187. гат̇инаануж̇аананагат̇аа

187. Kathinānujānanakathā

306. гат̇инагканд̇хагз баавзяяагаад̇и зд̇т̇а бааваарадтз нивасанд̇ийд̇и баавзяяагаад̇и важанад̇т̇ам̣ д̣̇ассзнд̇о ааха ‘‘бааваарадтаваасино’’д̇и. д̇ад̇т̇аад̇и бааваанаамагз радтз. зго бид̇аа зд̇зсанд̇и згабид̇угаа. д̇з жа д̇з бхаад̇аро жзд̇и згабид̇угабхаад̇аро, д̇зсам̣. зд̇анд̇и ‘‘баавзяяагаа’’д̇и зд̇ам̣ наамам̣. д̇зсууд̇и баавзяяагзсу. ‘‘д̇худ̇ан̇г̇асамаад̣̇аанавасзнаа’’д̇и висзсанасса б̣яаважчзд̣̇абхаавам̣ д̣̇ассзд̇ум̣ вуд̇д̇ам̣ ‘‘на аран̃н̃аваасамад̇д̇знаа’’д̇и. висзсанан̃хи д̣̇увид̇хам̣ б̣яаважчзд̣̇ам̣, д̇аббаагадигаран̣ан̃жаад̇и. д̇зсанд̇и баавзяяагаанам̣. бин̣д̣абаад̇игаад̣̇ибхаавзбийд̇и самб̣анд̇хо. бисад̣̇д̣̇о ааран̃н̃агам̣ абзгкад̇и. зд̇анд̇и ‘‘саб̣б̣з ааран̃н̃агаа’’д̇иаад̣̇и зд̇ам̣ важанам̣. имз банаад̇и баавзяяагаа бана. уд̣̇агасам̣г̇ахзд̇и зд̇т̇а уд̣̇агзна сам̣г̇ахзд̇аб̣б̣анд̇и д̣̇ассзнд̇о ааха ‘‘уд̣̇агзна сам̣г̇ахид̇з’’д̇и. ‘‘т̇алз жа ниннз жаа’’д̇и иминаа ‘‘уд̣̇агасам̣г̇ахз’’д̇и бад̣̇асса саруубам̣ д̣̇ассзд̇и.

306. Kathinakkhandhake pāveyyakāti ettha pāvāraṭṭhe nivasantīti pāveyyakāti vacanatthaṃ dassento āha ‘‘pāvāraṭṭhavāsino’’ti. Tatthāti pāvānāmake raṭṭhe. Eko pitā etesanti ekapitukā. Te ca te bhātaro ceti ekapitukabhātaro, tesaṃ. Etanti ‘‘pāveyyakā’’ti etaṃ nāmaṃ. Tesūti pāveyyakesu. ‘‘Dhutaṅgasamādānavasenā’’ti visesanassa byavacchedabhāvaṃ dassetuṃ vuttaṃ ‘‘na araññavāsamattenā’’ti. Visesanañhi duvidhaṃ byavacchedaṃ, tappākaṭikaraṇañcāti. Tesanti pāveyyakānaṃ. Piṇḍapātikādibhāvepīti sambandho. Pisaddo āraññakaṃ apekkhati. Etanti ‘‘sabbe āraññakā’’tiādi etaṃ vacanaṃ. Ime panāti pāveyyakā pana. Udakasaṃgaheti ettha udakena saṃgahetabbanti dassento āha ‘‘udakena saṃgahite’’ti. ‘‘Thale ca ninne cā’’ti iminā ‘‘udakasaṃgahe’’ti padassa sarūpaṃ dasseti.

уд̣̇агажигкаллод̇и уд̣̇агзна лол̣ид̇о жигкалло уд̣̇агажигкалло. огабун̣н̣зхийд̇и зд̇т̇а огасад̣̇д̣̇о уд̣̇агавзважанод̇и ааха ‘‘уд̣̇агабун̣н̣зхий’’д̇и. уд̣̇аган̃хи ужаяад̇и самавааяабхаавзна бавад̇д̇ад̇ийд̇и оганд̇и вужжад̇и. д̇зсанд̇и баавзяяагаанам̣. гханаанийд̇и ниранд̇араани. д̇зсууд̇и жийварзсу. д̇знаад̇и жийвараанам̣ гханад̇д̇аа, уд̣̇агасса жа на баг̇гхаран̣ад̇д̇аа. бхаг̇авад̇аа ‘‘авивад̣̇амаанаа паасугам̣ вассам̣ васид̇т̇аа’’д̇и бужчияамаанааби д̇з бхигкуу яат̇аабужчид̇ам̣ авад̇ваа гасмаа паасугабад̣̇ам̣ абанзд̇ваа ‘‘авивад̣̇амаанаа вассам̣ васимхаа’’д̇и авожунд̇и ааха ‘‘авивад̣̇амаанаа вассам̣ васимхаад̇и зд̇т̇аа’’д̇иаад̣̇и. угган̣тид̇ад̇ааяа жаад̇и зд̇т̇а жасад̣̇д̣̇о ‘‘паасуд̇ааяа абхаавзнаа’’д̇и зд̇т̇ааби яож̇зд̇аб̣б̣о. сзнаасанапаасуд̇ааяа абхаавзна жа бхаг̇авад̇о д̣̇ассанаалаабхзна угган̣тид̇ад̇ааяа жаад̇и хи ад̇т̇о. анамад̇аг̇г̇ияагат̇анд̇и сам̣яуд̇д̇анигааяз анамад̇аг̇г̇ияасуд̇д̇анд̇агат̇ам̣ (сам̣. ни. 2.135). саб̣б̣зва д̇з баавзяяагаа бхигкууд̇и яож̇анаа. д̇анд̇и анамад̇аг̇г̇ияагат̇ам̣. д̇ад̇од̇и д̇хаммагат̇анад̇о, баранд̇и самб̣анд̇хо. бхаг̇аваа ааманд̇зсийд̇и самб̣анд̇хо. згам̣ жийваранд̇и сан̇гхаадим̣. санд̇аруд̇д̇арзнаад̇и саха анд̇арзнаад̇и санд̇арам̣, санд̇аран̃жа д̇ам̣ уд̇д̇аран̃жзд̇и санд̇аруд̇д̇арам̣, д̇зна. ассуд̇и бхавзяяум̣. абхависсам̣сууд̇и хи ад̇т̇о. сад̇д̇амийвибхад̇д̇игаалаад̇ибад̇д̇ивибхад̇д̇ийнам̣ самаанад̇т̇абхааво сад̣̇д̣̇асад̇т̇зсу вуд̇д̇оязва. жасад̣̇д̣̇о убаняаасад̇т̇о. зса гат̇инад̇т̇ааро наамаад̇и яож̇анаа. ануж̇аанид̇угаамо худ̇ваад̇и самб̣анд̇хо.

Udakacikkhalloti udakena loḷito cikkhallo udakacikkhallo. Okapuṇṇehīti ettha okasaddo udakavevacanoti āha ‘‘udakapuṇṇehī’’ti. Udakañhi ucayati samavāyabhāvena pavattatīti okanti vuccati. Tesanti pāveyyakānaṃ. Ghanānīti nirantarāni. Tesūti cīvaresu. Tenāti cīvarānaṃ ghanattā, udakassa ca na paggharaṇattā. Bhagavatā ‘‘avivadamānā phāsukaṃ vassaṃ vasitthā’’ti pucchiyamānāpi te bhikkhū yathāpucchitaṃ avatvā kasmā phāsukapadaṃ apanetvā ‘‘avivadamānā vassaṃ vasimhā’’ti avocunti āha ‘‘avivadamānā vassaṃ vasimhāti etthā’’tiādi. Ukkaṇṭhitatāya cāti ettha casaddo ‘‘phāsutāya abhāvenā’’ti etthāpi yojetabbo. Senāsanaphāsutāya abhāvena ca bhagavato dassanālābhena ukkaṇṭhitatāya cāti hi attho. Anamataggiyakathanti saṃyuttanikāye anamataggiyasuttantakathaṃ (saṃ. ni. 2.135). Sabbeva te pāveyyakā bhikkhūti yojanā. Tanti anamataggiyakathaṃ. Tatoti dhammakathanato, paranti sambandho. Bhagavā āmantesīti sambandho. Ekaṃ cīvaranti saṅghāṭiṃ. Santaruttarenāti saha antarenāti santaraṃ, santarañca taṃ uttarañceti santaruttaraṃ, tena. Assuti bhaveyyuṃ. Abhavissaṃsūti hi attho. Sattamīvibhattikālātipattivibhattīnaṃ samānatthabhāvo saddasatthesu vuttoyeva. Casaddo upanyāsattho. Esa kathinatthāro nāmāti yojanā. Anujānitukāmo hutvāti sambandho.

д̇ад̇т̇аад̇и ‘‘ануж̇аанаами бхигкавз’’д̇иаад̣̇ибаатз. вогаарасса нибаад̇амад̇д̇з сад̇и гат̇амад̇т̇о бхависсад̇ийд̇и ааха ‘‘ад̇т̇ад̇агат̇инаананд̇и ад̇т̇о’’д̇и. ад̇т̇ад̇агат̇инаанам̣ бхигкуунанд̇и самб̣анд̇хо. лад̣̇д̇хаг̇ун̣ам̣ д̣̇ассзнд̇о ааха ‘‘зван̃хий’’д̇иаад̣̇и. хисад̣̇д̣̇о лад̣̇д̇хаг̇ун̣аж̇од̇аго. барад̇од̇и барамхи. ‘‘со д̇умхаага’’нд̇и ваа ‘‘со во’’д̇и ваа авад̇ваа ‘‘со нзсам̣ бхависсад̇ий’’д̇и вуд̇д̇ад̇д̇аа во-гааро нибаад̇амад̇д̇од̇и ад̇хиббааяо. ‘‘вод̇и саамиважанамзвзд̇а’’нд̇и иминаа во д̇умхааганд̇и ад̇т̇ам̣ д̣̇ассзд̇и. звам̣ сад̇и ‘‘барад̇о со нзса’’нд̇и зд̇т̇а гат̇амад̇т̇о бхависсад̇ийд̇и ааха ‘‘со нзсанд̇и зд̇т̇а банаа’’д̇иаад̣̇и. яз д̇умхз ад̇т̇ад̇агат̇инаа, д̇зсам̣ д̇умхааганд̇и яож̇анаа. гат̇инасад̣̇д̣̇о т̇ирад̇т̇аваажаго анибпаннабаадибад̣̇иго . анааманд̇ажаараад̣̇игаанам̣ бан̃жаанисам̣саанам̣ анд̇огаран̣асамад̇т̇абхаавз т̇иранд̇и ад̇т̇о.

Tatthāti ‘‘anujānāmi bhikkhave’’tiādipāṭhe. Vokārassa nipātamatte sati kathamattho bhavissatīti āha ‘‘atthatakathinānanti attho’’ti. Atthatakathinānaṃ bhikkhūnanti sambandho. Laddhaguṇaṃ dassento āha ‘‘evañhī’’tiādi. Hisaddo laddhaguṇajotako. Paratoti paramhi. ‘‘So tumhāka’’nti vā ‘‘so vo’’ti vā avatvā ‘‘so nesaṃ bhavissatī’’ti vuttattā vo-kāro nipātamattoti adhippāyo. ‘‘Voti sāmivacanameveta’’nti iminā vo tumhākanti atthaṃ dasseti. Evaṃ sati ‘‘parato so nesa’’nti ettha kathamattho bhavissatīti āha ‘‘so nesanti ettha panā’’tiādi. Ye tumhe atthatakathinā, tesaṃ tumhākanti yojanā. Kathinasaddo thiratthavācako anipphannapāṭipadiko . Anāmantacārādikānaṃ pañcānisaṃsānaṃ antokaraṇasamatthabhāve thiranti attho.

д̇ад̇т̇аад̇и анааманд̇ажаараад̣̇ийсу бан̃жаанисам̣сзсу. анааманд̇ажаарод̇и зд̇т̇а жаран̣ам̣ жааро, анааманд̇зд̇ваа жааро анааманд̇ажаарод̇и д̣̇ассзнд̇о ааха ‘‘анааманд̇зд̇ваа жаран̣а’’нд̇и. ‘‘асамаад̣̇ааяа жаран̣а’’нд̇и иминаа асамаад̣̇аанажаарод̇и зд̇т̇а буб̣б̣абад̣̇з д̇ваабажжаяасса анаад̣̇зсам̣ гад̇ваа асамаад̣̇аанажаарод̇и вуд̇д̇анд̇и д̣̇ассзд̇и. яаавад̇ад̇т̇ажийваранд̇и зд̇т̇а аагааралобзна санд̇хийд̇и ааха ‘‘яаавад̇аа жийварзна ад̇т̇о’’д̇и. ‘‘яаавад̣̇ад̇т̇ажийвара’’нд̇иби баато, звам̣ сад̇и д̣̇агааро бад̣̇асанд̇химад̇д̇о. яаавасад̣̇д̣̇о барижчзд̣̇ад̇т̇аваажаго, на абхивижхад̇т̇аваажаго. ад̇т̇асад̣̇д̣̇зна самаасо ход̇и. яо жа д̇ад̇т̇а жийваруббаад̣̇од̇и зд̇т̇а д̇ад̇т̇асад̣̇д̣̇асса висаяам̣ д̣̇ассзнд̇о ааха ‘‘гат̇инад̇т̇аарасиймааяа’’нд̇и. д̇ад̇руббаад̣̇знаад̇и д̇ад̇ра гат̇инад̇т̇аарасиймааяам̣ уббаад̣̇зна муулзна. ‘‘жийварам̣ уббаж̇ж̇ад̇ий’’д̇и иминаа жийваруббаад̣̇од̇и зд̇т̇а жийварамзва уббаад̣̇о жийваруббаад̣̇од̇и висзсанабарабад̣̇ад̇д̇ам̣ д̣̇ассзд̇и.

Tatthāti anāmantacārādīsu pañcānisaṃsesu. Anāmantacāroti ettha caraṇaṃ cāro, anāmantetvā cāro anāmantacāroti dassento āha ‘‘anāmantetvā caraṇa’’nti. ‘‘Asamādāya caraṇa’’nti iminā asamādānacāroti ettha pubbapade tvāpaccayassa anādesaṃ katvā asamādānacāroti vuttanti dasseti. Yāvatatthacīvaranti ettha ākāralopena sandhīti āha ‘‘yāvatā cīvarena attho’’ti. ‘‘Yāvadatthacīvara’’ntipi pāṭho, evaṃ sati dakāro padasandhimatto. Yāvasaddo paricchedatthavācako, na abhivijhatthavācako. Atthasaddena samāso hoti. Yo ca tattha cīvaruppādoti ettha tatthasaddassa visayaṃ dassento āha ‘‘kathinatthārasīmāya’’nti. Tatruppādenāti tatra kathinatthārasīmāyaṃ uppādena mūlena. ‘‘Cīvaraṃ uppajjatī’’ti iminā cīvaruppādoti ettha cīvarameva uppādo cīvaruppādoti visesanaparapadattaṃ dasseti.

гзд̇и гид̇д̇агаа. ид̣̇ам̣ ‘‘г̇ан̣авасзнаа’’д̇и важанам̣ санд̇хааяа вуд̇д̇ам̣. ат̇а ваа гзд̇и гиннаама вуд̇т̇авассаа. ид̣̇ам̣ ‘‘вуд̇т̇авассавасзнаа’’д̇и важанам̣ санд̇хааяа вуд̇д̇ам̣. сад̇асахассамби ж̇анаа лабханд̇ийд̇и яож̇анаа. бисад̣̇д̣̇зна д̇ад̇о ад̇хигамби лабханд̇ийд̇и д̣̇ассзд̇и. чиннавассаа ваад̇и буримигааяа убаг̇анд̇ваа чиннавассаа ваа. ан̃н̃асмим̣ вихаарзд̇и гат̇инад̇т̇ааравихаарад̇о абарасмим̣ вихаарз. саб̣б̣з чиннавассаад̣̇игаа бхигкуу буримигааяа вассуубаг̇ад̇аанам̣ бхигкуунам̣ г̇ан̣абуурагаа хонд̇ийд̇и яож̇анаа. ид̇арзсам̣язваад̇и буримигааяа вассам̣ убаг̇анд̇ваа батамабавааран̣ааяа баваарид̇аанамзва. барибун̣н̣авассод̇и барибун̣н̣о вийсад̇ивассо, ажчиннавассо ваа. сод̇и сааман̣зро. ид̇и зд̇т̇аабийд̇и звам̣ зд̇зсу д̇ийсу ваарзсуби.

Keti kittakā. Idaṃ ‘‘gaṇavasenā’’ti vacanaṃ sandhāya vuttaṃ. Atha vā keti kinnāma vutthavassā. Idaṃ ‘‘vutthavassavasenā’’ti vacanaṃ sandhāya vuttaṃ. Satasahassampi janā labhantīti yojanā. Pisaddena tato adhikampi labhantīti dasseti. Chinnavassā vāti purimikāya upagantvā chinnavassā vā. Aññasmiṃ vihāreti kathinatthāravihārato aparasmiṃ vihāre. Sabbe chinnavassādikā bhikkhū purimikāya vassūpagatānaṃ bhikkhūnaṃ gaṇapūrakā hontīti yojanā. Itaresaṃyevāti purimikāya vassaṃ upagantvā paṭhamapavāraṇāya pavāritānameva. Paripuṇṇavassoti paripuṇṇo vīsativasso, acchinnavasso vā. Soti sāmaṇero. Iti etthāpīti evaṃ etesu tīsu vāresupi.

гзна д̣̇иннам̣ гат̇инажийварам̣ ваддад̇ийд̇и яож̇анаа. язна гзнажи д̣̇иннам̣ жийварам̣ ваддад̇ийд̇и самб̣анд̇хо. д̇анд̇и вад̇д̇ам̣. аж̇аананд̇од̇и аж̇аананахзд̇у. хзд̇вад̇т̇з хи анд̇абажжаяо. д̇ассаад̇и гат̇инад̣̇ааяагасса. званд̇и иминаа вагкамаананаязна. ан̃н̃ад̇арабахонагам̣ вад̇т̇анд̇и самб̣анд̇хо. д̇ассаад̇и гат̇инажийварасса. зд̇д̇агаа наама суужияо ваддад̇ийд̇и самб̣анд̇хо. ид̇и аажигкид̇аб̣б̣анд̇и яож̇анаа.

Kena dinnaṃ kathinacīvaraṃ vaṭṭatīti yojanā. Yena kenaci dinnaṃ cīvaraṃ vaṭṭatīti sambandho. Tanti vattaṃ. Ajānantoti ajānanahetu. Hetvatthe hi antapaccayo. Tassāti kathinadāyakassa. Evanti iminā vakkhamānanayena. Aññatarapahonakaṃ vatthanti sambandho. Tassāti kathinacīvarassa. Ettakā nāma sūciyo vaṭṭatīti sambandho. Iti ācikkhitabbanti yojanā.

гат̇инад̇т̇аарагзнааби вад̇д̇ам̣ ж̇аанид̇аб̣б̣анд̇и самб̣анд̇хо. бисад̣̇д̣̇о гат̇инад̣̇ааяагам̣ абзгкад̇и. вад̇д̇ам̣ вид̇т̇аарзнд̇о ааха ‘‘д̇анд̇авааяаг̇зхад̇о хий’’д̇иаад̣̇и. аабхад̇асанд̇аанзнзваад̇и аабхад̇асанд̇ад̇ияаа зва. калимагкид̇асаадагод̇и ахад̇асаадаго. со хи калзна д̇аггзна ган̃ж̇игзна магкид̇асаадагад̇д̇аа ‘‘калимагкид̇асаадаго’’д̇и вужжад̇и. гат̇инад̇т̇аарасаадаганд̇и гат̇инад̇т̇аарад̇т̇ааяа д̣̇иннам̣ саадагам̣. д̇ад̣̇ахзваад̇и д̇асмим̣ д̣̇иннаахани зва. д̇асминд̇и батамам̣ д̣̇иннз гат̇инад̇т̇аарасаадагз. ан̃н̃аани жаад̇и гат̇инасаадагад̇о ан̃н̃аани жа. жасад̣̇д̣̇зна на гат̇инасаадагамзва аахарад̇и, ан̃н̃аани жаад̇и д̣̇ассзд̇и. яод̇и гат̇инад̣̇ааяаго. ид̇арод̇и батамам̣ гат̇инад̣̇ааяаго. яат̇аа д̇ат̇аа овад̣̇ид̇ваад̇и д̇ава санд̇агад̇о зд̇асса санд̇агам̣ сан̇гхасса б̣ахубагаарам̣, сан̇гхасса б̣ахубагаарад̇д̇ам̣ д̇аяааби ижчид̇аб̣б̣ам̣, звамижчанд̇асса б̣ахубун̃н̃анд̇и язна д̇знаагаарзна овад̣̇ид̇ваа.

Kathinatthārakenāpi vattaṃ jānitabbanti sambandho. Pisaddo kathinadāyakaṃ apekkhati. Vattaṃ vitthārento āha ‘‘tantavāyagehato hī’’tiādi. Ābhatasantānenevāti ābhatasantatiyā eva. Khalimakkhitasāṭakoti ahatasāṭako. So hi khalena takkena kañjikena makkhitasāṭakattā ‘‘khalimakkhitasāṭako’’ti vuccati. Kathinatthārasāṭakanti kathinatthāratthāya dinnaṃ sāṭakaṃ. Tadahevāti tasmiṃ dinnaahani eva. Tasminti paṭhamaṃ dinne kathinatthārasāṭake. Aññāni cāti kathinasāṭakato aññāni ca. Casaddena na kathinasāṭakameva āharati, aññāni cāti dasseti. Yoti kathinadāyako. Itaroti paṭhamaṃ kathinadāyako. Yathā tathā ovaditvāti tava santakato etassa santakaṃ saṅghassa bahupakāraṃ, saṅghassa bahupakārattaṃ tayāpi icchitabbaṃ, evamicchantassa bahupuññanti yena tenākārena ovaditvā.

гзна бхигкунаад̇и самб̣анд̇хо. яасса сан̇гхо гат̇инажийварам̣ д̣̇зд̇и, д̇зна бхигкунаа ад̇т̇арид̇аб̣б̣анд̇и яож̇анаа. гасса бхигкуссаад̇и самб̣анд̇хо. яо ж̇ин̣н̣ажийваро ход̇и, д̇асса д̣̇аад̇аб̣б̣анд̇и яож̇анаа. махад̇ий барисаа зд̇ассаад̇и махаабарисо т̇зро. ‘‘навагад̇аро саггод̇и, д̇асса д̣̇аад̇аб̣б̣а’’нд̇и важанасса анзганд̇абхаавам̣ д̣̇ассзнд̇о ааха ‘‘аби жаа’’д̇иаад̣̇и. аби жаад̇и зганд̇зна. д̇ад̣̇ад̇т̇ааяаад̇и д̇асса ж̇ин̣н̣ажийварасса ад̇т̇ааяа. ассаад̇и бхигкусса. бзлавод̇и вирал̣о. д̇знаабийд̇и гат̇инад̇т̇аарагзнааби. д̇анд̇и вид̇хим̣. д̣̇аанагаммаваажаад̇и д̣̇аанагааран̣агаммаваажаа.

Kena bhikkhunāti sambandho. Yassa saṅgho kathinacīvaraṃ deti, tena bhikkhunā attharitabbanti yojanā. Kassa bhikkhussāti sambandho. Yo jiṇṇacīvaro hoti, tassa dātabbanti yojanā. Mahatī parisā etassāti mahāpariso thero. ‘‘Navakataro sakkoti, tassa dātabba’’nti vacanassa anekantabhāvaṃ dassento āha ‘‘api cā’’tiādi. Api cāti ekantena. Tadatthāyāti tassa jiṇṇacīvarassa atthāya. Assāti bhikkhussa. Pelavoti viraḷo. Tenāpīti kathinatthārakenāpi. Tanti vidhiṃ. Dānakammavācāti dānakāraṇakammavācā.

звам̣ д̣̇иннз бана гат̇инз нидтаабзд̇аб̣б̣аанийд̇и яож̇анаа. згзнаабийд̇и бисад̣̇д̣̇зна баг̇зва б̣ахуухи банаад̇и д̣̇ассзд̇и. б̣уд̣̇д̇хаббасад̇т̇анд̇и б̣уд̣̇д̇хзхи басад̇т̇ам̣. ад̇ийд̇з габбасад̇асахассамад̇т̇агзд̇и яож̇анаа. д̇ассаад̇и бад̣̇умуд̇д̇арасса . гат̇инам̣ г̇ан̣хи гираад̇и яож̇анаа. д̇анд̇и гат̇инам̣, сад̇т̇аа агаасийд̇и самб̣анд̇хо.

Evaṃ dinne pana kathine niṭṭhāpetabbānīti yojanā. Ekenāpīti pisaddena pageva bahūhi panāti dasseti. Buddhappasatthanti buddhehi pasatthaṃ. Atīte kappasatasahassamatthaketi yojanā. Tassāti padumuttarassa . Kathinaṃ gaṇhi kirāti yojanā. Tanti kathinaṃ, satthā akāsīti sambandho.

гад̇абарияосид̇ам̣ гат̇инам̣ гим̣ гаад̇аб̣б̣анд̇и ааха ‘‘гад̇абарияосид̇ам̣ банаа’’д̇иаад̣̇и. гат̇инам̣ г̇ахзд̇ваа ад̇т̇арид̇аб̣б̣анд̇и самб̣анд̇хо. ‘‘д̇зна гат̇инад̇т̇аарагзна бхигкунаа’’д̇и бад̣̇ам̣ ‘‘важанийяо’’д̇и бад̣̇з суд̣̇д̇хагад̇д̇аа, ‘‘анумод̣̇аабзд̇аб̣б̣а’’нд̇и бад̣̇з гаарид̇агад̇д̇аа. гим̣ важанийяод̇и ааха ‘‘ад̇т̇ад̇ам̣…бз… анумод̣̇ат̇аа’’д̇и. ‘‘д̇зхи анумод̣̇агзхи бхигкухий’’д̇и бад̣̇ам̣ ‘‘важанийяо’’д̇и бад̣̇з авуд̇д̇агад̇д̇аа, ‘‘анумод̣̇аабзд̇аб̣б̣а’’нд̇и бад̣̇з гаарид̇агаммам̣ авуд̇д̇агаммам̣, ваа. ‘‘гат̇ина’’нд̇и д̇хаад̇угаммам̣ ваа вуд̇д̇агаммам̣ ваа убанзд̇аб̣б̣ам̣. гим̣ важанийяод̇и ааха ‘‘ад̇т̇ад̇ам̣…бз… анумод̣̇аамаа’’д̇и. ид̇арзхи жаад̇и анумод̣̇агзхи жа. саб̣б̣зсанд̇и ад̇т̇аарагаанумод̣̇агаанам̣. хийд̇и сажжам̣. зд̇анд̇и саб̣б̣зсам̣ ад̇т̇ад̇абхаавам̣, ‘‘д̣̇виннам̣…бз… анумод̣̇агасса жаа’’д̇и важанам̣ ваа.

Katapariyositaṃ kathinaṃ kiṃ kātabbanti āha ‘‘katapariyositaṃ panā’’tiādi. Kathinaṃ gahetvā attharitabbanti sambandho. ‘‘Tena kathinatthārakena bhikkhunā’’ti padaṃ ‘‘vacanīyo’’ti pade suddhakattā, ‘‘anumodāpetabba’’nti pade kāritakattā. Kiṃ vacanīyoti āha ‘‘atthataṃ…pe… anumodathā’’ti. ‘‘Tehi anumodakehi bhikkhuhī’’ti padaṃ ‘‘vacanīyo’’ti pade avuttakattā, ‘‘anumodāpetabba’’nti pade kāritakammaṃ avuttakammaṃ, vā. ‘‘Kathina’’nti dhātukammaṃ vā vuttakammaṃ vā upanetabbaṃ. Kiṃ vacanīyoti āha ‘‘atthataṃ…pe… anumodāmā’’ti. Itarehi cāti anumodakehi ca. Sabbesanti atthārakaanumodakānaṃ. Hīti saccaṃ. Etanti sabbesaṃ atthatabhāvaṃ, ‘‘dvinnaṃ…pe… anumodakassa cā’’ti vacanaṃ vā.

звам̣ гат̇инз ад̇т̇ад̇з сад̇и банаад̇и яож̇анаа. язнаад̇и бхигкунаа. авижаарзд̇вааваад̇и ‘‘гат̇инад̇т̇аарагасса д̣̇змаа’’д̇и ваа ‘‘сан̇гхасса д̣̇змаа’’д̇и ваа авижаарзд̇ваа зва. сзсажийвараанибийд̇и гат̇инад̇т̇ааражийварад̇о сзсажийварааниби. сан̇гхзна д̣̇аад̇аб̣б̣аанийд̇и самб̣анд̇хо. ‘‘абалогзд̇ваа’’д̇и иминаа гаммаваажааяа гижжаабхаавам̣ д̣̇ассзд̇и. вассааваасигадтид̇игааяаад̇и вассааваасагаалз бавад̇д̇ааяа тид̇игааяа. г̇арубхан̣д̣анд̇и ман̃жаб̣иб̣б̣оханаад̣̇иг̇арубхан̣д̣ам̣. згасиймааяаад̇и згааяа убажаарасиймааяа.

Evaṃ kathine atthate sati panāti yojanā. Yenāti bhikkhunā. Avicāretvāvāti ‘‘kathinatthārakassa demā’’ti vā ‘‘saṅghassa demā’’ti vā avicāretvā eva. Sesacīvarānipīti kathinatthāracīvarato sesacīvarānipi. Saṅghena dātabbānīti sambandho. ‘‘Apaloketvā’’ti iminā kammavācāya kiccābhāvaṃ dasseti. Vassāvāsikaṭṭhitikāyāti vassāvāsakāle pavattāya ṭhitikāya. Garubhaṇḍanti mañcabibbohanādigarubhaṇḍaṃ. Ekasīmāyāti ekāya upacārasīmāya.

308. яат̇аа жаад̇и зд̇т̇а яат̇аасад̣̇д̣̇о яам̣сад̣̇д̣̇ад̇т̇о. язна вид̇хинаад̇и хи ад̇т̇о. махаабхуумиганд̇и махаависаяам̣. жад̇увийсад̇иаагаараванд̇ад̇ааяа махаавид̇т̇аариганд̇и вуд̇д̇ам̣ ход̇и. д̇ад̇од̇и анад̇т̇ад̇алагкан̣ад̇о. бариваарзбийд̇и бисад̣̇д̣̇о на ид̇ха зваад̇и д̣̇ассзд̇и.

308.Yathā cāti ettha yathāsaddo yaṃsaddattho. Yena vidhināti hi attho. Mahābhūmikanti mahāvisayaṃ. Catuvīsatiākāravantatāya mahāvitthārikanti vuttaṃ hoti. Tatoti anatthatalakkhaṇato. Parivārepīti pisaddo na idha evāti dasseti.

д̇ад̇т̇аад̇и жад̇увийсад̇ияаа аагаарзсу. улликид̇амад̇д̇знаад̇и зд̇т̇а бамаан̣асса уг̇г̇ахан̣ад̇т̇ам̣ накаад̣̇ийхи ликанам̣ улликид̇ам̣, улликид̇ам̣ мад̇д̇ам̣ бамаан̣ам̣ улликид̇амад̇д̇анд̇и д̣̇ассзнд̇о ааха ‘‘д̣̇ийгхад̇о жа бут̇улад̇о жа бамаан̣аг̇ахан̣амад̇д̇знаа’’д̇и. д̇амзвад̇т̇ам̣ вид̇т̇аарзнд̇о ааха ‘‘бамаан̣ам̣ хий’’д̇иаад̣̇и. д̣̇ассзнд̇о худ̇ваа улликад̇ийд̇и яож̇анаа. бан̃жаганд̇и бан̃жабамаан̣ам̣, бан̃жасамуухам̣ ваа кан̣д̣ам̣. ваасад̣̇д̣̇зна ан̃н̃ааниби д̇зрасагаад̣̇ийни сан̇г̇ан̣хаад̇и. могхасуд̇д̇агааробанамад̇д̇знаад̇и могхасуд̇д̇асса жийварассуубари ааробанамад̇д̇зна. д̣̇ийгхасиб̣б̣ид̇амад̇д̇знаад̇и д̣̇ийгхад̇о сиб̣б̣ид̇амад̇д̇зна. муд̣̇д̣̇ияабаддаб̣анд̇ханамад̇д̇знаад̇и муд̣̇д̣̇ияабаддасса б̣анд̇ханамад̇д̇зна. д̣̇вз жимилигааяод̇и д̣̇вз билод̇игааяо. батамажимилигаад̇и гат̇инажимилигад̇о ан̃н̃аа ад̇д̇ано багад̇ижимилигаа гхадзд̇ваа табид̇аа ход̇ийд̇и яож̇анаа. ‘‘д̇ам̣ батамажимилига’’нд̇и баатасзсам̣ аж̇жхаахарид̇ваа гат̇инасаадагасса гужчижимилигам̣ гад̇ваад̇и иминаа самб̣анд̇хид̇аб̣б̣ам̣. багад̇ижийварассаад̇и ад̇д̇ано багад̇ижийварасса. багад̇ибаддаб̣анд̇хажийваранд̇и багад̇ибаддзна б̣анд̇хажийварам̣. бидтиануваад̇ааробанамад̇д̇знаад̇и д̣̇ийгхад̇о ануваад̇асса жийварассуубари ааробанамад̇д̇зна. д̣̇ийгхаануваад̇ан̃хи баарубанагаалз бидтияам̣ тид̇ад̇д̇аа бидтиануваад̇анд̇и вужжад̇и. гужчиануваад̇ааробанамад̇д̇знаад̇и бут̇улад̇о ануваад̇асса жийварассуубари ааробанамад̇д̇зна. бут̇улаануваад̇ан̃хи баарубанагаалз гужчияам̣ тид̇ад̇д̇аа гужчиануваад̇анд̇и вужжад̇и. ааг̇анд̇угабаддааробанамад̇д̇знаад̇и ааг̇анд̇угабаддасса жийварассуубари ааробанамад̇д̇зна. ваад̇и ат̇аваа.

Tatthāti catuvīsatiyā ākāresu. Ullikhitamattenāti ettha pamāṇassa uggahaṇatthaṃ nakhādīhi likhanaṃ ullikhitaṃ, ullikhitaṃ mattaṃ pamāṇaṃ ullikhitamattanti dassento āha ‘‘dīghato ca puthulato ca pamāṇagahaṇamattenā’’ti. Tamevatthaṃ vitthārento āha ‘‘pamāṇaṃ hī’’tiādi. Dassento hutvā ullikhatīti yojanā. Pañcakanti pañcapamāṇaṃ, pañcasamūhaṃ vā khaṇḍaṃ. Vāsaddena aññānipi terasakādīni saṅgaṇhāti. Moghasuttakāropanamattenāti moghasuttassa cīvarassūpari āropanamattena. Dīghasibbitamattenāti dīghato sibbitamattena. Muddiyapaṭṭabandhanamattenāti muddiyapaṭṭassa bandhanamattena. Dve cimilikāyoti dve pilotikāyo. Paṭhamacimilikāti kathinacimilikato aññā attano pakaticimilikā ghaṭetvā ṭhapitā hotīti yojanā. ‘‘Taṃ paṭhamacimilika’’nti pāṭhasesaṃ ajjhāharitvā kathinasāṭakassa kucchicimilikaṃ katvāti iminā sambandhitabbaṃ. Pakaticīvarassāti attano pakaticīvarassa. Pakatipaṭṭabandhacīvaranti pakatipaṭṭena bandhacīvaraṃ. Piṭṭhianuvātāropanamattenāti dīghato anuvātassa cīvarassūpari āropanamattena. Dīghānuvātañhi pārupanakāle piṭṭhiyaṃ ṭhitattā piṭṭhianuvātanti vuccati. Kucchianuvātāropanamattenāti puthulato anuvātassa cīvarassūpari āropanamattena. Puthulānuvātañhi pārupanakāle kucchiyaṃ ṭhitattā kucchianuvātanti vuccati. Āgantukapaṭṭāropanamattenāti āgantukapaṭṭassa cīvarassūpari āropanamattena. Vāti athavā.

сааруббанд̇и саман̣аанужчавигам̣. баригат̇ааяаад̇и барияааязна уббаад̣̇ид̇ааяа гат̇ааяа. ад̇иуггадтам̣ ваддад̇ийд̇и ад̇иуггадтам̣ зва ваддад̇и. од̇ин̣н̣асад̣̇исамзваад̇и од̇ин̣н̣зна вад̇т̇зна сад̣̇исамзва гат̇инажийваранд̇и самб̣анд̇хо. д̇ад̇т̇аад̇и д̣̇увид̇хзсу саннид̇хийсу. д̇ад̣̇ахзваад̇и д̇асмим̣ д̣̇иннаахани зва.

Sāruppanti samaṇānucchavikaṃ. Parikathāyāti pariyāyena uppāditāya kathāya. Atiukkaṭṭhaṃ vaṭṭatīti atiukkaṭṭhaṃ eva vaṭṭati. Otiṇṇasadisamevāti otiṇṇena vatthena sadisameva kathinacīvaranti sambandho. Tatthāti duvidhesu sannidhīsu. Tadahevāti tasmiṃ dinnaahani eva.

рад̇д̇иниссаг̇г̇иязнаад̇и рад̇д̇иад̇игганд̇ам̣ худ̇ваа ниссаг̇г̇иязна. ан̃н̃знаад̇и д̇ижийварад̇о ан̃н̃зна. саман̣д̣алигад̇анд̇и саха махааман̣д̣алаад̣дхаман̣д̣алзна гад̇ам̣.

Rattinissaggiyenāti rattiatikkantaṃ hutvā nissaggiyena. Aññenāti ticīvarato aññena. Samaṇḍalikatanti saha mahāmaṇḍalaaḍḍhamaṇḍalena kataṃ.

309. звам̣ жад̇увийсад̇иаагаарам̣ анад̇т̇ад̇алагкан̣ам̣ д̣̇ассзд̇ваа ид̣̇аани сад̇д̇арасаагаарам̣ ад̇т̇ад̇алагкан̣ам̣ д̣̇ассзнд̇о ааха ‘‘ахад̇знаа’’д̇иаад̣̇и . д̇ад̇т̇а барибхог̇ам̣ на ханид̇т̇а на г̇ажчид̇т̇аад̇и ахад̇ам̣, барибхог̇зна на ханид̇аб̣б̣ам̣ на хим̣сид̇аб̣б̣анд̇и ваа ахад̇анд̇и д̣̇ассзнд̇о ааха ‘‘абарибхуд̇д̇знаа’’д̇и. ‘‘ахад̇асад̣̇исзнаа’’д̇и иминаа ахад̇агаббзнаад̇и зд̇т̇а габбасад̣̇д̣̇о сад̣̇исад̇т̇од̇и д̣̇ассзд̇и. баабан̣игзнаад̇и зд̇т̇а басаарид̇о аабан̣о баабан̣о, д̇асмим̣ бад̇ид̇ам̣ баабан̣иганд̇и д̣̇ассзнд̇о ааха ‘‘аабан̣ад̣̇ваарз бад̇ид̇а’’нд̇и. ‘‘билод̇ига’’нд̇и иминаа н̣игабажжаяасса саруубам̣ д̣̇ассзд̇и. вуд̇д̇авибаллаасзнзваад̇и вуд̇д̇зхи ‘‘нимид̇д̇агад̇знаа’’д̇иаад̣̇ийхи вибаллаасзна зва. д̇ад̇т̇аад̇и бариваарз . хийд̇и сажжам̣, яасмаа ваа. ид̇хаад̇и гат̇инагканд̇хагз. авужжамаанзна д̇зна важанзна барихааяад̇ийд̇и самб̣анд̇хо.

309. Evaṃ catuvīsatiākāraṃ anatthatalakkhaṇaṃ dassetvā idāni sattarasākāraṃ atthatalakkhaṇaṃ dassento āha ‘‘ahatenā’’tiādi . Tattha paribhogaṃ na hanittha na gacchitthāti ahataṃ, paribhogena na hanitabbaṃ na hiṃsitabbanti vā ahatanti dassento āha ‘‘aparibhuttenā’’ti. ‘‘Ahatasadisenā’’ti iminā ahatakappenāti ettha kappasaddo sadisatthoti dasseti. Pāpaṇikenāti ettha pasārito āpaṇo pāpaṇo, tasmiṃ patitaṃ pāpaṇikanti dassento āha ‘‘āpaṇadvāre patita’’nti. ‘‘Pilotika’’nti iminā ṇikapaccayassa sarūpaṃ dasseti. Vuttavipallāsenevāti vuttehi ‘‘nimittakatenā’’tiādīhi vipallāsena eva. Tatthāti parivāre . Hīti saccaṃ, yasmā vā. Idhāti kathinakkhandhake. Avuccamānena tena vacanena parihāyatīti sambandho.

310. д̇ад̇т̇аад̇и ‘‘гат̇ан̃жа бхигкавз уб̣бхад̇ам̣ ход̇и гат̇ина’’нд̇иаад̣̇ибаатз. ж̇анзд̇д̇ияо маад̇арод̇и яож̇анаа. иминаа д̇хаммзна буд̇д̇з маанзд̇ийд̇и маад̇аа, д̇хаммзна буд̇д̇зхи маанияад̇ийд̇и ваа маад̇аа, саа вияа хонд̇ийд̇и маад̇игаад̇и д̣̇ассзд̇и. гат̇инуб̣бхааранд̇и жа гат̇инуд̣̇д̇хааранд̇и жа ад̇т̇ад̇о сад̣̇исам̣. зд̇аад̇и зд̇аа бад̣̇аж̇аад̇ияо. д̇аасууд̇и адтасу маад̇игаасу. ассаад̇и гат̇инуб̣бхаарасса.

310.Tatthāti ‘‘kathañca bhikkhave ubbhataṃ hoti kathina’’ntiādipāṭhe. Janettiyo mātaroti yojanā. Iminā dhammena putte mānetīti mātā, dhammena puttehi māniyatīti vā mātā, sā viya hontīti mātikāti dasseti. Kathinubbhāranti ca kathinuddhāranti ca atthato sadisaṃ. Etāti etā padajātiyo. Tāsūti aṭṭhasu mātikāsu. Assāti kathinubbhārassa.

Next: 188. аад̣̇ааяасад̇д̇агагат̇аа • 188. Ādāyasattakakathā

Related texts:

д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 187. гат̇инаануж̇аананаа • 187. Kathinānujānanā

адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / гат̇инаануж̇аананагат̇аа • Kathinānujānanakathā

дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / гат̇инаануж̇аананагат̇ааван̣н̣анаа • Kathinānujānanakathāvaṇṇanā

дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / гат̇инаануж̇аананагат̇ааван̣н̣анаа • Kathinānujānanakathāvaṇṇanā

дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / гат̇инаануж̇аананагат̇ааван̣н̣анаа • Kathinānujānanakathāvaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact