| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
7. гат̇инагканд̇хаго
7. Kathinakkhandhako
гат̇инаануж̇аананагат̇ааван̣н̣анаа
Kathinānujānanakathāvaṇṇanā
306. гат̇инагканд̇хагз сийсавасзнаад̇и бад̇хаанавасзна. гат̇инанд̇и бан̃жаанисам̣сз анд̇огаран̣асамад̇т̇ад̇ааяа т̇иранд̇и ад̇т̇о. со нзсам̣ бхависсад̇ийд̇и яуж̇ж̇ад̇ийд̇и ‘‘со д̇умхаага’’нд̇и авад̇ваа ‘‘нзса’’нд̇и важанам̣ яуж̇ж̇ад̇и. яз ад̇т̇ад̇агат̇инаад̇и на гзвалам̣ д̇умхаагамзва, яз ан̃н̃зби ад̇т̇ад̇агат̇инаа, д̇зсам̣ бхависсад̇ийд̇и ад̇т̇о. ат̇а ваа вод̇и д̇ад̣̇аа саммукийбхууд̇зхи сад̣̇д̇хим̣ асаммукийбхууд̇з жа анааг̇ад̇з жа бхигкуу саб̣б̣з згад̇о самбин̣д̣зд̇ваа вуд̇д̇ам̣, д̇умхааганд̇и ад̇т̇о. со нзсанд̇и зд̇т̇а со д̇зсанд̇и яож̇зд̇аб̣б̣ам̣. д̇знааха ‘‘ад̇т̇ад̇агат̇инаанам̣ во, бхигкавз, имаани бан̃жа габбиссанд̇ий’’д̇и. мад̇агажийваранд̇и мад̇асса жийварам̣. ‘‘вуд̇т̇авассавасзнаа’’д̇и ид̣̇ам̣ бажчимавассам̣вуд̇т̇аанамби саад̇хааран̣анд̇и ааха ‘‘буримигааяа вассам̣ убаг̇анд̇ваа батамабавааран̣ааяа баваарид̇аа лабханд̇ий’’д̇и. убаг̇ад̇аа ваа на лабханд̇ийд̇и бажчимигааяа вуд̇т̇авассзби санд̇хааяа вуд̇д̇ам̣.
306. Kathinakkhandhake sīsavasenāti padhānavasena. Kathinanti pañcānisaṃse antokaraṇasamatthatāya thiranti attho. So nesaṃ bhavissatīti yujjatīti ‘‘so tumhāka’’nti avatvā ‘‘nesa’’nti vacanaṃ yujjati. Ye atthatakathināti na kevalaṃ tumhākameva, ye aññepi atthatakathinā, tesaṃ bhavissatīti attho. Atha vā voti tadā sammukhībhūtehi saddhiṃ asammukhībhūte ca anāgate ca bhikkhū sabbe ekato sampiṇḍetvā vuttaṃ, tumhākanti attho. So nesanti ettha so tesanti yojetabbaṃ. Tenāha ‘‘atthatakathinānaṃ vo, bhikkhave, imāni pañca kappissantī’’ti. Matakacīvaranti matassa cīvaraṃ. ‘‘Vutthavassavasenā’’ti idaṃ pacchimavassaṃvutthānampi sādhāraṇanti āha ‘‘purimikāya vassaṃ upagantvā paṭhamapavāraṇāya pavāritā labhantī’’ti. Upagatā vā na labhantīti pacchimikāya vutthavassepi sandhāya vuttaṃ.
калимагкид̇асаадагод̇и ахад̇авад̇т̇ам̣ санд̇хааяа вуд̇д̇ам̣. ‘‘агаад̇ум̣ на лаб̣бхад̇ий’’д̇и иминаа анаад̣̇арияз сад̇и д̣̇уггаданд̇и д̣̇ийбзд̇и.
Khalimakkhitasāṭakoti ahatavatthaṃ sandhāya vuttaṃ. ‘‘Akātuṃ na labbhatī’’ti iminā anādariye sati dukkaṭanti dīpeti.
‘‘абалогзд̇ваа’’д̇и ид̣̇ам̣ ан̃н̃зсам̣ вассам̣вуд̇т̇абхигкуунам̣ ад̣̇ад̇ваа д̣̇аад̇угаамзхи гад̇д̇аб̣б̣авид̇хид̣̇ассанам̣. яад̣̇и звам̣ гаммаваажааяа зва д̣̇аанам̣ авуд̇д̇анд̇и ааха ‘‘гаммаваажаа банаа’’д̇иаад̣̇и. гат̇инажийварам̣ вияа гаммаваажааяа д̣̇аад̇ум̣ на ваддад̇ийд̇и абалогзд̇ваава д̣̇аад̇аб̣б̣анд̇и ад̇хиббааяо.
‘‘Apaloketvā’’ti idaṃ aññesaṃ vassaṃvutthabhikkhūnaṃ adatvā dātukāmehi kattabbavidhidassanaṃ. Yadi evaṃ kammavācāya eva dānaṃ avuttanti āha ‘‘kammavācā panā’’tiādi. Kathinacīvaraṃ viya kammavācāya dātuṃ na vaṭṭatīti apaloketvāva dātabbanti adhippāyo.
308. махаабхуумиганд̇и махаависаяам̣, жад̇увийсад̇иаагаараванд̇ад̇ааяа махаавид̇т̇аариганд̇и вуд̇д̇ам̣ ход̇и. бан̃жаганд̇и бан̃жакан̣д̣ам̣. зсзва наяо сзсзсуби. батамажимилигаад̇и гат̇инавад̇т̇ад̇о ан̃н̃аа ад̇д̇ано багад̇ижимилигаа. гужчижимилигам̣ гад̇ваа сиб̣б̣ид̇амад̇д̇знаад̇и т̇ираж̇ин̣н̣аанам̣ жимилигаанам̣ згад̇о гад̇ваа сиб̣б̣анассзд̇ам̣ ад̇хиважананд̇и вад̣̇анд̇и. махаабажжарияам̣, гурунд̣̇ияан̃жа вуд̇д̇аважананд̇и д̣̇ассанам̣, б̣яан̃ж̇анад̇о зва бхзд̣̇о, на ад̇т̇ад̇од̇и д̣̇ассанад̇т̇ам̣ гад̇анд̇иби вад̣̇анд̇и. бидтиануваад̇ааробанамад̇д̇знаад̇и д̣̇ийгхад̇о ануваад̇асса ааробанамад̇д̇зна. гужчиануваад̇ааробанамад̇д̇знаад̇и бут̇улад̇о ануваад̇асса ааробанамад̇д̇зна. рад̇д̇иниссаг̇г̇иязнаад̇и рад̇д̇иад̇игганд̇зна.
308.Mahābhūmikanti mahāvisayaṃ, catuvīsatiākāravantatāya mahāvitthārikanti vuttaṃ hoti. Pañcakanti pañcakhaṇḍaṃ. Eseva nayo sesesupi. Paṭhamacimilikāti kathinavatthato aññā attano pakaticimilikā. Kucchicimilikaṃ katvā sibbitamattenāti thirajiṇṇānaṃ cimilikānaṃ ekato katvā sibbanassetaṃ adhivacananti vadanti. Mahāpaccariyaṃ, kurundiyañca vuttavacananti dassanaṃ, byañjanato eva bhedo, na atthatoti dassanatthaṃ katantipi vadanti. Piṭṭhianuvātāropanamattenāti dīghato anuvātassa āropanamattena. Kucchianuvātāropanamattenāti puthulato anuvātassa āropanamattena. Rattinissaggiyenāti rattiatikkantena.
309. хад̇авад̇т̇агасаадагзнаад̇и ад̇иж̇ин̣н̣асаадаго. на хи д̇знаад̇иаад̣̇ийсу д̇зна бариваарааг̇ад̇абаатзна ид̇ха аанзд̇ваа авужжамаанзна гат̇инад̇т̇аарагасса ж̇аанид̇аб̣б̣зсу на гин̃жи барихааяад̇и, д̇асса саб̣б̣асса ид̇хзва вуд̇д̇ад̇д̇аад̇и ад̇хиббааяо.
309.Hatavatthakasāṭakenāti atijiṇṇasāṭako. Na hi tenātiādīsu tena parivārāgatapāṭhena idha ānetvā avuccamānena kathinatthārakassa jānitabbesu na kiñci parihāyati, tassa sabbassa idheva vuttattāti adhippāyo.
310. маад̇аа вияаад̇и маад̇игаа, ивад̇т̇з га-бажжаяо д̣̇адтаб̣б̣о. д̇зна сид̣̇д̇хамад̇т̇ам̣ д̣̇ассзнд̇о ааха ‘‘маад̇игаад̇и маад̇аро’’д̇иаад̣̇и. ассаад̇и зд̇иссаа маад̇игааяа. баггамананд̇иго гат̇инуб̣бхааро зва хи саяам̣ ад̇д̇ано уббаж̇ж̇ад̇ийд̇и звамабхзд̣̇уубажаарзна ‘‘маад̇игаа’’д̇и вуд̇д̇о уб̣бхаарассзва баггамананд̇з самуббад̇д̇ид̇о, д̇аб̣б̣инимуд̇д̇ааяа жа маад̇игааяа абхааваа, д̇аббагаасигааби жзд̇т̇а баал̣и ‘‘маад̇игаа’’д̇и вад̇д̇ум̣ яуж̇ж̇ад̇и. сааби хи баггамананд̇игуб̣бхаараббагаасанзна ‘‘баггамананд̇игаа’’д̇и вуд̇д̇аа. зсзва наяо сзсуб̣бхаарзсуби. баггамананд̇и жзд̇т̇а убажаарасиймаад̇иггаманам̣ д̣̇адтаб̣б̣ам̣.
310. Mātā viyāti mātikā, ivatthe ka-paccayo daṭṭhabbo. Tena siddhamatthaṃ dassento āha ‘‘mātikāti mātaro’’tiādi. Assāti etissā mātikāya. Pakkamanantiko kathinubbhāro eva hi sayaṃ attano uppajjatīti evamabhedūpacārena ‘‘mātikā’’ti vutto ubbhārasseva pakkamanante samuppattito, tabbinimuttāya ca mātikāya abhāvā, tappakāsikāpi cettha pāḷi ‘‘mātikā’’ti vattuṃ yujjati. Sāpi hi pakkamanantikubbhārappakāsanena ‘‘pakkamanantikā’’ti vuttā. Eseva nayo sesubbhāresupi. Pakkamananti cettha upacārasīmātikkamanaṃ daṭṭhabbaṃ.
гат̇инаануж̇аананагат̇ааван̣н̣анаа нидтид̇аа.
Kathinānujānanakathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 187. гат̇инаануж̇аананаа • 187. Kathinānujānanā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / гат̇инаануж̇аананагат̇аа • Kathinānujānanakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / гат̇инаануж̇аананагат̇ааван̣н̣анаа • Kathinānujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / гат̇инаануж̇аананагат̇ааван̣н̣анаа • Kathinānujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 187. гат̇инаануж̇аананагат̇аа • 187. Kathinānujānanakathā
