| Library / Tipiṭaka / ਤਿਪਿਟਕ • Tipiṭaka / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi |
ਕਥਿਨਭੇਦਂ
Kathinabhedaṃ
ਕਥਿਨਅਤ੍ਥਤਾਦਿવਣ੍ਣਨਾ
Kathinaatthatādivaṇṇanā
੪੦੩. ਕਥਿਨੇ ਖਨ੍ਧਕੇਤਿ ਕਥਿਨਕ੍ਖਨ੍ਧਕੇ। ਪੁਬ੍ਬੇਤਿ ਕਥਿਨਕ੍ਖਨ੍ਧਕੇ।
403.Kathinekhandhaketi kathinakkhandhake. Pubbeti kathinakkhandhake.
੪੦੪. ਪਯੋਗਸ੍ਸਾਤਿ ਏਤ੍ਥ ਪਯੋਗੋ ਨਾਮ ਕੋਤਿ ਆਹ ‘‘ਚੀવਰਧੋવਨਾਦਿਨੋ’’ਤਿਆਦਿ। ਏਤ੍ਥ ਆਦਿਸਦ੍ਦੇਨ વਿਚਾਰਣਛੇਦਨਬਦ੍ਧਨਸਿਬ੍ਬਨਰਜਨਕਪ੍ਪਬਿਨ੍ਦੁਆਦਿਯਨਾਨਿ ਛ ਪੁਬ੍ਬਕਰਣਾਨਿ ਸਙ੍ਗਣ੍ਹਾਤਿ। ਉਦਕਾਹਰਣਾਦਿਕੋ ਯੋ ਪਯੋਗੋ ਕਰੀਯਤੀਤਿ ਯੋਜਨਾ। ਅਨਨ੍ਤਰੋ ਨਾਮ ਅਤੀਤਾਨਨ੍ਤਰਅਨਾਗਤਾਨਨ੍ਤਰવਸੇਨ ਦੁવਿਧੋ, ਇਧ ਅਨਾਗਤਾਨਨ੍ਤਰੋਯੇવ ਅਧਿਪ੍ਪੇਤੋਤਿ ਆਹ ‘‘ਅਨਾਗਤવਸੇਨਾ’’ਤਿ। ਉਦਕਾਹਰਣਾਦਿਪਯੋਗੇ ਹਿ ਉਪ੍ਪਨ੍ਨੇ ਪਚ੍ਛਾ ਧੋવਨਾਦਿਪੁਬ੍ਬਕਰਣਸ੍ਸ ਉਪ੍ਪਤ੍ਤਿਤੋ ਤਪ੍ਪਯੋਗਸ੍ਸ ਅਨਾਗਤવਸੇਨੇવ ਪਚ੍ਚਯੋ। ਸਮਨਨ੍ਤਰਪਚ੍ਚਯੇਨਾਤਿ ਏਤ੍ਥ ਸਂਸਦ੍ਦੋ ਸੁਟ੍ਠੁਅਤ੍ਥੋਤਿ ਆਹ ‘‘ਸੁਟ੍ਠੁ ਅਨਨ੍ਤਰਪਚ੍ਚਯੇਨਾ’’ਤਿ। ‘‘ਆਸਨ੍ਨਤਰ’’ਨ੍ਤਿ ਇਮਿਨਾ ਸੁਟ੍ਠੁਭਾવਂ ਦਸ੍ਸੇਤਿ। ‘‘ਪਯੋਗਸ੍ਸਾ’’ਤਿ ਪਦਂ ‘‘ਆਧਾਰਭਾવ’’ਨ੍ਤਿ ਪਦੇ ਸਾਮੀ, ‘‘ਪਚ੍ਚਯਾ ਹੋਨ੍ਤੀ’’ਤਿ ਪਦੇ ਸਮ੍ਪਦਾਨਂ। ‘‘ਨਿਸ੍ਸਯ’’ਨ੍ਤਿ ਪਦਂ ‘‘ਆਧਾਰਭਾવ’’ਨ੍ਤਿ ਪਦੇਨ ਸਂવਣ੍ਣੇਤਿ। ‘‘ਉਪੇਤੇਨਾ’’ਤਿ ਇਮਿਨਾ ਉਪਸਦ੍ਦਸ੍ਸ ਉਪਗਮਨਤ੍ਥਂ ਦਸ੍ਸੇਤਿ, ਬਲવਤ੍ਥਂ ਪਟਿਕ੍ਖਿਪਤਿ। ਪਠਮਨ੍ਤਿ ਪਯੋਗਤੋ, ਪਯੋਗਸ੍ਸ વਾ ਤਾવ। ਇਮਿਨਾ ਪੁਰੇਜਾਤਪਚ੍ਚਯੇਨਾਤਿ ਏਤ੍ਥ ਪੁਰੇਸਦ੍ਦੋ ਪਠਮਤ੍ਥੋਤਿ ਦਸ੍ਸੇਤਿ। ਪਚ੍ਛਾਤਿ ਪਯੋਗਤੋ, ਪਯੋਗਸ੍ਸ વਾ ਪਰਂ। ਅਪੁਬ੍ਬਂ ਅਚਰਿਮਨ੍ਤਿ ਏਕਪਹਾਰੇਨ। ਇਮਿਨਾ ਸਹਜਾਤਸਦ੍ਦਸ੍ਸ ਅਤ੍ਥਂ ਦਸ੍ਸੇਤਿ।
404.Payogassāti ettha payogo nāma koti āha ‘‘cīvaradhovanādino’’tiādi. Ettha ādisaddena vicāraṇachedanabaddhanasibbanarajanakappabinduādiyanāni cha pubbakaraṇāni saṅgaṇhāti. Udakāharaṇādiko yo payogo karīyatīti yojanā. Anantaro nāma atītānantaraanāgatānantaravasena duvidho, idha anāgatānantaroyeva adhippetoti āha ‘‘anāgatavasenā’’ti. Udakāharaṇādipayoge hi uppanne pacchā dhovanādipubbakaraṇassa uppattito tappayogassa anāgatavaseneva paccayo. Samanantarapaccayenāti ettha saṃsaddo suṭṭhuatthoti āha ‘‘suṭṭhu anantarapaccayenā’’ti. ‘‘Āsannatara’’nti iminā suṭṭhubhāvaṃ dasseti. ‘‘Payogassā’’ti padaṃ ‘‘ādhārabhāva’’nti pade sāmī, ‘‘paccayā hontī’’ti pade sampadānaṃ. ‘‘Nissaya’’nti padaṃ ‘‘ādhārabhāva’’nti padena saṃvaṇṇeti. ‘‘Upetenā’’ti iminā upasaddassa upagamanatthaṃ dasseti, balavatthaṃ paṭikkhipati. Paṭhamanti payogato, payogassa vā tāva. Iminā purejātapaccayenāti ettha puresaddo paṭhamatthoti dasseti. Pacchāti payogato, payogassa vā paraṃ. Apubbaṃ acarimanti ekapahārena. Iminā sahajātasaddassa atthaṃ dasseti.
ਏવਂ ਪੁਚ੍ਛਿਤ੍વਾਤਿ ਸਮ੍ਬਨ੍ਧੋ। ਯਨ੍ਤਿ ਧਮ੍ਮਜਾਤਂ। ਇਦਾਨਿ ਆਹਾਤਿ ਸਮ੍ਬਨ੍ਧੋ। ਯਸ੍ਸਾਤਿ ਪਯੋਗਾਦਿਕਸ੍ਸ। ਤਦੇવਾਤਿ ਧਮ੍ਮਜਾਤਮੇવ। ਤਸ੍ਸਾਤਿ ‘‘ਪੁਬ੍ਬਕਰਣਂ ਪਯੋਗਸ੍ਸਾ’’ਤਿਆਦਿવਚਨਸ੍ਸ ਅਤ੍ਥੋ ਏવਂ વੇਦਿਤਬ੍ਬੋਤਿ ਯੋਜਨਾ। ‘‘ਪਯੋਗਸ੍ਸ ਕਤਮੇ ਧਮ੍ਮਾ’’ਤਿਆਦਿ ਯਂ વਚਨਂ વੁਤ੍ਤਂ, ਤਤ੍ਥ વਿਸ੍ਸਜ੍ਜਨਂ ਮਯਾ વੁਚ੍ਚਤੇਤਿ ਯੋਜਨਾ। ਇਮਿਨਾ ਪਾਲ਼ਿਯਂ ਅਜ੍ਝਾਹਰਿਤ੍વਾ ਯੋਜੇਤਬ੍ਬਭਾવਂ ਦਸ੍ਸੇਤਿ। ਚਤੂਹਿ ਪਚ੍ਚਯੇਹਿ ਪਚ੍ਚਯਾਕਾਰਂ વਿਤ੍ਥਾਰੇਨ੍ਤੋ ਆਹ ‘‘ਪਯੋਗਸ੍ਸ ਹੀ’’ਤਿਆਦਿ। ਪਯੋਗਸ੍ਸ ਪੁਬ੍ਬਕਰਣਂ ਪਚ੍ਚਯੋ ਹੋਤੀਤਿ ਸਮ੍ਬਨ੍ਧੋ। ਉਦ੍ਦਿਟ੍ਠਧਮ੍ਮੇਸੂਤਿ ‘‘ਅਨਨ੍ਤਰਪਚ੍ਚਯੇਨ ਪਚ੍ਚਯੋ’’ਤਿਆਦਿਨਾ ਉਦ੍ਦਿਟ੍ਠੇਸੁ ਧਮ੍ਮੇਸੁ ਪੁਰੇਜਾਤਪਚ੍ਚਯੋ ਪਨੇਸਾਤਿ ਸਮ੍ਬਨ੍ਧੋ। ਅਥ વਾ ਉਦ੍ਦਿਟ੍ਠਧਮ੍ਮੇਸੂਤਿ ਪੁਬ੍ਬਕਰਣવਸੇਨ ਉਦ੍ਦਿਟ੍ਠੇਸੁ ਧੋવਨਾਦਿਧਮ੍ਮੇਸੁ ਏਕਧਮ੍ਮਮ੍ਪੀਤਿ ਸਮ੍ਬਨ੍ਧੋ। ਨ ਲਭਤੀਤਿ ਉਦਕਾਹਰਣਾਦਿਪਯੋਗਸ੍ਸ ਪੁਬ੍ਬੇ ਨ ਲਭਤਿ। ਅਯਨ੍ਤਿ ਉਦਕਾਹਰਣਾਦਿਪਯੋਗੋ। ਪਚ੍ਛਾਜਾਤਪਚ੍ਚਯਂ ਪਨ ਲਭਤੀਤਿ ਉਦਕਾਹਰਣਾਦਿਪਯੋਗੋ ਪਚ੍ਛਾਜਾਤਪਚ੍ਚਯਂ ਲਭਤਿ। ਕਸ੍ਮਾ ਲਭਤੀਤਿ ਆਹ ‘‘ਪਚ੍ਛਾ ਉਪ੍ਪਜ੍ਜਨਕਸ੍ਸ ਹੀ’’ਤਿਆਦਿ। ਪਚ੍ਛਾਤਿ ਪਯੋਗਸ੍ਸ, ਪਯੋਗਤੋ વਾ ਪਰਂ। ਹਿ ਯਸ੍ਮਾ ਕਯਿਰਤਿ, ਤਸ੍ਮਾ ਲਭਤੀਤਿ ਯੋਜਨਾ। ਸਹਜਾਤਪਚ੍ਚਯਂ ਪਨ ਨ ਲਭਤੀਤਿ ਸਮ੍ਬਨ੍ਧੋ। ਮਾਤਿਕਾਪਲਿਬੋਧਾਨਿਸਂਸਸਙ੍ਖਾਤੇਤਿ ਅਟ੍ਠਮਾਤਿਕਾਦ੍વੇਪਲਿਬੋਧਪਞ੍ਚਾਨਿਸਂਸਸਙ੍ਖਾਤੇ। ਅਞ੍ਞੋਤਿ ਪਨ੍ਨਰਸਹਿ ਧਮ੍ਮੇਹਿ ਅਞ੍ਞੋ। ਪਯੋਗਾਦੀਸੂਤਿਆਦਿਸਦ੍ਦੇਨ ਪੁਬ੍ਬਕਰਣਪਚ੍ਚੁਦ੍ਧਾਰਅਧਿਟ੍ਠਾਨਾਨਿ ਸਙ੍ਗਣ੍ਹਾਤਿ। ਏਤੇਨੁਪਾਯੇਨਾਤਿ ਏਤੇਨ ਯਥਾવੁਤ੍ਤਉਪਾਯੇਨ।
Evaṃ pucchitvāti sambandho. Yanti dhammajātaṃ. Idāni āhāti sambandho. Yassāti payogādikassa. Tadevāti dhammajātameva. Tassāti ‘‘pubbakaraṇaṃ payogassā’’tiādivacanassa attho evaṃ veditabboti yojanā. ‘‘Payogassa katame dhammā’’tiādi yaṃ vacanaṃ vuttaṃ, tattha vissajjanaṃ mayā vuccateti yojanā. Iminā pāḷiyaṃ ajjhāharitvā yojetabbabhāvaṃ dasseti. Catūhi paccayehi paccayākāraṃ vitthārento āha ‘‘payogassa hī’’tiādi. Payogassa pubbakaraṇaṃ paccayo hotīti sambandho. Uddiṭṭhadhammesūti ‘‘anantarapaccayena paccayo’’tiādinā uddiṭṭhesu dhammesu purejātapaccayo panesāti sambandho. Atha vā uddiṭṭhadhammesūti pubbakaraṇavasena uddiṭṭhesu dhovanādidhammesu ekadhammampīti sambandho. Na labhatīti udakāharaṇādipayogassa pubbe na labhati. Ayanti udakāharaṇādipayogo. Pacchājātapaccayaṃ pana labhatīti udakāharaṇādipayogo pacchājātapaccayaṃ labhati. Kasmā labhatīti āha ‘‘pacchā uppajjanakassa hī’’tiādi. Pacchāti payogassa, payogato vā paraṃ. Hi yasmā kayirati, tasmā labhatīti yojanā. Sahajātapaccayaṃ pana na labhatīti sambandho. Mātikāpalibodhānisaṃsasaṅkhāteti aṭṭhamātikādvepalibodhapañcānisaṃsasaṅkhāte. Aññoti pannarasahi dhammehi añño. Payogādīsūtiādisaddena pubbakaraṇapaccuddhāraadhiṭṭhānāni saṅgaṇhāti. Etenupāyenāti etena yathāvuttaupāyena.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਪਰਿવਾਰਪਾਲ਼ਿ • Parivārapāḷi
੧. ਕਥਿਨਅਤ੍ਥਤਾਦਿ • 1. Kathinaatthatādi
੨. ਕਥਿਨਅਨਨ੍ਤਰਪਚ੍ਚਯਾਦਿ • 2. Kathinaanantarapaccayādi
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਪਰਿવਾਰ-ਅਟ੍ਠਕਥਾ • Parivāra-aṭṭhakathā / ਕਥਿਨਅਤ੍ਥਤਾਦਿવਣ੍ਣਨਾ • Kathinaatthatādivaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਕਥਿਨਭੇਦવਣ੍ਣਨਾ • Kathinabhedavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਕਥਿਨਅਤ੍ਥਤਾਦਿવਣ੍ਣਨਾ • Kathinaatthatādivaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਕਥਿਨਅਤ੍ਥਤਾਦਿવਣ੍ਣਨਾ • Kathinaatthatādivaṇṇanā
