| Library / Tipiṭaka / ཏིཔིཊཀ • Tipiṭaka / པརིཝཱར-ཨཊྛཀཐཱ • Parivāra-aṭṭhakathā |
ཀཐིནསམུཊྛཱནཝཎྞནཱ
Kathinasamuṭṭhānavaṇṇanā
༢༦༢. ཨུབྦྷཏཾ ཀཐིནཾ ཏཱིཎཱིཏི ‘‘ནིཊྛིཏཙཱིཝརསྨིཾ བྷིཀྑུནཱ ཨུབྦྷཏསྨིཾ ཀཐིནེ’’ཏི ཝུཏྟཱནི ཨཱདིཏོཝ ཏཱིཎི སིཀྑཱཔདཱནི། པཋམཾ པཏྟབྷེསཛྫནྟི ‘‘དསཱཧཔརམཾ ཨཏིརེཀཔཏྟོ’’ཏི ཝུཏྟཾ པཋམཔཏྟསིཀྑཱཔདཉྩ ‘‘པཊིསཱཡནཱིཡཱནི བྷེསཛྫཱནཱི’’ཏི ཝུཏྟསིཀྑཱཔདཉྩ། ཨཙྩེཀཉྩཱཔི སཱསངྐནྟི ཨཙྩེཀཙཱིཝརསིཀྑཱཔདཉྩ ཏདནནྟརམེཝ སཱསངྐསིཀྑཱཔདཉྩ། པཀྐམནྟེན ཝཱ དུཝེཏི ‘‘ཏཾ པཀྐམནྟོ ནེཝ ཨུདྡྷརེཡྻཱ’’ཏི བྷཱུཏགཱམཝགྒེ ཝུཏྟསིཀྑཱཔདདྭཡཾ།
262.Ubbhataṃkathinaṃ tīṇīti ‘‘niṭṭhitacīvarasmiṃ bhikkhunā ubbhatasmiṃ kathine’’ti vuttāni āditova tīṇi sikkhāpadāni. Paṭhamaṃ pattabhesajjanti ‘‘dasāhaparamaṃ atirekapatto’’ti vuttaṃ paṭhamapattasikkhāpadañca ‘‘paṭisāyanīyāni bhesajjānī’’ti vuttasikkhāpadañca. Accekañcāpi sāsaṅkanti accekacīvarasikkhāpadañca tadanantarameva sāsaṅkasikkhāpadañca. Pakkamantena vā duveti ‘‘taṃ pakkamanto neva uddhareyyā’’ti bhūtagāmavagge vuttasikkhāpadadvayaṃ.
ཨུཔསྶཡཾ པརམྤརཱཏི ‘‘བྷིཀྑུནུཔསྶཡཾ གནྟྭཱ བྷིཀྑུནིཡོ ཨོཝདེཡྻཱ’’ཏི ཙ ‘‘པརམྤརབྷོཛནེ པཱཙིཏྟིཡ’’ནྟི ཙ ཝུཏྟསིཀྑཱཔདདྭཡཾ། ཨནཏིརིཏྟཾ ནིམནྟནཱཏི ‘‘ཨནཏིརིཏྟཾ ཁཱདནཱིཡཾ ཝཱ བྷོཛནཱིཡཾ ཝཱ’’ཏི ཙ ‘‘ནིམནྟིཏོ སབྷཏྟོ སམཱནོ’’ཏི ཙ ཝུཏྟསིཀྑཱཔདདྭཡཾ། ཝིཀཔྤཾ རཉྙོ ཝིཀཱལེཏི ‘‘སཱམཾ ཙཱིཝརཾ ཝིཀཔྤེཏྭཱ’’ཏི ཙ ‘‘རཉྙོ ཁཏྟིཡསྶཱ’’ཏི ཙ ‘‘ཝིཀཱལེ གཱམཾ པཝིསེཡྻཱ’’ཏི ཙ ཝུཏྟསིཀྑཱཔདཏྟཡཾ། ཝོསཱསཱརཉྙཀེན ཙཱཏི ‘‘ཝོསཱསམཱནརཱུཔཱ ཋིཏཱ’’ཏི ཙ ‘‘ཏཐཱརཱུཔེསུ ཨཱརཉྙཀེསུ སེནཱསནེསུ པུབྦེ ཨཔྤཊིསཾཝིདིཏ’’ནྟི ཙ ཝུཏྟསིཀྑཱཔདདྭཡཾ།
Upassayaṃ paramparāti ‘‘bhikkhunupassayaṃ gantvā bhikkhuniyo ovadeyyā’’ti ca ‘‘paramparabhojane pācittiya’’nti ca vuttasikkhāpadadvayaṃ. Anatirittaṃ nimantanāti ‘‘anatirittaṃ khādanīyaṃ vā bhojanīyaṃ vā’’ti ca ‘‘nimantito sabhatto samāno’’ti ca vuttasikkhāpadadvayaṃ. Vikappaṃ rañño vikāleti ‘‘sāmaṃ cīvaraṃ vikappetvā’’ti ca ‘‘rañño khattiyassā’’ti ca ‘‘vikāle gāmaṃ paviseyyā’’ti ca vuttasikkhāpadattayaṃ. Vosāsāraññakena cāti ‘‘vosāsamānarūpā ṭhitā’’ti ca ‘‘tathārūpesu āraññakesu senāsanesu pubbe appaṭisaṃvidita’’nti ca vuttasikkhāpadadvayaṃ.
ཨུསྶཡཱ སནྣིཙཡཉྩཱཏི ‘‘ཨུསྶཡཝཱདིཀཱ’’ཏི ཙ ‘‘པཏྟསནྣིཙཡཾ ཀརེཡྻཱ’’ཏི ཙ ཝུཏྟསིཀྑཱཔདདྭཡཾ། པུརེ པཙྪཱ ཝིཀཱལེ ཙཱཏི ‘‘ཡཱ པན བྷིཀྑུནཱི པུརེབྷཏྟཾ ཀུལཱནི ཨུཔསངྐམིཏྭཱ’’ཏི ཙ, ‘‘པཙྪཱབྷཏྟཾ ཀུལཱནི ཨུཔསངྐམིཏྭཱ’’ཏི ཙ, ‘‘ཝིཀཱལེ ཀུལཱནི ཨུཔསངྐམིཏྭཱ’’ཏི ཙ ཝུཏྟསིཀྑཱཔདཏྟཡཾ། པཉྩཱཧིཀཱ སངྐམནཱིཏི ‘‘པཉྩཱཧིཀཱ སངྒྷཱཊིཙཱརཾ ཨཏིཀྐམེཡྻཱ’’ཏི ཙ ‘‘ཙཱིཝརསངྐམནཱིཡཾ དྷཱརེཡྻཱ’’ཏི ཙ ཝུཏྟསིཀྑཱཔདདྭཡཾ། དྭེཔི ཨཱཝསཐེན ཙཱཏི ‘‘ཨཱཝསཐཙཱིཝརཾ ཨནིསྶཛྫིཏྭཱ པརིབྷུཉྫེཡྻ, ཨཱཝསཐཾ ཨནིསྶཛྫིཏྭཱ ཙཱརིཀཾ པཀྐམེཡྻཱ’’ཏི ཙ ཨེཝཾ ཨཱཝསཐེན སདྡྷིཾ ཝུཏྟསིཀྑཱཔདཱནི ཙ དྭེ།
Ussayā sannicayañcāti ‘‘ussayavādikā’’ti ca ‘‘pattasannicayaṃ kareyyā’’ti ca vuttasikkhāpadadvayaṃ. Pure pacchā vikāle cāti ‘‘yā pana bhikkhunī purebhattaṃ kulāni upasaṅkamitvā’’ti ca, ‘‘pacchābhattaṃ kulāni upasaṅkamitvā’’ti ca, ‘‘vikāle kulāni upasaṅkamitvā’’ti ca vuttasikkhāpadattayaṃ. Pañcāhikā saṅkamanīti ‘‘pañcāhikā saṅghāṭicāraṃ atikkameyyā’’ti ca ‘‘cīvarasaṅkamanīyaṃ dhāreyyā’’ti ca vuttasikkhāpadadvayaṃ. Dvepi āvasathena cāti ‘‘āvasathacīvaraṃ anissajjitvā paribhuñjeyya, āvasathaṃ anissajjitvā cārikaṃ pakkameyyā’’ti ca evaṃ āvasathena saddhiṃ vuttasikkhāpadāni ca dve.
པསཱཁེ ཨཱསནེ ཙེཝཱཏི ‘‘པསཱཁེ ཛཱཏཾ གཎྜཾ ཝཱ’’ཏི ཙ ‘‘བྷིཀྑུསྶ པུརཏོ ཨནཱཔུཙྪཱ ཨཱསནེ ནིསཱིདེཡྻཱ’’ཏི ཙ ཝུཏྟསིཀྑཱཔདདྭཡཾ།
Pasākhe āsane cevāti ‘‘pasākhe jātaṃ gaṇḍaṃ vā’’ti ca ‘‘bhikkhussa purato anāpucchā āsane nisīdeyyā’’ti ca vuttasikkhāpadadvayaṃ.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / པརིཝཱརཔཱལི༹ • Parivārapāḷi / ༥. ཀཐིནསམུཊྛཱནཾ • 5. Kathinasamuṭṭhānaṃ
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi / ཀཐིནསམུཊྛཱནཝཎྞནཱ • Kathinasamuṭṭhānavaṇṇanā
