| Library / Tipiṭaka / ਤਿਪਿਟਕ • Tipiṭaka / ਮਹਾવਗ੍ਗਪਾਲ਼ਿ • Mahāvaggapāḷi |
੭. ਕਥਿਨਕ੍ਖਨ੍ਧਕੋ
7. Kathinakkhandhako
੧੮੭. ਕਥਿਨਾਨੁਜਾਨਨਾ
187. Kathinānujānanā
੩੦੬. ਤੇਨ ਸਮਯੇਨ ਬੁਦ੍ਧੋ ਭਗવਾ ਸਾવਤ੍ਥਿਯਂ વਿਹਰਤਿ ਜੇਤવਨੇ ਅਨਾਥਪਿਣ੍ਡਿਕਸ੍ਸ ਆਰਾਮੇ। ਤੇਨ ਖੋ ਪਨ ਸਮਯੇਨ ਤਿਂਸਮਤ੍ਤਾ ਪਾવੇਯ੍ਯਕਾ 1 ਭਿਕ੍ਖੂ, ਸਬ੍ਬੇ ਆਰਞ੍ਞਿਕਾ ਸਬ੍ਬੇ ਪਿਣ੍ਡਪਾਤਿਕਾ ਸਬ੍ਬੇ ਪਂਸੁਕੂਲਿਕਾ ਸਬ੍ਬੇ ਤੇਚੀવਰਿਕਾ ਸਾવਤ੍ਥਿਂ ਆਗਚ੍ਛਨ੍ਤਾ ਭਗવਨ੍ਤਂ ਦਸ੍ਸਨਾਯ ਉਪਕਟ੍ਠਾਯ વਸ੍ਸੂਪਨਾਯਿਕਾਯ ਨਾਸਕ੍ਖਿਂਸੁ ਸਾવਤ੍ਥਿਯਂ વਸ੍ਸੂਪਨਾਯਿਕਂ ਸਮ੍ਭਾવੇਤੁਂ; ਅਨ੍ਤਰਾਮਗ੍ਗੇ ਸਾਕੇਤੇ વਸ੍ਸਂ ਉਪਗਚ੍ਛਿਂਸੁ। ਤੇ ਉਕ੍ਕਣ੍ਠਿਤਰੂਪਾ વਸ੍ਸਂ વਸਿਂਸੁ – ਆਸਨ੍ਨੇવ ਨੋ ਭਗવਾ વਿਹਰਤਿ ਇਤੋ ਛਸੁ ਯੋਜਨੇਸੁ, ਨ ਚ ਮਯਂ ਲਭਾਮ ਭਗવਨ੍ਤਂ ਦਸ੍ਸਨਾਯਾਤਿ। ਅਥ ਖੋ ਤੇ ਭਿਕ੍ਖੂ વਸ੍ਸਂવੁਟ੍ਠਾ, ਤੇਮਾਸਚ੍ਚਯੇਨ ਕਤਾਯ ਪવਾਰਣਾਯ, ਦੇવੇ વਸ੍ਸਨ੍ਤੇ, ਉਦਕਸਙ੍ਗਹੇ ਉਦਕਚਿਕ੍ਖਲ੍ਲੇ ਓਕਪੁਣ੍ਣੇਹਿ ਚੀવਰੇਹਿ ਕਿਲਨ੍ਤਰੂਪਾ ਯੇਨ ਸਾવਤ੍ਥਿ ਜੇਤવਨਂ ਅਨਾਥਪਿਣ੍ਡਿਕਸ੍ਸ ਆਰਾਮੋ, ਯੇਨ ਭਗવਾ ਤੇਨੁਪਸਙ੍ਕਮਿਂਸੁ; ਉਪਸਙ੍ਕਮਿਤ੍વਾ ਭਗવਨ੍ਤਂ ਅਭਿવਾਦੇਤ੍વਾ ਏਕਮਨ੍ਤਂ ਨਿਸੀਦਿਂਸੁ। ਆਚਿਣ੍ਣਂ ਖੋ ਪਨੇਤਂ ਬੁਦ੍ਧਾਨਂ ਭਗવਨ੍ਤਾਨਂ ਆਗਨ੍ਤੁਕੇਹਿ ਭਿਕ੍ਖੂਹਿ ਸਦ੍ਧਿਂ ਪਟਿਸਮ੍ਮੋਦਿਤੁਂ। ਅਥ ਖੋ ਭਗવਾ ਤੇ ਭਿਕ੍ਖੂ ਏਤਦવੋਚ – ‘‘ਕਚ੍ਚਿ, ਭਿਕ੍ਖવੇ, ਖਮਨੀਯਂ, ਕਚ੍ਚਿ ਯਾਪਨੀਯਂ, ਕਚ੍ਚਿ ਸਮਗ੍ਗਾ ਸਮ੍ਮੋਦਮਾਨਾ ਅવਿવਦਮਾਨਾ ਫਾਸੁਕਂ વਸ੍ਸਂ વਸਿਤ੍ਥ, ਨ ਚ ਪਿਣ੍ਡਕੇਨ ਕਿਲਮਿਤ੍ਥਾ’’ਤਿ? ‘‘ਖਮਨੀਯਂ, ਭਗવਾ; ਯਾਪਨੀਯਂ, ਭਗવਾ; ਸਮਗ੍ਗਾ ਚ ਮਯਂ, ਭਨ੍ਤੇ, ਸਮ੍ਮੋਦਮਾਨਾ ਅવਿવਦਮਾਨਾ વਸ੍ਸਂ વਸਿਮ੍ਹਾ, ਨ ਚ ਪਿਣ੍ਡਕੇਨ ਕਿਲਮਿਮ੍ਹਾ । ਇਧ ਮਯਂ, ਭਨ੍ਤੇ, ਤਿਂਸਮਤ੍ਤਾ ਪਾવੇਯ੍ਯਕਾ ਭਿਕ੍ਖੂ ਸਾવਤ੍ਥਿਂ ਆਗਚ੍ਛਨ੍ਤਾ ਭਗવਨ੍ਤਂ ਦਸ੍ਸਨਾਯ ਉਪਕਟ੍ਠਾਯ વਸ੍ਸੂਪਨਾਯਿਕਾਯ ਨਾਸਕ੍ਖਿਮ੍ਹਾ ਸਾવਤ੍ਥਿਯਂ વਸ੍ਸੂਪਨਾਯਿਕਂ ਸਮ੍ਭਾવੇਤੁਂ, ਅਨ੍ਤਰਾਮਗ੍ਗੇ ਸਾਕੇਤੇ વਸ੍ਸਂ ਉਪਗਚ੍ਛਿਮ੍ਹਾ। ਤੇ ਮਯਂ, ਭਨ੍ਤੇ, ਉਕ੍ਕਣ੍ਠਿਤਰੂਪਾ વਸ੍ਸਂ વਸਿਮ੍ਹਾ – ‘ਆਸਨ੍ਨੇવ ਨੋ ਭਗવਾ વਿਹਰਤਿ ਇਤੋ ਛਸੁ ਯੋਜਨੇਸੁ, ਨ ਚ ਮਯਂ ਲਭਾਮ ਭਗવਨ੍ਤਂ ਦਸ੍ਸਨਾਯਾ’ਤਿ। ਅਥ ਖੋ ਮਯਂ, ਭਨ੍ਤੇ, વਸ੍ਸਂવੁਟ੍ਠਾ, ਤੇਮਾਸਚ੍ਚਯੇਨ ਕਤਾਯ ਪવਾਰਣਾਯ, ਦੇવੇ વਸ੍ਸਨ੍ਤੇ, ਉਦਕਸਙ੍ਗਹੇ ਉਦਕਚਿਕ੍ਖਲ੍ਲੇ ਓਕਪੁਣ੍ਣੇਹਿ ਚੀવਰੇਹਿ ਕਿਲਨ੍ਤਰੂਪਾ ਅਦ੍ਧਾਨਂ ਆਗਤਾਤਿ। ਅਥ ਖੋ ਭਗવਾ ਏਤਸ੍ਮਿਂ ਨਿਦਾਨੇ ਏਤਸ੍ਮਿਂ ਪਕਰਣੇ ਧਮ੍ਮਿਂ ਕਥਂ ਕਤ੍વਾ ਭਿਕ੍ਖੂ ਆਮਨ੍ਤੇਸਿ – ‘‘ਅਨੁਜਾਨਾਮਿ, ਭਿਕ੍ਖવੇ, વਸ੍ਸਂવੁਟ੍ਠਾਨਂ ਭਿਕ੍ਖੂਨਂ ਕਥਿਨਂ 2 ਅਤ੍ਥਰਿਤੁਂ। ਅਤ੍ਥਤਕਥਿਨਾਨਂ વੋ, ਭਿਕ੍ਖવੇ, ਪਞ੍ਚ ਕਪ੍ਪਿਸ੍ਸਨ੍ਤਿ – ਅਨਾਮਨ੍ਤਚਾਰੋ, ਅਸਮਾਦਾਨਚਾਰੋ, ਗਣਭੋਜਨਂ, ਯਾવਦਤ੍ਥਚੀવਰਂ, ਯੋ ਚ ਤਤ੍ਥ ਚੀવਰੁਪ੍ਪਾਦੋ ਸੋ ਨੇਸਂ ਭવਿਸ੍ਸਤੀਤਿ। ਅਤ੍ਥਤਕਥਿਨਾਨਂ વੋ, ਭਿਕ੍ਖવੇ, ਇਮਾਨਿ ਪਞ੍ਚ ਕਪ੍ਪਿਸ੍ਸਨ੍ਤਿ। ਏવਞ੍ਚ ਪਨ, ਭਿਕ੍ਖવੇ, ਕਥਿਨਂ ਅਤ੍ਥਰਿਤਬ੍ਬਂ। ਬ੍ਯਤ੍ਤੇਨ ਭਿਕ੍ਖੁਨਾ ਪਟਿਬਲੇਨ ਸਙ੍ਘੋ ਞਾਪੇਤਬ੍ਬੋ –
306. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena tiṃsamattā pāveyyakā 3 bhikkhū, sabbe āraññikā sabbe piṇḍapātikā sabbe paṃsukūlikā sabbe tecīvarikā sāvatthiṃ āgacchantā bhagavantaṃ dassanāya upakaṭṭhāya vassūpanāyikāya nāsakkhiṃsu sāvatthiyaṃ vassūpanāyikaṃ sambhāvetuṃ; antarāmagge sākete vassaṃ upagacchiṃsu. Te ukkaṇṭhitarūpā vassaṃ vasiṃsu – āsanneva no bhagavā viharati ito chasu yojanesu, na ca mayaṃ labhāma bhagavantaṃ dassanāyāti. Atha kho te bhikkhū vassaṃvuṭṭhā, temāsaccayena katāya pavāraṇāya, deve vassante, udakasaṅgahe udakacikkhalle okapuṇṇehi cīvarehi kilantarūpā yena sāvatthi jetavanaṃ anāthapiṇḍikassa ārāmo, yena bhagavā tenupasaṅkamiṃsu; upasaṅkamitvā bhagavantaṃ abhivādetvā ekamantaṃ nisīdiṃsu. Āciṇṇaṃ kho panetaṃ buddhānaṃ bhagavantānaṃ āgantukehi bhikkhūhi saddhiṃ paṭisammodituṃ. Atha kho bhagavā te bhikkhū etadavoca – ‘‘kacci, bhikkhave, khamanīyaṃ, kacci yāpanīyaṃ, kacci samaggā sammodamānā avivadamānā phāsukaṃ vassaṃ vasittha, na ca piṇḍakena kilamitthā’’ti? ‘‘Khamanīyaṃ, bhagavā; yāpanīyaṃ, bhagavā; samaggā ca mayaṃ, bhante, sammodamānā avivadamānā vassaṃ vasimhā, na ca piṇḍakena kilamimhā . Idha mayaṃ, bhante, tiṃsamattā pāveyyakā bhikkhū sāvatthiṃ āgacchantā bhagavantaṃ dassanāya upakaṭṭhāya vassūpanāyikāya nāsakkhimhā sāvatthiyaṃ vassūpanāyikaṃ sambhāvetuṃ, antarāmagge sākete vassaṃ upagacchimhā. Te mayaṃ, bhante, ukkaṇṭhitarūpā vassaṃ vasimhā – ‘āsanneva no bhagavā viharati ito chasu yojanesu, na ca mayaṃ labhāma bhagavantaṃ dassanāyā’ti. Atha kho mayaṃ, bhante, vassaṃvuṭṭhā, temāsaccayena katāya pavāraṇāya, deve vassante, udakasaṅgahe udakacikkhalle okapuṇṇehi cīvarehi kilantarūpā addhānaṃ āgatāti. Atha kho bhagavā etasmiṃ nidāne etasmiṃ pakaraṇe dhammiṃ kathaṃ katvā bhikkhū āmantesi – ‘‘anujānāmi, bhikkhave, vassaṃvuṭṭhānaṃ bhikkhūnaṃ kathinaṃ 4 attharituṃ. Atthatakathinānaṃ vo, bhikkhave, pañca kappissanti – anāmantacāro, asamādānacāro, gaṇabhojanaṃ, yāvadatthacīvaraṃ, yo ca tattha cīvaruppādo so nesaṃ bhavissatīti. Atthatakathinānaṃ vo, bhikkhave, imāni pañca kappissanti. Evañca pana, bhikkhave, kathinaṃ attharitabbaṃ. Byattena bhikkhunā paṭibalena saṅgho ñāpetabbo –
੩੦੭. ‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ। ਇਦਂ ਸਙ੍ਘਸ੍ਸ ਕਥਿਨਦੁਸ੍ਸਂ ਉਪ੍ਪਨ੍ਨਂ। ਯਦਿ ਸਙ੍ਘਸ੍ਸ ਪਤ੍ਤਕਲ੍ਲਂ, ਸਙ੍ਘੋ ਇਮਂ ਕਥਿਨਦੁਸ੍ਸਂ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਦਦੇਯ੍ਯ ਕਥਿਨਂ ਅਤ੍ਥਰਿਤੁਂ। ਏਸਾ ਞਤ੍ਤਿ।
307. ‘‘Suṇātu me, bhante, saṅgho. Idaṃ saṅghassa kathinadussaṃ uppannaṃ. Yadi saṅghassa pattakallaṃ, saṅgho imaṃ kathinadussaṃ itthannāmassa bhikkhuno dadeyya kathinaṃ attharituṃ. Esā ñatti.
‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ। ਇਦਂ ਸਙ੍ਘਸ੍ਸ ਕਥਿਨਦੁਸ੍ਸਂ ਉਪ੍ਪਨ੍ਨਂ। ਸਙ੍ਘੋ ਇਮਂ ਕਥਿਨਦੁਸ੍ਸਂ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਦੇਤਿ ਕਥਿਨਂ ਅਤ੍ਥਰਿਤੁਂ। ਯਸ੍ਸਾਯਸ੍ਮਤੋ ਖਮਤਿ ਇਮਸ੍ਸ ਕਥਿਨਦੁਸ੍ਸਸ੍ਸ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਦਾਨਂ ਕਥਿਨਂ ਅਤ੍ਥਰਿਤੁਂ, ਸੋ ਤੁਣ੍ਹਸ੍ਸ; ਯਸ੍ਸ ਨਕ੍ਖਮਤਿ, ਸੋ ਭਾਸੇਯ੍ਯ।
‘‘Suṇātu me, bhante, saṅgho. Idaṃ saṅghassa kathinadussaṃ uppannaṃ. Saṅgho imaṃ kathinadussaṃ itthannāmassa bhikkhuno deti kathinaṃ attharituṃ. Yassāyasmato khamati imassa kathinadussassa itthannāmassa bhikkhuno dānaṃ kathinaṃ attharituṃ, so tuṇhassa; yassa nakkhamati, so bhāseyya.
‘‘ਦਿਨ੍ਨਂ ਇਦਂ ਸਙ੍ਘੇਨ ਕਥਿਨਦੁਸ੍ਸਂ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਕਥਿਨਂ ਅਤ੍ਥਰਿਤੁਂ। ਖਮਤਿ ਸਙ੍ਘਸ੍ਸ, ਤਸ੍ਮਾ ਤੁਣ੍ਹੀ, ਏવਮੇਤਂ ਧਾਰਯਾਮੀ’’ਤਿ।
‘‘Dinnaṃ idaṃ saṅghena kathinadussaṃ itthannāmassa bhikkhuno kathinaṃ attharituṃ. Khamati saṅghassa, tasmā tuṇhī, evametaṃ dhārayāmī’’ti.
੩੦੮. ‘‘ਏવਂ ਖੋ, ਭਿਕ੍ਖવੇ, ਅਤ੍ਥਤਂ ਹੋਤਿ ਕਥਿਨਂ, ਏવਂ ਅਨਤ੍ਥਤਂ। ਕਥਞ੍ਚ ਪਨ, ਭਿਕ੍ਖવੇ, ਅਨਤ੍ਥਤਂ ਹੋਤਿ ਕਥਿਨਂ? ਨ ਉਲ੍ਲਿਖਿਤਮਤ੍ਤੇਨ ਅਤ੍ਥਤਂ ਹੋਤਿ ਕਥਿਨਂ, ਨ ਧੋવਨਮਤ੍ਤੇਨ ਅਤ੍ਥਤਂ ਹੋਤਿ ਕਥਿਨਂ, ਨ ਚੀવਰવਿਚਾਰਣਮਤ੍ਤੇਨ 5 ਅਤ੍ਥਤਂ ਹੋਤਿ ਕਥਿਨਂ, ਨ ਛੇਦਨਮਤ੍ਤੇਨ ਅਤ੍ਥਤਂ ਹੋਤਿ ਕਥਿਨਂ, ਨ ਬਨ੍ਧਨਮਤ੍ਤੇਨ ਅਤ੍ਥਤਂ ਹੋਤਿ ਕਥਿਨਂ, ਨ ਓવਟ੍ਟਿਯਕਰਣਮਤ੍ਤੇਨ 6 ਅਤ੍ਥਤਂ ਹੋਤਿ ਕਥਿਨਂ, ਨ ਕਣ੍ਡੁਸਕਰਣਮਤ੍ਤੇਨ ਅਤ੍ਥਤਂ ਹੋਤਿ ਕਥਿਨਂ, ਨ ਦਲ਼੍ਹੀਕਮ੍ਮਕਰਣਮਤ੍ਤੇਨ ਅਤ੍ਥਤਂ ਹੋਤਿ ਕਥਿਨਂ, ਨ ਅਨੁવਾਤਕਰਣਮਤ੍ਤੇਨ ਅਤ੍ਥਤਂ ਹੋਤਿ ਕਥਿਨਂ, ਨ ਪਰਿਭਣ੍ਡਕਰਣਮਤ੍ਤੇਨ ਅਤ੍ਥਤਂ ਹੋਤਿ ਕਥਿਨਂ, ਨ ਓવਦ੍ਧੇਯ੍ਯਕਰਣਮਤ੍ਤੇਨ ਅਤ੍ਥਤਂ ਹੋਤਿ ਕਥਿਨਂ, ਨ ਕਮ੍ਬਲਮਦ੍ਦਨਮਤ੍ਤੇਨ ਅਤ੍ਥਤਂ ਹੋਤਿ ਕਥਿਨਂ, ਨ ਨਿਮਿਤ੍ਤਕਤੇਨ ਅਤ੍ਥਤਂ ਹੋਤਿ ਕਥਿਨਂ, ਨ ਪਰਿਕਥਾਕਤੇਨ ਅਤ੍ਥਤਂ ਹੋਤਿ ਕਥਿਨਂ, ਨ ਕੁਕ੍ਕੁਕਤੇਨ ਅਤ੍ਥਤਂ ਹੋਤਿ ਕਥਿਨਂ, ਨ ਸਨ੍ਨਿਧਿਕਤੇਨ ਅਤ੍ਥਤਂ ਹੋਤਿ ਕਥਿਨਂ, ਨ ਨਿਸ੍ਸਗ੍ਗਿਯੇਨ ਅਤ੍ਥਤਂ ਹੋਤਿ ਕਥਿਨਂ, ਨ ਅਕਪ੍ਪਕਤੇਨ ਅਤ੍ਥਤਂ ਹੋਤਿ ਕਥਿਨਂ , ਨ ਅਞ੍ਞਤ੍ਰ ਸਙ੍ਘਾਟਿਯਾ ਅਤ੍ਥਤਂ ਹੋਤਿ ਕਥਿਨਂ, ਨ ਅਞ੍ਞਤ੍ਰ ਉਤ੍ਤਰਾਸਙ੍ਗੇਨ ਅਤ੍ਥਤਂ ਹੋਤਿ ਕਥਿਨਂ, ਨ ਅਞ੍ਞਤ੍ਰ ਅਨ੍ਤਰવਾਸਕੇਨ ਅਤ੍ਥਤਂ ਹੋਤਿ ਕਥਿਨਂ, ਨ ਅਞ੍ਞਤ੍ਰ ਪਞ੍ਚਕੇਨ વਾ ਅਤਿਰੇਕਪਞ੍ਚਕੇਨ વਾ ਤਦਹੇવ ਸਞ੍ਛਿਨ੍ਨੇਨ ਸਮਣ੍ਡਲੀਕਤੇਨ ਅਤ੍ਥਤਂ ਹੋਤਿ ਕਥਿਨਂ, ਨ ਅਞ੍ਞਤ੍ਰ ਪੁਗ੍ਗਲਸ੍ਸ ਅਤ੍ਥਾਰਾ ਅਤ੍ਥਤਂ ਹੋਤਿ ਕਥਿਨਂ; ਸਮ੍ਮਾ ਚੇવ ਅਤ੍ਥਤਂ ਹੋਤਿ ਕਥਿਨਂ, ਤਞ੍ਚੇ ਨਿਸ੍ਸੀਮਟ੍ਠੋ ਅਨੁਮੋਦਤਿ, ਏવਮ੍ਪਿ ਅਨਤ੍ਥਤਂ ਹੋਤਿ ਕਥਿਨਂ। ਏવਂ ਖੋ, ਭਿਕ੍ਖવੇ, ਅਨਤ੍ਥਤਂ ਹੋਤਿ ਕਥਿਨਂ।
308. ‘‘Evaṃ kho, bhikkhave, atthataṃ hoti kathinaṃ, evaṃ anatthataṃ. Kathañca pana, bhikkhave, anatthataṃ hoti kathinaṃ? Na ullikhitamattena atthataṃ hoti kathinaṃ, na dhovanamattena atthataṃ hoti kathinaṃ, na cīvaravicāraṇamattena 7 atthataṃ hoti kathinaṃ, na chedanamattena atthataṃ hoti kathinaṃ, na bandhanamattena atthataṃ hoti kathinaṃ, na ovaṭṭiyakaraṇamattena 8 atthataṃ hoti kathinaṃ, na kaṇḍusakaraṇamattena atthataṃ hoti kathinaṃ, na daḷhīkammakaraṇamattena atthataṃ hoti kathinaṃ, na anuvātakaraṇamattena atthataṃ hoti kathinaṃ, na paribhaṇḍakaraṇamattena atthataṃ hoti kathinaṃ, na ovaddheyyakaraṇamattena atthataṃ hoti kathinaṃ, na kambalamaddanamattena atthataṃ hoti kathinaṃ, na nimittakatena atthataṃ hoti kathinaṃ, na parikathākatena atthataṃ hoti kathinaṃ, na kukkukatena atthataṃ hoti kathinaṃ, na sannidhikatena atthataṃ hoti kathinaṃ, na nissaggiyena atthataṃ hoti kathinaṃ, na akappakatena atthataṃ hoti kathinaṃ , na aññatra saṅghāṭiyā atthataṃ hoti kathinaṃ, na aññatra uttarāsaṅgena atthataṃ hoti kathinaṃ, na aññatra antaravāsakena atthataṃ hoti kathinaṃ, na aññatra pañcakena vā atirekapañcakena vā tadaheva sañchinnena samaṇḍalīkatena atthataṃ hoti kathinaṃ, na aññatra puggalassa atthārā atthataṃ hoti kathinaṃ; sammā ceva atthataṃ hoti kathinaṃ, tañce nissīmaṭṭho anumodati, evampi anatthataṃ hoti kathinaṃ. Evaṃ kho, bhikkhave, anatthataṃ hoti kathinaṃ.
੩੦੯. ‘‘ਕਥਞ੍ਚ, ਭਿਕ੍ਖવੇ, ਅਤ੍ਥਤਂ ਹੋਤਿ ਕਥਿਨਂ? ਅਹਤੇਨ ਅਤ੍ਥਤਂ ਹੋਤਿ ਕਥਿਨਂ, ਅਹਤਕਪ੍ਪੇਨ ਅਤ੍ਥਤਂ ਹੋਤਿ ਕਥਿਨਂ, ਪਿਲੋਤਿਕਾਯ ਅਤ੍ਥਤਂ ਹੋਤਿ ਕਥਿਨਂ, ਪਂਸੁਕੂਲੇਨ ਅਤ੍ਥਤਂ ਹੋਤਿ ਕਥਿਨਂ, ਪਾਪਣਿਕੇਨ ਅਤ੍ਥਤਂ ਹੋਤਿ ਕਥਿਨਂ, ਅਨਿਮਿਤ੍ਤਕਤੇਨ ਅਤ੍ਥਤਂ ਹੋਤਿ ਕਥਿਨਂ, ਅਪਰਿਕਥਾਕਤੇਨ ਅਤ੍ਥਤਂ ਹੋਤਿ ਕਥਿਨਂ, ਅਕੁਕ੍ਕੁਕਤੇਨ ਅਤ੍ਥਤਂ ਹੋਤਿ ਕਥਿਨਂ, ਅਸਨ੍ਨਿਧਿਕਤੇਨ ਅਤ੍ਥਤਂ ਹੋਤਿ ਕਥਿਨਂ, ਅਨਿਸ੍ਸਗ੍ਗਿਯੇਨ ਅਤ੍ਥਤਂ ਹੋਤਿ ਕਥਿਨਂ, ਕਪ੍ਪਕਤੇਨ ਅਤ੍ਥਤਂ ਹੋਤਿ ਕਥਿਨਂ, ਸਙ੍ਘਾਟਿਯਾ ਅਤ੍ਥਤਂ ਹੋਤਿ ਕਥਿਨਂ, ਉਤ੍ਤਰਾਸਙ੍ਗੇਨ ਅਤ੍ਥਤਂ ਹੋਤਿ ਕਥਿਨਂ, ਅਨ੍ਤਰવਾਸਕੇਨ ਅਤ੍ਥਤਂ ਹੋਤਿ ਕਥਿਨਂ, ਪਞ੍ਚਕੇਨ વਾ ਅਤਿਰੇਕਪਞ੍ਚਕੇਨ વਾ ਤਦਹੇવ ਸਞ੍ਛਿਨ੍ਨੇਨ ਸਮਣ੍ਡਲੀਕਤੇਨ ਅਤ੍ਥਤਂ ਹੋਤਿ ਕਥਿਨਂ, ਪੁਗ੍ਗਲਸ੍ਸ ਅਤ੍ਥਾਰਾ ਅਤ੍ਥਤਂ ਹੋਤਿ ਕਥਿਨਂ; ਸਮ੍ਮਾ ਚੇ ਅਤ੍ਥਤਂ ਹੋਤਿ ਕਥਿਨਂ, ਤਞ੍ਚੇ ਸੀਮਟ੍ਠੋ ਅਨੁਮੋਦਤਿ, ਏવਮ੍ਪਿ ਅਤ੍ਥਤਂ ਹੋਤਿ ਕਥਿਨਂ । ਏવਂ ਖੋ, ਭਿਕ੍ਖવੇ, ਅਤ੍ਥਤਂ ਹੋਤਿ ਕਥਿਨਂ।
309. ‘‘Kathañca, bhikkhave, atthataṃ hoti kathinaṃ? Ahatena atthataṃ hoti kathinaṃ, ahatakappena atthataṃ hoti kathinaṃ, pilotikāya atthataṃ hoti kathinaṃ, paṃsukūlena atthataṃ hoti kathinaṃ, pāpaṇikena atthataṃ hoti kathinaṃ, animittakatena atthataṃ hoti kathinaṃ, aparikathākatena atthataṃ hoti kathinaṃ, akukkukatena atthataṃ hoti kathinaṃ, asannidhikatena atthataṃ hoti kathinaṃ, anissaggiyena atthataṃ hoti kathinaṃ, kappakatena atthataṃ hoti kathinaṃ, saṅghāṭiyā atthataṃ hoti kathinaṃ, uttarāsaṅgena atthataṃ hoti kathinaṃ, antaravāsakena atthataṃ hoti kathinaṃ, pañcakena vā atirekapañcakena vā tadaheva sañchinnena samaṇḍalīkatena atthataṃ hoti kathinaṃ, puggalassa atthārā atthataṃ hoti kathinaṃ; sammā ce atthataṃ hoti kathinaṃ, tañce sīmaṭṭho anumodati, evampi atthataṃ hoti kathinaṃ . Evaṃ kho, bhikkhave, atthataṃ hoti kathinaṃ.
੩੧੦. ‘‘ਕਥਞ੍ਚ, ਭਿਕ੍ਖવੇ, ਉਬ੍ਭਤਂ ਹੋਤਿ ਕਥਿਨਂ? ਅਟ੍ਠਿਮਾ, ਭਿਕ੍ਖવੇ, ਮਾਤਿਕਾ ਕਥਿਨਸ੍ਸ ਉਬ੍ਭਾਰਾਯ – ਪਕ੍ਕਮਨਨ੍ਤਿਕਾ, ਨਿਟ੍ਠਾਨਨ੍ਤਿਕਾ, ਸਨ੍ਨਿਟ੍ਠਾਨਨ੍ਤਿਕਾ, ਨਾਸਨਨ੍ਤਿਕਾ, ਸવਨਨ੍ਤਿਕਾ, ਆਸਾવਚ੍ਛੇਦਿਕਾ, ਸੀਮਾਤਿਕ੍ਕਨ੍ਤਿਕਾ, ਸਹੁਬ੍ਭਾਰਾ’’ਤਿ 9।
310. ‘‘Kathañca, bhikkhave, ubbhataṃ hoti kathinaṃ? Aṭṭhimā, bhikkhave, mātikā kathinassa ubbhārāya – pakkamanantikā, niṭṭhānantikā, sanniṭṭhānantikā, nāsanantikā, savanantikā, āsāvacchedikā, sīmātikkantikā, sahubbhārā’’ti 10.
ਕਥਿਨਾਨੁਜਾਨਨਾ ਨਿਟ੍ਠਿਤਾ।
Kathinānujānanā niṭṭhitā.
Footnotes:
Related texts:
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā / ਕਥਿਨਾਨੁਜਾਨਨਕਥਾ • Kathinānujānanakathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਕਥਿਨਾਨੁਜਾਨਨਕਥਾવਣ੍ਣਨਾ • Kathinānujānanakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਕਥਿਨਾਨੁਜਾਨਨਕਥਾવਣ੍ਣਨਾ • Kathinānujānanakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਕਥਿਨਾਨੁਜਾਨਨਕਥਾવਣ੍ਣਨਾ • Kathinānujānanakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੧੮੭. ਕਥਿਨਾਨੁਜਾਨਨਕਥਾ • 187. Kathinānujānanakathā
