| Library / Tipiṭaka / д̇ибидага • Tipiṭaka / бариваара-адтагат̇аа • Parivāra-aṭṭhakathā |
гат̇инасамудтаанаван̣н̣анаа
Kathinasamuṭṭhānavaṇṇanā
262. уб̣бхад̇ам̣ гат̇инам̣ д̇ийн̣ийд̇и ‘‘нидтид̇ажийварасмим̣ бхигкунаа уб̣бхад̇асмим̣ гат̇инз’’д̇и вуд̇д̇аани аад̣̇ид̇ова д̇ийн̣и сигкаабад̣̇аани. батамам̣ бад̇д̇абхзсаж̇ж̇анд̇и ‘‘д̣̇асаахабарамам̣ ад̇ирзгабад̇д̇о’’д̇и вуд̇д̇ам̣ батамабад̇д̇асигкаабад̣̇ан̃жа ‘‘бадисааяанийяаани бхзсаж̇ж̇ааний’’д̇и вуд̇д̇асигкаабад̣̇ан̃жа. ажжзган̃жааби саасан̇ганд̇и ажжзгажийварасигкаабад̣̇ан̃жа д̇ад̣̇ананд̇арамзва саасан̇гасигкаабад̣̇ан̃жа. баггаманд̇зна ваа д̣̇увзд̇и ‘‘д̇ам̣ баггаманд̇о нзва уд̣̇д̇харзяяаа’’д̇и бхууд̇аг̇аамаваг̇г̇з вуд̇д̇асигкаабад̣̇ад̣̇ваяам̣.
262.Ubbhataṃkathinaṃ tīṇīti ‘‘niṭṭhitacīvarasmiṃ bhikkhunā ubbhatasmiṃ kathine’’ti vuttāni āditova tīṇi sikkhāpadāni. Paṭhamaṃ pattabhesajjanti ‘‘dasāhaparamaṃ atirekapatto’’ti vuttaṃ paṭhamapattasikkhāpadañca ‘‘paṭisāyanīyāni bhesajjānī’’ti vuttasikkhāpadañca. Accekañcāpi sāsaṅkanti accekacīvarasikkhāpadañca tadanantarameva sāsaṅkasikkhāpadañca. Pakkamantena vā duveti ‘‘taṃ pakkamanto neva uddhareyyā’’ti bhūtagāmavagge vuttasikkhāpadadvayaṃ.
убассаяам̣ барамбараад̇и ‘‘бхигкунубассаяам̣ г̇анд̇ваа бхигкунияо овад̣̇зяяаа’’д̇и жа ‘‘барамбарабхож̇анз баажид̇д̇ияа’’нд̇и жа вуд̇д̇асигкаабад̣̇ад̣̇ваяам̣. анад̇ирид̇д̇ам̣ ниманд̇анаад̇и ‘‘анад̇ирид̇д̇ам̣ каад̣̇анийяам̣ ваа бхож̇анийяам̣ ваа’’д̇и жа ‘‘ниманд̇ид̇о сабхад̇д̇о самаано’’д̇и жа вуд̇д̇асигкаабад̣̇ад̣̇ваяам̣. вигаббам̣ ран̃н̃о вигаалзд̇и ‘‘саамам̣ жийварам̣ вигаббзд̇ваа’’д̇и жа ‘‘ран̃н̃о кад̇д̇ияассаа’’д̇и жа ‘‘вигаалз г̇аамам̣ бависзяяаа’’д̇и жа вуд̇д̇асигкаабад̣̇ад̇д̇аяам̣. восаасааран̃н̃агзна жаад̇и ‘‘восаасамаанаруубаа тид̇аа’’д̇и жа ‘‘д̇ат̇ааруубзсу ааран̃н̃агзсу сзнаасанзсу буб̣б̣з аббадисам̣вид̣̇ид̇а’’нд̇и жа вуд̇д̇асигкаабад̣̇ад̣̇ваяам̣.
Upassayaṃ paramparāti ‘‘bhikkhunupassayaṃ gantvā bhikkhuniyo ovadeyyā’’ti ca ‘‘paramparabhojane pācittiya’’nti ca vuttasikkhāpadadvayaṃ. Anatirittaṃ nimantanāti ‘‘anatirittaṃ khādanīyaṃ vā bhojanīyaṃ vā’’ti ca ‘‘nimantito sabhatto samāno’’ti ca vuttasikkhāpadadvayaṃ. Vikappaṃ rañño vikāleti ‘‘sāmaṃ cīvaraṃ vikappetvā’’ti ca ‘‘rañño khattiyassā’’ti ca ‘‘vikāle gāmaṃ paviseyyā’’ti ca vuttasikkhāpadattayaṃ. Vosāsāraññakena cāti ‘‘vosāsamānarūpā ṭhitā’’ti ca ‘‘tathārūpesu āraññakesu senāsanesu pubbe appaṭisaṃvidita’’nti ca vuttasikkhāpadadvayaṃ.
уссаяаа саннижаяан̃жаад̇и ‘‘уссаяаваад̣̇игаа’’д̇и жа ‘‘бад̇д̇асаннижаяам̣ гарзяяаа’’д̇и жа вуд̇д̇асигкаабад̣̇ад̣̇ваяам̣. бурз бажчаа вигаалз жаад̇и ‘‘яаа бана бхигкуний бурзбхад̇д̇ам̣ гулаани убасан̇гамид̇ваа’’д̇и жа, ‘‘бажчаабхад̇д̇ам̣ гулаани убасан̇гамид̇ваа’’д̇и жа, ‘‘вигаалз гулаани убасан̇гамид̇ваа’’д̇и жа вуд̇д̇асигкаабад̣̇ад̇д̇аяам̣. бан̃жаахигаа сан̇гаманийд̇и ‘‘бан̃жаахигаа сан̇гхаадижаарам̣ ад̇иггамзяяаа’’д̇и жа ‘‘жийварасан̇гаманийяам̣ д̇хаарзяяаа’’д̇и жа вуд̇д̇асигкаабад̣̇ад̣̇ваяам̣. д̣̇взби аавасат̇зна жаад̇и ‘‘аавасат̇ажийварам̣ аниссаж̇ж̇ид̇ваа барибхун̃ж̇зяяа, аавасат̇ам̣ аниссаж̇ж̇ид̇ваа жааригам̣ баггамзяяаа’’д̇и жа звам̣ аавасат̇зна сад̣̇д̇хим̣ вуд̇д̇асигкаабад̣̇аани жа д̣̇вз.
Ussayā sannicayañcāti ‘‘ussayavādikā’’ti ca ‘‘pattasannicayaṃ kareyyā’’ti ca vuttasikkhāpadadvayaṃ. Pure pacchā vikāle cāti ‘‘yā pana bhikkhunī purebhattaṃ kulāni upasaṅkamitvā’’ti ca, ‘‘pacchābhattaṃ kulāni upasaṅkamitvā’’ti ca, ‘‘vikāle kulāni upasaṅkamitvā’’ti ca vuttasikkhāpadattayaṃ. Pañcāhikā saṅkamanīti ‘‘pañcāhikā saṅghāṭicāraṃ atikkameyyā’’ti ca ‘‘cīvarasaṅkamanīyaṃ dhāreyyā’’ti ca vuttasikkhāpadadvayaṃ. Dvepi āvasathena cāti ‘‘āvasathacīvaraṃ anissajjitvā paribhuñjeyya, āvasathaṃ anissajjitvā cārikaṃ pakkameyyā’’ti ca evaṃ āvasathena saddhiṃ vuttasikkhāpadāni ca dve.
басаакз аасанз жзваад̇и ‘‘басаакз ж̇аад̇ам̣ г̇ан̣д̣ам̣ ваа’’д̇и жа ‘‘бхигкусса бурад̇о анаабужчаа аасанз нисийд̣̇зяяаа’’д̇и жа вуд̇д̇асигкаабад̣̇ад̣̇ваяам̣.
Pasākhe āsane cevāti ‘‘pasākhe jātaṃ gaṇḍaṃ vā’’ti ca ‘‘bhikkhussa purato anāpucchā āsane nisīdeyyā’’ti ca vuttasikkhāpadadvayaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бариваарабаал̣и • Parivārapāḷi / 5. гат̇инасамудтаанам̣ • 5. Kathinasamuṭṭhānaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / гат̇инасамудтаанаван̣н̣анаа • Kathinasamuṭṭhānavaṇṇanā
