| Library / Tipiṭaka / д̇ибидага • Tipiṭaka / бариваарабаал̣и • Parivārapāḷi |
4. гат̇инаад̣̇иж̇аанид̇аб̣б̣авибхааг̇о
4. Kathinādijānitabbavibhāgo
412. гат̇инам̣ ж̇аанид̇аб̣б̣ам̣, гат̇инад̇т̇ааро ж̇аанид̇аб̣б̣о, гат̇инасса ад̇т̇аарамаасо ж̇аанид̇аб̣б̣о, гат̇инасса ад̇т̇ааравибад̇д̇и ж̇аанид̇аб̣б̣аа, гат̇инасса ад̇т̇аарасамбад̇д̇и ж̇аанид̇аб̣б̣аа, нимид̇д̇агаммам̣ ж̇аанид̇аб̣б̣ам̣, баригат̇аа ж̇аанид̇аб̣б̣аа, гуггугад̇ам̣ ж̇аанид̇аб̣б̣ам̣, саннид̇хи ж̇аанид̇аб̣б̣аа, ниссаг̇г̇ияам̣ ж̇аанид̇аб̣б̣ам̣.
412. Kathinaṃ jānitabbaṃ, kathinatthāro jānitabbo, kathinassa atthāramāso jānitabbo, kathinassa atthāravipatti jānitabbā, kathinassa atthārasampatti jānitabbā, nimittakammaṃ jānitabbaṃ, parikathā jānitabbā, kukkukataṃ jānitabbaṃ, sannidhi jānitabbā, nissaggiyaṃ jānitabbaṃ.
гат̇инам̣ ж̇аанид̇аб̣б̣анд̇и д̇зсан̃н̃зва д̇хаммаанам̣ сан̇г̇ахо самавааяо наамам̣ наамагаммам̣ наамад̇хзяяам̣ нируд̇д̇и б̣яан̃ж̇анам̣ абхилаабо яад̣̇ид̣̇ам̣ гат̇инанд̇и.
Kathinaṃjānitabbanti tesaññeva dhammānaṃ saṅgaho samavāyo nāmaṃ nāmakammaṃ nāmadheyyaṃ nirutti byañjanaṃ abhilāpo yadidaṃ kathinanti.
гат̇инасса ад̇т̇аарамаасо ж̇аанид̇аб̣б̣од̇и вассаанасса бажчимо маасо ж̇аанид̇аб̣б̣о.
Kathinassaatthāramāso jānitabboti vassānassa pacchimo māso jānitabbo.
гат̇инасса ад̇т̇ааравибад̇д̇и ж̇аанид̇аб̣б̣аад̇и жад̇увийсад̇ияаа аагаарзхи гат̇инасса ад̇т̇ааравибад̇д̇и ж̇аанид̇аб̣б̣аа.
Kathinassa atthāravipatti jānitabbāti catuvīsatiyā ākārehi kathinassa atthāravipatti jānitabbā.
гат̇инасса ад̇т̇аарасамбад̇д̇и ж̇аанид̇аб̣б̣аад̇и сад̇д̇арасахи аагаарзхи гат̇инасса ад̇т̇аарасамбад̇д̇и ж̇аанид̇аб̣б̣аа.
Kathinassa atthārasampatti jānitabbāti sattarasahi ākārehi kathinassa atthārasampatti jānitabbā.
нимид̇д̇агаммам̣ ж̇аанид̇аб̣б̣анд̇и нимид̇д̇ам̣ гарод̇и иминаа д̣̇уссзна гат̇инам̣ ад̇т̇ариссаамийд̇и.
Nimittakammaṃ jānitabbanti nimittaṃ karoti iminā dussena kathinaṃ attharissāmīti.
баригат̇аа ж̇аанид̇аб̣б̣аад̇и баригат̇ам̣ гарод̇и имааяа баригат̇ааяа гат̇инад̣̇уссам̣ ниб̣б̣ад̇д̇зссаамийд̇и.
Parikathā jānitabbāti parikathaṃ karoti imāya parikathāya kathinadussaṃ nibbattessāmīti.
гуггугад̇ам̣ ж̇аанид̇аб̣б̣анд̇и анаад̣̇ияад̣̇аанам̣ ж̇аанид̇аб̣б̣ам̣.
Kukkukataṃ jānitabbanti anādiyadānaṃ jānitabbaṃ.
саннид̇хи ж̇аанид̇аб̣б̣аад̇и д̣̇вз саннид̇хияо ж̇аанид̇аб̣б̣аа – гаран̣асаннид̇хи ваа нижаяасаннид̇хи ваа.
Sannidhi jānitabbāti dve sannidhiyo jānitabbā – karaṇasannidhi vā nicayasannidhi vā.
ниссаг̇г̇ияам̣ ж̇аанид̇аб̣б̣анд̇и гарияамаанз арун̣ам̣ удтахад̇и.
Nissaggiyaṃ jānitabbanti kariyamāne aruṇaṃ uṭṭhahati.
гат̇инад̇т̇ааро ж̇аанид̇аб̣б̣од̇и сажз сан̇гхасса гат̇инад̣̇уссам̣ уббаннам̣ ход̇и, сан̇гхзна гат̇ам̣ бадибаж̇ж̇ид̇аб̣б̣ам̣, ад̇т̇аарагзна гат̇ам̣ бадибаж̇ж̇ид̇аб̣б̣ам̣, анумод̣̇агзна гат̇ам̣ бадибаж̇ж̇ид̇аб̣б̣ам̣.
Kathinatthāro jānitabboti sace saṅghassa kathinadussaṃ uppannaṃ hoti, saṅghena kathaṃ paṭipajjitabbaṃ, atthārakena kathaṃ paṭipajjitabbaṃ, anumodakena kathaṃ paṭipajjitabbaṃ.
413. сан̇гхзна н̃ад̇д̇ид̣̇уд̇иязна гаммзна гат̇инад̇т̇аарагасса бхигкуно д̣̇аад̇аб̣б̣ам̣, д̇зна гат̇инад̇т̇аарагзна бхигкунаа д̇ад̣̇ахзва д̇ховид̇ваа вимаж̇ж̇ид̇ваа вижаарзд̇ваа чинд̣̇ид̇ваа сиб̣б̣зд̇ваа раж̇ид̇ваа габбам̣ гад̇ваа гат̇инам̣ ад̇т̇арид̇аб̣б̣ам̣. сажз сан̇гхаадияаа гат̇инам̣ ад̇т̇арид̇угаамо ход̇и, бораан̣игаа сан̇гхаади бажжуд̣̇д̇харид̇аб̣б̣аа , наваа сан̇гхаади ад̇хидтаад̇аб̣б̣аа. имааяа сан̇гхаадияаа гат̇инам̣ ад̇т̇араамийд̇и ваажаа бхинд̣̇ид̇аб̣б̣аа. сажз уд̇д̇араасан̇г̇зна гат̇инам̣ ад̇т̇арид̇угаамо ход̇и, бораан̣аго уд̇д̇араасан̇г̇о бажжуд̣̇д̇харид̇аб̣б̣о, наво уд̇д̇араасан̇г̇о ад̇хидтаад̇аб̣б̣о. иминаа уд̇д̇араасан̇г̇зна гат̇инам̣ ад̇т̇араамийд̇и ваажаа бхинд̣̇ид̇аб̣б̣аа. сажз анд̇араваасагзна гат̇инам̣ ад̇т̇арид̇угаамо ход̇и, бораан̣аго анд̇араваасаго бажжуд̣̇д̇харид̇аб̣б̣о, наво анд̇араваасаго ад̇хидтаад̇аб̣б̣о. иминаа анд̇араваасагзна гат̇инам̣ ад̇т̇араамийд̇и ваажаа бхинд̣̇ид̇аб̣б̣аа. д̇зна гат̇инад̇т̇аарагзна бхигкунаа сан̇гхам̣ убасан̇гамид̇ваа згам̣сам̣ уд̇д̇араасан̇г̇ам̣ гарид̇ваа ан̃ж̇алим̣ баг̇г̇ахзд̇ваа звамасса важанийяо – ‘‘ад̇т̇ад̇ам̣, бханд̇з, сан̇гхасса гат̇инам̣, д̇хаммиго гат̇инад̇т̇ааро, анумод̣̇ат̇аа’’д̇и. д̇зхи анумод̣̇агзхи бхигкуухи згам̣сам̣ уд̇д̇араасан̇г̇ам̣ гарид̇ваа ан̃ж̇алим̣ баг̇г̇ахзд̇ваа звамасса важанийяо – ‘‘ад̇т̇ад̇ам̣, аавусо, сан̇гхасса гат̇инам̣, д̇хаммиго гат̇инад̇т̇ааро, анумод̣̇аамаа’’д̇и. д̇зна гат̇инад̇т̇аарагзна бхигкунаа самб̣ахулз бхигкуу убасан̇гамид̇ваа згам̣сам̣ уд̇д̇араасан̇г̇ам̣ гарид̇ваа ан̃ж̇алим̣ баг̇г̇ахзд̇ваа звамассу важанийяаа – ‘‘ад̇т̇ад̇ам̣, бханд̇з, сан̇гхасса гат̇инам̣, д̇хаммиго гат̇инад̇т̇ааро, анумод̣̇ат̇аа’’д̇и. д̇зхи анумод̣̇агзхи бхигкуухи згам̣сам̣ уд̇д̇араасан̇г̇ам̣ гарид̇ваа ан̃ж̇алим̣ баг̇г̇ахзд̇ваа звамасса важанийяо – ‘‘ад̇т̇ад̇ам̣, аавусо, сан̇гхасса гат̇инам̣, д̇хаммиго гат̇инад̇т̇ааро анумод̣̇аамаа’’д̇и. д̇зна гат̇инад̇т̇аарагзна бхигкунаа згам̣ бхигкум̣ убасан̇гамид̇ваа згам̣сам̣ уд̇д̇араасан̇г̇ам̣ гарид̇ваа ан̃ж̇алим̣ баг̇г̇ахзд̇ваа звамасса важанийяо – ‘‘ад̇т̇ад̇ам̣, аавусо, сан̇гхасса гат̇инам̣, д̇хаммиго гат̇инад̇т̇ааро, анумод̣̇аахий’’д̇и. д̇зна анумод̣̇агзна бхигкунаа згам̣сам̣ уд̇д̇араасан̇г̇ам̣ гарид̇ваа ан̃ж̇алим̣ баг̇г̇ахзд̇ваа звамасса важанийяо – ‘‘ад̇т̇ад̇ам̣, аавусо, сан̇гхасса гат̇инам̣, д̇хаммиго гат̇инад̇т̇ааро, анумод̣̇аамий’’д̇и.
413. Saṅghena ñattidutiyena kammena kathinatthārakassa bhikkhuno dātabbaṃ, tena kathinatthārakena bhikkhunā tadaheva dhovitvā vimajjitvā vicāretvā chinditvā sibbetvā rajitvā kappaṃ katvā kathinaṃ attharitabbaṃ. Sace saṅghāṭiyā kathinaṃ attharitukāmo hoti, porāṇikā saṅghāṭi paccuddharitabbā , navā saṅghāṭi adhiṭṭhātabbā. Imāya saṅghāṭiyā kathinaṃ attharāmīti vācā bhinditabbā. Sace uttarāsaṅgena kathinaṃ attharitukāmo hoti, porāṇako uttarāsaṅgo paccuddharitabbo, navo uttarāsaṅgo adhiṭṭhātabbo. Iminā uttarāsaṅgena kathinaṃ attharāmīti vācā bhinditabbā. Sace antaravāsakena kathinaṃ attharitukāmo hoti, porāṇako antaravāsako paccuddharitabbo, navo antaravāsako adhiṭṭhātabbo. Iminā antaravāsakena kathinaṃ attharāmīti vācā bhinditabbā. Tena kathinatthārakena bhikkhunā saṅghaṃ upasaṅkamitvā ekaṃsaṃ uttarāsaṅgaṃ karitvā añjaliṃ paggahetvā evamassa vacanīyo – ‘‘atthataṃ, bhante, saṅghassa kathinaṃ, dhammiko kathinatthāro, anumodathā’’ti. Tehi anumodakehi bhikkhūhi ekaṃsaṃ uttarāsaṅgaṃ karitvā añjaliṃ paggahetvā evamassa vacanīyo – ‘‘atthataṃ, āvuso, saṅghassa kathinaṃ, dhammiko kathinatthāro, anumodāmā’’ti. Tena kathinatthārakena bhikkhunā sambahule bhikkhū upasaṅkamitvā ekaṃsaṃ uttarāsaṅgaṃ karitvā añjaliṃ paggahetvā evamassu vacanīyā – ‘‘atthataṃ, bhante, saṅghassa kathinaṃ, dhammiko kathinatthāro, anumodathā’’ti. Tehi anumodakehi bhikkhūhi ekaṃsaṃ uttarāsaṅgaṃ karitvā añjaliṃ paggahetvā evamassa vacanīyo – ‘‘atthataṃ, āvuso, saṅghassa kathinaṃ, dhammiko kathinatthāro anumodāmā’’ti. Tena kathinatthārakena bhikkhunā ekaṃ bhikkhuṃ upasaṅkamitvā ekaṃsaṃ uttarāsaṅgaṃ karitvā añjaliṃ paggahetvā evamassa vacanīyo – ‘‘atthataṃ, āvuso, saṅghassa kathinaṃ, dhammiko kathinatthāro, anumodāhī’’ti. Tena anumodakena bhikkhunā ekaṃsaṃ uttarāsaṅgaṃ karitvā añjaliṃ paggahetvā evamassa vacanīyo – ‘‘atthataṃ, āvuso, saṅghassa kathinaṃ, dhammiko kathinatthāro, anumodāmī’’ti.
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бариваара-адтагат̇аа • Parivāra-aṭṭhakathā / гат̇инаад̣̇иж̇аанид̇аб̣б̣авибхааг̇аван̣н̣анаа • Kathinādijānitabbavibhāgavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / гат̇инабхзд̣̇аван̣н̣анаа • Kathinabhedavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / гат̇инаад̣̇иж̇аанид̇аб̣б̣авибхааг̇аван̣н̣анаа • Kathinādijānitabbavibhāgavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / гат̇инаад̣̇иж̇аанид̇аб̣б̣авибхааг̇аван̣н̣анаа • Kathinādijānitabbavibhāgavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / гат̇инаад̣̇иж̇аанид̇аб̣б̣авибхааг̇аван̣н̣анаа • Kathinādijānitabbavibhāgavaṇṇanā
