| Library / Tipiṭaka / তিপিটক • Tipiṭaka / ৰিমতিৰিনোদনী-টীকা • Vimativinodanī-ṭīkā |
কথিনাদিজানিতব্বৰিভাগৰণ্ণনা
Kathinādijānitabbavibhāgavaṇṇanā
৪১২. যেসু রূপাদিধম্মেসূতি ‘‘পুরিমৰস্সংৰুত্থা ভিক্খূ, পঞ্চহি অনূনো সঙ্ঘো, চীৰরমাসো, ধম্মেন সমেন সমুপ্পন্নং চীৰর’’ন্তি এৰমাদীসু যেসু রূপারূপধম্মেসু। সতীতি সন্তেসু। মিস্সীভাৰোতি সংসগ্গতা সমূহপঞ্ঞত্তিমত্তং। তেনাহ ‘‘ন পরমত্থতো একো ধম্মো অত্থী’’তি।
412.Yesurūpādidhammesūti ‘‘purimavassaṃvutthā bhikkhū, pañcahi anūno saṅgho, cīvaramāso, dhammena samena samuppannaṃ cīvara’’nti evamādīsu yesu rūpārūpadhammesu. Satīti santesu. Missībhāvoti saṃsaggatā samūhapaññattimattaṃ. Tenāha ‘‘na paramatthato eko dhammo atthī’’ti.
৪১৬. একতো উপ্পজ্জন্তীতি কথিনুদ্ধারেন সহ উপ্পজ্জমানারহা হোন্তীতি অত্থো। কথিনত্থারতো হি পভুতি সব্বে কথিনুদ্ধারা তং তং কারণন্তরমাগম্ম উপ্পজ্জন্তি, তস্মা সব্বে একুপ্পাদা নাম জাতা। তেসু অন্তরুব্ভারসহুব্ভারা দ্ৰে এৰ তং ৰিহারং অনত্থতকথিনৰিহারসদিসং করোন্তা সযং সকলেন কথিনত্থারেন সহ নিরুজ্ঝন্তি উদ্ধারভাৰং পাপুণন্তি । অৰসেসা পন তং তং পাটিপুগ্গলিকমেৰ কথিনত্থারং দ্ৰিন্নং পলিবোধানং উপচ্ছিন্দনৰসেন নিরোধেন্তা সযং উদ্ধারভাৰং পাপুণন্তি, ন সকলং কথিনত্থারং। কথিনুদ্ধারানঞ্চ নিরোধো নাম তং তং কারণমাগম্ম উদ্ধারভাৰপ্পত্তি, এৰঞ্চ উপ্পত্তি নাম কথিনুদ্ধারো এৰ। তেনাহ ‘‘সব্বেপি অত্থারেন সদ্ধিং একতো উপ্পজ্জন্তী’’তিআদি। তত্থ পুরিমা দ্ৰেতি ‘‘একুপ্পাদা একনিরোধা’’তি পাল়িযং পঠমং ৰুত্তা অন্তরুব্ভারসহুব্ভারা দ্ৰে। তেসূতি পক্কমনন্তিকাদীসু। উদ্ধারভাৰং পত্তেসূতি উদ্ধারভাৰপ্পত্তিসঙ্খাতনিরোধং পত্তেসূতি অত্থো। অত্থারো তিট্ঠতীতি কতচীৰরং আদায পক্কন্তাদিপুগ্গলং ঠপেত্ৰা তদৰসেসানং পলিবোধসব্ভাৰতো কথিনত্থারো তিট্ঠতি।
416.Ekato uppajjantīti kathinuddhārena saha uppajjamānārahā hontīti attho. Kathinatthārato hi pabhuti sabbe kathinuddhārā taṃ taṃ kāraṇantaramāgamma uppajjanti, tasmā sabbe ekuppādā nāma jātā. Tesu antarubbhārasahubbhārā dve eva taṃ vihāraṃ anatthatakathinavihārasadisaṃ karontā sayaṃ sakalena kathinatthārena saha nirujjhanti uddhārabhāvaṃ pāpuṇanti . Avasesā pana taṃ taṃ pāṭipuggalikameva kathinatthāraṃ dvinnaṃ palibodhānaṃ upacchindanavasena nirodhentā sayaṃ uddhārabhāvaṃ pāpuṇanti, na sakalaṃ kathinatthāraṃ. Kathinuddhārānañca nirodho nāma taṃ taṃ kāraṇamāgamma uddhārabhāvappatti, evañca uppatti nāma kathinuddhāro eva. Tenāha ‘‘sabbepi atthārena saddhiṃ ekato uppajjantī’’tiādi. Tattha purimā dveti ‘‘ekuppādā ekanirodhā’’ti pāḷiyaṃ paṭhamaṃ vuttā antarubbhārasahubbhārā dve. Tesūti pakkamanantikādīsu. Uddhārabhāvaṃ pattesūti uddhārabhāvappattisaṅkhātanirodhaṃ pattesūti attho. Atthāro tiṭṭhatīti katacīvaraṃ ādāya pakkantādipuggalaṃ ṭhapetvā tadavasesānaṃ palibodhasabbhāvato kathinatthāro tiṭṭhati.
কথিনাদিজানিতব্বৰিভাগৰণ্ণনা নিট্ঠিতা।
Kathinādijānitabbavibhāgavaṇṇanā niṭṭhitā.
পঞ্ঞত্তিৰগ্গৰণ্ণনানযো নিট্ঠিতো।
Paññattivaggavaṇṇanānayo niṭṭhito.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / পরিৰারপাল়ি • Parivārapāḷi
৪. কথিনাদিজানিতব্বৰিভাগো • 4. Kathinādijānitabbavibhāgo
৬. পলিবোধপঞ্হাব্যাকরণং • 6. Palibodhapañhābyākaraṇaṃ
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / পরিৰার-অট্ঠকথা • Parivāra-aṭṭhakathā / কথিনাদিজানিতব্বৰিভাগৰণ্ণনা • Kathinādijānitabbavibhāgavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / কথিনভেদৰণ্ণনা • Kathinabhedavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā
কথিনাদিজানিতব্বৰিভাগৰণ্ণনা • Kathinādijānitabbavibhāgavaṇṇanā
পলিবোধপঞ্হাব্যাকরণকথাৰণ্ণনা • Palibodhapañhābyākaraṇakathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi / কথিনাদিজানিতব্বৰিভাগৰণ্ণনা • Kathinādijānitabbavibhāgavaṇṇanā
