| Library / Tipiṭaka / तिपिटक • Tipiṭaka / परिवार-अट्ठकथा • Parivāra-aṭṭhakathā |
कथिनादिजानितब्बविभागवण्णना
Kathinādijānitabbavibhāgavaṇṇanā
४१२. कथिनं जानितब्बन्तिआदिपुच्छाय विस्सज्जने – तेसञ्ञेव धम्मानन्ति येसु रूपादिधम्मेसु सति कथिनं नाम होति, तेसं समोधानं मिस्सीभावो। नामं नामकम्मन्तिआदिना पन ‘‘कथिन’’न्ति इदं बहूसु धम्मेसु नाममत्तं, न परमत्थतो एको धम्मो अत्थीति दस्सेति।
412. Kathinaṃ jānitabbantiādipucchāya vissajjane – tesaññeva dhammānanti yesu rūpādidhammesu sati kathinaṃ nāma hoti, tesaṃ samodhānaṃ missībhāvo. Nāmaṃ nāmakammantiādinā pana ‘‘kathina’’nti idaṃ bahūsu dhammesu nāmamattaṃ, na paramatthato eko dhammo atthīti dasseti.
चतुवीसतिया आकारेहीति ‘‘न उल्लिखितमत्तेना’’तिआदीहि पुब्बे वुत्तकारणेहि। सत्तरसहि आकारेहीति ‘‘अहतेन अत्थतं होति कथिन’’न्तिआदीहि पुब्बे वुत्तकारणेहि। निमित्तकम्मादीसु यं वत्तब्बं सब्बं कथिनक्खन्धकवण्णनायं वुत्तं।
Catuvīsatiyā ākārehīti ‘‘na ullikhitamattenā’’tiādīhi pubbe vuttakāraṇehi. Sattarasahi ākārehīti ‘‘ahatena atthataṃ hoti kathina’’ntiādīhi pubbe vuttakāraṇehi. Nimittakammādīsu yaṃ vattabbaṃ sabbaṃ kathinakkhandhakavaṇṇanāyaṃ vuttaṃ.
४१६. एकुप्पादा एकनिरोधाति उप्पज्जमानापि एकतो उप्पज्जन्ति, निरुज्झमानापि एकतो निरुज्झन्ति। एकुप्पादा नानानिरोधाति उप्पज्जमाना एकतो उप्पज्जन्ति, निरुज्झमाना नाना निरुज्झन्ति। किं वुत्तं होति ? सब्बेपि अत्थारेन सद्धिं एकतो उप्पज्जन्ति, अत्थारे हि सति उद्धारो नाम। निरुज्झमाना पनेत्थ पुरिमा द्वे अत्थारेन सद्धिं एकतो निरुज्झन्ति, उद्धारभावं पापुणन्ति। अत्थारस्स हि निरोधो एतेसञ्च उद्धारभावो एकक्खणे होति, इतरे नाना निरुज्झन्ति। तेसु उद्धारभावं पत्तेसुपि अत्थारो तिट्ठतियेव। सेसं सब्बत्थ उत्तानमेवाति।
416.Ekuppādā ekanirodhāti uppajjamānāpi ekato uppajjanti, nirujjhamānāpi ekato nirujjhanti. Ekuppādā nānānirodhāti uppajjamānā ekato uppajjanti, nirujjhamānā nānā nirujjhanti. Kiṃ vuttaṃ hoti ? Sabbepi atthārena saddhiṃ ekato uppajjanti, atthāre hi sati uddhāro nāma. Nirujjhamānā panettha purimā dve atthārena saddhiṃ ekato nirujjhanti, uddhārabhāvaṃ pāpuṇanti. Atthārassa hi nirodho etesañca uddhārabhāvo ekakkhaṇe hoti, itare nānā nirujjhanti. Tesu uddhārabhāvaṃ pattesupi atthāro tiṭṭhatiyeva. Sesaṃ sabbattha uttānamevāti.
समन्तपासादिकाय विनयसंवण्णनाय
Samantapāsādikāya vinayasaṃvaṇṇanāya
कथिनभेदवण्णना निट्ठिता।
Kathinabhedavaṇṇanā niṭṭhitā.
पञ्ञत्तिवग्गवण्णना निट्ठिता।
Paññattivaggavaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / विनयपिटक • Vinayapiṭaka / परिवारपाळि • Parivārapāḷi
४. कथिनादिजानितब्बविभागो • 4. Kathinādijānitabbavibhāgo
६. पलिबोधपञ्हाब्याकरणं • 6. Palibodhapañhābyākaraṇaṃ
टीका • Tīkā / विनयपिटक (टीका) • Vinayapiṭaka (ṭīkā) / सारत्थदीपनी-टीका • Sāratthadīpanī-ṭīkā / कथिनभेदवण्णना • Kathinabhedavaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / वजिरबुद्धि-टीका • Vajirabuddhi-ṭīkā
कथिनादिजानितब्बविभागवण्णना • Kathinādijānitabbavibhāgavaṇṇanā
पलिबोधपञ्हाब्याकरणकथावण्णना • Palibodhapañhābyākaraṇakathāvaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / विमतिविनोदनी-टीका • Vimativinodanī-ṭīkā / कथिनादिजानितब्बविभागवण्णना • Kathinādijānitabbavibhāgavaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / पाचित्यादियोजनापाळि • Pācityādiyojanāpāḷi / कथिनादिजानितब्बविभागवण्णना • Kathinādijānitabbavibhāgavaṇṇanā
