| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
гат̇инаад̣̇иж̇аанид̇аб̣б̣авибхааг̇аван̣н̣анаа
Kathinādijānitabbavibhāgavaṇṇanā
412. язсу руубаад̣̇ид̇хаммзсууд̇и ‘‘буримавассам̣вуд̇т̇аа бхигкуу, бан̃жахи анууно сан̇гхо, жийварамаасо, д̇хаммзна самзна самуббаннам̣ жийвара’’нд̇и звамаад̣̇ийсу язсу руубааруубад̇хаммзсу. сад̇ийд̇и санд̇зсу. миссийбхаавод̇и сам̣саг̇г̇ад̇аа самуухабан̃н̃ад̇д̇имад̇д̇ам̣. д̇знааха ‘‘на барамад̇т̇ад̇о зго д̇хаммо ад̇т̇ий’’д̇и.
412.Yesurūpādidhammesūti ‘‘purimavassaṃvutthā bhikkhū, pañcahi anūno saṅgho, cīvaramāso, dhammena samena samuppannaṃ cīvara’’nti evamādīsu yesu rūpārūpadhammesu. Satīti santesu. Missībhāvoti saṃsaggatā samūhapaññattimattaṃ. Tenāha ‘‘na paramatthato eko dhammo atthī’’ti.
416. згад̇о уббаж̇ж̇анд̇ийд̇и гат̇инуд̣̇д̇хаарзна саха уббаж̇ж̇амаанаарахаа хонд̇ийд̇и ад̇т̇о. гат̇инад̇т̇аарад̇о хи бабхуд̇и саб̣б̣з гат̇инуд̣̇д̇хаараа д̇ам̣ д̇ам̣ гааран̣анд̇арамааг̇амма уббаж̇ж̇анд̇и, д̇асмаа саб̣б̣з згуббаад̣̇аа наама ж̇аад̇аа. д̇зсу анд̇аруб̣бхаарасахуб̣бхаараа д̣̇вз зва д̇ам̣ вихаарам̣ анад̇т̇ад̇агат̇инавихаарасад̣̇исам̣ гаронд̇аа саяам̣ сагалзна гат̇инад̇т̇аарзна саха нируж̇жханд̇и уд̣̇д̇хаарабхаавам̣ баабун̣анд̇и . авасзсаа бана д̇ам̣ д̇ам̣ баадибуг̇г̇алигамзва гат̇инад̇т̇аарам̣ д̣̇виннам̣ балиб̣од̇хаанам̣ убажчинд̣̇анавасзна нирод̇хзнд̇аа саяам̣ уд̣̇д̇хаарабхаавам̣ баабун̣анд̇и, на сагалам̣ гат̇инад̇т̇аарам̣. гат̇инуд̣̇д̇хаараанан̃жа нирод̇хо наама д̇ам̣ д̇ам̣ гааран̣амааг̇амма уд̣̇д̇хаарабхааваббад̇д̇и, зван̃жа уббад̇д̇и наама гат̇инуд̣̇д̇хааро зва. д̇знааха ‘‘саб̣б̣зби ад̇т̇аарзна сад̣̇д̇хим̣ згад̇о уббаж̇ж̇анд̇ий’’д̇иаад̣̇и. д̇ад̇т̇а буримаа д̣̇взд̇и ‘‘згуббаад̣̇аа зганирод̇хаа’’д̇и баал̣ияам̣ батамам̣ вуд̇д̇аа анд̇аруб̣бхаарасахуб̣бхаараа д̣̇вз. д̇зсууд̇и баггамананд̇игаад̣̇ийсу. уд̣̇д̇хаарабхаавам̣ бад̇д̇зсууд̇и уд̣̇д̇хаарабхааваббад̇д̇исан̇каад̇анирод̇хам̣ бад̇д̇зсууд̇и ад̇т̇о. ад̇т̇ааро д̇идтад̇ийд̇и гад̇ажийварам̣ аад̣̇ааяа багганд̇аад̣̇ибуг̇г̇алам̣ табзд̇ваа д̇ад̣̇авасзсаанам̣ балиб̣од̇хасаб̣бхаавад̇о гат̇инад̇т̇ааро д̇идтад̇и.
416.Ekato uppajjantīti kathinuddhārena saha uppajjamānārahā hontīti attho. Kathinatthārato hi pabhuti sabbe kathinuddhārā taṃ taṃ kāraṇantaramāgamma uppajjanti, tasmā sabbe ekuppādā nāma jātā. Tesu antarubbhārasahubbhārā dve eva taṃ vihāraṃ anatthatakathinavihārasadisaṃ karontā sayaṃ sakalena kathinatthārena saha nirujjhanti uddhārabhāvaṃ pāpuṇanti . Avasesā pana taṃ taṃ pāṭipuggalikameva kathinatthāraṃ dvinnaṃ palibodhānaṃ upacchindanavasena nirodhentā sayaṃ uddhārabhāvaṃ pāpuṇanti, na sakalaṃ kathinatthāraṃ. Kathinuddhārānañca nirodho nāma taṃ taṃ kāraṇamāgamma uddhārabhāvappatti, evañca uppatti nāma kathinuddhāro eva. Tenāha ‘‘sabbepi atthārena saddhiṃ ekato uppajjantī’’tiādi. Tattha purimā dveti ‘‘ekuppādā ekanirodhā’’ti pāḷiyaṃ paṭhamaṃ vuttā antarubbhārasahubbhārā dve. Tesūti pakkamanantikādīsu. Uddhārabhāvaṃ pattesūti uddhārabhāvappattisaṅkhātanirodhaṃ pattesūti attho. Atthāro tiṭṭhatīti katacīvaraṃ ādāya pakkantādipuggalaṃ ṭhapetvā tadavasesānaṃ palibodhasabbhāvato kathinatthāro tiṭṭhati.
гат̇инаад̣̇иж̇аанид̇аб̣б̣авибхааг̇аван̣н̣анаа нидтид̇аа.
Kathinādijānitabbavibhāgavaṇṇanā niṭṭhitā.
бан̃н̃ад̇д̇иваг̇г̇аван̣н̣анаанаяо нидтид̇о.
Paññattivaggavaṇṇanānayo niṭṭhito.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бариваарабаал̣и • Parivārapāḷi
4. гат̇инаад̣̇иж̇аанид̇аб̣б̣авибхааг̇о • 4. Kathinādijānitabbavibhāgo
6. балиб̣од̇хабан̃хааб̣яаагаран̣ам̣ • 6. Palibodhapañhābyākaraṇaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бариваара-адтагат̇аа • Parivāra-aṭṭhakathā / гат̇инаад̣̇иж̇аанид̇аб̣б̣авибхааг̇аван̣н̣анаа • Kathinādijānitabbavibhāgavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / гат̇инабхзд̣̇аван̣н̣анаа • Kathinabhedavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā
гат̇инаад̣̇иж̇аанид̇аб̣б̣авибхааг̇аван̣н̣анаа • Kathinādijānitabbavibhāgavaṇṇanā
балиб̣од̇хабан̃хааб̣яаагаран̣агат̇ааван̣н̣анаа • Palibodhapañhābyākaraṇakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / гат̇инаад̣̇иж̇аанид̇аб̣б̣авибхааг̇аван̣н̣анаа • Kathinādijānitabbavibhāgavaṇṇanā
