| Library / Tipiṭaka / ತಿಪಿಟಕ • Tipiṭaka / ವಿಮತಿವಿನೋದನೀ-ಟೀಕಾ • Vimativinodanī-ṭīkā |
ಕಥಿನಾದಿಜಾನಿತಬ್ಬವಿಭಾಗವಣ್ಣನಾ
Kathinādijānitabbavibhāgavaṇṇanā
೪೧೨. ಯೇಸು ರೂಪಾದಿಧಮ್ಮೇಸೂತಿ ‘‘ಪುರಿಮವಸ್ಸಂವುತ್ಥಾ ಭಿಕ್ಖೂ, ಪಞ್ಚಹಿ ಅನೂನೋ ಸಙ್ಘೋ, ಚೀವರಮಾಸೋ, ಧಮ್ಮೇನ ಸಮೇನ ಸಮುಪ್ಪನ್ನಂ ಚೀವರ’’ನ್ತಿ ಏವಮಾದೀಸು ಯೇಸು ರೂಪಾರೂಪಧಮ್ಮೇಸು। ಸತೀತಿ ಸನ್ತೇಸು। ಮಿಸ್ಸೀಭಾವೋತಿ ಸಂಸಗ್ಗತಾ ಸಮೂಹಪಞ್ಞತ್ತಿಮತ್ತಂ। ತೇನಾಹ ‘‘ನ ಪರಮತ್ಥತೋ ಏಕೋ ಧಮ್ಮೋ ಅತ್ಥೀ’’ತಿ।
412.Yesurūpādidhammesūti ‘‘purimavassaṃvutthā bhikkhū, pañcahi anūno saṅgho, cīvaramāso, dhammena samena samuppannaṃ cīvara’’nti evamādīsu yesu rūpārūpadhammesu. Satīti santesu. Missībhāvoti saṃsaggatā samūhapaññattimattaṃ. Tenāha ‘‘na paramatthato eko dhammo atthī’’ti.
೪೧೬. ಏಕತೋ ಉಪ್ಪಜ್ಜನ್ತೀತಿ ಕಥಿನುದ್ಧಾರೇನ ಸಹ ಉಪ್ಪಜ್ಜಮಾನಾರಹಾ ಹೋನ್ತೀತಿ ಅತ್ಥೋ। ಕಥಿನತ್ಥಾರತೋ ಹಿ ಪಭುತಿ ಸಬ್ಬೇ ಕಥಿನುದ್ಧಾರಾ ತಂ ತಂ ಕಾರಣನ್ತರಮಾಗಮ್ಮ ಉಪ್ಪಜ್ಜನ್ತಿ, ತಸ್ಮಾ ಸಬ್ಬೇ ಏಕುಪ್ಪಾದಾ ನಾಮ ಜಾತಾ। ತೇಸು ಅನ್ತರುಬ್ಭಾರಸಹುಬ್ಭಾರಾ ದ್ವೇ ಏವ ತಂ ವಿಹಾರಂ ಅನತ್ಥತಕಥಿನವಿಹಾರಸದಿಸಂ ಕರೋನ್ತಾ ಸಯಂ ಸಕಲೇನ ಕಥಿನತ್ಥಾರೇನ ಸಹ ನಿರುಜ್ಝನ್ತಿ ಉದ್ಧಾರಭಾವಂ ಪಾಪುಣನ್ತಿ । ಅವಸೇಸಾ ಪನ ತಂ ತಂ ಪಾಟಿಪುಗ್ಗಲಿಕಮೇವ ಕಥಿನತ್ಥಾರಂ ದ್ವಿನ್ನಂ ಪಲಿಬೋಧಾನಂ ಉಪಚ್ಛಿನ್ದನವಸೇನ ನಿರೋಧೇನ್ತಾ ಸಯಂ ಉದ್ಧಾರಭಾವಂ ಪಾಪುಣನ್ತಿ, ನ ಸಕಲಂ ಕಥಿನತ್ಥಾರಂ। ಕಥಿನುದ್ಧಾರಾನಞ್ಚ ನಿರೋಧೋ ನಾಮ ತಂ ತಂ ಕಾರಣಮಾಗಮ್ಮ ಉದ್ಧಾರಭಾವಪ್ಪತ್ತಿ, ಏವಞ್ಚ ಉಪ್ಪತ್ತಿ ನಾಮ ಕಥಿನುದ್ಧಾರೋ ಏವ। ತೇನಾಹ ‘‘ಸಬ್ಬೇಪಿ ಅತ್ಥಾರೇನ ಸದ್ಧಿಂ ಏಕತೋ ಉಪ್ಪಜ್ಜನ್ತೀ’’ತಿಆದಿ। ತತ್ಥ ಪುರಿಮಾ ದ್ವೇತಿ ‘‘ಏಕುಪ್ಪಾದಾ ಏಕನಿರೋಧಾ’’ತಿ ಪಾಳಿಯಂ ಪಠಮಂ ವುತ್ತಾ ಅನ್ತರುಬ್ಭಾರಸಹುಬ್ಭಾರಾ ದ್ವೇ। ತೇಸೂತಿ ಪಕ್ಕಮನನ್ತಿಕಾದೀಸು। ಉದ್ಧಾರಭಾವಂ ಪತ್ತೇಸೂತಿ ಉದ್ಧಾರಭಾವಪ್ಪತ್ತಿಸಙ್ಖಾತನಿರೋಧಂ ಪತ್ತೇಸೂತಿ ಅತ್ಥೋ। ಅತ್ಥಾರೋ ತಿಟ್ಠತೀತಿ ಕತಚೀವರಂ ಆದಾಯ ಪಕ್ಕನ್ತಾದಿಪುಗ್ಗಲಂ ಠಪೇತ್ವಾ ತದವಸೇಸಾನಂ ಪಲಿಬೋಧಸಬ್ಭಾವತೋ ಕಥಿನತ್ಥಾರೋ ತಿಟ್ಠತಿ।
416.Ekato uppajjantīti kathinuddhārena saha uppajjamānārahā hontīti attho. Kathinatthārato hi pabhuti sabbe kathinuddhārā taṃ taṃ kāraṇantaramāgamma uppajjanti, tasmā sabbe ekuppādā nāma jātā. Tesu antarubbhārasahubbhārā dve eva taṃ vihāraṃ anatthatakathinavihārasadisaṃ karontā sayaṃ sakalena kathinatthārena saha nirujjhanti uddhārabhāvaṃ pāpuṇanti . Avasesā pana taṃ taṃ pāṭipuggalikameva kathinatthāraṃ dvinnaṃ palibodhānaṃ upacchindanavasena nirodhentā sayaṃ uddhārabhāvaṃ pāpuṇanti, na sakalaṃ kathinatthāraṃ. Kathinuddhārānañca nirodho nāma taṃ taṃ kāraṇamāgamma uddhārabhāvappatti, evañca uppatti nāma kathinuddhāro eva. Tenāha ‘‘sabbepi atthārena saddhiṃ ekato uppajjantī’’tiādi. Tattha purimā dveti ‘‘ekuppādā ekanirodhā’’ti pāḷiyaṃ paṭhamaṃ vuttā antarubbhārasahubbhārā dve. Tesūti pakkamanantikādīsu. Uddhārabhāvaṃ pattesūti uddhārabhāvappattisaṅkhātanirodhaṃ pattesūti attho. Atthāro tiṭṭhatīti katacīvaraṃ ādāya pakkantādipuggalaṃ ṭhapetvā tadavasesānaṃ palibodhasabbhāvato kathinatthāro tiṭṭhati.
ಕಥಿನಾದಿಜಾನಿತಬ್ಬವಿಭಾಗವಣ್ಣನಾ ನಿಟ್ಠಿತಾ।
Kathinādijānitabbavibhāgavaṇṇanā niṭṭhitā.
ಪಞ್ಞತ್ತಿವಗ್ಗವಣ್ಣನಾನಯೋ ನಿಟ್ಠಿತೋ।
Paññattivaggavaṇṇanānayo niṭṭhito.
Related texts:
ತಿಪಿಟಕ (ಮೂಲ) • Tipiṭaka (Mūla) / ವಿನಯಪಿಟಕ • Vinayapiṭaka / ಪರಿವಾರಪಾಳಿ • Parivārapāḷi
೪. ಕಥಿನಾದಿಜಾನಿತಬ್ಬವಿಭಾಗೋ • 4. Kathinādijānitabbavibhāgo
೬. ಪಲಿಬೋಧಪಞ್ಹಾಬ್ಯಾಕರಣಂ • 6. Palibodhapañhābyākaraṇaṃ
ಅಟ್ಠಕಥಾ • Aṭṭhakathā / ವಿನಯಪಿಟಕ (ಅಟ್ಠಕಥಾ) • Vinayapiṭaka (aṭṭhakathā) / ಪರಿವಾರ-ಅಟ್ಠಕಥಾ • Parivāra-aṭṭhakathā / ಕಥಿನಾದಿಜಾನಿತಬ್ಬವಿಭಾಗವಣ್ಣನಾ • Kathinādijānitabbavibhāgavaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಸಾರತ್ಥದೀಪನೀ-ಟೀಕಾ • Sāratthadīpanī-ṭīkā / ಕಥಿನಭೇದವಣ್ಣನಾ • Kathinabhedavaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಜಿರಬುದ್ಧಿ-ಟೀಕಾ • Vajirabuddhi-ṭīkā
ಕಥಿನಾದಿಜಾನಿತಬ್ಬವಿಭಾಗವಣ್ಣನಾ • Kathinādijānitabbavibhāgavaṇṇanā
ಪಲಿಬೋಧಪಞ್ಹಾಬ್ಯಾಕರಣಕಥಾವಣ್ಣನಾ • Palibodhapañhābyākaraṇakathāvaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಪಾಚಿತ್ಯಾದಿಯೋಜನಾಪಾಳಿ • Pācityādiyojanāpāḷi / ಕಥಿನಾದಿಜಾನಿತಬ್ಬವಿಭಾಗವಣ್ಣನಾ • Kathinādijānitabbavibhāgavaṇṇanā
