| Library / Tipiṭaka / ติปิฎก • Tipiṭaka / ปริวาร-อฎฺฐกถา • Parivāra-aṭṭhakathā |
กถินาทิชานิตพฺพวิภาควณฺณนา
Kathinādijānitabbavibhāgavaṇṇanā
๔๑๒. กถินํ ชานิตพฺพนฺติอาทิปุจฺฉาย วิสฺสชฺชเน – เตสเญฺญว ธมฺมานนฺติ เยสุ รูปาทิธเมฺมสุ สติ กถินํ นาม โหติ, เตสํ สโมธานํ มิสฺสีภาโวฯ นามํ นามกมฺมนฺติอาทินา ปน ‘‘กถิน’’นฺติ อิทํ พหูสุ ธเมฺมสุ นามมตฺตํ, น ปรมตฺถโต เอโก ธโมฺม อตฺถีติ ทเสฺสติฯ
412. Kathinaṃ jānitabbantiādipucchāya vissajjane – tesaññeva dhammānanti yesu rūpādidhammesu sati kathinaṃ nāma hoti, tesaṃ samodhānaṃ missībhāvo. Nāmaṃ nāmakammantiādinā pana ‘‘kathina’’nti idaṃ bahūsu dhammesu nāmamattaṃ, na paramatthato eko dhammo atthīti dasseti.
จตุวีสติยา อากาเรหีติ ‘‘น อุลฺลิขิตมเตฺตนา’’ติอาทีหิ ปุเพฺพ วุตฺตการเณหิฯ สตฺตรสหิ อากาเรหีติ ‘‘อหเตน อตฺถตํ โหติ กถิน’’นฺติอาทีหิ ปุเพฺพ วุตฺตการเณหิฯ นิมิตฺตกมฺมาทีสุ ยํ วตฺตพฺพํ สพฺพํ กถินกฺขนฺธกวณฺณนายํ วุตฺตํฯ
Catuvīsatiyā ākārehīti ‘‘na ullikhitamattenā’’tiādīhi pubbe vuttakāraṇehi. Sattarasahi ākārehīti ‘‘ahatena atthataṃ hoti kathina’’ntiādīhi pubbe vuttakāraṇehi. Nimittakammādīsu yaṃ vattabbaṃ sabbaṃ kathinakkhandhakavaṇṇanāyaṃ vuttaṃ.
๔๑๖. เอกุปฺปาทา เอกนิโรธาติ อุปฺปชฺชมานาปิ เอกโต อุปฺปชฺชนฺติ, นิรุชฺฌมานาปิ เอกโต นิรุชฺฌนฺติฯ เอกุปฺปาทา นานานิโรธาติ อุปฺปชฺชมานา เอกโต อุปฺปชฺชนฺติ, นิรุชฺฌมานา นานา นิรุชฺฌนฺติฯ กิํ วุตฺตํ โหติ ? สเพฺพปิ อตฺถาเรน สทฺธิํ เอกโต อุปฺปชฺชนฺติ, อตฺถาเร หิ สติ อุทฺธาโร นามฯ นิรุชฺฌมานา ปเนตฺถ ปุริมา เทฺว อตฺถาเรน สทฺธิํ เอกโต นิรุชฺฌนฺติ, อุทฺธารภาวํ ปาปุณนฺติฯ อตฺถารสฺส หิ นิโรโธ เอเตสญฺจ อุทฺธารภาโว เอกกฺขเณ โหติ, อิตเร นานา นิรุชฺฌนฺติฯ เตสุ อุทฺธารภาวํ ปเตฺตสุปิ อตฺถาโร ติฎฺฐติเยวฯ เสสํ สพฺพตฺถ อุตฺตานเมวาติฯ
416.Ekuppādā ekanirodhāti uppajjamānāpi ekato uppajjanti, nirujjhamānāpi ekato nirujjhanti. Ekuppādā nānānirodhāti uppajjamānā ekato uppajjanti, nirujjhamānā nānā nirujjhanti. Kiṃ vuttaṃ hoti ? Sabbepi atthārena saddhiṃ ekato uppajjanti, atthāre hi sati uddhāro nāma. Nirujjhamānā panettha purimā dve atthārena saddhiṃ ekato nirujjhanti, uddhārabhāvaṃ pāpuṇanti. Atthārassa hi nirodho etesañca uddhārabhāvo ekakkhaṇe hoti, itare nānā nirujjhanti. Tesu uddhārabhāvaṃ pattesupi atthāro tiṭṭhatiyeva. Sesaṃ sabbattha uttānamevāti.
สมนฺตปาสาทิกาย วินยสํวณฺณนาย
Samantapāsādikāya vinayasaṃvaṇṇanāya
กถินเภทวณฺณนา นิฎฺฐิตาฯ
Kathinabhedavaṇṇanā niṭṭhitā.
ปญฺญตฺติวคฺควณฺณนา นิฎฺฐิตาฯ
Paññattivaggavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / ปริวารปาฬิ • Parivārapāḷi
๔. กถินาทิชานิตพฺพวิภาโค • 4. Kathinādijānitabbavibhāgo
๖. ปลิโพธปญฺหาพฺยากรณํ • 6. Palibodhapañhābyākaraṇaṃ
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / สารตฺถทีปนี-ฎีกา • Sāratthadīpanī-ṭīkā / กถินเภทวณฺณนา • Kathinabhedavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วชิรพุทฺธิ-ฎีกา • Vajirabuddhi-ṭīkā
กถินาทิชานิตพฺพวิภาควณฺณนา • Kathinādijānitabbavibhāgavaṇṇanā
ปลิโพธปญฺหาพฺยากรณกถาวณฺณนา • Palibodhapañhābyākaraṇakathāvaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วิมติวิโนทนี-ฎีกา • Vimativinodanī-ṭīkā / กถินาทิชานิตพฺพวิภาควณฺณนา • Kathinādijānitabbavibhāgavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / ปาจิตฺยาทิโยชนาปาฬิ • Pācityādiyojanāpāḷi / กถินาทิชานิตพฺพวิภาควณฺณนา • Kathinādijānitabbavibhāgavaṇṇanā
