| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
7. гат̇инагканд̇хаго
7. Kathinakkhandhako
187. гат̇инаануж̇аананаа
187. Kathinānujānanā
306. д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна д̇им̣самад̇д̇аа баавзяяагаа 1 бхигкуу, саб̣б̣з ааран̃н̃игаа саб̣б̣з бин̣д̣абаад̇игаа саб̣б̣з бам̣сугуулигаа саб̣б̣з д̇зжийваригаа саавад̇т̇им̣ ааг̇ажчанд̇аа бхаг̇аванд̇ам̣ д̣̇ассанааяа убагадтааяа вассуубанааяигааяа наасагким̣су саавад̇т̇ияам̣ вассуубанааяигам̣ самбхаавзд̇ум̣; анд̇араамаг̇г̇з саагзд̇з вассам̣ убаг̇ажчим̣су. д̇з угган̣тид̇аруубаа вассам̣ васим̣су – аасаннзва но бхаг̇аваа вихарад̇и ид̇о часу яож̇анзсу, на жа маяам̣ лабхаама бхаг̇аванд̇ам̣ д̣̇ассанааяаад̇и. ат̇а ко д̇з бхигкуу вассам̣вудтаа, д̇змаасажжаязна гад̇ааяа бавааран̣ааяа, д̣̇звз вассанд̇з, уд̣̇агасан̇г̇ахз уд̣̇агажигкаллз огабун̣н̣зхи жийварзхи гиланд̇аруубаа язна саавад̇т̇и ж̇зд̇аванам̣ анаат̇абин̣д̣игасса аараамо, язна бхаг̇аваа д̇знубасан̇гамим̣су; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇им̣су. аажин̣н̣ам̣ ко банзд̇ам̣ б̣уд̣̇д̇хаанам̣ бхаг̇аванд̇аанам̣ ааг̇анд̇угзхи бхигкуухи сад̣̇д̇хим̣ бадисаммод̣̇ид̇ум̣. ат̇а ко бхаг̇аваа д̇з бхигкуу зд̇ад̣̇авожа – ‘‘гажжи, бхигкавз, каманийяам̣, гажжи яаабанийяам̣, гажжи самаг̇г̇аа саммод̣̇амаанаа авивад̣̇амаанаа паасугам̣ вассам̣ васид̇т̇а, на жа бин̣д̣агзна гиламид̇т̇аа’’д̇и? ‘‘каманийяам̣, бхаг̇аваа; яаабанийяам̣, бхаг̇аваа; самаг̇г̇аа жа маяам̣, бханд̇з, саммод̣̇амаанаа авивад̣̇амаанаа вассам̣ васимхаа, на жа бин̣д̣агзна гиламимхаа . ид̇ха маяам̣, бханд̇з, д̇им̣самад̇д̇аа баавзяяагаа бхигкуу саавад̇т̇им̣ ааг̇ажчанд̇аа бхаг̇аванд̇ам̣ д̣̇ассанааяа убагадтааяа вассуубанааяигааяа наасагкимхаа саавад̇т̇ияам̣ вассуубанааяигам̣ самбхаавзд̇ум̣, анд̇араамаг̇г̇з саагзд̇з вассам̣ убаг̇ажчимхаа. д̇з маяам̣, бханд̇з, угган̣тид̇аруубаа вассам̣ васимхаа – ‘аасаннзва но бхаг̇аваа вихарад̇и ид̇о часу яож̇анзсу, на жа маяам̣ лабхаама бхаг̇аванд̇ам̣ д̣̇ассанааяаа’д̇и. ат̇а ко маяам̣, бханд̇з, вассам̣вудтаа, д̇змаасажжаязна гад̇ааяа бавааран̣ааяа, д̣̇звз вассанд̇з, уд̣̇агасан̇г̇ахз уд̣̇агажигкаллз огабун̣н̣зхи жийварзхи гиланд̇аруубаа ад̣̇д̇хаанам̣ ааг̇ад̇аад̇и. ат̇а ко бхаг̇аваа зд̇асмим̣ нид̣̇аанз зд̇асмим̣ багаран̣з д̇хаммим̣ гат̇ам̣ гад̇ваа бхигкуу ааманд̇зси – ‘‘ануж̇аанаами, бхигкавз, вассам̣вудтаанам̣ бхигкуунам̣ гат̇инам̣ 2 ад̇т̇арид̇ум̣. ад̇т̇ад̇агат̇инаанам̣ во, бхигкавз, бан̃жа габбиссанд̇и – анааманд̇ажааро, асамаад̣̇аанажааро, г̇ан̣абхож̇анам̣, яаавад̣̇ад̇т̇ажийварам̣, яо жа д̇ад̇т̇а жийваруббаад̣̇о со нзсам̣ бхависсад̇ийд̇и. ад̇т̇ад̇агат̇инаанам̣ во, бхигкавз, имаани бан̃жа габбиссанд̇и. зван̃жа бана, бхигкавз, гат̇инам̣ ад̇т̇арид̇аб̣б̣ам̣. б̣яад̇д̇зна бхигкунаа бадиб̣алзна сан̇гхо н̃аабзд̇аб̣б̣о –
306. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena tiṃsamattā pāveyyakā 3 bhikkhū, sabbe āraññikā sabbe piṇḍapātikā sabbe paṃsukūlikā sabbe tecīvarikā sāvatthiṃ āgacchantā bhagavantaṃ dassanāya upakaṭṭhāya vassūpanāyikāya nāsakkhiṃsu sāvatthiyaṃ vassūpanāyikaṃ sambhāvetuṃ; antarāmagge sākete vassaṃ upagacchiṃsu. Te ukkaṇṭhitarūpā vassaṃ vasiṃsu – āsanneva no bhagavā viharati ito chasu yojanesu, na ca mayaṃ labhāma bhagavantaṃ dassanāyāti. Atha kho te bhikkhū vassaṃvuṭṭhā, temāsaccayena katāya pavāraṇāya, deve vassante, udakasaṅgahe udakacikkhalle okapuṇṇehi cīvarehi kilantarūpā yena sāvatthi jetavanaṃ anāthapiṇḍikassa ārāmo, yena bhagavā tenupasaṅkamiṃsu; upasaṅkamitvā bhagavantaṃ abhivādetvā ekamantaṃ nisīdiṃsu. Āciṇṇaṃ kho panetaṃ buddhānaṃ bhagavantānaṃ āgantukehi bhikkhūhi saddhiṃ paṭisammodituṃ. Atha kho bhagavā te bhikkhū etadavoca – ‘‘kacci, bhikkhave, khamanīyaṃ, kacci yāpanīyaṃ, kacci samaggā sammodamānā avivadamānā phāsukaṃ vassaṃ vasittha, na ca piṇḍakena kilamitthā’’ti? ‘‘Khamanīyaṃ, bhagavā; yāpanīyaṃ, bhagavā; samaggā ca mayaṃ, bhante, sammodamānā avivadamānā vassaṃ vasimhā, na ca piṇḍakena kilamimhā . Idha mayaṃ, bhante, tiṃsamattā pāveyyakā bhikkhū sāvatthiṃ āgacchantā bhagavantaṃ dassanāya upakaṭṭhāya vassūpanāyikāya nāsakkhimhā sāvatthiyaṃ vassūpanāyikaṃ sambhāvetuṃ, antarāmagge sākete vassaṃ upagacchimhā. Te mayaṃ, bhante, ukkaṇṭhitarūpā vassaṃ vasimhā – ‘āsanneva no bhagavā viharati ito chasu yojanesu, na ca mayaṃ labhāma bhagavantaṃ dassanāyā’ti. Atha kho mayaṃ, bhante, vassaṃvuṭṭhā, temāsaccayena katāya pavāraṇāya, deve vassante, udakasaṅgahe udakacikkhalle okapuṇṇehi cīvarehi kilantarūpā addhānaṃ āgatāti. Atha kho bhagavā etasmiṃ nidāne etasmiṃ pakaraṇe dhammiṃ kathaṃ katvā bhikkhū āmantesi – ‘‘anujānāmi, bhikkhave, vassaṃvuṭṭhānaṃ bhikkhūnaṃ kathinaṃ 4 attharituṃ. Atthatakathinānaṃ vo, bhikkhave, pañca kappissanti – anāmantacāro, asamādānacāro, gaṇabhojanaṃ, yāvadatthacīvaraṃ, yo ca tattha cīvaruppādo so nesaṃ bhavissatīti. Atthatakathinānaṃ vo, bhikkhave, imāni pañca kappissanti. Evañca pana, bhikkhave, kathinaṃ attharitabbaṃ. Byattena bhikkhunā paṭibalena saṅgho ñāpetabbo –
307. ‘‘сун̣аад̇у мз, бханд̇з, сан̇гхо. ид̣̇ам̣ сан̇гхасса гат̇инад̣̇уссам̣ уббаннам̣. яад̣̇и сан̇гхасса бад̇д̇агаллам̣, сан̇гхо имам̣ гат̇инад̣̇уссам̣ ид̇т̇аннаамасса бхигкуно д̣̇ад̣̇зяяа гат̇инам̣ ад̇т̇арид̇ум̣. зсаа н̃ад̇д̇и.
307. ‘‘Suṇātu me, bhante, saṅgho. Idaṃ saṅghassa kathinadussaṃ uppannaṃ. Yadi saṅghassa pattakallaṃ, saṅgho imaṃ kathinadussaṃ itthannāmassa bhikkhuno dadeyya kathinaṃ attharituṃ. Esā ñatti.
‘‘сун̣аад̇у мз, бханд̇з, сан̇гхо. ид̣̇ам̣ сан̇гхасса гат̇инад̣̇уссам̣ уббаннам̣. сан̇гхо имам̣ гат̇инад̣̇уссам̣ ид̇т̇аннаамасса бхигкуно д̣̇зд̇и гат̇инам̣ ад̇т̇арид̇ум̣. яассааяасмад̇о камад̇и имасса гат̇инад̣̇уссасса ид̇т̇аннаамасса бхигкуно д̣̇аанам̣ гат̇инам̣ ад̇т̇арид̇ум̣, со д̇ун̣хасса; яасса нагкамад̇и, со бхаасзяяа.
‘‘Suṇātu me, bhante, saṅgho. Idaṃ saṅghassa kathinadussaṃ uppannaṃ. Saṅgho imaṃ kathinadussaṃ itthannāmassa bhikkhuno deti kathinaṃ attharituṃ. Yassāyasmato khamati imassa kathinadussassa itthannāmassa bhikkhuno dānaṃ kathinaṃ attharituṃ, so tuṇhassa; yassa nakkhamati, so bhāseyya.
‘‘д̣̇иннам̣ ид̣̇ам̣ сан̇гхзна гат̇инад̣̇уссам̣ ид̇т̇аннаамасса бхигкуно гат̇инам̣ ад̇т̇арид̇ум̣. камад̇и сан̇гхасса, д̇асмаа д̇ун̣хий, звамзд̇ам̣ д̇хаараяаамий’’д̇и.
‘‘Dinnaṃ idaṃ saṅghena kathinadussaṃ itthannāmassa bhikkhuno kathinaṃ attharituṃ. Khamati saṅghassa, tasmā tuṇhī, evametaṃ dhārayāmī’’ti.
308. ‘‘звам̣ ко, бхигкавз, ад̇т̇ад̇ам̣ ход̇и гат̇инам̣, звам̣ анад̇т̇ад̇ам̣. гат̇ан̃жа бана, бхигкавз, анад̇т̇ад̇ам̣ ход̇и гат̇инам̣? на улликид̇амад̇д̇зна ад̇т̇ад̇ам̣ ход̇и гат̇инам̣, на д̇хованамад̇д̇зна ад̇т̇ад̇ам̣ ход̇и гат̇инам̣, на жийваравижааран̣амад̇д̇зна 5 ад̇т̇ад̇ам̣ ход̇и гат̇инам̣, на чзд̣̇анамад̇д̇зна ад̇т̇ад̇ам̣ ход̇и гат̇инам̣, на б̣анд̇ханамад̇д̇зна ад̇т̇ад̇ам̣ ход̇и гат̇инам̣, на оваддияагаран̣амад̇д̇зна 6 ад̇т̇ад̇ам̣ ход̇и гат̇инам̣, на ган̣д̣усагаран̣амад̇д̇зна ад̇т̇ад̇ам̣ ход̇и гат̇инам̣, на д̣̇ал̣хийгаммагаран̣амад̇д̇зна ад̇т̇ад̇ам̣ ход̇и гат̇инам̣, на ануваад̇агаран̣амад̇д̇зна ад̇т̇ад̇ам̣ ход̇и гат̇инам̣, на барибхан̣д̣агаран̣амад̇д̇зна ад̇т̇ад̇ам̣ ход̇и гат̇инам̣, на овад̣̇д̇хзяяагаран̣амад̇д̇зна ад̇т̇ад̇ам̣ ход̇и гат̇инам̣, на гамб̣аламад̣̇д̣̇анамад̇д̇зна ад̇т̇ад̇ам̣ ход̇и гат̇инам̣, на нимид̇д̇агад̇зна ад̇т̇ад̇ам̣ ход̇и гат̇инам̣, на баригат̇аагад̇зна ад̇т̇ад̇ам̣ ход̇и гат̇инам̣, на гуггугад̇зна ад̇т̇ад̇ам̣ ход̇и гат̇инам̣, на саннид̇хигад̇зна ад̇т̇ад̇ам̣ ход̇и гат̇инам̣, на ниссаг̇г̇иязна ад̇т̇ад̇ам̣ ход̇и гат̇инам̣, на агаббагад̇зна ад̇т̇ад̇ам̣ ход̇и гат̇инам̣ , на ан̃н̃ад̇ра сан̇гхаадияаа ад̇т̇ад̇ам̣ ход̇и гат̇инам̣, на ан̃н̃ад̇ра уд̇д̇араасан̇г̇зна ад̇т̇ад̇ам̣ ход̇и гат̇инам̣, на ан̃н̃ад̇ра анд̇араваасагзна ад̇т̇ад̇ам̣ ход̇и гат̇инам̣, на ан̃н̃ад̇ра бан̃жагзна ваа ад̇ирзгабан̃жагзна ваа д̇ад̣̇ахзва сан̃чиннзна саман̣д̣алийгад̇зна ад̇т̇ад̇ам̣ ход̇и гат̇инам̣, на ан̃н̃ад̇ра буг̇г̇аласса ад̇т̇аараа ад̇т̇ад̇ам̣ ход̇и гат̇инам̣; саммаа жзва ад̇т̇ад̇ам̣ ход̇и гат̇инам̣, д̇ан̃жз ниссиймадто анумод̣̇ад̇и, звамби анад̇т̇ад̇ам̣ ход̇и гат̇инам̣. звам̣ ко, бхигкавз, анад̇т̇ад̇ам̣ ход̇и гат̇инам̣.
308. ‘‘Evaṃ kho, bhikkhave, atthataṃ hoti kathinaṃ, evaṃ anatthataṃ. Kathañca pana, bhikkhave, anatthataṃ hoti kathinaṃ? Na ullikhitamattena atthataṃ hoti kathinaṃ, na dhovanamattena atthataṃ hoti kathinaṃ, na cīvaravicāraṇamattena 7 atthataṃ hoti kathinaṃ, na chedanamattena atthataṃ hoti kathinaṃ, na bandhanamattena atthataṃ hoti kathinaṃ, na ovaṭṭiyakaraṇamattena 8 atthataṃ hoti kathinaṃ, na kaṇḍusakaraṇamattena atthataṃ hoti kathinaṃ, na daḷhīkammakaraṇamattena atthataṃ hoti kathinaṃ, na anuvātakaraṇamattena atthataṃ hoti kathinaṃ, na paribhaṇḍakaraṇamattena atthataṃ hoti kathinaṃ, na ovaddheyyakaraṇamattena atthataṃ hoti kathinaṃ, na kambalamaddanamattena atthataṃ hoti kathinaṃ, na nimittakatena atthataṃ hoti kathinaṃ, na parikathākatena atthataṃ hoti kathinaṃ, na kukkukatena atthataṃ hoti kathinaṃ, na sannidhikatena atthataṃ hoti kathinaṃ, na nissaggiyena atthataṃ hoti kathinaṃ, na akappakatena atthataṃ hoti kathinaṃ , na aññatra saṅghāṭiyā atthataṃ hoti kathinaṃ, na aññatra uttarāsaṅgena atthataṃ hoti kathinaṃ, na aññatra antaravāsakena atthataṃ hoti kathinaṃ, na aññatra pañcakena vā atirekapañcakena vā tadaheva sañchinnena samaṇḍalīkatena atthataṃ hoti kathinaṃ, na aññatra puggalassa atthārā atthataṃ hoti kathinaṃ; sammā ceva atthataṃ hoti kathinaṃ, tañce nissīmaṭṭho anumodati, evampi anatthataṃ hoti kathinaṃ. Evaṃ kho, bhikkhave, anatthataṃ hoti kathinaṃ.
309. ‘‘гат̇ан̃жа, бхигкавз, ад̇т̇ад̇ам̣ ход̇и гат̇инам̣? ахад̇зна ад̇т̇ад̇ам̣ ход̇и гат̇инам̣, ахад̇агаббзна ад̇т̇ад̇ам̣ ход̇и гат̇инам̣, билод̇игааяа ад̇т̇ад̇ам̣ ход̇и гат̇инам̣, бам̣сугуулзна ад̇т̇ад̇ам̣ ход̇и гат̇инам̣, баабан̣игзна ад̇т̇ад̇ам̣ ход̇и гат̇инам̣, анимид̇д̇агад̇зна ад̇т̇ад̇ам̣ ход̇и гат̇инам̣, абаригат̇аагад̇зна ад̇т̇ад̇ам̣ ход̇и гат̇инам̣, агуггугад̇зна ад̇т̇ад̇ам̣ ход̇и гат̇инам̣, асаннид̇хигад̇зна ад̇т̇ад̇ам̣ ход̇и гат̇инам̣, аниссаг̇г̇иязна ад̇т̇ад̇ам̣ ход̇и гат̇инам̣, габбагад̇зна ад̇т̇ад̇ам̣ ход̇и гат̇инам̣, сан̇гхаадияаа ад̇т̇ад̇ам̣ ход̇и гат̇инам̣, уд̇д̇араасан̇г̇зна ад̇т̇ад̇ам̣ ход̇и гат̇инам̣, анд̇араваасагзна ад̇т̇ад̇ам̣ ход̇и гат̇инам̣, бан̃жагзна ваа ад̇ирзгабан̃жагзна ваа д̇ад̣̇ахзва сан̃чиннзна саман̣д̣алийгад̇зна ад̇т̇ад̇ам̣ ход̇и гат̇инам̣, буг̇г̇аласса ад̇т̇аараа ад̇т̇ад̇ам̣ ход̇и гат̇инам̣; саммаа жз ад̇т̇ад̇ам̣ ход̇и гат̇инам̣, д̇ан̃жз сиймадто анумод̣̇ад̇и, звамби ад̇т̇ад̇ам̣ ход̇и гат̇инам̣ . звам̣ ко, бхигкавз, ад̇т̇ад̇ам̣ ход̇и гат̇инам̣.
309. ‘‘Kathañca, bhikkhave, atthataṃ hoti kathinaṃ? Ahatena atthataṃ hoti kathinaṃ, ahatakappena atthataṃ hoti kathinaṃ, pilotikāya atthataṃ hoti kathinaṃ, paṃsukūlena atthataṃ hoti kathinaṃ, pāpaṇikena atthataṃ hoti kathinaṃ, animittakatena atthataṃ hoti kathinaṃ, aparikathākatena atthataṃ hoti kathinaṃ, akukkukatena atthataṃ hoti kathinaṃ, asannidhikatena atthataṃ hoti kathinaṃ, anissaggiyena atthataṃ hoti kathinaṃ, kappakatena atthataṃ hoti kathinaṃ, saṅghāṭiyā atthataṃ hoti kathinaṃ, uttarāsaṅgena atthataṃ hoti kathinaṃ, antaravāsakena atthataṃ hoti kathinaṃ, pañcakena vā atirekapañcakena vā tadaheva sañchinnena samaṇḍalīkatena atthataṃ hoti kathinaṃ, puggalassa atthārā atthataṃ hoti kathinaṃ; sammā ce atthataṃ hoti kathinaṃ, tañce sīmaṭṭho anumodati, evampi atthataṃ hoti kathinaṃ . Evaṃ kho, bhikkhave, atthataṃ hoti kathinaṃ.
310. ‘‘гат̇ан̃жа, бхигкавз, уб̣бхад̇ам̣ ход̇и гат̇инам̣? адтимаа, бхигкавз, маад̇игаа гат̇инасса уб̣бхаарааяа – баггамананд̇игаа, нидтаананд̇игаа, саннидтаананд̇игаа, наасананд̇игаа, савананд̇игаа, аасааважчзд̣̇игаа, сиймаад̇игганд̇игаа, сахуб̣бхаараа’’д̇и 9.
310. ‘‘Kathañca, bhikkhave, ubbhataṃ hoti kathinaṃ? Aṭṭhimā, bhikkhave, mātikā kathinassa ubbhārāya – pakkamanantikā, niṭṭhānantikā, sanniṭṭhānantikā, nāsanantikā, savanantikā, āsāvacchedikā, sīmātikkantikā, sahubbhārā’’ti 10.
гат̇инаануж̇аананаа нидтид̇аа.
Kathinānujānanā niṭṭhitā.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / гат̇инаануж̇аананагат̇аа • Kathinānujānanakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / гат̇инаануж̇аананагат̇ааван̣н̣анаа • Kathinānujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / гат̇инаануж̇аананагат̇ааван̣н̣анаа • Kathinānujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / гат̇инаануж̇аананагат̇ааван̣н̣анаа • Kathinānujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 187. гат̇инаануж̇аананагат̇аа • 187. Kathinānujānanakathā
