ਪਯੋਗੋ ਪੁਬ੍ਬਕਰਣਸ੍ਸ ਪੁਰੇਜਾਤਪਚ੍ਚਯੇਨ ਪਚ੍ਚਯੋ’’ਤਿ। ਪਚ੍ਛਾਜਾਤਪਚ੍ਚਯਂ ਪਨ ਲਭਤਿ, ਤੇਨ વੁਤ੍ਤਂ – ‘‘ਪੁਬ੍ਬਕਰਣਂ ਪਯੋਗਸ੍ਸ ਪਚ੍ਛਾਜਾਤਪਚ੍ਚਯੇਨ ਪਚ੍ਚਯੋ’’ਤਿ। ਪਚ੍ਛਾ ਉਪ੍ਪਜ੍ਜਨਕਸ੍ਸ ਹਿ ਪੁਬ੍ਬਕਰਣਸ੍ਸ ਅਤ੍ਥਾਯ ਸੋ ਪਯੋਗੋ ਕਯਿਰਤਿ। ਸਹਜਾਤਪਚ੍ਚਯਂ ਪਨ ਮਾਤਿਕਾਪਲਿਬੋਧਾਨਿਸਂਸਸਙ੍ਖਾਤੇ ਪਨ੍ਨਰਸ ਧਮ੍ਮੇ ਠਪੇਤ੍વਾ ਅਞ੍ਞੋ ਪਯੋਗਾਦੀਸੁ ਏਕੋਪਿ ਧਮ੍ਮੋ ਨ ਲਭਤਿ, ਤੇ ਏવ ਹਿ ਪਨ੍ਨਰਸ ਧਮ੍ਮਾ ਸਹ ਕਥਿਨਤ੍ਥਾਰੇਨ ਏਕਤੋ ਨਿਪ੍ਫਜ੍ਜਨ੍ਤੀਤਿ ਅਞ੍ਞਮਞ੍ਞਂ ਸਹਜਾਤਪਚ੍ਚਯਾ ਹੋਨ੍ਤਿ। ਤੇਨ વੁਤ੍ਤਂ – ‘‘ਪਨ੍ਨਰਸ ਧਮ੍ਮਾ ਸਹਜਾਤਪਚ੍ਚਯੇਨ ਪਚ੍ਚਯੋ’’ਤਿ। ਏਤੇਨੁਪਾਯੇਨ ਸਬ੍ਬਪਦવਿਸ੍ਸਜ੍ਜਨਾਨਿ વੇਦਿਤਬ੍ਬਾਨਿ।
Evaṃ yañca labbhati yañca na labbhati, sabbaṃ pucchitvā idāni yaṃ yassa labbhati, tadeva dassento pubbakaraṇaṃ payogassātiādinā nayena vissajjanamāha. Tassattho – yaṃ vuttaṃ ‘‘payogassa katame dhammā’’tiādi, tattha vuccate, pubbakaraṇaṃ payogassa anantarapaccayena paccayo, samanantaranissayaupanissayapaccayena paccayo. Payogassa hi sattavidhampi pubbakaraṇaṃ yasmā tena payogena nipphādetabbassa pubbakaraṇassatthāya so payogo kayirati, tasmā imehi catūhi paccayehi paccayo hoti. Purejātapaccaye panesa uddiṭṭhadhammesu ekadhammampi na labhati, aññadatthu pubbakaraṇassa sayaṃ purejātapaccayo hoti, payoge sati pubbakaraṇassa nipphajjanato . Tena vuttaṃ – ‘‘payogo pubbakaraṇassa purejātapaccayena paccayo’’ti. Pacchājātapaccayaṃ pana labhati, tena vuttaṃ – ‘‘pubbakaraṇaṃ payogassa pacchājātapaccayena paccayo’’ti. Pacchā uppajjanakassa hi pubbakaraṇassa atthāya so payogo kayirati. Sahajātapaccayaṃ pana mātikāpalibodhānisaṃsasaṅkhāte pannarasa dhamme ṭhapetvā añño payogādīsu ekopi dhammo na labhati, te eva hi pannarasa dhammā saha kathinatthārena ekato nipphajjantīti aññamaññaṃ sahajātapaccayā honti. Tena vuttaṃ – ‘‘pannarasa dhammā sahajātapaccayena paccayo’’ti. Etenupāyena sabbapadavissajjanāni veditabbāni.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਪਰਿવਾਰਪਾਲ਼ਿ • Parivārapāḷi
੧. ਕਥਿਨਅਤ੍ਥਤਾਦਿ • 1. Kathinaatthatādi
੨. ਕਥਿਨਅਨਨ੍ਤਰਪਚ੍ਚਯਾਦਿ • 2. Kathinaanantarapaccayādi
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਕਥਿਨਭੇਦવਣ੍ਣਨਾ • Kathinabhedavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਕਥਿਨਅਤ੍ਥਤਾਦਿવਣ੍ਣਨਾ • Kathinaatthatādivaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਕਥਿਨਅਤ੍ਥਤਾਦਿવਣ੍ਣਨਾ • Kathinaatthatādivaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ਕਥਿਨਅਤ੍ਥਤਾਦਿવਣ੍ਣਨਾ • Kathinaatthatādivaṇṇanā
