| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
7. гат̇инагканд̇хагам̣
7. Kathinakkhandhakaṃ
гат̇инаануж̇аананагат̇ааван̣н̣анаа
Kathinānujānanakathāvaṇṇanā
306. гат̇инагканд̇хагз сийсавасзнаад̇и бад̇хаанан̇г̇авасзна. ‘‘гат̇инанд̇и бан̃жаанисам̣сз анд̇огаран̣асамад̇т̇ад̇ааяа т̇иранд̇и ад̇т̇о’’д̇и г̇ан̣тибад̣̇зсу вуд̇д̇ам̣. ‘‘со нзсам̣ бхависсад̇ий’’д̇и яуж̇ж̇ад̇ийд̇и ‘‘со д̇умхаага’’нд̇и авад̇ваа ‘‘нзса’’нд̇и важанам̣ яуж̇ж̇ад̇и. яз ад̇т̇ад̇агат̇инаад̇и на гзвалам̣ д̇умхаагамзва, яз ан̃н̃зби ад̇т̇ад̇агат̇инаа, д̇зсамби бхависсад̇ийд̇и ад̇т̇о. анааманд̇зд̇ваа жаран̣анд̇и жаарид̇д̇асигкаабад̣̇з вуд̇д̇анаязна анаабужчид̇ваа гулзсу жаран̣ам̣. мад̇агажийваранд̇и мад̇асса санд̇агам̣ жийварам̣. д̇ад̇руббаад̣̇зна аабхад̇анд̇и вихаарасанд̇агзна кзд̇д̇авад̇т̇уаад̣̇инаа аанийд̇ам̣.
306. Kathinakkhandhake sīsavasenāti padhānaṅgavasena. ‘‘Kathinanti pañcānisaṃse antokaraṇasamatthatāya thiranti attho’’ti gaṇṭhipadesu vuttaṃ. ‘‘So nesaṃ bhavissatī’’ti yujjatīti ‘‘so tumhāka’’nti avatvā ‘‘nesa’’nti vacanaṃ yujjati. Ye atthatakathināti na kevalaṃ tumhākameva, ye aññepi atthatakathinā, tesampi bhavissatīti attho. Anāmantetvā caraṇanti cārittasikkhāpade vuttanayena anāpucchitvā kulesu caraṇaṃ. Matakacīvaranti matassa santakaṃ cīvaraṃ. Tatruppādena ābhatanti vihārasantakena khettavatthuādinā ānītaṃ.
батамабавааран̣ааяа баваарид̇аад̇и ид̣̇ам̣ вассажчзд̣̇ам̣ агад̇ваа вассам̣вуд̇т̇абхаавасанд̣̇ассанад̇т̇ам̣ вуд̇д̇ам̣ анд̇арааязна аббаваарид̇аанамби вуд̇т̇авассаанам̣ гат̇инад̇т̇аарасамбхавад̇о. д̇знзва ‘‘аббаваарид̇аа ваа’’д̇и авад̇ваа ‘‘чиннавассаа ваа бажчимигааяа убаг̇ад̇аа ваа на лабханд̇ий’’д̇и зд̇д̇агамзва вуд̇д̇ам̣. ан̃н̃асмим̣ вихаарз вуд̇т̇авассааби на лабханд̇ийд̇и наанаасиймааяа ан̃н̃асмим̣ вихаарз вуд̇т̇авассаа имасмим̣ вихаарз гат̇инад̇т̇аарам̣ на лабханд̇ийд̇и ад̇т̇о. калимагкид̇асаадагод̇и ахад̇авад̇т̇ам̣ санд̇хааяа вуд̇д̇ам̣. д̣̇аанагаммаваажаад̇и гат̇инад̣̇уссад̣̇аанагаммаваажаа. агаад̇ум̣ на лаб̣бхад̇ийд̇и иминаа анаад̣̇ариязна агаронд̇асса д̣̇уггаданд̇и д̣̇ийбзд̇и. гаммаваажаа бана згааязва ваддад̇ийд̇и гат̇инад̇т̇аарасаадагасса д̣̇аанагаалз вуд̇д̇аа згааязва гаммаваажаа ваддад̇и. буна д̇асса ан̃н̃асмим̣ вад̇т̇з д̣̇ияяамаанз гаммаваажааяа д̣̇аад̇аб̣б̣агижжам̣ над̇т̇и, абалоганамзва аланд̇и ад̇хиббааяо.
Paṭhamapavāraṇāya pavāritāti idaṃ vassacchedaṃ akatvā vassaṃvutthabhāvasandassanatthaṃ vuttaṃ antarāyena appavāritānampi vutthavassānaṃ kathinatthārasambhavato. Teneva ‘‘appavāritā vā’’ti avatvā ‘‘chinnavassā vā pacchimikāya upagatā vā na labhantī’’ti ettakameva vuttaṃ. Aññasmiṃ vihāre vutthavassāpi na labhantīti nānāsīmāya aññasmiṃ vihāre vutthavassā imasmiṃ vihāre kathinatthāraṃ na labhantīti attho. Khalimakkhitasāṭakoti ahatavatthaṃ sandhāya vuttaṃ. Dānakammavācāti kathinadussadānakammavācā. Akātuṃ na labbhatīti iminā anādariyena akarontassa dukkaṭanti dīpeti. Kammavācā pana ekāyeva vaṭṭatīti kathinatthārasāṭakassa dānakāle vuttā ekāyeva kammavācā vaṭṭati. Puna tassa aññasmiṃ vatthe diyyamāne kammavācāya dātabbakiccaṃ natthi, apalokanameva alanti adhippāyo.
308. махаабхуумиганд̇и махаависаяам̣, жад̇увийсад̇иаагаараванд̇ад̇ааяа махаавид̇т̇аариганд̇и вуд̇д̇ам̣ ход̇и. бан̃жаганд̇и бан̃жакан̣д̣ам̣. зса наяо сзсзсуби. батамажимилигаад̇и гат̇инавад̇т̇ад̇о ан̃н̃аа ад̇д̇ано багад̇ижимилигаа. ‘‘гужчижимилигам̣ гад̇ваа сиб̣б̣ид̇амад̇д̇знаад̇и т̇ираж̇ин̣н̣аанам̣ жимилигаанам̣ згад̇о гад̇ваа сиб̣б̣анассзд̇ам̣ ад̇хиважана’’нд̇и г̇ан̣тибад̣̇зсу вуд̇д̇ам̣. махаабажжарияам̣ гурунд̣̇ияан̃жа ‘‘вуд̇д̇аважананид̣̇ассанам̣ б̣яан̃ж̇анз зва бхзд̣̇о, ад̇т̇з над̇т̇ийд̇и д̣̇ассанад̇т̇ам̣ гад̇а’’нд̇и вад̣̇анд̇и. бидтиануваад̇ааробанамад̇д̇знаад̇и д̣̇ийгхад̇о ануваад̇асса ааробанамад̇д̇зна. гужчиануваад̇ааробанамад̇д̇знаад̇и бут̇улад̇о ануваад̇асса ааробанамад̇д̇зна. сааруббам̣ ход̇ийд̇и саман̣асааруббам̣ ход̇и. рад̇д̇иниссаг̇г̇иязнаад̇и рад̇д̇иад̇игганд̇зна.
308.Mahābhūmikanti mahāvisayaṃ, catuvīsatiākāravantatāya mahāvitthārikanti vuttaṃ hoti. Pañcakanti pañcakhaṇḍaṃ. Esa nayo sesesupi. Paṭhamacimilikāti kathinavatthato aññā attano pakaticimilikā. ‘‘Kucchicimilikaṃ katvā sibbitamattenāti thirajiṇṇānaṃ cimilikānaṃ ekato katvā sibbanassetaṃ adhivacana’’nti gaṇṭhipadesu vuttaṃ. Mahāpaccariyaṃ kurundiyañca ‘‘vuttavacananidassanaṃ byañjane eva bhedo, atthe natthīti dassanatthaṃ kata’’nti vadanti. Piṭṭhianuvātāropanamattenāti dīghato anuvātassa āropanamattena. Kucchianuvātāropanamattenāti puthulato anuvātassa āropanamattena. Sāruppaṃ hotīti samaṇasāruppaṃ hoti. Rattinissaggiyenāti rattiatikkantena.
гат̇инаануж̇аананагат̇ааван̣н̣анаа нидтид̇аа.
Kathinānujānanakathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 187. гат̇инаануж̇аананаа • 187. Kathinānujānanā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / гат̇инаануж̇аананагат̇аа • Kathinānujānanakathā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / гат̇инаануж̇аананагат̇ааван̣н̣анаа • Kathinānujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / гат̇инаануж̇аананагат̇ааван̣н̣анаа • Kathinānujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 187. гат̇инаануж̇аананагат̇аа • 187. Kathinānujānanakathā
