| Library / Tipiṭaka / ਤਿਪਿਟਕ • Tipiṭaka / ਪਰਿવਾਰ-ਅਟ੍ਠਕਥਾ • Parivāra-aṭṭhakathā |
ਕਥਿਨਾਦਿਜਾਨਿਤਬ੍ਬવਿਭਾਗવਣ੍ਣਨਾ
Kathinādijānitabbavibhāgavaṇṇanā
੪੧੨. ਕਥਿਨਂ ਜਾਨਿਤਬ੍ਬਨ੍ਤਿਆਦਿਪੁਚ੍ਛਾਯ વਿਸ੍ਸਜ੍ਜਨੇ – ਤੇਸਞ੍ਞੇવ ਧਮ੍ਮਾਨਨ੍ਤਿ ਯੇਸੁ ਰੂਪਾਦਿਧਮ੍ਮੇਸੁ ਸਤਿ ਕਥਿਨਂ ਨਾਮ ਹੋਤਿ, ਤੇਸਂ ਸਮੋਧਾਨਂ ਮਿਸ੍ਸੀਭਾવੋ। ਨਾਮਂ ਨਾਮਕਮ੍ਮਨ੍ਤਿਆਦਿਨਾ ਪਨ ‘‘ਕਥਿਨ’’ਨ੍ਤਿ ਇਦਂ ਬਹੂਸੁ ਧਮ੍ਮੇਸੁ ਨਾਮਮਤ੍ਤਂ, ਨ ਪਰਮਤ੍ਥਤੋ ਏਕੋ ਧਮ੍ਮੋ ਅਤ੍ਥੀਤਿ ਦਸ੍ਸੇਤਿ।
412. Kathinaṃ jānitabbantiādipucchāya vissajjane – tesaññeva dhammānanti yesu rūpādidhammesu sati kathinaṃ nāma hoti, tesaṃ samodhānaṃ missībhāvo. Nāmaṃ nāmakammantiādinā pana ‘‘kathina’’nti idaṃ bahūsu dhammesu nāmamattaṃ, na paramatthato eko dhammo atthīti dasseti.
ਚਤੁવੀਸਤਿਯਾ ਆਕਾਰੇਹੀਤਿ ‘‘ਨ ਉਲ੍ਲਿਖਿਤਮਤ੍ਤੇਨਾ’’ਤਿਆਦੀਹਿ ਪੁਬ੍ਬੇ વੁਤ੍ਤਕਾਰਣੇਹਿ। ਸਤ੍ਤਰਸਹਿ ਆਕਾਰੇਹੀਤਿ ‘‘ਅਹਤੇਨ ਅਤ੍ਥਤਂ ਹੋਤਿ ਕਥਿਨ’’ਨ੍ਤਿਆਦੀਹਿ ਪੁਬ੍ਬੇ વੁਤ੍ਤਕਾਰਣੇਹਿ। ਨਿਮਿਤ੍ਤਕਮ੍ਮਾਦੀਸੁ ਯਂ વਤ੍ਤਬ੍ਬਂ ਸਬ੍ਬਂ ਕਥਿਨਕ੍ਖਨ੍ਧਕવਣ੍ਣਨਾਯਂ વੁਤ੍ਤਂ।
Catuvīsatiyā ākārehīti ‘‘na ullikhitamattenā’’tiādīhi pubbe vuttakāraṇehi. Sattarasahi ākārehīti ‘‘ahatena atthataṃ hoti kathina’’ntiādīhi pubbe vuttakāraṇehi. Nimittakammādīsu yaṃ vattabbaṃ sabbaṃ kathinakkhandhakavaṇṇanāyaṃ vuttaṃ.
੪੧੬. ਏਕੁਪ੍ਪਾਦਾ ਏਕਨਿਰੋਧਾਤਿ ਉਪ੍ਪਜ੍ਜਮਾਨਾਪਿ ਏਕਤੋ ਉਪ੍ਪਜ੍ਜਨ੍ਤਿ, ਨਿਰੁਜ੍ਝਮਾਨਾਪਿ ਏਕਤੋ ਨਿਰੁਜ੍ਝਨ੍ਤਿ। ਏਕੁਪ੍ਪਾਦਾ ਨਾਨਾਨਿਰੋਧਾਤਿ ਉਪ੍ਪਜ੍ਜਮਾਨਾ ਏਕਤੋ ਉਪ੍ਪਜ੍ਜਨ੍ਤਿ, ਨਿਰੁਜ੍ਝਮਾਨਾ ਨਾਨਾ ਨਿਰੁਜ੍ਝਨ੍ਤਿ। ਕਿਂ વੁਤ੍ਤਂ ਹੋਤਿ ? ਸਬ੍ਬੇਪਿ ਅਤ੍ਥਾਰੇਨ ਸਦ੍ਧਿਂ ਏਕਤੋ ਉਪ੍ਪਜ੍ਜਨ੍ਤਿ, ਅਤ੍ਥਾਰੇ ਹਿ ਸਤਿ ਉਦ੍ਧਾਰੋ ਨਾਮ। ਨਿਰੁਜ੍ਝਮਾਨਾ ਪਨੇਤ੍ਥ ਪੁਰਿਮਾ ਦ੍વੇ ਅਤ੍ਥਾਰੇਨ ਸਦ੍ਧਿਂ ਏਕਤੋ ਨਿਰੁਜ੍ਝਨ੍ਤਿ, ਉਦ੍ਧਾਰਭਾવਂ ਪਾਪੁਣਨ੍ਤਿ। ਅਤ੍ਥਾਰਸ੍ਸ ਹਿ ਨਿਰੋਧੋ ਏਤੇਸਞ੍ਚ ਉਦ੍ਧਾਰਭਾવੋ ਏਕਕ੍ਖਣੇ ਹੋਤਿ, ਇਤਰੇ ਨਾਨਾ ਨਿਰੁਜ੍ਝਨ੍ਤਿ। ਤੇਸੁ ਉਦ੍ਧਾਰਭਾવਂ ਪਤ੍ਤੇਸੁਪਿ ਅਤ੍ਥਾਰੋ ਤਿਟ੍ਠਤਿਯੇવ। ਸੇਸਂ ਸਬ੍ਬਤ੍ਥ ਉਤ੍ਤਾਨਮੇવਾਤਿ।
416.Ekuppādā ekanirodhāti uppajjamānāpi ekato uppajjanti, nirujjhamānāpi ekato nirujjhanti. Ekuppādā nānānirodhāti uppajjamānā ekato uppajjanti, nirujjhamānā nānā nirujjhanti. Kiṃ vuttaṃ hoti ? Sabbepi atthārena saddhiṃ ekato uppajjanti, atthāre hi sati uddhāro nāma. Nirujjhamānā panettha purimā dve atthārena saddhiṃ ekato nirujjhanti, uddhārabhāvaṃ pāpuṇanti. Atthārassa hi nirodho etesañca uddhārabhāvo ekakkhaṇe hoti, itare nānā nirujjhanti. Tesu uddhārabhāvaṃ pattesupi atthāro tiṭṭhatiyeva. Sesaṃ sabbattha uttānamevāti.
ਸਮਨ੍ਤਪਾਸਾਦਿਕਾਯ વਿਨਯਸਂવਣ੍ਣਨਾਯ
Samantapāsādikāya vinayasaṃvaṇṇanāya
ਕਥਿਨਭੇਦવਣ੍ਣਨਾ ਨਿਟ੍ਠਿਤਾ।
Kathinabhedavaṇṇanā niṭṭhitā.
ਪਞ੍ਞਤ੍ਤਿવਗ੍ਗવਣ੍ਣਨਾ ਨਿਟ੍ਠਿਤਾ।
Paññattivaggavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਪਰਿવਾਰਪਾਲ਼ਿ • Parivārapāḷi
੪. ਕਥਿਨਾਦਿਜਾਨਿਤਬ੍ਬવਿਭਾਗੋ • 4. Kathinādijānitabbavibhāgo
੬. ਪਲਿਬੋਧਪਞ੍ਹਾਬ੍ਯਾਕਰਣਂ • 6. Palibodhapañhābyākaraṇaṃ
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਕਥਿਨਭੇਦવਣ੍ਣਨਾ • Kathinabhedavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā
ਕਥਿਨਾਦਿਜਾਨਿਤਬ੍ਬવਿਭਾਗવਣ੍ਣਨਾ • Kathinādijānitabbavibhāgavaṇṇanā
ਪਲਿਬੋਧਪਞ੍ਹਾਬ੍ਯਾਕਰਣਕਥਾવਣ੍ਣਨਾ • Palibodhapañhābyākaraṇakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਕਥਿਨਾਦਿਜਾਨਿਤਬ੍ਬવਿਭਾਗવਣ੍ਣਨਾ • Kathinādijānitabbavibhāgavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ਕਥਿਨਾਦਿਜਾਨਿਤਬ੍ਬવਿਭਾਗવਣ੍ਣਨਾ • Kathinādijānitabbavibhāgavaṇṇanā
