| Library / Tipiṭaka / திபிடக • Tipiṭaka / விமதிவினோத³னீ-டீகா • Vimativinodanī-ṭīkā |
கதி²னாதி³ஜானிதப்³ப³விபா⁴க³வண்ணனா
Kathinādijānitabbavibhāgavaṇṇanā
412. யேஸு ரூபாதி³த⁴ம்மேஸூதி ‘‘புரிமவஸ்ஸங்வுத்தா² பி⁴க்கூ², பஞ்சஹி அனூனோ ஸங்கோ⁴, சீவரமாஸோ, த⁴ம்மேன ஸமேன ஸமுப்பன்னங் சீவர’’ந்தி ஏவமாதீ³ஸு யேஸு ரூபாரூபத⁴ம்மேஸு. ஸதீதி ஸந்தேஸு. மிஸ்ஸீபா⁴வோதி ஸங்ஸக்³க³தா ஸமூஹபஞ்ஞத்திமத்தங். தேனாஹ ‘‘ந பரமத்த²தோ ஏகோ த⁴ம்மோ அத்தீ²’’தி.
412.Yesurūpādidhammesūti ‘‘purimavassaṃvutthā bhikkhū, pañcahi anūno saṅgho, cīvaramāso, dhammena samena samuppannaṃ cīvara’’nti evamādīsu yesu rūpārūpadhammesu. Satīti santesu. Missībhāvoti saṃsaggatā samūhapaññattimattaṃ. Tenāha ‘‘na paramatthato eko dhammo atthī’’ti.
416. ஏகதோ உப்பஜ்ஜந்தீதி கதி²னுத்³தா⁴ரேன ஸஹ உப்பஜ்ஜமானாரஹா ஹொந்தீதி அத்தோ². கதி²னத்தா²ரதோ ஹி பபு⁴தி ஸப்³பே³ கதி²னுத்³தா⁴ரா தங் தங் காரணந்தரமாக³ம்ம உப்பஜ்ஜந்தி, தஸ்மா ஸப்³பே³ ஏகுப்பாதா³ நாம ஜாதா. தேஸு அந்தருப்³பா⁴ரஸஹுப்³பா⁴ரா த்³வே ஏவ தங் விஹாரங் அனத்த²தகதி²னவிஹாரஸதி³ஸங் கரொந்தா ஸயங் ஸகலேன கதி²னத்தா²ரேன ஸஹ நிருஜ்ஜ²ந்தி உத்³தா⁴ரபா⁴வங் பாபுணந்தி . அவஸேஸா பன தங் தங் பாடிபுக்³க³லிகமேவ கதி²னத்தா²ரங் த்³வின்னங் பலிபோ³தா⁴னங் உபச்சி²ந்த³னவஸேன நிரோதெ⁴ந்தா ஸயங் உத்³தா⁴ரபா⁴வங் பாபுணந்தி, ந ஸகலங் கதி²னத்தா²ரங். கதி²னுத்³தா⁴ரானஞ்ச நிரோதோ⁴ நாம தங் தங் காரணமாக³ம்ம உத்³தா⁴ரபா⁴வப்பத்தி, ஏவஞ்ச உப்பத்தி நாம கதி²னுத்³தா⁴ரோ ஏவ. தேனாஹ ‘‘ஸப்³பே³பி அத்தா²ரேன ஸத்³தி⁴ங் ஏகதோ உப்பஜ்ஜந்தீ’’திஆதி³. தத்த² புரிமா த்³வேதி ‘‘ஏகுப்பாதா³ ஏகனிரோதா⁴’’தி பாளியங் பட²மங் வுத்தா அந்தருப்³பா⁴ரஸஹுப்³பா⁴ரா த்³வே. தேஸூதி பக்கமனந்திகாதீ³ஸு. உத்³தா⁴ரபா⁴வங் பத்தேஸூதி உத்³தா⁴ரபா⁴வப்பத்திஸங்கா²தனிரோத⁴ங் பத்தேஸூதி அத்தோ². அத்தா²ரோ திட்ட²தீதி கதசீவரங் ஆதா³ய பக்கந்தாதி³புக்³க³லங் ட²பெத்வா தத³வஸேஸானங் பலிபோ³த⁴ஸப்³பா⁴வதோ கதி²னத்தா²ரோ திட்ட²தி.
416.Ekato uppajjantīti kathinuddhārena saha uppajjamānārahā hontīti attho. Kathinatthārato hi pabhuti sabbe kathinuddhārā taṃ taṃ kāraṇantaramāgamma uppajjanti, tasmā sabbe ekuppādā nāma jātā. Tesu antarubbhārasahubbhārā dve eva taṃ vihāraṃ anatthatakathinavihārasadisaṃ karontā sayaṃ sakalena kathinatthārena saha nirujjhanti uddhārabhāvaṃ pāpuṇanti . Avasesā pana taṃ taṃ pāṭipuggalikameva kathinatthāraṃ dvinnaṃ palibodhānaṃ upacchindanavasena nirodhentā sayaṃ uddhārabhāvaṃ pāpuṇanti, na sakalaṃ kathinatthāraṃ. Kathinuddhārānañca nirodho nāma taṃ taṃ kāraṇamāgamma uddhārabhāvappatti, evañca uppatti nāma kathinuddhāro eva. Tenāha ‘‘sabbepi atthārena saddhiṃ ekato uppajjantī’’tiādi. Tattha purimā dveti ‘‘ekuppādā ekanirodhā’’ti pāḷiyaṃ paṭhamaṃ vuttā antarubbhārasahubbhārā dve. Tesūti pakkamanantikādīsu. Uddhārabhāvaṃ pattesūti uddhārabhāvappattisaṅkhātanirodhaṃ pattesūti attho. Atthāro tiṭṭhatīti katacīvaraṃ ādāya pakkantādipuggalaṃ ṭhapetvā tadavasesānaṃ palibodhasabbhāvato kathinatthāro tiṭṭhati.
கதி²னாதி³ஜானிதப்³ப³விபா⁴க³வண்ணனா நிட்டி²தா.
Kathinādijānitabbavibhāgavaṇṇanā niṭṭhitā.
பஞ்ஞத்திவக்³க³வண்ணனானயோ நிட்டி²தோ.
Paññattivaggavaṇṇanānayo niṭṭhito.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / பரிவாரபாளி • Parivārapāḷi
4. கதி²னாதி³ஜானிதப்³ப³விபா⁴கோ³ • 4. Kathinādijānitabbavibhāgo
6. பலிபோ³த⁴பஞ்ஹாப்³யாகரணங் • 6. Palibodhapañhābyākaraṇaṃ
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / பரிவார-அட்ட²கதா² • Parivāra-aṭṭhakathā / கதி²னாதி³ஜானிதப்³ப³விபா⁴க³வண்ணனா • Kathinādijānitabbavibhāgavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / கதி²னபே⁴த³வண்ணனா • Kathinabhedavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā
கதி²னாதி³ஜானிதப்³ப³விபா⁴க³வண்ணனா • Kathinādijānitabbavibhāgavaṇṇanā
பலிபோ³த⁴பஞ்ஹாப்³யாகரணகதா²வண்ணனா • Palibodhapañhābyākaraṇakathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / கதி²னாதி³ஜானிதப்³ப³விபா⁴க³வண்ணனா • Kathinādijānitabbavibhāgavaṇṇanā
