| Library / Tipiṭaka / ཏིཔིཊཀ • Tipiṭaka / པཱཙིཏྱཱདིཡོཛནཱཔཱལི༹ • Pācityādiyojanāpāḷi |
ཀཐིནཱདིཛཱནིཏབྦཝིབྷཱགཝཎྞནཱ
Kathinādijānitabbavibhāgavaṇṇanā
༤༡༢. ཏེསཉྙེཝ དྷམྨཱནནྟི ཨེཏྠ དྷམྨཱནཾ སརཱུཔཾ དསྶེནྟོ ཨཱཧ ‘‘ཡེསུ རཱུཔཱདིདྷམྨེསཱུ’’ཏི། ཏཏྠ རཱུཔཱདིདྷམྨེསཱུཏི ཝཎྞགནྡྷཱདཱིསུ སུདྡྷཊྛཀརཱུཔཀལཱཔདྷམྨེསུ། སཏཱིཏི སནྟེསུ། ཏེསནྟི རཱུཔཱདཱིནཾ དྷམྨཱནཾ། ‘‘སམོདྷཱན’’ནྟི ཨིམིནཱ སངྒཧོཏི པདསྶ ཨཏྠཾ དསྶེཏི། ‘‘མིསྶཱིབྷཱཝོ’’ཏི ཨིམིནཱ སམཝཱཡོཏི པདསྶ ཨཏྠཾ དསྶེཏི། ཨཝཡཝདྷམྨཱནཾ སཾ ཨེཀབྷཱཝསྶ གཧཎཾ སངྒཧོ། ཨཝཡཝདྷམྨཱནཾ སམཾ ཨཡནཾ པཝཏྟནཾ སམཝཱཡོ། བཧཱུསུ དྷམྨེསཱུཏི བཧཱུསུ པརམཏྠཔཉྙཏྟིདྷམྨེསུ། ནཱམམཏྟནྟི ནཱམཔཉྙཏྟིམཏྟཾ། པུབྦེཏི ཀཐིནཀྑནྡྷཀེ།
412.Tesaññeva dhammānanti ettha dhammānaṃ sarūpaṃ dassento āha ‘‘yesu rūpādidhammesū’’ti. Tattha rūpādidhammesūti vaṇṇagandhādīsu suddhaṭṭhakarūpakalāpadhammesu. Satīti santesu. Tesanti rūpādīnaṃ dhammānaṃ. ‘‘Samodhāna’’nti iminā saṅgahoti padassa atthaṃ dasseti. ‘‘Missībhāvo’’ti iminā samavāyoti padassa atthaṃ dasseti. Avayavadhammānaṃ saṃ ekabhāvassa gahaṇaṃ saṅgaho. Avayavadhammānaṃ samaṃ ayanaṃ pavattanaṃ samavāyo. Bahūsu dhammesūti bahūsu paramatthapaññattidhammesu. Nāmamattanti nāmapaññattimattaṃ. Pubbeti kathinakkhandhake.
‘‘ཀཱརཎེཧཱི’’ཏི ཨིམིནཱ ཨཱཀཱརསདྡོ ཀཱརཎཏྠོཏི དསྶེཏི། ཡནྟི ཝཙནཾ།
‘‘Kāraṇehī’’ti iminā ākārasaddo kāraṇatthoti dasseti. Yanti vacanaṃ.
༤༡༦. ཨུཔྤཛྫནྟཱིཏི ཀཐིནུདྡྷཱརཱ ཨུཔྤཛྫནྟི། ཀིནྟི ཀིཾ ཨཏྠཛཱཏཾ། སབྦེཔི ཀཐིནུདྡྷཱརཱཏི སམྦནྡྷོ། ཧཱིཏི སཙྩཾ, ཡསྨཱ ཝཱ། ཨེཏྠཱཏི ཀཐིནུདྡྷཱརེསུ། པུརིམཱ དྭེཏི ཨནྟརུབྦྷཱརསཧུབྦྷཱརཝསེན པུརིམཱ དྭེ། ཨེཏེསཉྩཱཏི པུརིམཱནཾ དྭིནྣཉྩ། ཨིཏརེཏི ཨཝསེསཱ ཀཐིནུདྡྷཱརཱ། ཏེསུཔཱིཏི ཨིཏརེསུ ཀཐིནུདྡྷཱརེསུ། སབྦཏྠཱཏི སབྦསྨིཾ ཀཐིནཝིནིཙྪཡེ།
416.Uppajjantīti kathinuddhārā uppajjanti. Kinti kiṃ atthajātaṃ. Sabbepi kathinuddhārāti sambandho. Hīti saccaṃ, yasmā vā. Etthāti kathinuddhāresu. Purimā dveti antarubbhārasahubbhāravasena purimā dve. Etesañcāti purimānaṃ dvinnañca. Itareti avasesā kathinuddhārā. Tesupīti itaresu kathinuddhāresu. Sabbatthāti sabbasmiṃ kathinavinicchaye.
ཨིཏི སམནྟཔཱསཱདིཀཱཡ ཝིནཡསཾཝཎྞནཱཡ
Iti samantapāsādikāya vinayasaṃvaṇṇanāya
པཉྙཏྟིཝགྒཝཎྞནཱཡ
Paññattivaggavaṇṇanāya
ཡོཛནཱ སམཏྟཱ།
Yojanā samattā.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / པརིཝཱརཔཱལི༹ • Parivārapāḷi
༤. ཀཐིནཱདིཛཱནིཏབྦཝིབྷཱགོ • 4. Kathinādijānitabbavibhāgo
༦. པལིབོདྷཔཉྷཱབྱཱཀརཎཾ • 6. Palibodhapañhābyākaraṇaṃ
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / པརིཝཱར-ཨཊྛཀཐཱ • Parivāra-aṭṭhakathā / ཀཐིནཱདིཛཱནིཏབྦཝིབྷཱགཝཎྞནཱ • Kathinādijānitabbavibhāgavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / སཱརཏྠདཱིཔནཱི-ཊཱིཀཱ • Sāratthadīpanī-ṭīkā / ཀཐིནབྷེདཝཎྞནཱ • Kathinabhedavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝཛིརབུདྡྷི-ཊཱིཀཱ • Vajirabuddhi-ṭīkā
ཀཐིནཱདིཛཱནིཏབྦཝིབྷཱགཝཎྞནཱ • Kathinādijānitabbavibhāgavaṇṇanā
པལིབོདྷཔཉྷཱབྱཱཀརཎཀཐཱཝཎྞནཱ • Palibodhapañhābyākaraṇakathāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝིམཏིཝིནོདནཱི-ཊཱིཀཱ • Vimativinodanī-ṭīkā / ཀཐིནཱདིཛཱནིཏབྦཝིབྷཱགཝཎྞནཱ • Kathinādijānitabbavibhāgavaṇṇanā
