| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
7. гат̇инагканд̇хагаван̣н̣анаа
7. Kathinakkhandhakavaṇṇanā
гат̇инаануж̇аананагат̇ааван̣н̣анаа
Kathinānujānanakathāvaṇṇanā
306. ‘‘гат̇инанд̇и бан̃жаанисам̣сз анд̇огаран̣асамад̇т̇ад̇ааяа т̇иранд̇и ад̇т̇о’’д̇и ликид̇ам̣. ‘‘бан̃жа габбанд̇ий’’д̇и авад̇ваа ‘‘габбиссанд̇ий’’д̇и анааг̇ад̇аважанам̣ ‘‘во’’д̇и имасса саамиважанабагкз яуж̇ж̇ад̇и д̇зсам̣ д̇асмим̣ кан̣з анад̇т̇ад̇агат̇инад̇д̇аа. д̣̇вийсу банзд̇зсу ад̇т̇авигаббзсу бажчимо яуд̇д̇о саб̣б̣зсамби д̇зсам̣ баавзяяагаанам̣ саб̣б̣ад̇худ̇ан̇г̇ад̇харад̇д̇аа. ниманд̇анам̣ саад̣̇ияанд̇ассзва хи анааманд̇ажааро бан̃н̃ад̇д̇о, д̇ат̇аа г̇ан̣абхож̇анам̣. асамаад̣̇аанажааро анад̇хидтид̇ад̇ижийварасса над̇т̇и ад̇зжийваригасса яаавад̣̇ад̇т̇ажийваражад̇уд̇т̇аад̣̇ижийвараг̇г̇ахан̣асамбхавад̇о. ид̇арассааби анад̇хидтаанамукзна лаб̣бхад̇и. жийваруббаад̣̇о абам̣сугуулигассзва. ‘‘гат̇инад̇т̇ад̇асиймааяа’’нд̇и убажаарасиймам̣ санд̇хааяа вуд̇д̇ам̣. убажаарасиймадтасса мад̇агажийвараад̣̇ибхааг̇ияад̇ааяа б̣ад̣̇д̇хасиймааяа д̇ад̇руббаад̣̇аабхаавад̇о вин̃н̃зяяамзд̇ам̣ убажаарасиймаавзд̇т̇а ад̇хиббзд̇аад̇и. гат̇инад̇т̇аарам̣ гз лабханд̇ийд̇и гз саад̇хзнд̇ийд̇и ад̇т̇о. бан̃жа ж̇анаа саад̇хзнд̇и. гат̇инад̣̇уссасса хи д̣̇ааяагаа бажчимагодияаа жад̇д̇ааро хонд̇и. зго бадиг̇г̇аахагод̇и. ‘‘д̇ад̇ра жз, бхигкавз, явааяам̣ жад̇уваг̇г̇о бхигкусан̇гхо табзд̇ваа д̇ийн̣и гаммаани убасамбад̣̇ам̣ бавааран̣ам̣ аб̣бхаана’’нд̇и (махаава. 388) жамбзяяагканд̇хагз вуд̇д̇ад̇д̇аа ‘‘на бан̃жаваг̇г̇агаран̣ийяа’’нд̇и г̇ахзд̇аб̣б̣ам̣. ‘‘яасса сан̇гхо гат̇инад̣̇уссам̣ д̣̇зд̇и, д̇ам̣ хад̇т̇абаасз агад̇вааби б̣ахисиймааяа тид̇ассаби д̣̇аад̇ум̣ ваддад̇ий’’д̇и вад̣̇анд̇и, д̇ам̣ хад̇т̇абаасз гад̇ваа зва д̣̇аад̇аб̣б̣ам̣. гасмаа? ‘‘д̇асса гаммаббад̇д̇ад̇д̇аа’’д̇и вуд̇д̇ам̣. ‘‘д̇ад̇руббаад̣̇зна д̇ан̣д̣улаад̣̇инаа вад̇т̇зсу жзд̇аабид̇зсу ад̇т̇ад̇агат̇инаанамзва д̇аани вад̇т̇аани баабун̣анд̇и. вад̇т̇зхи бана д̇ан̣д̣улаад̣̇ийсу жзд̇аабид̇зсу саб̣б̣зсам̣ д̇аани баабун̣анд̇ий’’д̇и вуд̇д̇ам̣. батамабавааран̣ааяа баваарид̇аа лабханд̇ийд̇и ид̣̇ам̣ уггадтагодияаа вуд̇д̇ам̣. анд̇арааязна аббаваарид̇аанамби вуд̇т̇авассаанам̣ гат̇инад̇т̇аарасамбхавад̇о ид̇арз г̇ан̣абуурагз гад̇ваа гат̇инам̣ ад̇т̇арид̇аб̣б̣анд̇и гат̇ам̣ бан̃н̃ааяад̇ийд̇и жз? ‘‘д̣̇виннам̣ буг̇г̇алаанам̣ ад̇т̇ад̇ам̣ ход̇и гат̇инам̣ ад̇т̇аарагасса жа анумод̣̇агасса жаа’’д̇и (бари. 403) бариваарз згаважанагаран̣ад̇о, д̇ад̇т̇зва ‘‘сан̇гхасса ад̇т̇ад̇ам̣ ход̇и гат̇инам̣, г̇ан̣асса буг̇г̇аласса ад̇т̇ад̇ам̣ ход̇и гат̇ина’’нд̇и (бари. 414) важанад̇о жа.
306.‘‘Kathinanti pañcānisaṃse antokaraṇasamatthatāya thiranti attho’’ti likhitaṃ. ‘‘Pañca kappantī’’ti avatvā ‘‘kappissantī’’ti anāgatavacanaṃ ‘‘vo’’ti imassa sāmivacanapakkhe yujjati tesaṃ tasmiṃ khaṇe anatthatakathinattā. Dvīsu panetesu atthavikappesu pacchimo yutto sabbesampi tesaṃ pāveyyakānaṃ sabbadhutaṅgadharattā. Nimantanaṃ sādiyantasseva hi anāmantacāro paññatto, tathā gaṇabhojanaṃ. Asamādānacāro anadhiṭṭhitaticīvarassa natthi atecīvarikassa yāvadatthacīvaracatutthādicīvaraggahaṇasambhavato. Itarassāpi anadhiṭṭhānamukhena labbhati. Cīvaruppādo apaṃsukūlikasseva. ‘‘Kathinatthatasīmāya’’nti upacārasīmaṃ sandhāya vuttaṃ. Upacārasīmaṭṭhassa matakacīvarādibhāgiyatāya baddhasīmāya tatruppādābhāvato viññeyyametaṃ upacārasīmāvettha adhippetāti. Kathinatthāraṃ ke labhantīti ke sādhentīti attho. Pañca janā sādhenti. Kathinadussassa hi dāyakā pacchimakoṭiyā cattāro honti. Eko paṭiggāhakoti. ‘‘Tatra ce, bhikkhave, yvāyaṃ catuvaggo bhikkhusaṅgho ṭhapetvā tīṇi kammāni upasampadaṃ pavāraṇaṃ abbhāna’’nti (mahāva. 388) campeyyakkhandhake vuttattā ‘‘na pañcavaggakaraṇīya’’nti gahetabbaṃ. ‘‘Yassa saṅgho kathinadussaṃ deti, taṃ hatthapāse akatvāpi bahisīmāya ṭhitassapi dātuṃ vaṭṭatī’’ti vadanti, taṃ hatthapāse katvā eva dātabbaṃ. Kasmā? ‘‘Tassa kammappattattā’’ti vuttaṃ. ‘‘Tatruppādena taṇḍulādinā vatthesu cetāpitesu atthatakathinānameva tāni vatthāni pāpuṇanti. Vatthehi pana taṇḍulādīsu cetāpitesu sabbesaṃ tāni pāpuṇantī’’ti vuttaṃ. Paṭhamapavāraṇāya pavāritā labhantīti idaṃ ukkaṭṭhakoṭiyā vuttaṃ. Antarāyena appavāritānampi vutthavassānaṃ kathinatthārasambhavato itare gaṇapūrake katvā kathinaṃ attharitabbanti kathaṃ paññāyatīti ce? ‘‘Dvinnaṃ puggalānaṃ atthataṃ hoti kathinaṃ atthārakassa ca anumodakassa cā’’ti (pari. 403) parivāre ekavacanakaraṇato, tattheva ‘‘saṅghassa atthataṃ hoti kathinaṃ, gaṇassa puggalassa atthataṃ hoti kathina’’nti (pari. 414) vacanato ca.
ан̃н̃асмим̣ вихаарз вуд̇т̇авассааби на лабханд̇ийд̇и ид̣̇ам̣ гим̣ згасиймасмим̣, уд̣̇ааху наанаасиймасминд̇и? гин̃жзд̇т̇а – яад̣̇и д̇аава згасиймасмим̣, барад̇о ‘‘сажз бана згасиймааяа б̣ахуу вихаараа хонд̇и, саб̣б̣з бхигкуу саннибаад̇зд̇ваа згад̇т̇а гат̇инам̣ ад̇т̇арид̇аб̣б̣ам̣, висум̣ висум̣ ад̇т̇арид̇ум̣ на ваддад̇ий’’д̇и иминаа адтагат̇ааважанзна вируж̇жхад̇и. ид̣̇ан̃хи важанам̣ саб̣б̣зсам̣язва зго гат̇инад̇т̇аарод̇и д̣̇ийбзд̇и. ат̇а наанаасиймасмим̣, убананд̣̇асса згаад̇хиббааяад̣̇аанаанумад̇ияаа вируж̇жхад̇и. вуд̇д̇ан̃хзд̇ам̣ ‘‘д̣̇зт̇а, бхигкавз, могхабурисасса згаад̇хиббааяа’’нд̇и (махаава. 364). ид̣̇ан̃хи важанам̣ д̣̇вийсуби ааваасзсу д̇асса гат̇инад̇т̇аарасид̣̇д̇хим̣ д̣̇ийбзд̇ийд̇и. авирод̇хова ижчид̇аб̣б̣о аббадисид̣̇д̇хад̇д̇аа, д̇асмаа згасиймасмим̣ ваа наанаасиймасмим̣ ваа наануубажаарз ан̃н̃асмим̣ вихаарз вуд̇т̇авассааби на лабханд̇ийд̇и ад̇хиббааяо взд̣̇ид̇аб̣б̣о. ‘‘бажчимигааяа убасамбанно батамабавааран̣ааяа баваарзд̇умби лабхад̇и, вассиго жа ход̇и аанисам̣сан̃жа лабхад̇ийд̇и сааман̣зраанам̣ вассуубаг̇аманам̣ анун̃н̃аад̇ам̣ ход̇и, сааман̣зраа гат̇инаанисам̣сам̣ лабханд̇ий’’д̇и вад̣̇анд̇и.
Aññasmiṃvihāre vutthavassāpi na labhantīti idaṃ kiṃ ekasīmasmiṃ, udāhu nānāsīmasminti? Kiñcettha – yadi tāva ekasīmasmiṃ, parato ‘‘sace pana ekasīmāya bahū vihārā honti, sabbe bhikkhū sannipātetvā ekattha kathinaṃ attharitabbaṃ, visuṃ visuṃ attharituṃ na vaṭṭatī’’ti iminā aṭṭhakathāvacanena virujjhati. Idañhi vacanaṃ sabbesaṃyeva eko kathinatthāroti dīpeti. Atha nānāsīmasmiṃ, upanandassa ekādhippāyadānānumatiyā virujjhati. Vuttañhetaṃ ‘‘detha, bhikkhave, moghapurisassa ekādhippāya’’nti (mahāva. 364). Idañhi vacanaṃ dvīsupi āvāsesu tassa kathinatthārasiddhiṃ dīpetīti. Avirodhova icchitabbo appaṭisiddhattā, tasmā ekasīmasmiṃ vā nānāsīmasmiṃ vā nānūpacāre aññasmiṃ vihāre vutthavassāpi na labhantīti adhippāyo veditabbo. ‘‘Pacchimikāya upasampanno paṭhamapavāraṇāya pavāretumpi labhati, vassiko ca hoti ānisaṃsañca labhatīti sāmaṇerānaṃ vassūpagamanaṃ anuññātaṃ hoti, sāmaṇerā kathinānisaṃsaṃ labhantī’’ti vadanti.
д̇ин̣н̣ам̣ жийвараанам̣ ан̃н̃ад̇араббахонаганд̇и ид̣̇ам̣ ‘‘на ан̃н̃ад̇ра сан̇гхаадияаа уд̇д̇араасан̇г̇зна анд̇араваасагзна ад̇т̇ад̇ам̣ ход̇и гат̇ина’’нд̇и имааяа баал̣ияаа вируж̇жханам̣ вияа д̣̇иссад̇и. аяан̃хи баал̣и д̇ин̣н̣ам̣ жийвараанам̣ ан̃н̃ад̇аравирахзнааби на ад̇т̇ад̇ам̣ ход̇и гат̇инанд̇и д̣̇ийбзд̇ийд̇и жз? на, д̇ад̣̇ад̇т̇аж̇аананад̇о, на д̇ин̣н̣ам̣ жийвараанам̣ ан̃н̃ад̇аравирахзна на ад̇т̇ад̇ам̣ ход̇и гат̇инанд̇и хи д̣̇ийбзд̇угаамо бхаг̇аваа д̇ам̣ баал̣имааха. яад̣̇и звам̣ ‘‘ан̃н̃ад̇ра сан̇гхаадияаа уд̇д̇араасан̇г̇зна анд̇араваасагзнаа’’д̇и на вад̇д̇аб̣б̣аа сияаад̇и жз? на, ад̇хиббааяаж̇аананад̇ова. яо сан̇гхаадияаа ад̇т̇арид̇угаамо, д̇асса ан̃н̃ад̇ра сан̇гхаадияаа на ад̇т̇ад̇ам̣ ход̇и. зса наяо ид̇арад̇т̇аабийд̇и аяамзд̇т̇а ад̇хиббааяо. д̇знзва суггабагкз ‘‘сан̇гхаадияаа ад̇т̇ад̇ам̣ ход̇ий’’д̇иаад̣̇инаа наязна згамзва жийварам̣ вуд̇д̇ам̣, звам̣ санд̇з ‘‘жад̇увийсад̇ияаа аагаарзхи анад̇т̇ад̇ам̣ ход̇и гат̇инам̣, сад̇д̇арасахи аагаарзхи ад̇т̇ад̇ам̣ ход̇и гат̇ина’’нд̇и яат̇аарахам̣ уггадтагодияаа вуд̇д̇анд̇и взд̣̇ид̇аб̣б̣ам̣, д̇асмаа ган̣хабагкз улликид̇а…бз… ниссиймадтаанумод̣̇анаанам̣ жад̇увийсад̇ияаа аагаараанам̣ самбхаванд̇аанам̣ саб̣б̣зна саб̣б̣ам̣ абхаавзнаби нимид̇д̇агад̇аад̣̇ийнам̣ асамбхаванд̇аанам̣ ан̃н̃ад̇арабхаавзнаби на ад̇т̇ад̇ам̣ ход̇и гат̇инанд̇и звамад̇хиббааяо взд̣̇ид̇аб̣б̣о. суггабагкзби ахад̇аахад̇агабба…бз… сиймадтаанумод̣̇анаанам̣ сад̇д̇арасаннам̣ аагаараанам̣ самбхаванд̇аанам̣ ан̃н̃ад̇арабхаавзнаби ид̇арзсам̣ саб̣б̣зна саб̣б̣ам̣ абхаавзнаби ад̇т̇ад̇ам̣ ход̇и гат̇инанд̇и звамад̇хиббааяо взд̣̇ид̇аб̣б̣о. ан̃н̃ат̇аа ан̃н̃аман̃н̃авирод̇хо, яат̇аасамбхавам̣ яож̇зд̇ваа взд̣̇ид̇аб̣б̣о.
Tiṇṇaṃ cīvarānaṃ aññatarappahonakanti idaṃ ‘‘na aññatra saṅghāṭiyā uttarāsaṅgena antaravāsakena atthataṃ hoti kathina’’nti imāya pāḷiyā virujjhanaṃ viya dissati. Ayañhi pāḷi tiṇṇaṃ cīvarānaṃ aññataravirahenāpi na atthataṃ hoti kathinanti dīpetīti ce? Na, tadatthajānanato, na tiṇṇaṃ cīvarānaṃ aññataravirahena na atthataṃ hoti kathinanti hi dīpetukāmo bhagavā taṃ pāḷimāha. Yadi evaṃ ‘‘aññatra saṅghāṭiyā uttarāsaṅgena antaravāsakenā’’ti na vattabbā siyāti ce? Na, adhippāyajānanatova. Yo saṅghāṭiyā attharitukāmo, tassa aññatra saṅghāṭiyā na atthataṃ hoti. Esa nayo itaratthāpīti ayamettha adhippāyo. Teneva sukkapakkhe ‘‘saṅghāṭiyā atthataṃ hotī’’tiādinā nayena ekameva cīvaraṃ vuttaṃ, evaṃ sante ‘‘catuvīsatiyā ākārehi anatthataṃ hoti kathinaṃ, sattarasahi ākārehi atthataṃ hoti kathina’’nti yathārahaṃ ukkaṭṭhakoṭiyā vuttanti veditabbaṃ, tasmā kaṇhapakkhe ullikhita…pe… nissīmaṭṭhānumodanānaṃ catuvīsatiyā ākārānaṃ sambhavantānaṃ sabbena sabbaṃ abhāvenapi nimittakatādīnaṃ asambhavantānaṃ aññatarabhāvenapi na atthataṃ hoti kathinanti evamadhippāyo veditabbo. Sukkapakkhepi ahatāhatakappa…pe… sīmaṭṭhānumodanānaṃ sattarasannaṃ ākārānaṃ sambhavantānaṃ aññatarabhāvenapi itaresaṃ sabbena sabbaṃ abhāvenapi atthataṃ hoti kathinanti evamadhippāyo veditabbo. Aññathā aññamaññavirodho, yathāsambhavaṃ yojetvā veditabbo.
д̇ад̇рид̣̇ам̣ мукамад̇д̇анид̣̇ассанам̣ – ган̣хабагкз ‘‘уд̇д̇араасан̇г̇зна ад̇т̇ад̇з гат̇инз на ан̃н̃ад̇ра сан̇гхаадияаа на ан̃н̃ад̇ра анд̇араваасагзна ад̇т̇ад̇ам̣ ход̇и гат̇ина’’нд̇и важанаббамаан̣ад̇о д̇ам̣ гат̇инам̣ анад̇т̇ад̇ам̣ сияаа. суггабагкз жа ‘‘анимид̇д̇агад̇зна ад̇т̇ад̇ам̣ ход̇и гат̇ина’’нд̇и важанаббамаан̣ад̇о анимид̇д̇агад̇зна гат̇инз ад̇т̇ад̇з д̇ан̃жз баригат̇аа гад̇ам̣, д̇ат̇ааби ад̇т̇ад̇амзва гат̇инам̣ ход̇ийд̇и аяам̣ д̣̇увид̇хоби вирод̇хо. яат̇аавуд̇д̇анаязна ад̇хиббааяз г̇ахид̇з барихааро ход̇ийд̇и взд̣̇ид̇аб̣б̣ам̣.
Tatridaṃ mukhamattanidassanaṃ – kaṇhapakkhe ‘‘uttarāsaṅgena atthate kathine na aññatra saṅghāṭiyā na aññatra antaravāsakena atthataṃ hoti kathina’’nti vacanappamāṇato taṃ kathinaṃ anatthataṃ siyā. Sukkapakkhe ca ‘‘animittakatena atthataṃ hoti kathina’’nti vacanappamāṇato animittakatena kathine atthate tañce parikathā kataṃ, tathāpi atthatameva kathinaṃ hotīti ayaṃ duvidhopi virodho. Yathāvuttanayena adhippāye gahite parihāro hotīti veditabbaṃ.
яо аанисам̣сам̣ б̣ахум̣ д̣̇зд̇ийд̇и иминаа бажжаяалолабхаавам̣ вияа д̣̇ийбзд̇и, д̇ат̇ааби бхаг̇авад̇аа яаавад̣̇ад̇т̇ажийварабариязсанабан̃н̃аабанамукзна д̣̇ваарам̣ д̣̇иннанд̇и гад̇ваа сан̇гхаануг̇г̇ахад̇т̇ам̣ ход̇и. ‘‘агаад̇ум̣ на ход̇ийд̇и анаад̣̇ариязна агаронд̇асса д̣̇уггада’’нд̇и ликид̇ам̣. анумод̣̇аамаад̇и зд̇т̇а саб̣б̣асан̇г̇аахигавасзна звам̣ вуд̇д̇ам̣. ‘‘анумод̣̇аамий’’д̇и згагзна вад̇д̇аб̣б̣ам̣, ид̇арат̇аа ‘‘на ваддад̇ий’’д̇и махааадтагат̇ааяам̣ гира вуд̇д̇ам̣. гат̇инажийварам̣ ад̇хидтахид̇ваа ‘‘имааяа сан̇гхаадияаа гат̇инам̣ ад̇т̇араамий’’д̇и ваажааяа бхиннамад̇д̇ааяа буг̇г̇аласса ад̇т̇ад̇ам̣ ход̇и. ‘‘гаммаваажаа бана згааязва ваддад̇ийд̇и гат̇инад̣̇уссасса зва гаммаваажаа, сзсажийварад̣̇аанз абалоганамзваад̇и ад̇т̇о’’д̇и ликид̇ам̣. згасиймааяаад̇и згаубажаарасиймааяаад̇и ад̇т̇о яуж̇ж̇ад̇и. гзжи бана ‘‘б̣ад̣̇д̇хасиймаа ад̇хиббзд̇аа згасиймааяа згадтаанз ад̇т̇арид̇з саб̣б̣ад̇т̇а ад̇т̇арид̇ам̣ ход̇и ‘саб̣б̣з бхигкуу саннибад̇ид̇ваа’д̇и вуд̇д̇ад̇д̇аа, д̇зхиби анумод̣̇анд̇зхи ад̇т̇арид̇амзва ход̇и, убажаарабарижчиннз д̇ад̇т̇а д̇ад̇т̇а лад̣̇д̇хам̣ д̇зхи д̇зхи лад̣̇д̇хаб̣б̣ам̣ ход̇и. д̇ад̇т̇а бавидтзхиби лабхид̇аб̣б̣ам̣ саб̣б̣зхиби ад̇т̇арид̇ад̇д̇аа, аяам̣ висзсо. махааадтагат̇ааяамби звамзва вуд̇д̇а’’нд̇и вад̣̇анд̇и, виймам̣сид̇аб̣б̣ам̣.
Yo ānisaṃsaṃ bahuṃ detīti iminā paccayalolabhāvaṃ viya dīpeti, tathāpi bhagavatā yāvadatthacīvarapariyesanapaññāpanamukhena dvāraṃ dinnanti katvā saṅghānuggahatthaṃ hoti. ‘‘Akātuṃ na hotīti anādariyena akarontassa dukkaṭa’’nti likhitaṃ. Anumodāmāti ettha sabbasaṅgāhikavasena evaṃ vuttaṃ. ‘‘Anumodāmī’’ti ekakena vattabbaṃ, itarathā ‘‘na vaṭṭatī’’ti mahāaṭṭhakathāyaṃ kira vuttaṃ. Kathinacīvaraṃ adhiṭṭhahitvā ‘‘imāya saṅghāṭiyā kathinaṃ attharāmī’’ti vācāya bhinnamattāya puggalassa atthataṃ hoti. ‘‘Kammavācā pana ekāyeva vaṭṭatīti kathinadussassa eva kammavācā, sesacīvaradāne apalokanamevāti attho’’ti likhitaṃ. Ekasīmāyāti ekaupacārasīmāyāti attho yujjati. Keci pana ‘‘baddhasīmā adhippetā ekasīmāya ekaṭṭhāne attharite sabbattha attharitaṃ hoti ‘sabbe bhikkhū sannipatitvā’ti vuttattā, tehipi anumodantehi attharitameva hoti, upacāraparicchinne tattha tattha laddhaṃ tehi tehi laddhabbaṃ hoti. Tattha paviṭṭhehipi labhitabbaṃ sabbehipi attharitattā, ayaṃ viseso. Mahāaṭṭhakathāyampi evameva vutta’’nti vadanti, vīmaṃsitabbaṃ.
308. жад̇увийсад̇и аагаараванд̇ад̇ааяа махаабхуумигам̣. ‘‘д̣̇ийгхасиб̣б̣ид̇анд̇и бажчаагад̇асиб̣б̣анам̣, оваддид̇ваа сиб̣б̣анам̣ ваа’’д̇и ликид̇ам̣. ган̣д̣усам̣ наама буб̣б̣аб̣анд̇ханам̣. батамажимилигаа гхадзд̇ваа табид̇аа ход̇ийд̇и гат̇инад̣̇уссам̣ д̣̇уб̣б̣алам̣ д̣̇исваа д̇ам̣ б̣алавад̇аа ад̇д̇ано багад̇ид̣̇уссзна сад̣̇д̇хим̣ гхадзд̇ваа д̣̇убаддам̣ гад̇ваа сиб̣б̣ид̇угаамзхи гат̇инад̣̇уссад̇о багад̇ид̣̇уссасса маханд̇ад̇ааяа батамам̣ д̇аббамаан̣аануруубам̣ б̣анд̇хаган̣д̣усз гхадзд̇ваа раж̇ж̇угзхи б̣анд̇хид̇ваа гад̇ам̣ ход̇ийд̇и ад̇хиббааяо. гат̇инажийварасса аббад̇ааяа батамам̣ б̣ад̣̇д̇хад̣̇уссам̣ гужчижимилигаа ход̇и, махаабажжарияам̣, гурунд̣̇ияан̃жа вуд̇д̇аважананид̣̇ассанам̣, б̣яан̃ж̇анз зва бхзд̣̇о, ад̇т̇з над̇т̇ийд̇и д̣̇ассанад̇т̇ам̣ гад̇анд̇и взд̣̇ид̇аб̣б̣ам̣. ‘‘иминаа гим̣ д̣̇ийбзд̇ийд̇и жз? д̇ат̇аагад̇ам̣ д̣̇убаддажийварам̣ багад̇ижийварасса маханд̇ад̇ааяа багад̇ижийварасан̇кяамзва г̇ажчад̇и, на гат̇инажийварасан̇кяанд̇и гассажи сияаа, нзвам̣ д̣̇адтаб̣б̣ам̣. звам̣ гужчижимилигабхаавзна тид̇амби гат̇инажийварам̣. маханд̇амби д̇ам̣ багад̇ижийварам̣ ад̇д̇ано гат̇инажийварамзваад̇и. хздтимагодияаа бан̃жагасса ижчид̇аб̣б̣ад̇д̇аа гат̇инад̣̇уссам̣ кан̣д̣аакан̣д̣ам̣ б̣ахуд̇хаа чинд̣̇ид̇ваа сиб̣б̣ид̇угаамо гат̇инажийварад̇о баддам̣ г̇ахзд̇ваа ан̃н̃асмим̣ агат̇инажийварз баддамааробзд̇ий’’д̇и ликид̇ам̣. ат̇а ваа б̣ахууни гат̇инад̣̇уссаани бам̣сугуулаани куд̣̇д̣̇агакуд̣̇д̣̇агаани згажийварад̇т̇ааяа, маханд̇аани жа уунад̇т̇ааяа д̣̇иннаани хонд̇и. гат̇инажийварад̇од̇и бхигку згажжад̇о гат̇инажийварад̇о баддам̣ г̇ахзд̇ваа ан̃н̃асмим̣ ааробзд̇и. зд̇т̇ааха – гим̣ бам̣сугуулаани гат̇инад̣̇уссаани вигаббанубаг̇абажчимаани д̣̇аад̇аб̣б̣аани, уд̣̇ааху куд̣̇д̣̇агаанибийд̇и? зд̇т̇а ажийварасан̇кяад̇д̇аа куд̣̇д̣̇агаани д̣̇аад̇ум̣ на ваддад̇и. гаммаваажаа д̇ад̇т̇а на рухад̇ийд̇и згз. ‘‘бам̣сугуулзна ад̇т̇ад̇ам̣ ход̇ий’’д̇и баал̣ияам̣ наяад̣̇аанад̇о гужчижимилигабхаавзна тид̇асса гат̇инад̣̇уссасса ад̇д̇ано сабхаавзна анад̇хидтаанубаг̇асса бураан̣ажийварабхаавзнзва ад̇хидтаанаарахассаби гат̇инажийварабхааваанумад̇имукзна адтагат̇ааяам̣ бад̣̇аанад̇о жа куд̣̇д̣̇агааниби д̣̇аад̇ум̣ ваддад̇и. д̇ан̃хи гат̇инад̇т̇аараго гхадзд̇ваа гат̇инажийварам̣ гариссад̇ийд̇и гад̇ваа габбад̇ийд̇и згз, яуд̇д̇ад̇арам̣ г̇ахзд̇аб̣б̣ам̣.
308. Catuvīsati ākāravantatāya mahābhūmikaṃ. ‘‘Dīghasibbitanti pacchākatasibbanaṃ, ovaṭṭitvā sibbanaṃ vā’’ti likhitaṃ. Kaṇḍusaṃ nāma pubbabandhanaṃ. Paṭhamacimilikā ghaṭetvā ṭhapitā hotīti kathinadussaṃ dubbalaṃ disvā taṃ balavatā attano pakatidussena saddhiṃ ghaṭetvā dupaṭṭaṃ katvā sibbitukāmehi kathinadussato pakatidussassa mahantatāya paṭhamaṃ tappamāṇānurūpaṃ bandhakaṇḍuse ghaṭetvā rajjukehi bandhitvā kataṃ hotīti adhippāyo. Kathinacīvarassa appatāya paṭhamaṃ baddhadussaṃ kucchicimilikā hoti, mahāpaccariyaṃ, kurundiyañca vuttavacananidassanaṃ, byañjane eva bhedo, atthe natthīti dassanatthaṃ katanti veditabbaṃ. ‘‘Iminā kiṃ dīpetīti ce? Tathākataṃ dupaṭṭacīvaraṃ pakaticīvarassa mahantatāya pakaticīvarasaṅkhyameva gacchati, na kathinacīvarasaṅkhyanti kassaci siyā, nevaṃ daṭṭhabbaṃ. Evaṃ kucchicimilikabhāvena ṭhitampi kathinacīvaraṃ. Mahantampi taṃ pakaticīvaraṃ attano kathinacīvaramevāti. Heṭṭhimakoṭiyā pañcakassa icchitabbattā kathinadussaṃ khaṇḍākhaṇḍaṃ bahudhā chinditvā sibbitukāmo kathinacīvarato paṭṭaṃ gahetvā aññasmiṃ akathinacīvare paṭṭamāropetī’’ti likhitaṃ. Atha vā bahūni kathinadussāni paṃsukūlāni khuddakakhuddakāni ekacīvaratthāya, mahantāni ca ūnatthāya dinnāni honti. Kathinacīvaratoti bhikkhu ekaccato kathinacīvarato paṭṭaṃ gahetvā aññasmiṃ āropeti. Etthāha – kiṃ paṃsukūlāni kathinadussāni vikappanupagapacchimāni dātabbāni, udāhu khuddakānipīti? Ettha acīvarasaṅkhyattā khuddakāni dātuṃ na vaṭṭati. Kammavācā tattha na ruhatīti eke. ‘‘Paṃsukūlena atthataṃ hotī’’ti pāḷiyaṃ nayadānato kucchicimilikabhāvena ṭhitassa kathinadussassa attano sabhāvena anadhiṭṭhānupagassa purāṇacīvarabhāveneva adhiṭṭhānārahassapi kathinacīvarabhāvānumatimukhena aṭṭhakathāyaṃ padānato ca khuddakānipi dātuṃ vaṭṭati. Tañhi kathinatthārako ghaṭetvā kathinacīvaraṃ karissatīti katvā kappatīti eke, yuttataraṃ gahetabbaṃ.
нижаяасаннид̇хи сан̇гхааяад̇д̇аа сан̇гхзна гад̇ад̇д̇аа. рад̇д̇аад̇игганд̇ам̣ ниссаж̇ж̇ид̇аб̣б̣ад̇д̇аа ‘‘ниссаг̇г̇ияа’’нд̇и вужжад̇и. бан̃жа кан̣д̣аани баддаани бамаан̣ам̣ ассаад̇и бан̃жагам̣. д̇зна ваа ад̇ирид̇д̇зна ваад̇и ад̇т̇о. д̇ад̣̇ахзва сан̃чиннзнаад̇и сан̇гхзна гат̇инад̇т̇аарагасса гаммаваажам̣ вад̇ваа д̣̇иннзнзва д̇ад̣̇ахзва сан̃чиннзна саман̣д̣алигад̇зна бхавид̇аб̣б̣ам̣. звам̣ д̣̇иннам̣язва хи бариваарз ‘‘буб̣б̣агаран̣ам̣ сад̇д̇ахи д̇хаммзхи сан̇г̇ахид̇а’’нд̇и вуд̇д̇ам̣, на д̣̇ааяагзна д̣̇ияяамаанам̣, д̇асмаа баринидтид̇абуб̣б̣агаран̣амзва жз д̣̇ааяаго сан̇гхасса д̣̇зд̇и, самбадижчид̇ваа гаммаваажааяа д̣̇аад̇аб̣б̣ам̣. д̇зна жа д̇асмим̣язва сиймааман̣д̣алз ад̇хидтахид̇ваа ад̇т̇арид̇ваа сан̇гхо анумод̣̇аабзд̇аб̣б̣о гад̇абуб̣б̣агаран̣асса буна гад̇д̇аб̣б̣аабхаавад̇о. ад̇т̇аарагасса хад̇т̇аг̇ад̇амзва хи санд̇хааяа ‘‘на улликид̇амад̇д̇знаа’’д̇иаад̣̇и вуд̇д̇ам̣. баринидтид̇абуб̣б̣агаран̣амби буна д̇ховид̇ваа висиб̣б̣ид̇ваа гаад̇аб̣б̣амзва важанабамаан̣ад̇од̇и жз? на, чиннасса буна чзд̣̇аасамбхавад̇о. ан̃н̃асмим̣ таанз чинд̣̇ид̇аб̣б̣амзваад̇и жз? на, баб̣б̣аж̇ж̇аад̇хигаарз ‘‘гзсамассум̣ охаараабзд̇ваа’’д̇и важанаббамаан̣ад̇о мун̣д̣игасса чиннзби гзсз бариязсид̇ваа сирасмим̣ табзд̇ваа буна охаараабзд̇ваа баб̣б̣ааж̇зд̇аб̣б̣аббасан̇г̇ад̇о, на ид̇ха на-гаарзна бадисид̣̇д̇хад̇д̇аад̇и жз? на, ‘‘на ан̃н̃ад̇ра сан̇гхаадияаа’’д̇и на-гаарзна бадисид̣̇д̇хад̇д̇аа уд̇д̇араасан̇г̇зна ад̇т̇ад̇з анад̇т̇ад̇ам̣ ход̇ийд̇и анидтаббасан̇г̇ад̇о, д̇асмаа абхинивзсо на гаад̇аб̣б̣о. ‘‘б̣ахиубажаарасиймааяа тид̇о’’д̇и вуд̇д̇ад̇д̇ааби буб̣б̣з вуд̇д̇авинижчаяова г̇ахзд̇аб̣б̣о.
Nicayasannidhi saṅghāyattā saṅghena katattā. Rattātikkantaṃ nissajjitabbattā ‘‘nissaggiya’’nti vuccati. Pañca khaṇḍāni paṭṭāni pamāṇaṃ assāti pañcakaṃ. Tena vā atirittena vāti attho. Tadaheva sañchinnenāti saṅghena kathinatthārakassa kammavācaṃ vatvā dinneneva tadaheva sañchinnena samaṇḍalikatena bhavitabbaṃ. Evaṃ dinnaṃyeva hi parivāre ‘‘pubbakaraṇaṃ sattahi dhammehi saṅgahita’’nti vuttaṃ, na dāyakena diyyamānaṃ, tasmā pariniṭṭhitapubbakaraṇameva ce dāyako saṅghassa deti, sampaṭicchitvā kammavācāya dātabbaṃ. Tena ca tasmiṃyeva sīmāmaṇḍale adhiṭṭhahitvā attharitvā saṅgho anumodāpetabbo katapubbakaraṇassa puna kattabbābhāvato. Atthārakassa hatthagatameva hi sandhāya ‘‘na ullikhitamattenā’’tiādi vuttaṃ. Pariniṭṭhitapubbakaraṇampi puna dhovitvā visibbitvā kātabbameva vacanapamāṇatoti ce? Na, chinnassa puna chedāsambhavato. Aññasmiṃ ṭhāne chinditabbamevāti ce? Na, pabbajjādhikāre ‘‘kesamassuṃ ohārāpetvā’’ti vacanappamāṇato muṇḍikassa chinnepi kese pariyesitvā sirasmiṃ ṭhapetvā puna ohārāpetvā pabbājetabbappasaṅgato, na idha na-kārena paṭisiddhattāti ce? Na, ‘‘na aññatra saṅghāṭiyā’’ti na-kārena paṭisiddhattā uttarāsaṅgena atthate anatthataṃ hotīti aniṭṭhappasaṅgato, tasmā abhiniveso na kātabbo. ‘‘Bahiupacārasīmāya ṭhito’’ti vuttattāpi pubbe vuttavinicchayova gahetabbo.
309. асаннид̇хигад̇зна ад̇т̇ад̇ам̣ ход̇и гат̇инанд̇и зд̇т̇а гим̣ гат̇инад̇т̇аарамаасзязва д̣̇увид̇хоби саннид̇хи ад̇хиббзд̇о, уд̣̇ааху д̇ад̇о буб̣б̣зби, д̣̇ааяагзна ваа гад̣̇аа д̣̇аад̇аб̣б̣ам̣, гим̣ гат̇инад̇т̇аарамаасзязва, уд̣̇ааху д̇ад̇о буб̣б̣зби, гат̇инад̇т̇аарамаасзби асугасмим̣ д̣̇ивасзязва ад̇т̇аарад̇т̇ааяа д̣̇аммийд̇и д̣̇аад̇ум̣ ваддад̇и на ваддад̇ийд̇и ид̣̇ам̣ вижаарзд̇аб̣б̣ам̣. гат̇инад̇т̇аарамаасз зва д̣̇увид̇хоби саннид̇хи. д̣̇ааяагзнааби вассааваасигам̣ вияа гат̇инажийварам̣ уд̣̇д̣̇исса д̣̇иннам̣ на ваддад̇и. гасмаа? ‘‘гат̇инад̣̇ааяагасса вад̇д̇ам̣ ад̇т̇ий’’д̇иаад̣̇инаа (махаава. адта. 306) наязна адтагат̇ааяам̣ вуд̇д̇ад̇д̇аа. уггадтамад̇д̇амзд̇анд̇и жз? на, ‘‘гат̇инам̣ наама ад̇иуггадтам̣ ваддад̇ий’’д̇и (махаава. адта. 308) вуд̇д̇ад̇д̇аа. на ааг̇аманам̣ санд̇хааяа вуд̇д̇анд̇и жз? на, ид̣̇амби ааг̇аманамзва санд̇хааяа вуд̇д̇ам̣, буб̣б̣з д̣̇иннам̣ на ваддад̇ийд̇и.
309.Asannidhikatena atthataṃ hoti kathinanti ettha kiṃ kathinatthāramāseyeva duvidhopi sannidhi adhippeto, udāhu tato pubbepi, dāyakena vā kadā dātabbaṃ, kiṃ kathinatthāramāseyeva, udāhu tato pubbepi, kathinatthāramāsepi asukasmiṃ divaseyeva atthāratthāya dammīti dātuṃ vaṭṭati na vaṭṭatīti idaṃ vicāretabbaṃ. Kathinatthāramāse eva duvidhopi sannidhi. Dāyakenāpi vassāvāsikaṃ viya kathinacīvaraṃ uddissa dinnaṃ na vaṭṭati. Kasmā? ‘‘Kathinadāyakassa vattaṃ atthī’’tiādinā (mahāva. aṭṭha. 306) nayena aṭṭhakathāyaṃ vuttattā. Ukkaṭṭhamattametanti ce? Na, ‘‘kathinaṃ nāma atiukkaṭṭhaṃ vaṭṭatī’’ti (mahāva. aṭṭha. 308) vuttattā. Na āgamanaṃ sandhāya vuttanti ce? Na, idampi āgamanameva sandhāya vuttaṃ, pubbe dinnaṃ na vaṭṭatīti.
310. гат̇инассаад̇и гат̇инад̇т̇аарасса. уб̣бхаарааяаад̇и вуубасамааяа, аббавад̇д̇ияаад̇и ад̇т̇о. гимад̇т̇ияам̣ уб̣бхааранид̣̇ассананд̇и жз? бан̃жахи анаабад̇д̇игаалабарияанд̇ад̣̇ассанзна д̇зсу сам̣варуббаад̣̇анад̇т̇ам̣. ан̃н̃ат̇аа ‘‘жийварагааласамаяо наама анад̇т̇ад̇з гат̇инз вассаанасса бажчимо маасо, ад̇т̇ад̇з гат̇инз бан̃жа маасаа’’д̇и (баараа. 649) вибхан̇г̇з вуд̇д̇ад̇д̇аа анд̇араабаггамананд̇игаад̣̇иуб̣бхаараабхаавзби бан̃жахи бан̃жасу маасзсу анаабад̇д̇иязваад̇и мижчааг̇аахо сияаа . д̇ад̇о аабад̇д̇икзд̇д̇з анаабад̇д̇икзд̇д̇асан̃н̃ааяа д̇ам̣ д̇ам̣ аабад̇д̇им̣ аабаж̇ж̇ад̇и, ид̇арзсан̃жа бхигкуунам̣ лаабханд̇арааяам̣ гарод̇ийд̇и взд̣̇ид̇аб̣б̣ам̣.
310.Kathinassāti kathinatthārassa. Ubbhārāyāti vūpasamāya, appavattiyāti attho. Kimatthiyaṃ ubbhāranidassananti ce? Pañcahi anāpattikālapariyantadassanena tesu saṃvaruppādanatthaṃ. Aññathā ‘‘cīvarakālasamayo nāma anatthate kathine vassānassa pacchimo māso, atthate kathine pañca māsā’’ti (pārā. 649) vibhaṅge vuttattā antarāpakkamanantikādiubbhārābhāvepi pañcahi pañcasu māsesu anāpattiyevāti micchāgāho siyā . Tato āpattikhette anāpattikhettasaññāya taṃ taṃ āpattiṃ āpajjati, itaresañca bhikkhūnaṃ lābhantarāyaṃ karotīti veditabbaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 187. гат̇инаануж̇аананаа • 187. Kathinānujānanā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / гат̇инаануж̇аананагат̇аа • Kathinānujānanakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / гат̇инаануж̇аананагат̇ааван̣н̣анаа • Kathinānujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / гат̇инаануж̇аананагат̇ааван̣н̣анаа • Kathinānujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 187. гат̇инаануж̇аананагат̇аа • 187. Kathinānujānanakathā
