| Library / Tipiṭaka / д̇ибидага • Tipiṭaka / махааваг̇г̇а-адтагат̇аа • Mahāvagga-aṭṭhakathā |
7. гат̇инагканд̇хагам̣
7. Kathinakkhandhakaṃ
гат̇инаануж̇аананагат̇аа
Kathinānujānanakathā
306. гат̇инагканд̇хагз – баавзяяагаад̇и баавзяяарадтаваасино. баавзяяам̣ наама госалзсу бажчимад̣̇исаабхааг̇з радтам̣; д̇ад̇т̇а ваасинод̇и вуд̇д̇ам̣ ход̇и. госаларан̃н̃о згабид̇угабхаад̇уунам̣ бхад̣̇д̣̇аваг̇г̇ияад̇т̇зраанам̣ зд̇ам̣ ад̇хиважанам̣. д̇зсу саб̣б̣аж̇здтаго анааг̇аамий, саб̣б̣абажчимаго сод̇аабанно, згоби арахаа ваа бут̇уж̇ж̇ано ваа над̇т̇и. ааран̃н̃игаад̇и д̇худ̇ан̇г̇асамаад̣̇аанавасзна ааран̃н̃игаа; на аран̃н̃аваасамад̇д̇зна. бин̣д̣абаад̇игаад̣̇ибхаавзби д̇зсам̣ зсзва наяо. сийсавасзна жзд̇ам̣ вуд̇д̇ам̣. имз бана д̇зрасааби д̇худ̇ан̇г̇аани самаад̣̇ааязва вад̇д̇анд̇и. уд̣̇агасан̇г̇ахзд̇и уд̣̇агзна сан̇г̇ахид̇з гхадид̇з сам̣садтз; т̇алз жа ниннз жа згод̣̇агийбхууд̇зд̇и ад̇т̇о.
306. Kathinakkhandhake – pāveyyakāti pāveyyaraṭṭhavāsino. Pāveyyaṃ nāma kosalesu pacchimadisābhāge raṭṭhaṃ; tattha vāsinoti vuttaṃ hoti. Kosalarañño ekapitukabhātūnaṃ bhaddavaggiyattherānaṃ etaṃ adhivacanaṃ. Tesu sabbajeṭṭhako anāgāmī, sabbapacchimako sotāpanno, ekopi arahā vā puthujjano vā natthi. Āraññikāti dhutaṅgasamādānavasena āraññikā; na araññavāsamattena. Piṇḍapātikādibhāvepi tesaṃ eseva nayo. Sīsavasena cetaṃ vuttaṃ. Ime pana terasāpi dhutaṅgāni samādāyeva vattanti. Udakasaṅgaheti udakena saṅgahite ghaṭite saṃsaṭṭhe; thale ca ninne ca ekodakībhūteti attho.
уд̣̇агажигкаллзд̇и агганд̇аагганд̇адтаанз уд̣̇агажигкалло удтахид̇ваа яаава аанисад̣̇аа бахарад̇и, ийд̣̇исз жигкаллзд̇и ад̇т̇о. огабун̣н̣зхийд̇и уд̣̇агабун̣н̣зхи. д̇зсам̣ гира жийвараани гханаани, д̇зсу бад̇ид̇ам̣ уд̣̇агам̣ на баг̇гхарад̇и гханад̇д̇аа будаб̣ад̣̇д̇хам̣ вияа д̇идтад̇и. д̇зна вуд̇д̇ам̣ – ‘‘огабун̣н̣зхи жийварзхий’’д̇и. ‘‘огхабун̣н̣зхий’’д̇иби баато.
Udakacikkhalleti akkantaakkantaṭṭhāne udakacikkhallo uṭṭhahitvā yāva ānisadā paharati, īdise cikkhalleti attho. Okapuṇṇehīti udakapuṇṇehi. Tesaṃ kira cīvarāni ghanāni, tesu patitaṃ udakaṃ na paggharati ghanattā puṭabaddhaṃ viya tiṭṭhati. Tena vuttaṃ – ‘‘okapuṇṇehi cīvarehī’’ti. ‘‘Oghapuṇṇehī’’tipi pāṭho.
авивад̣̇амаанаа вассам̣ васимхаад̇и зд̇т̇а ааг̇анд̇угадтаанз сзнаасанапаасуд̇ааяа абхаавзна жа бхаг̇авад̇о д̣̇ассанаалаабхзна угган̣тид̇ад̇ааяа жа д̇з бхигкуу паасум̣ на васим̣су, д̇асмаа ‘‘авивад̣̇амаанаа паасугам̣ вассам̣ васимхаа’’д̇и наавожум̣. д̇хаммим̣ гат̇ам̣ гад̇ваад̇и бхаг̇аваа д̇зсам̣ бхигкуунам̣ анамад̇аг̇г̇ияагат̇ам̣ гат̇зси. д̇з саб̣б̣зби гат̇аабарияосаанз арахад̇д̇ам̣ баабун̣ид̇ваа нисиннадтаанад̇оязва аагаасз уббад̇ид̇ваа аг̇амам̣су, д̇ам̣ санд̇хааяа вуд̇д̇ам̣ – ‘‘д̇хаммим̣ гат̇ам̣ гад̇ваа’’д̇и. д̇ад̇о бхаг̇аваа ‘‘сажз гат̇инад̇т̇ааро бан̃н̃ад̇д̇о абхависса, зд̇з бхигкуу згам̣ жийварам̣ табзд̇ваа санд̇аруд̇д̇арзна ааг̇ажчанд̇аа на звам̣ гиланд̇аа ассу, гат̇инад̇т̇ааро жа наамзса саб̣б̣аб̣уд̣̇д̇хзхи анун̃н̃аад̇о’’д̇и жинд̇зд̇ваа гат̇инад̇т̇аарам̣ ануж̇аанид̇угаамо бхигкуу ааманд̇зси, ааманд̇зд̇ваа жа бана ‘‘ануж̇аанаами бхигкавз’’д̇иаад̣̇имааха.
Avivadamānā vassaṃ vasimhāti ettha āgantukaṭṭhāne senāsanaphāsutāya abhāvena ca bhagavato dassanālābhena ukkaṇṭhitatāya ca te bhikkhū phāsuṃ na vasiṃsu, tasmā ‘‘avivadamānā phāsukaṃ vassaṃ vasimhā’’ti nāvocuṃ. Dhammiṃ kathaṃ katvāti bhagavā tesaṃ bhikkhūnaṃ anamataggiyakathaṃ kathesi. Te sabbepi kathāpariyosāne arahattaṃ pāpuṇitvā nisinnaṭṭhānatoyeva ākāse uppatitvā agamaṃsu, taṃ sandhāya vuttaṃ – ‘‘dhammiṃ kathaṃ katvā’’ti. Tato bhagavā ‘‘sace kathinatthāro paññatto abhavissa, ete bhikkhū ekaṃ cīvaraṃ ṭhapetvā santaruttarena āgacchantā na evaṃ kilantā assu, kathinatthāro ca nāmesa sabbabuddhehi anuññāto’’ti cintetvā kathinatthāraṃ anujānitukāmo bhikkhū āmantesi, āmantetvā ca pana ‘‘anujānāmi bhikkhave’’tiādimāha.
д̇ад̇т̇а ад̇т̇ад̇агат̇инаанам̣ вод̇и нибаад̇амад̇д̇ам̣ вогааро; ад̇т̇ад̇агат̇инаананд̇и ад̇т̇о. зван̃хи сад̇и барад̇о ‘‘со нзсам̣ бхависсад̇ий’’д̇и яуж̇ж̇ад̇и. ат̇а ваа вод̇и саамиважанамзвзд̇ам̣. со нзсанд̇и зд̇т̇а бана со жийваруббаад̣̇о яз ад̇т̇ад̇агат̇инаа, д̇зсам̣ бхависсад̇ийд̇и ад̇т̇о.
Tattha atthatakathinānaṃ voti nipātamattaṃ vokāro; atthatakathinānanti attho. Evañhi sati parato ‘‘so nesaṃ bhavissatī’’ti yujjati. Atha vā voti sāmivacanamevetaṃ. So nesanti ettha pana so cīvaruppādo ye atthatakathinā, tesaṃ bhavissatīti attho.
д̇ад̇т̇а анааманд̇ажаарод̇и яаава гат̇инам̣ на уд̣̇д̇харияад̇и, д̇аава анааманд̇зд̇ваа жаран̣ам̣ габбиссад̇и , жаарид̇д̇асигкаабад̣̇зна анаабад̇д̇и бхависсад̇ийд̇и ад̇т̇о. асамаад̣̇аанажаарод̇и д̇ижийварам̣ асамаад̣̇ааяа жаран̣ам̣; жийваравиббаваасо габбиссад̇ийд̇и ад̇т̇о. г̇ан̣абхож̇ананд̇и г̇ан̣абхож̇анамби габбиссад̇и. яаавад̣̇ад̇т̇ажийваранд̇и яаавад̇д̇агзна жийварзна ад̇т̇о, д̇аавад̇д̇агам̣ анад̇хидтид̇ам̣ авигаббид̇ам̣ габбиссад̇ийд̇и ад̇т̇о. яо жа д̇ад̇т̇а жийваруббаад̣̇од̇и д̇ад̇т̇а гат̇инад̇т̇ад̇асиймааяам̣ мад̇агажийварам̣ ваа ход̇у сан̇гхам̣ уд̣̇д̣̇исса д̣̇иннам̣ ваа сан̇гхигзна д̇ад̇руббаад̣̇зна аабхад̇ам̣ ваа, язна гзнажи аагаарзна яам̣ сан̇гхигажийварам̣ уббаж̇ж̇ад̇и, д̇ам̣ д̇зсам̣ бхависсад̇ийд̇и ад̇т̇о.
Tattha anāmantacāroti yāva kathinaṃ na uddhariyati, tāva anāmantetvā caraṇaṃ kappissati , cārittasikkhāpadena anāpatti bhavissatīti attho. Asamādānacāroti ticīvaraṃ asamādāya caraṇaṃ; cīvaravippavāso kappissatīti attho. Gaṇabhojananti gaṇabhojanampi kappissati. Yāvadatthacīvaranti yāvattakena cīvarena attho, tāvattakaṃ anadhiṭṭhitaṃ avikappitaṃ kappissatīti attho. Yo ca tattha cīvaruppādoti tattha kathinatthatasīmāyaṃ matakacīvaraṃ vā hotu saṅghaṃ uddissa dinnaṃ vā saṅghikena tatruppādena ābhataṃ vā, yena kenaci ākārena yaṃ saṅghikacīvaraṃ uppajjati, taṃ tesaṃ bhavissatīti attho.
зван̃жа бана бхигкавз гат̇инам̣ ад̇т̇арид̇аб̣б̣анд̇и зд̇т̇а гат̇инад̇т̇аарам̣ гз лабханд̇и, гз на лабханд̇ийд̇и? г̇ан̣анавасзна д̇аава бажчимагодияаа бан̃жа ж̇анаа лабханд̇и, уд̣̇д̇хам̣ сад̇асахассамби, бан̃жаннам̣ хздтаа на лабханд̇и. вуд̇т̇авассавасзна буримигааяа вассам̣ убаг̇анд̇ваа батамабавааран̣ааяа баваарид̇аа лабханд̇и, чиннавассаа ваа бажчимигааяа убаг̇ад̇аа ваа на лабханд̇и, ан̃н̃асмим̣ вихаарз вуд̇т̇авассааби на лабханд̇ийд̇и махаабажжарияам̣ вуд̇д̇ам̣. буримигааяа убаг̇ад̇аанам̣ бана саб̣б̣з г̇ан̣абуурагаа хонд̇и, аанисам̣сам̣ на лабханд̇и, аанисам̣со ид̇арзсам̣язва ход̇и. сажз буримигааяа убаг̇ад̇аа жад̇д̇ааро ваа хонд̇и д̇аяо ваа д̣̇вз ваа зго ваа, ид̇арз г̇ан̣абуурагз гад̇ваа гат̇инам̣ ад̇т̇арид̇аб̣б̣ам̣. ат̇а жад̇д̇ааро бхигкуу убаг̇ад̇аа, зго барибун̣н̣авассо сааман̣зро, со жз бажчимигааяа убасамбаж̇ж̇ад̇и, г̇ан̣абуураго жзва ход̇и, аанисам̣сан̃жа лабхад̇и. д̇аяо бхигкуу д̣̇вз сааман̣зраа, д̣̇вз бхигкуу д̇аяо сааман̣зраа, зго бхигку жад̇д̇ааро сааман̣зраад̇и зд̇т̇ааби зсзва наяо. сажз буримигааяа убаг̇ад̇аа гат̇инад̇т̇аарагусалаа на хонд̇и, ад̇т̇аарагусалаа канд̇хагабхаан̣агат̇зраа бариязсид̇ваа аанзд̇аб̣б̣аа. гаммаваажам̣ саавзд̇ваа гат̇инам̣ ад̇т̇араабзд̇ваа д̣̇аанан̃жа бхун̃ж̇ид̇ваа г̇амиссанд̇и. аанисам̣со бана ид̇арзсам̣язва ход̇и.
Evañca pana bhikkhave kathinaṃ attharitabbanti ettha kathinatthāraṃ ke labhanti, ke na labhantīti? Gaṇanavasena tāva pacchimakoṭiyā pañca janā labhanti, uddhaṃ satasahassampi, pañcannaṃ heṭṭhā na labhanti. Vutthavassavasena purimikāya vassaṃ upagantvā paṭhamapavāraṇāya pavāritā labhanti, chinnavassā vā pacchimikāya upagatā vā na labhanti, aññasmiṃ vihāre vutthavassāpi na labhantīti mahāpaccariyaṃ vuttaṃ. Purimikāya upagatānaṃ pana sabbe gaṇapūrakā honti, ānisaṃsaṃ na labhanti, ānisaṃso itaresaṃyeva hoti. Sace purimikāya upagatā cattāro vā honti tayo vā dve vā eko vā, itare gaṇapūrake katvā kathinaṃ attharitabbaṃ. Atha cattāro bhikkhū upagatā, eko paripuṇṇavasso sāmaṇero, so ce pacchimikāya upasampajjati, gaṇapūrako ceva hoti, ānisaṃsañca labhati. Tayo bhikkhū dve sāmaṇerā, dve bhikkhū tayo sāmaṇerā, eko bhikkhu cattāro sāmaṇerāti etthāpi eseva nayo. Sace purimikāya upagatā kathinatthārakusalā na honti, atthārakusalā khandhakabhāṇakatherā pariyesitvā ānetabbā. Kammavācaṃ sāvetvā kathinaṃ attharāpetvā dānañca bhuñjitvā gamissanti. Ānisaṃso pana itaresaṃyeva hoti.
гат̇инам̣ гзна д̣̇иннам̣ ваддад̇и? язна гзнажи д̣̇звзна ваа мануссзна ваа бан̃жаннам̣ ваа сахад̇хаммигаанам̣ ан̃н̃ад̇арзна д̣̇иннам̣ ваддад̇и. гат̇инад̣̇ааяагасса вад̇д̇ам̣ ад̇т̇и, сажз со д̇ам̣ аж̇аананд̇о бужчад̇и – ‘‘бханд̇з гат̇ам̣ гат̇инам̣ д̣̇аад̇аб̣б̣а’’нд̇и д̇асса звам̣ аажигкид̇аб̣б̣ам̣ – ‘‘д̇ин̣н̣ам̣ жийвараанам̣ ан̃н̃ад̇араббахонагам̣ суурияуг̇г̇аманасамаяз вад̇т̇ам̣ ‘гат̇инажийварам̣ д̣̇змаа’д̇и д̣̇аад̇ум̣ ваддад̇и , д̇асса баригаммад̇т̇ам̣ зд̇д̇агаа наама суужияо, зд̇д̇агам̣ суд̇д̇ам̣, зд̇д̇агам̣ раж̇анам̣, баригаммам̣ гаронд̇аанам̣ зд̇д̇агаанам̣ бхигкуунам̣ яааг̇убхад̇д̇ан̃жа д̣̇аад̇ум̣ ваддад̇ий’’д̇и.
Kathinaṃ kena dinnaṃ vaṭṭati? Yena kenaci devena vā manussena vā pañcannaṃ vā sahadhammikānaṃ aññatarena dinnaṃ vaṭṭati. Kathinadāyakassa vattaṃ atthi, sace so taṃ ajānanto pucchati – ‘‘bhante kathaṃ kathinaṃ dātabba’’nti tassa evaṃ ācikkhitabbaṃ – ‘‘tiṇṇaṃ cīvarānaṃ aññatarappahonakaṃ sūriyuggamanasamaye vatthaṃ ‘kathinacīvaraṃ demā’ti dātuṃ vaṭṭati , tassa parikammatthaṃ ettakā nāma sūciyo, ettakaṃ suttaṃ, ettakaṃ rajanaṃ, parikammaṃ karontānaṃ ettakānaṃ bhikkhūnaṃ yāgubhattañca dātuṃ vaṭṭatī’’ti.
гат̇инад̇т̇аарагзнааби д̇хаммзна самзна уббаннам̣ гат̇инам̣ ад̇т̇аранд̇зна вад̇д̇ам̣ ж̇аанид̇аб̣б̣ам̣. д̇анд̇авааяаг̇зхад̇о хи аабхад̇асанд̇аанзнзва калимагкид̇асаадаго на ваддад̇и, малийнасаадагоби на ваддад̇и, д̇асмаа гат̇инад̇т̇аарасаадагам̣ лабхид̇ваа судту д̇ховид̇ваа суужиаад̣̇ийни жийварагаммуубагаран̣аани саж̇ж̇зд̇ваа б̣ахуухи бхигкуухи сад̣̇д̇хим̣ д̇ад̣̇ахзва сиб̣б̣ид̇ваа нидтид̇асуужигаммам̣ раж̇ид̇ваа габбаб̣инд̣̇ум̣ д̣̇ад̇ваа гат̇инам̣ ад̇т̇арид̇аб̣б̣ам̣. сажз д̇асмим̣ анад̇т̇ад̇зязва ан̃н̃ам̣ гат̇инасаадагам̣ аахарад̇и, ан̃н̃аани жа б̣ахууни гат̇инаанисам̣савад̇т̇аани д̣̇зд̇и, яо аанисам̣сам̣ б̣ахум̣ д̣̇зд̇и, д̇асса санд̇агзнзва ад̇т̇арид̇аб̣б̣ам̣. ид̇аро яат̇аа д̇ат̇аа овад̣̇ид̇ваа сан̃н̃аабзд̇аб̣б̣о.
Kathinatthārakenāpi dhammena samena uppannaṃ kathinaṃ attharantena vattaṃ jānitabbaṃ. Tantavāyagehato hi ābhatasantāneneva khalimakkhitasāṭako na vaṭṭati, malīnasāṭakopi na vaṭṭati, tasmā kathinatthārasāṭakaṃ labhitvā suṭṭhu dhovitvā sūciādīni cīvarakammūpakaraṇāni sajjetvā bahūhi bhikkhūhi saddhiṃ tadaheva sibbitvā niṭṭhitasūcikammaṃ rajitvā kappabinduṃ datvā kathinaṃ attharitabbaṃ. Sace tasmiṃ anatthateyeva aññaṃ kathinasāṭakaṃ āharati, aññāni ca bahūni kathinānisaṃsavatthāni deti, yo ānisaṃsaṃ bahuṃ deti, tassa santakeneva attharitabbaṃ. Itaro yathā tathā ovaditvā saññāpetabbo.
гат̇инам̣ бана гзна ад̇т̇арид̇аб̣б̣ам̣? яасса сан̇гхо гат̇инажийварам̣ д̣̇зд̇и. сан̇гхзна бана гасса д̣̇аад̇аб̣б̣ам̣? яо ж̇ин̣н̣ажийваро ход̇и. сажз б̣ахуу ж̇ин̣н̣ажийвараа хонд̇и, вуд̣дхасса д̣̇аад̇аб̣б̣ам̣. вуд̣дхзсуби яо махаабарисо д̇ад̣̇ахзва жийварам̣ гад̇ваа ад̇т̇арид̇ум̣ саггод̇и, д̇асса д̣̇аад̇аб̣б̣ам̣. сажз вуд̣дхо на саггод̇и навагад̇аро саггод̇и, д̇асса д̣̇аад̇аб̣б̣ам̣. абижа сан̇гхзна махаат̇зрасса сан̇г̇ахам̣ гаад̇ум̣ ваддад̇и, д̇асмаа ‘‘д̇умхз бханд̇з г̇ан̣хат̇а, маяам̣ гад̇ваа д̣̇ассаамаа’’д̇и вад̇д̇аб̣б̣ам̣. д̇ийсу жийварзсу яам̣ ж̇ин̣н̣ам̣ ход̇и, д̇ад̣̇ад̇т̇ааяа д̣̇аад̇аб̣б̣ам̣. багад̇ияаа д̣̇убаддажийварасса д̣̇убаддад̇т̇ааязва д̣̇аад̇аб̣б̣ам̣. сажзбисса згабаддажийварам̣ гханам̣ ход̇и, гат̇инасаадаго жа бзлаво, сааруббад̇т̇ааяа д̣̇убаддаббахонагамзва д̣̇аад̇аб̣б̣ам̣, ‘‘ахам̣ алабханд̇о згабаддам̣ баарубаамий’’д̇и вад̣̇анд̇ассааби д̣̇убаддам̣ д̣̇аад̇ум̣ ваддад̇и. яо бана лобхабагад̇иго ход̇и, д̇асса на д̣̇аад̇аб̣б̣ам̣. д̇знааби ‘‘гат̇инам̣ ад̇т̇арид̇ваа бажчаа сиб̣б̣ид̇ваа д̣̇вз жийвараани гариссаамий’’д̇и на г̇ахзд̇аб̣б̣ам̣. яасса бана д̣̇ийяад̇и, д̇асса язна вид̇хинаа д̣̇аад̇аб̣б̣ам̣, д̇ам̣ д̣̇ассзд̇ум̣ ‘‘зван̃жа бана бхигкавз гат̇инам̣ ад̇т̇арид̇аб̣б̣а’’нд̇и аарабхид̇ваа сун̣аад̇у мз бханд̇зд̇иаад̣̇игаа д̣̇аанагаммаваажаа д̇аава вуд̇д̇аа.
Kathinaṃ pana kena attharitabbaṃ? Yassa saṅgho kathinacīvaraṃ deti. Saṅghena pana kassa dātabbaṃ? Yo jiṇṇacīvaro hoti. Sace bahū jiṇṇacīvarā honti, vuḍḍhassa dātabbaṃ. Vuḍḍhesupi yo mahāpariso tadaheva cīvaraṃ katvā attharituṃ sakkoti, tassa dātabbaṃ. Sace vuḍḍho na sakkoti navakataro sakkoti, tassa dātabbaṃ. Apica saṅghena mahātherassa saṅgahaṃ kātuṃ vaṭṭati, tasmā ‘‘tumhe bhante gaṇhatha, mayaṃ katvā dassāmā’’ti vattabbaṃ. Tīsu cīvaresu yaṃ jiṇṇaṃ hoti, tadatthāya dātabbaṃ. Pakatiyā dupaṭṭacīvarassa dupaṭṭatthāyeva dātabbaṃ. Sacepissa ekapaṭṭacīvaraṃ ghanaṃ hoti, kathinasāṭako ca pelavo, sāruppatthāya dupaṭṭappahonakameva dātabbaṃ, ‘‘ahaṃ alabhanto ekapaṭṭaṃ pārupāmī’’ti vadantassāpi dupaṭṭaṃ dātuṃ vaṭṭati. Yo pana lobhapakatiko hoti, tassa na dātabbaṃ. Tenāpi ‘‘kathinaṃ attharitvā pacchā sibbitvā dve cīvarāni karissāmī’’ti na gahetabbaṃ. Yassa pana dīyati, tassa yena vidhinā dātabbaṃ, taṃ dassetuṃ ‘‘evañca pana bhikkhave kathinaṃ attharitabba’’nti ārabhitvā suṇātu me bhantetiādikā dānakammavācā tāva vuttā.
звам̣ д̣̇иннз бана гат̇инз сажз д̇ам̣ гат̇инад̣̇уссам̣ нидтид̇абаригаммамзва ход̇и , ижжзд̇ам̣ гусалам̣. но жз нидтид̇абаригаммам̣ ход̇и, ‘‘ахам̣ т̇зро’’д̇и ваа ‘‘б̣ахуссуд̇о’’д̇и ваа згзнааби агаад̇ум̣ на лаб̣бхад̇и, саб̣б̣зхзва саннибад̇ид̇ваа д̇хованасиб̣б̣анараж̇анаани нидтаабзд̇аб̣б̣аани. ид̣̇ан̃хи гат̇инавад̇д̇ам̣ наама б̣уд̣̇д̇хаббасад̇т̇ам̣. ад̇ийд̇з бад̣̇умуд̇д̇ароби бхаг̇аваа гат̇инавад̇д̇ам̣ агааси. д̇асса гира аг̇г̇асааваго суж̇аад̇ад̇т̇зро наама гат̇инам̣ г̇ан̣хи, д̇ам̣ сад̇т̇аа адтасадтияаа бхигкусад̇асахассзхи сад̣̇д̇хим̣ нисийд̣̇ид̇ваа агааси.
Evaṃ dinne pana kathine sace taṃ kathinadussaṃ niṭṭhitaparikammameva hoti , iccetaṃ kusalaṃ. No ce niṭṭhitaparikammaṃ hoti, ‘‘ahaṃ thero’’ti vā ‘‘bahussuto’’ti vā ekenāpi akātuṃ na labbhati, sabbeheva sannipatitvā dhovanasibbanarajanāni niṭṭhāpetabbāni. Idañhi kathinavattaṃ nāma buddhappasatthaṃ. Atīte padumuttaropi bhagavā kathinavattaṃ akāsi. Tassa kira aggasāvako sujātatthero nāma kathinaṃ gaṇhi, taṃ satthā aṭṭhasaṭṭhiyā bhikkhusatasahassehi saddhiṃ nisīditvā akāsi.
гад̇абарияосид̇ам̣ бана гат̇инам̣ г̇ахзд̇ваа ад̇т̇аарагзна бхигкунаа ‘‘сажз сан̇гхаадияаа гат̇инам̣ ад̇т̇арид̇угаамо ход̇и, бораан̣игаа сан̇гхаади бажжуд̣̇д̇харид̇аб̣б̣аа, наваа сан̇гхаади ад̇хидтаад̇аб̣б̣аа. ‘имааяа сан̇гхаадияаа гат̇инам̣ ад̇т̇араамий’д̇и ваажаа бхинд̣̇ид̇аб̣б̣аа’’д̇иаад̣̇инаа бариваарз вуд̇д̇авид̇хаанзна гат̇инам̣ ад̇т̇арид̇аб̣б̣ам̣. ад̇т̇арид̇ваа жа бана ‘‘д̇зна гат̇инад̇т̇аарагзна бхигкунаа сан̇гхам̣ убасан̇гамид̇ваа згам̣сам̣ уд̇д̇араасан̇г̇ам̣ гарид̇ваа ан̃ж̇алим̣ баг̇г̇ахзд̇ваа звамасса важанийяо – ‘ад̇т̇ад̇ам̣ бханд̇з сан̇гхасса гат̇инам̣, д̇хаммиго гат̇инад̇т̇ааро, анумод̣̇ат̇аа’д̇и д̇зхи анумод̣̇агзхи бхигкуухи згам̣сам̣ уд̇д̇араасан̇г̇ам̣ гарид̇ваа ан̃ж̇алим̣ баг̇г̇ахзд̇ваа звамасса важанийяо – ‘ад̇т̇ад̇ам̣ аавусо сан̇гхасса гат̇инам̣, д̇хаммиго гат̇инад̇т̇ааро, анумод̣̇аамаа’’д̇и звамаад̣̇инаа бариваарз вуд̇д̇авид̇хаанзнзва анумод̣̇аабзд̇аб̣б̣ам̣, ид̇арзхи жа анумод̣̇ид̇аб̣б̣ам̣. звам̣ саб̣б̣зсам̣ ад̇т̇ад̇ам̣ ход̇и гат̇инам̣. вуд̇д̇ан̃хзд̇ам̣ бариваарз ‘‘д̣̇виннам̣ буг̇г̇алаанам̣ ад̇т̇ад̇ам̣ ход̇и гат̇инам̣ – ад̇т̇аарагасса жа анумод̣̇агасса жаа’’д̇и (бари. 403). бунаби вуд̇д̇ам̣ – ‘‘на сан̇гхо гат̇инам̣ ад̇т̇арад̇и, на г̇ан̣о гат̇инам̣ ад̇т̇арад̇и, буг̇г̇ало гат̇инам̣ ад̇т̇арад̇и, сан̇гхасса анумод̣̇анаа г̇ан̣асса анумод̣̇анаа буг̇г̇аласса ад̇т̇аараа сан̇гхасса ад̇т̇ад̇ам̣ ход̇и гат̇инам̣, г̇ан̣асса ад̇т̇ад̇ам̣ ход̇и гат̇инам̣, буг̇г̇аласса ад̇т̇ад̇ам̣ ход̇и гат̇инам̣’’д̇и (бари. 414).
Katapariyositaṃ pana kathinaṃ gahetvā atthārakena bhikkhunā ‘‘sace saṅghāṭiyā kathinaṃ attharitukāmo hoti, porāṇikā saṅghāṭi paccuddharitabbā, navā saṅghāṭi adhiṭṭhātabbā. ‘Imāya saṅghāṭiyā kathinaṃ attharāmī’ti vācā bhinditabbā’’tiādinā parivāre vuttavidhānena kathinaṃ attharitabbaṃ. Attharitvā ca pana ‘‘tena kathinatthārakena bhikkhunā saṅghaṃ upasaṅkamitvā ekaṃsaṃ uttarāsaṅgaṃ karitvā añjaliṃ paggahetvā evamassa vacanīyo – ‘atthataṃ bhante saṅghassa kathinaṃ, dhammiko kathinatthāro, anumodathā’ti tehi anumodakehi bhikkhūhi ekaṃsaṃ uttarāsaṅgaṃ karitvā añjaliṃ paggahetvā evamassa vacanīyo – ‘atthataṃ āvuso saṅghassa kathinaṃ, dhammiko kathinatthāro, anumodāmā’’ti evamādinā parivāre vuttavidhāneneva anumodāpetabbaṃ, itarehi ca anumoditabbaṃ. Evaṃ sabbesaṃ atthataṃ hoti kathinaṃ. Vuttañhetaṃ parivāre ‘‘dvinnaṃ puggalānaṃ atthataṃ hoti kathinaṃ – atthārakassa ca anumodakassa cā’’ti (pari. 403). Punapi vuttaṃ – ‘‘na saṅgho kathinaṃ attharati, na gaṇo kathinaṃ attharati, puggalo kathinaṃ attharati, saṅghassa anumodanā gaṇassa anumodanā puggalassa atthārā saṅghassa atthataṃ hoti kathinaṃ, gaṇassa atthataṃ hoti kathinaṃ, puggalassa atthataṃ hoti kathinaṃ’’ti (pari. 414).
звам̣ ад̇т̇ад̇з бана гат̇инз сажз гат̇инажийварзна сад̣̇д̇хим̣ аабхад̇ам̣ аанисам̣сам̣ д̣̇ааяагаа ‘‘язна амхаагам̣ гат̇инам̣ г̇ахид̇ам̣, д̇ассзва д̣̇змаа’’д̇и д̣̇знд̇и , бхигкусан̇гхо аниссаро. ат̇а авижаарзд̇ваава д̣̇ад̇ваа г̇ажчанд̇и, бхигкусан̇гхо иссаро. д̇асмаа сажз гат̇инад̇т̇аарагасса сзсажийварааниби д̣̇уб̣б̣алаани хонд̇и, сан̇гхзна абалогзд̇ваа д̇зсамби ад̇т̇ааяа вад̇т̇аани д̣̇аад̇аб̣б̣аани. гаммаваажаа бана згааязва ваддад̇и. авасзсз гат̇инаанисам̣сз б̣алававад̇т̇аани вассааваасигадтид̇игааяа д̣̇аад̇аб̣б̣аани, тид̇игааяа абхаавз т̇зраасанад̇о бадтааяа д̣̇аад̇аб̣б̣аани, г̇арубхан̣д̣ам̣ на бхааж̇зд̇аб̣б̣ам̣. сажз бана згасиймааяа б̣ахуу вихаараа хонд̇и, саб̣б̣з бхигкуу саннибаад̇зд̇ваа згад̇т̇а гат̇инам̣ ад̇т̇арид̇аб̣б̣ам̣, висум̣ висум̣ ад̇т̇арид̇ум̣ на ваддад̇и.
Evaṃ atthate pana kathine sace kathinacīvarena saddhiṃ ābhataṃ ānisaṃsaṃ dāyakā ‘‘yena amhākaṃ kathinaṃ gahitaṃ, tasseva demā’’ti denti , bhikkhusaṅgho anissaro. Atha avicāretvāva datvā gacchanti, bhikkhusaṅgho issaro. Tasmā sace kathinatthārakassa sesacīvarānipi dubbalāni honti, saṅghena apaloketvā tesampi atthāya vatthāni dātabbāni. Kammavācā pana ekāyeva vaṭṭati. Avasese kathinānisaṃse balavavatthāni vassāvāsikaṭṭhitikāya dātabbāni, ṭhitikāya abhāve therāsanato paṭṭhāya dātabbāni, garubhaṇḍaṃ na bhājetabbaṃ. Sace pana ekasīmāya bahū vihārā honti, sabbe bhikkhū sannipātetvā ekattha kathinaṃ attharitabbaṃ, visuṃ visuṃ attharituṃ na vaṭṭati.
308. ид̣̇аани яат̇аа жа гат̇инам̣ ад̇т̇ад̇ам̣ ход̇и, яат̇аа жа анад̇т̇ад̇ам̣, д̇ам̣ вид̇хим̣ вид̇т̇аарад̇о д̣̇ассзд̇ум̣ зван̃жа бана бхигкавз ад̇т̇ад̇ам̣ ход̇и гат̇инам̣ звам̣ анад̇т̇ад̇анд̇и вад̇ваа агаран̣ийяан̃жзва махаабхуумиган̃жа анад̇т̇ад̇алагкан̣ам̣ д̇аава д̣̇ассзнд̇о на улликид̇амад̇д̇знаад̇иаад̣̇игз жад̇увийсад̇и аагаарз д̣̇ассзси. д̇ад̇о барам̣ ад̇т̇ад̇алагкан̣ам̣ д̣̇ассзнд̇о ахад̇зна ад̇т̇ад̇анд̇иаад̣̇игз сад̇д̇араса аагаарз д̣̇ассзси. бариваарзби хи ‘‘жад̇увийсад̇ияаа аагаарзхи анад̇т̇ад̇ам̣ ход̇и гат̇инам̣, сад̇д̇арасахи аагаарзхи ад̇т̇ад̇ам̣ ход̇и гат̇ина’’нд̇и ид̣̇амзва лагкан̣ам̣ вуд̇д̇ам̣.
308. Idāni yathā ca kathinaṃ atthataṃ hoti, yathā ca anatthataṃ, taṃ vidhiṃ vitthārato dassetuṃ evañca pana bhikkhave atthataṃ hoti kathinaṃ evaṃ anatthatanti vatvā akaraṇīyañceva mahābhūmikañca anatthatalakkhaṇaṃ tāva dassento na ullikhitamattenātiādike catuvīsati ākāre dassesi. Tato paraṃ atthatalakkhaṇaṃ dassento ahatena atthatantiādike sattarasa ākāre dassesi. Parivārepi hi ‘‘catuvīsatiyā ākārehi anatthataṃ hoti kathinaṃ, sattarasahi ākārehi atthataṃ hoti kathina’’nti idameva lakkhaṇaṃ vuttaṃ.
д̇ад̇т̇а улликид̇амад̇д̇знаад̇и д̣̇ийгхад̇о жа бут̇улад̇о жа бамаан̣аг̇г̇ахан̣амад̇д̇зна. бамаан̣ан̃хи г̇ан̣ханд̇о д̇асса д̇асса бад̣̇зсасса сан̃ж̇аананад̇т̇ам̣ накаад̣̇ийхи ваа барижчзд̣̇ам̣ д̣̇ассзнд̇о улликад̇и, налаадаад̣̇ийсу ваа гхам̣сад̇и, д̇асмаа д̇ам̣ бамаан̣аг̇г̇ахан̣ам̣ ‘‘улликид̇амад̇д̇а’’нд̇и вужжад̇и. д̇хованамад̇д̇знаад̇и гат̇инад̣̇уссад̇хованамад̇д̇зна. жийваравижааран̣амад̇д̇знаад̇и ‘‘бан̃жагам̣ ваа сад̇д̇агам̣ ваа навагам̣ ваа згаад̣̇асагам̣ ваа ход̇уу’’д̇и звам̣ вижаарид̇амад̇д̇зна. чзд̣̇анамад̇д̇знаад̇и яат̇аавижаарид̇асса вад̇т̇асса чзд̣̇анамад̇д̇зна. б̣анд̇ханамад̇д̇знаад̇и могхасуд̇д̇агааробанамад̇д̇зна. оваддияагаран̣амад̇д̇знаад̇и могхасуд̇д̇агаанусаарзна д̣̇ийгхасиб̣б̣ид̇амад̇д̇зна. ган̣д̣усагаран̣амад̇д̇знаад̇и муд̣̇д̇хияабад̇д̇аб̣анд̇ханамад̇д̇зна. д̣̇ал̣хийгаммагаран̣амад̇д̇знаад̇и д̣̇вз жимилигааяо згад̇о гад̇ваа сиб̣б̣ид̇амад̇д̇зна. ат̇а ваа батамажимилигаа гхадзд̇ваа табид̇аа ход̇и, гат̇инасаадагам̣ д̇ассаа гужчижимилигам̣ гад̇ваа сиб̣б̣ид̇амад̇д̇знаад̇иби ад̇т̇о. махаабажжарияам̣ ‘‘багад̇ижийварасса убассаяад̣̇аанзнаа’’д̇и вуд̇д̇ам̣. гурунд̣̇ияам̣ бана ‘‘багад̇ибад̇д̇аб̣ад̣̇д̇хажийварам̣ д̣̇убаддам̣ гаад̇ум̣ гужчижимилигам̣ аллияаабанамад̇д̇знаа’’д̇и вуд̇д̇ам̣. ануваад̇агаран̣амад̇д̇знаад̇и бидтиануваад̇ааробанамад̇д̇зна. барибхан̣д̣агаран̣амад̇д̇знаад̇и гужчианауваад̇ааробанамад̇д̇зна. овад̣̇д̇хзяяагаран̣амад̇д̇знаад̇и ааг̇анд̇угабад̇д̇ааробанамад̇д̇зна . гат̇инажийварад̇о ваа бад̇д̇ам̣ г̇ахзд̇ваа ан̃н̃асмим̣ агат̇инажийварз бад̇д̇ааробанамад̇д̇зна.
Tattha ullikhitamattenāti dīghato ca puthulato ca pamāṇaggahaṇamattena. Pamāṇañhi gaṇhanto tassa tassa padesassa sañjānanatthaṃ nakhādīhi vā paricchedaṃ dassento ullikhati, nalāṭādīsu vā ghaṃsati, tasmā taṃ pamāṇaggahaṇaṃ ‘‘ullikhitamatta’’nti vuccati. Dhovanamattenāti kathinadussadhovanamattena. Cīvaravicāraṇamattenāti ‘‘pañcakaṃ vā sattakaṃ vā navakaṃ vā ekādasakaṃ vā hotū’’ti evaṃ vicāritamattena. Chedanamattenāti yathāvicāritassa vatthassa chedanamattena. Bandhanamattenāti moghasuttakāropanamattena. Ovaṭṭiyakaraṇamattenāti moghasuttakānusārena dīghasibbitamattena. Kaṇḍusakaraṇamattenāti muddhiyapattabandhanamattena. Daḷhīkammakaraṇamattenāti dve cimilikāyo ekato katvā sibbitamattena. Atha vā paṭhamacimilikā ghaṭetvā ṭhapitā hoti, kathinasāṭakaṃ tassā kucchicimilikaṃ katvā sibbitamattenātipi attho. Mahāpaccariyaṃ ‘‘pakaticīvarassa upassayadānenā’’ti vuttaṃ. Kurundiyaṃ pana ‘‘pakatipattabaddhacīvaraṃ dupaṭṭaṃ kātuṃ kucchicimilikaṃ alliyāpanamattenā’’ti vuttaṃ. Anuvātakaraṇamattenāti piṭṭhianuvātāropanamattena. Paribhaṇḍakaraṇamattenāti kucchianauvātāropanamattena. Ovaddheyyakaraṇamattenāti āgantukapattāropanamattena . Kathinacīvarato vā pattaṃ gahetvā aññasmiṃ akathinacīvare pattāropanamattena.
гамб̣аламад̣̇д̣̇анамад̇д̇знаад̇и згаваарам̣язва раж̇анз багкид̇д̇зна д̣̇анд̇аван̣н̣зна бан̣д̣убалаасаван̣н̣зна ваа. сажз бана сагим̣ ваа д̣̇вигкад̇д̇ум̣ ваа рад̇д̇амби сааруббам̣ ход̇и, ваддад̇и. нимид̇д̇агад̇знаад̇и ‘‘иминаа д̣̇уссзна гат̇инам̣ ад̇т̇ариссаамий’’д̇и звам̣ нимид̇д̇агад̇зна. зд̇д̇агамзва хи бариваарз вуд̇д̇ам̣. адтагат̇аасу бана ‘‘аяам̣ саадаго сунд̣̇аро, саггаа иминаа гат̇инам̣ ад̇т̇арид̇у’нд̇и звам̣ нимид̇д̇агаммам̣ гад̇ваа лад̣̇д̇хзнаа’’д̇и вуд̇д̇ам̣. баригат̇аагад̇знаад̇и ‘‘гат̇инам̣ наама д̣̇аад̇ум̣ ваддад̇и, гат̇инад̣̇ааяаго б̣ахум̣ бун̃н̃ам̣ басавад̇ий’’д̇и звам̣ баригат̇ааяа уббаад̣̇ид̇зна. гат̇инам̣ наама ад̇иуггадтам̣ ваддад̇и, маад̇арамби вин̃н̃аабзд̇ум̣ на ваддад̇и, аагаасад̇о од̇ин̣н̣асад̣̇исамзва ваддад̇ийд̇и. гуггугад̇знаад̇и д̇аавагаалигзна. саннид̇хигад̇знаад̇и зд̇т̇а д̣̇увид̇хо саннид̇хи гаран̣асаннид̇хи жа нижаяасаннид̇хи жа. д̇ад̇т̇а д̇ад̣̇ахзва агад̇ваа табзд̇ваа гаран̣ам̣ гаран̣асаннид̇хи. сан̇гхо аж̇ж̇а гат̇инад̣̇уссам̣ лабхид̇ваа бунад̣̇ивасз д̣̇зд̇и, аяам̣ нижаяасаннид̇хи.
Kambalamaddanamattenāti ekavāraṃyeva rajane pakkhittena dantavaṇṇena paṇḍupalāsavaṇṇena vā. Sace pana sakiṃ vā dvikkhattuṃ vā rattampi sāruppaṃ hoti, vaṭṭati. Nimittakatenāti ‘‘iminā dussena kathinaṃ attharissāmī’’ti evaṃ nimittakatena. Ettakameva hi parivāre vuttaṃ. Aṭṭhakathāsu pana ‘‘ayaṃ sāṭako sundaro, sakkā iminā kathinaṃ attharitu’nti evaṃ nimittakammaṃ katvā laddhenā’’ti vuttaṃ. Parikathākatenāti ‘‘kathinaṃ nāma dātuṃ vaṭṭati, kathinadāyako bahuṃ puññaṃ pasavatī’’ti evaṃ parikathāya uppāditena. Kathinaṃ nāma atiukkaṭṭhaṃ vaṭṭati, mātarampi viññāpetuṃ na vaṭṭati, ākāsato otiṇṇasadisameva vaṭṭatīti. Kukkukatenāti tāvakālikena. Sannidhikatenāti ettha duvidho sannidhi karaṇasannidhi ca nicayasannidhi ca. Tattha tadaheva akatvā ṭhapetvā karaṇaṃ karaṇasannidhi. Saṅgho ajja kathinadussaṃ labhitvā punadivase deti, ayaṃ nicayasannidhi.
ниссаг̇г̇иязнаад̇и рад̇д̇иниссаг̇г̇иязна. бариваарзби вуд̇д̇ам̣ – ‘‘ниссаг̇г̇ияам̣ наама гарияамаанз арун̣ам̣ удтахад̇ий’’д̇и. агаббагад̇знаад̇и анаад̣̇иннагаббаб̣инд̣̇унаа. ан̃н̃ад̇ра сан̇гхаадияаад̇иаад̣̇ийсу табзд̇ваа сан̇гхаадиуд̇д̇араасан̇г̇аанд̇араваасагз ан̃н̃зна бажжад̇т̇аран̣аад̣̇инаа ад̇т̇ад̇ам̣ анад̇т̇ад̇ам̣ ход̇ийд̇и. ан̃н̃ад̇ра бан̃жагзна ваа ад̇ирзгабан̃жагзна ваад̇и бан̃жа ваа ад̇ирзгаани ваа кан̣д̣аани гад̇ваа махааман̣д̣алаад̣дхаман̣д̣алаани д̣̇ассзд̇ваа гад̇знзва ваддад̇и. зван̃хи саман̣д̣алигад̇ам̣ ход̇и, д̇ам̣ табзд̇ваа ан̃н̃зна ажчиннагзна ваа д̣̇вад̇д̇ижад̇укан̣д̣зна ваа на ваддад̇и. ан̃н̃ад̇ра буг̇г̇аласса ад̇т̇аараад̇и буг̇г̇аласса ад̇т̇аарам̣ табзд̇ваа на ан̃н̃зна сан̇гхасса ваа г̇ан̣асса ваа ад̇т̇аарзна ад̇т̇ад̇ам̣ ход̇и. ниссиймадто анумод̣̇ад̇ийд̇и б̣ахиубажаарасиймааяа тид̇о анумод̣̇ад̇и.
Nissaggiyenāti rattinissaggiyena. Parivārepi vuttaṃ – ‘‘nissaggiyaṃ nāma kariyamāne aruṇaṃ uṭṭhahatī’’ti. Akappakatenāti anādinnakappabindunā. Aññatra saṅghāṭiyātiādīsu ṭhapetvā saṅghāṭiuttarāsaṅgaantaravāsake aññena paccattharaṇādinā atthataṃ anatthataṃ hotīti. Aññatra pañcakena vā atirekapañcakena vāti pañca vā atirekāni vā khaṇḍāni katvā mahāmaṇḍalaaḍḍhamaṇḍalāni dassetvā kateneva vaṭṭati. Evañhi samaṇḍalikataṃ hoti, taṃ ṭhapetvā aññena acchinnakena vā dvatticatukhaṇḍena vā na vaṭṭati. Aññatra puggalassa atthārāti puggalassa atthāraṃ ṭhapetvā na aññena saṅghassa vā gaṇassa vā atthārena atthataṃ hoti. Nissīmaṭṭho anumodatīti bahiupacārasīmāya ṭhito anumodati.
309. ахад̇знаад̇и абарибхуд̇д̇зна. ахад̇агаббзнаад̇и ахад̇асад̣̇исзна згаваарам̣ ваа д̣̇вигкад̇д̇ум̣ ваа д̇ход̇зна. билод̇игааяаад̇и хад̇авад̇т̇агасаадагзна . бам̣сугуулзнаад̇и д̇звийсад̇ияаа кзд̇д̇зсу уббаннабам̣сугуулзна. бам̣сугуулигабхигкунаа жол̣агабхигкам̣ аахин̣д̣ид̇ваа лад̣̇д̇хажол̣агзхи гад̇ажийварзнаад̇иби гурунд̣̇имахаабажжарийсу вуд̇д̇ам̣. баабан̣игзнаад̇и аабан̣ад̣̇ваарз бад̇ид̇абилод̇игам̣ г̇ахзд̇ваа гат̇инад̇т̇ааяа д̣̇зд̇и, д̇знааби ваддад̇ийд̇и ад̇т̇о. сзсам̣ вуд̇д̇авибаллаасзнзва взд̣̇ид̇аб̣б̣ам̣. имасмим̣ бана таанз ‘‘саха гат̇инасса ад̇т̇аараа гад̇и д̇хаммаа ж̇ааяанд̇ий’’д̇иаад̣̇и б̣ахуадтагат̇аасу вуд̇д̇ам̣, д̇ам̣ саб̣б̣ам̣ бариваарз баал̣иааруул̣хамзва, д̇асмаа д̇ад̇т̇а ааг̇ад̇анаязнзва взд̣̇ид̇аб̣б̣ам̣. на хи д̇зна ид̇ха авужжамаанзна гат̇инад̇т̇аарагасса гин̃жи барихааяад̇и.
309.Ahatenāti aparibhuttena. Ahatakappenāti ahatasadisena ekavāraṃ vā dvikkhattuṃ vā dhotena. Pilotikāyāti hatavatthakasāṭakena . Paṃsukūlenāti tevīsatiyā khettesu uppannapaṃsukūlena. Paṃsukūlikabhikkhunā coḷakabhikkhaṃ āhiṇḍitvā laddhacoḷakehi katacīvarenātipi kurundimahāpaccarīsu vuttaṃ. Pāpaṇikenāti āpaṇadvāre patitapilotikaṃ gahetvā kathinatthāya deti, tenāpi vaṭṭatīti attho. Sesaṃ vuttavipallāseneva veditabbaṃ. Imasmiṃ pana ṭhāne ‘‘saha kathinassa atthārā kati dhammā jāyantī’’tiādi bahuaṭṭhakathāsu vuttaṃ, taṃ sabbaṃ parivāre pāḷiārūḷhameva, tasmā tattha āgatanayeneva veditabbaṃ. Na hi tena idha avuccamānena kathinatthārakassa kiñci parihāyati.
310. звам̣ гат̇инад̇т̇аарам̣ д̣̇ассзд̇ваа ид̣̇аани уб̣бхаарам̣ д̣̇ассзд̇ум̣ гат̇ан̃жа бхигкавз уб̣бхад̇ам̣ ход̇и гат̇инанд̇иаад̣̇имааха. д̇ад̇т̇а маад̇игаад̇и маад̇аро; ж̇анзд̇д̇ияод̇и ад̇т̇о. гат̇инуб̣бхааран̃хи зд̇аа адта ж̇анзд̇д̇ияо. д̇аасу баггаманам̣ анд̇о ассаад̇и баггамананд̇игаа. звам̣ сзсааби взд̣̇ид̇аб̣б̣аа.
310. Evaṃ kathinatthāraṃ dassetvā idāni ubbhāraṃ dassetuṃ kathañca bhikkhave ubbhataṃ hoti kathinantiādimāha. Tattha mātikāti mātaro; janettiyoti attho. Kathinubbhārañhi etā aṭṭha janettiyo. Tāsu pakkamanaṃ anto assāti pakkamanantikā. Evaṃ sesāpi veditabbā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 187. гат̇инаануж̇аананаа • 187. Kathinānujānanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / гат̇инаануж̇аананагат̇ааван̣н̣анаа • Kathinānujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / гат̇инаануж̇аананагат̇ааван̣н̣анаа • Kathinānujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / гат̇инаануж̇аананагат̇ааван̣н̣анаа • Kathinānujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 187. гат̇инаануж̇аананагат̇аа • 187. Kathinānujānanakathā
