| Library / Tipiṭaka / д̇ибидага • Tipiṭaka / ган̇каавид̇аран̣ий-абхинава-дийгаа • Kaṅkhāvitaraṇī-abhinava-ṭīkā |
ниссаг̇г̇ияаган̣д̣ам̣
Nissaggiyakaṇḍaṃ
1. жийвараваг̇г̇о
1. Cīvaravaggo
1. гат̇инасигкаабад̣̇аван̣н̣анаа
1. Kathinasikkhāpadavaṇṇanā
нидтид̇ажийварасминд̇и (баараа. адта. 2.462-463) нидтид̇ан̃жа д̇ам̣ жийваран̃жаад̇и нидтид̇ажийварам̣, нидтид̇з аанисам̣самуулагз жийварз, бажжаасаажийварз жаад̇и ад̇т̇о. яасмаа бана д̇ам̣ жийварам̣ гаран̣знаби нидтид̇ам̣ ход̇и наасанаад̣̇ийхиби, д̇асмаа ‘‘суужигаммабарияосаанзна ваа’’д̇иаад̣̇и вуд̇д̇ам̣. д̇ад̇т̇а яам̣ гин̃жи суужияаа гад̇д̇аб̣б̣ам̣ баасагабаддаг̇ан̣тигабаддабарияосаанагаммам̣, д̇ам̣ суужигаммабарияосаанам̣ наама, д̇зна. надтанд̇и жораад̣̇ийхи хадам̣. зд̇амби хи гаран̣абалиб̣од̇хасса нидтид̇ад̇д̇аа ‘‘нидтид̇а’’нд̇и вужжад̇и. винадтанд̇и убажигаад̣̇ийхи каад̣̇ид̇ам̣. д̣̇ад̣дханд̇и аг̇г̇инаа д̣̇ад̣дхам̣. жийвараасаа ваа убажчиннаад̇и ‘‘асугасмим̣ наама гулз жийварам̣ лабхиссаамий’’д̇и яаа жийвараасаа уббаннаа ход̇и, саа убажчиннаа. зд̇зсамби гаран̣абалиб̣од̇хассзва нидтид̇ад̇д̇аа нидтид̇абхааво взд̣̇ид̇аб̣б̣о. д̇знааха ‘‘имзсу ваа’’д̇иаад̣̇и. зд̇зна жийварабалиб̣од̇хаабхааво вуд̇д̇о. д̇знааха ‘‘жийварасса гаран̣абалиб̣од̇хз убажчиннзд̇и ад̇т̇о’’д̇и. гат̇амзд̇ам̣ вин̃н̃ааяад̇ийд̇и ааха ‘‘ад̇т̇ад̇агат̇инасса хий’’д̇иаад̣̇и. бан̃жаанисам̣сз ан̃н̃ад̇т̇а г̇анд̇ум̣ ад̣̇ад̇ваа сан̇г̇ан̣ханадтзна гат̇инам̣, т̇иранд̇и ад̇т̇о, ад̇т̇ад̇ам̣ гат̇инам̣ язна со ад̇т̇ад̇агат̇ино, д̇асса ад̇т̇ад̇агат̇инасса. хийд̇и гааран̣ад̇т̇з нибаад̇о. д̇аава гат̇инаанисам̣сам̣ лабхад̇ийд̇и зд̇т̇а яо ад̇т̇ад̇агат̇ино бхигкууд̇и аж̇жхаахарид̇аб̣б̣ам̣, д̇аава со ад̇т̇ад̇агат̇ино бхигкууд̇и взд̣̇ид̇аб̣б̣о, анааманд̇ажаараад̣̇игам̣ гат̇инаанисам̣сам̣ лабхад̇ийд̇и ад̇т̇о. ‘‘ад̇т̇ад̇агат̇инасса бхигкуно’’д̇и ид̣̇ам̣ ваа ‘‘ад̇т̇ад̇агат̇ино бхигкуу’’д̇и вибхад̇д̇ивибарин̣аамам̣ гад̇ваа яож̇зд̇аб̣б̣ам̣. ид̣̇ам̣ вуд̇д̇ам̣ ход̇и – жийварабалиб̣од̇хо ааваасабалиб̣од̇ход̇и д̣̇вз балиб̣од̇хаа. д̇зсу згабалиб̣од̇хзби сад̇и яасмаа анааманд̇ажаараад̣̇игам̣ аанисам̣сам̣ лабхад̇и, наасад̇и. гасмаа? ‘‘нидтид̇ажийварасми’’нд̇и зд̇асса жийварасса гаран̣абалиб̣од̇хз убажчиннзд̇и аяамад̇т̇о вин̃н̃ааяад̇ийд̇и. сан̇гхассаад̇и сан̇гхзна. гад̇д̇ари жзд̇ам̣ саамиважанам̣. уб̣бхад̇зд̇и адтаннам̣ маад̇игаанаман̃н̃ад̇арзна, анд̇аруб̣бхаарзна ваа уд̣̇д̇хадз.
Niṭṭhitacīvarasminti (pārā. aṭṭha. 2.462-463) niṭṭhitañca taṃ cīvarañcāti niṭṭhitacīvaraṃ, niṭṭhite ānisaṃsamūlake cīvare, paccāsācīvare cāti attho. Yasmā pana taṃ cīvaraṃ karaṇenapi niṭṭhitaṃ hoti nāsanādīhipi, tasmā ‘‘sūcikammapariyosānena vā’’tiādi vuttaṃ. Tattha yaṃ kiñci sūciyā kattabbaṃ pāsakapaṭṭagaṇṭhikapaṭṭapariyosānakammaṃ, taṃ sūcikammapariyosānaṃ nāma, tena. Naṭṭhanti corādīhi haṭaṃ. Etampi hi karaṇapalibodhassa niṭṭhitattā ‘‘niṭṭhita’’nti vuccati. Vinaṭṭhanti upacikādīhi khāditaṃ. Daḍḍhanti agginā daḍḍhaṃ. Cīvarāsā vā upacchinnāti ‘‘asukasmiṃ nāma kule cīvaraṃ labhissāmī’’ti yā cīvarāsā uppannā hoti, sā upacchinnā. Etesampi karaṇapalibodhasseva niṭṭhitattā niṭṭhitabhāvo veditabbo. Tenāha ‘‘imesu vā’’tiādi. Etena cīvarapalibodhābhāvo vutto. Tenāha ‘‘cīvarassa karaṇapalibodhe upacchinneti attho’’ti. Kathametaṃ viññāyatīti āha ‘‘atthatakathinassa hī’’tiādi. Pañcānisaṃse aññattha gantuṃ adatvā saṅgaṇhanaṭṭhena kathinaṃ, thiranti attho, atthataṃ kathinaṃ yena so atthatakathino, tassa atthatakathinassa. Hīti kāraṇatthe nipāto. Tāva kathinānisaṃsaṃ labhatīti ettha yo atthatakathino bhikkhūti ajjhāharitabbaṃ, tāva so atthatakathino bhikkhūti veditabbo, anāmantacārādikaṃ kathinānisaṃsaṃ labhatīti attho. ‘‘Atthatakathinassa bhikkhuno’’ti idaṃ vā ‘‘atthatakathino bhikkhū’’ti vibhattivipariṇāmaṃ katvā yojetabbaṃ. Idaṃ vuttaṃ hoti – cīvarapalibodho āvāsapalibodhoti dve palibodhā. Tesu ekapalibodhepi sati yasmā anāmantacārādikaṃ ānisaṃsaṃ labhati, nāsati. Kasmā? ‘‘Niṭṭhitacīvarasmi’’nti etassa cīvarassa karaṇapalibodhe upacchinneti ayamattho viññāyatīti. Saṅghassāti saṅghena. Kattari cetaṃ sāmivacanaṃ. Ubbhateti aṭṭhannaṃ mātikānamaññatarena, antarubbhārena vā uddhaṭe.
д̇ад̇раад̇и д̇асмим̣ гат̇инз. уб̣бхааро уд̣̇д̇харан̣ам̣. буримавассам̣вудтз д̇им̣самад̇д̇з баавзяяагз бхигкуу уд̣̇д̣̇исса ‘‘ануж̇аанаами, бхигкавз, вассам̣вудтаанам̣ бхигкуунам̣ гат̇инам̣ ад̇т̇арид̇у’’нд̇и гат̇инагканд̇хагз (махаава. 306) бхаг̇авад̇аа гат̇инасса анун̃н̃аад̇ад̇д̇аа ‘‘аяан̃хи гат̇инад̇т̇ааро наама…бз… анун̃н̃аад̇о’’д̇и вуд̇д̇ам̣. д̇ад̇т̇а буримавассам̣вудтаананд̇и вассажчзд̣̇ам̣ агад̇ваа буримавассам̣вудтаананд̇и ад̇т̇о. зд̇зна вудтавассавасзна д̇аава буримигааяа вассам̣ убаг̇ад̇ааязва гат̇инад̇т̇аарам̣ лабханд̇и, на бажчимигааяа убаг̇ад̇аад̇и д̣̇ассзд̇и. вудтавассавасзна д̇аава звам̣ ход̇у, г̇ан̣анавасзна д̇ам̣ гид̇д̇агаа лабханд̇ийд̇и ааха ‘‘со’’д̇иаад̣̇и. сод̇и гат̇инад̇т̇ааро. саб̣б̣анд̇имзна барижчзд̣̇знаад̇и г̇ан̣анавасзна бажчимагодияаа. бан̃жаннам̣ ж̇анаанам̣ ваддад̇ийд̇и бажчимагодияаа жад̇д̇ааро гат̇инад̣̇уссасса д̣̇ааяагаа, зго бадиг̇г̇аахагод̇и бан̃жаннам̣ ж̇анаанам̣ ваддад̇и. гзжи бана ‘‘бан̃жаваг̇г̇агаран̣ийяад̇д̇аа ‘бан̃жаннам̣ ж̇анаанам̣ ваддад̇ий’д̇и вуд̇д̇а’’нд̇и вад̣̇анд̇и, д̇ам̣ д̇зсам̣ мад̇имад̇д̇ам̣ ‘‘д̇ад̇ра, бхигкавз, явааяам̣ жад̇уваг̇г̇о бхигкусан̇гхо табзд̇ваа д̇ийн̣и гаммаани убасамбад̣̇ам̣ бавааран̣ам̣ аб̣бхаана’’нд̇и жамбзяяагканд̇хагз (махаава. 388) вуд̇д̇ад̇д̇аа. д̇асмаад̇и яасмаа вудтавассавасзна буримавассам̣вудтаанам̣ анан̃н̃аад̇о, яасмаа жа саб̣б̣анд̇имзна барижчзд̣̇зна бан̃жаннам̣ ж̇анаанам̣ ваддад̇и, д̇асмаа. яад̇т̇аад̇и яасмим̣ вихаарз. аанисам̣сзд̇и анааманд̇ажаараад̣̇игз гат̇инаанисам̣сз. ат̇а бана жад̇д̇ааро бхигкуу вассам̣ убаг̇ад̇аа, зго барибун̣н̣авассо сааман̣зро сажз бажчимигааяа убасамбаж̇ж̇ад̇и, г̇ан̣абуураго жзва ход̇и, аанисам̣сан̃жа лабхад̇и. д̇аяо бхигкуу, д̣̇вз сааман̣зраа, д̣̇вз бхигкуу, д̇аяо сааман̣зраа, зго бхигку, жад̇д̇ааро сааман̣зраад̇и зд̇т̇ааби зсзва наяо.
Tatrāti tasmiṃ kathine. Ubbhāro uddharaṇaṃ. Purimavassaṃvuṭṭhe tiṃsamatte pāveyyake bhikkhū uddissa ‘‘anujānāmi, bhikkhave, vassaṃvuṭṭhānaṃ bhikkhūnaṃ kathinaṃ attharitu’’nti kathinakkhandhake (mahāva. 306) bhagavatā kathinassa anuññātattā ‘‘ayañhi kathinatthāro nāma…pe… anuññāto’’ti vuttaṃ. Tattha purimavassaṃvuṭṭhānanti vassacchedaṃ akatvā purimavassaṃvuṭṭhānanti attho. Etena vuṭṭhavassavasena tāva purimikāya vassaṃ upagatāyeva kathinatthāraṃ labhanti, na pacchimikāya upagatāti dasseti. Vuṭṭhavassavasena tāva evaṃ hotu, gaṇanavasena taṃ kittakā labhantīti āha ‘‘so’’tiādi. Soti kathinatthāro. Sabbantimena paricchedenāti gaṇanavasena pacchimakoṭiyā. Pañcannaṃ janānaṃ vaṭṭatīti pacchimakoṭiyā cattāro kathinadussassa dāyakā, eko paṭiggāhakoti pañcannaṃ janānaṃ vaṭṭati. Keci pana ‘‘pañcavaggakaraṇīyattā ‘pañcannaṃ janānaṃ vaṭṭatī’ti vutta’’nti vadanti, taṃ tesaṃ matimattaṃ ‘‘tatra, bhikkhave, yvāyaṃ catuvaggo bhikkhusaṅgho ṭhapetvā tīṇi kammāni upasampadaṃ pavāraṇaṃ abbhāna’’nti campeyyakkhandhake (mahāva. 388) vuttattā. Tasmāti yasmā vuṭṭhavassavasena purimavassaṃvuṭṭhānaṃ anaññāto, yasmā ca sabbantimena paricchedena pañcannaṃ janānaṃ vaṭṭati, tasmā. Yatthāti yasmiṃ vihāre. Ānisaṃseti anāmantacārādike kathinānisaṃse. Atha pana cattāro bhikkhū vassaṃ upagatā, eko paripuṇṇavasso sāmaṇero sace pacchimikāya upasampajjati, gaṇapūrako ceva hoti, ānisaṃsañca labhati. Tayo bhikkhū, dve sāmaṇerā, dve bhikkhū, tayo sāmaṇerā, eko bhikkhu, cattāro sāmaṇerāti etthāpi eseva nayo.
канд̇хагз вуд̇д̇ааяа н̃ад̇д̇ид̣̇уд̇ияагаммаваажааяаад̇и –
Khandhake vuttāya ñattidutiyakammavācāyāti –
‘‘сун̣аад̇у мз, бханд̇з, сан̇гхо, ид̣̇ам̣ сан̇гхасса гат̇инад̣̇уссам̣ уббаннам̣. яад̣̇и сан̇гхасса бад̇д̇агаллам̣, сан̇гхо имам̣ гат̇инад̣̇уссам̣ ид̇т̇аннаамасса бхигкуно д̣̇ад̣̇зяяа гат̇инам̣ ад̇т̇арид̇ум̣, зсаа н̃ад̇д̇и. сун̣аад̇у мз, бханд̇з, сан̇гхо, ид̣̇ам̣ сан̇гхасса гат̇инад̣̇уссам̣ уббаннам̣, сан̇гхо имам̣ гат̇инад̣̇уссам̣ ид̇т̇аннаамасса бхигкуно д̣̇зд̇и гат̇инам̣ ад̇т̇арид̇ум̣. яассааяасмад̇о камад̇и имасса гат̇инад̣̇уссасса ид̇т̇аннаамасса бхигкуно д̣̇аанам̣ гат̇инам̣ ад̇т̇арид̇ум̣, со д̇ун̣хасса. яасса нагкамад̇и, со бхаасзяяа. д̣̇иннам̣ ид̣̇ам̣ сан̇гхзна гат̇инад̣̇уссам̣ ид̇т̇аннаамасса бхигкуно гат̇инам̣ ад̇т̇арид̇ум̣, камад̇и сан̇гхасса, д̇асмаа д̇ун̣хий, звамзд̇ам̣ д̇хаараяаамий’’д̇и (махаава. 307) –
‘‘Suṇātu me, bhante, saṅgho, idaṃ saṅghassa kathinadussaṃ uppannaṃ. Yadi saṅghassa pattakallaṃ, saṅgho imaṃ kathinadussaṃ itthannāmassa bhikkhuno dadeyya kathinaṃ attharituṃ, esā ñatti. Suṇātu me, bhante, saṅgho, idaṃ saṅghassa kathinadussaṃ uppannaṃ, saṅgho imaṃ kathinadussaṃ itthannāmassa bhikkhuno deti kathinaṃ attharituṃ. Yassāyasmato khamati imassa kathinadussassa itthannāmassa bhikkhuno dānaṃ kathinaṃ attharituṃ, so tuṇhassa. Yassa nakkhamati, so bhāseyya. Dinnaṃ idaṃ saṅghena kathinadussaṃ itthannāmassa bhikkhuno kathinaṃ attharituṃ, khamati saṅghassa, tasmā tuṇhī, evametaṃ dhārayāmī’’ti (mahāva. 307) –
звам̣ гат̇инагканд̇хагз вуд̇д̇ааяа н̃ад̇д̇ид̣̇уд̇ияагаммаваажааяа. гат̇инад̇т̇аараарахассаад̇и гат̇инам̣ ад̇т̇арид̇ум̣ бхаб̣б̣асса. со жа ко буб̣б̣агаран̣аж̇аананаад̣̇ийхи адтахи ан̇г̇зхи саманнааг̇ад̇од̇и взд̣̇ид̇аб̣б̣о. вуд̇д̇ан̃хзд̇ам̣ винаяавинижчаяз ‘‘адтад̇хаммаговид̣̇о бхигку, гат̇инад̇т̇аарамарахад̇ий’’д̇и. бариваарзби (бари. 409) вуд̇д̇ам̣ –
Evaṃ kathinakkhandhake vuttāya ñattidutiyakammavācāya. Kathinatthārārahassāti kathinaṃ attharituṃ bhabbassa. So ca kho pubbakaraṇajānanādīhi aṭṭhahi aṅgehi samannāgatoti veditabbo. Vuttañhetaṃ vinayavinicchaye ‘‘aṭṭhadhammakovido bhikkhu, kathinatthāramarahatī’’ti. Parivārepi (pari. 409) vuttaṃ –
‘‘адтахан̇г̇зхи саманнааг̇ад̇о буг̇г̇ало бхаб̣б̣о гат̇инам̣ ад̇т̇арид̇ум̣. гад̇амзхи адтахан̇г̇зхи саманнааг̇ад̇о буг̇г̇ало бхаб̣б̣о гат̇инам̣ ад̇т̇арид̇ум̣? буб̣б̣агаран̣ам̣ ж̇аанаад̇и, бажжуд̣̇д̇хаарам̣ ж̇аанаад̇и, ад̇хидтаанам̣ ж̇аанаад̇и, ад̇т̇аарам̣ ж̇аанаад̇и, маад̇игам̣ ж̇аанаад̇и, балиб̣од̇хам̣ ж̇аанаад̇и, уд̣̇д̇хаарам̣ ж̇аанаад̇и, аанисам̣сам̣ ж̇аанаад̇и, имзхи адтахан̇г̇зхи саманнааг̇ад̇о буг̇г̇ало бхаб̣б̣о гат̇инам̣ ад̇т̇арид̇у’’нд̇и.
‘‘Aṭṭhahaṅgehi samannāgato puggalo bhabbo kathinaṃ attharituṃ. Katamehi aṭṭhahaṅgehi samannāgato puggalo bhabbo kathinaṃ attharituṃ? Pubbakaraṇaṃ jānāti, paccuddhāraṃ jānāti, adhiṭṭhānaṃ jānāti, atthāraṃ jānāti, mātikaṃ jānāti, palibodhaṃ jānāti, uddhāraṃ jānāti, ānisaṃsaṃ jānāti, imehi aṭṭhahaṅgehi samannāgato puggalo bhabbo kathinaṃ attharitu’’nti.
зд̇т̇а жа буб̣б̣агаран̣ам̣ наама д̇хованавижааран̣ажчзд̣̇анаб̣анд̇ханасиб̣б̣анараж̇анагаббагаран̣ам̣. бажжуд̣̇д̇хааро наама бураан̣асан̇гхаадиаад̣̇ийнам̣ бажжуд̣̇д̇харан̣ам̣. ад̇хидтаанам̣ наама гат̇инажийвараад̇хидтаанам̣. ад̇т̇ааро наама гат̇инад̇т̇ааро. маад̇игаа наама адта маад̇игаа. балиб̣од̇хо наама ааваасабалиб̣од̇хо жийварабалиб̣од̇ход̇и д̣̇вз балиб̣од̇хаа. уд̣̇д̇хааро наама баггамананд̇игаад̣̇аяо. аанисам̣со наама бан̃жаанисам̣саа.
Ettha ca pubbakaraṇaṃ nāma dhovanavicāraṇacchedanabandhanasibbanarajanakappakaraṇaṃ. Paccuddhāro nāma purāṇasaṅghāṭiādīnaṃ paccuddharaṇaṃ. Adhiṭṭhānaṃ nāma kathinacīvarādhiṭṭhānaṃ. Atthāro nāma kathinatthāro. Mātikā nāma aṭṭha mātikā. Palibodho nāma āvāsapalibodho cīvarapalibodhoti dve palibodhā. Uddhāro nāma pakkamanantikādayo. Ānisaṃso nāma pañcānisaṃsā.
яам̣ бана саманд̇абаасаад̣̇игааяам̣ (махаава. адта. 306) вуд̇д̇ам̣ ‘‘гат̇инам̣ бана гзна ад̇т̇арид̇аб̣б̣ам̣? яасса сан̇гхо гат̇инажийварам̣ д̣̇зд̇и, сан̇гхзна бана гасса д̣̇аад̇аб̣б̣ам̣? яо ж̇ин̣н̣ажийваро ход̇и, сажз б̣ахуу ж̇ин̣н̣ажийвараа хонд̇и, вуд̣дхасса д̣̇аад̇аб̣б̣ам̣. вуд̣дхзсуби яо махаабарисо д̇ад̣̇ахзва жийварам̣ гад̇ваа ад̇т̇арид̇ум̣ саггод̇и, д̇асса д̣̇аад̇аб̣б̣ам̣. сажз вуд̣дхо на саггод̇и, навагад̇аро саггод̇и, д̇асса д̣̇аад̇аб̣б̣ам̣. абижа сан̇гхзна махаат̇зрасса сан̇г̇ахам̣ гаад̇ум̣ ваддад̇и, д̇асмаа ‘д̇умхз, бханд̇з, г̇ан̣хат̇а, маяам̣ гад̇ваа д̣̇ассаамаа’д̇и вад̇д̇аб̣б̣а’’нд̇и, д̇амби гат̇инад̇т̇аараарахам̣язва г̇ахзд̇ваава д̣̇аад̇аб̣б̣ам̣. д̣̇знд̇зна бана д̇ийсу жийварзсу яам̣ яам̣ ж̇ин̣н̣ам̣ ход̇и, д̇ам̣ д̇ад̣̇ад̇т̇ааяа д̣̇аад̇аб̣б̣ам̣. багад̇ияаа д̣̇убаддажийварасса д̣̇убаддад̇т̇ааязва д̣̇аад̇аб̣б̣ам̣. сажзбисса згабаддажийварам̣ гханам̣ ход̇и, гат̇инасаадаго жа бзлаво, сааруббад̇т̇ааяа д̣̇убаддаббахонагамзва д̣̇аад̇аб̣б̣ам̣. ‘‘ахам̣ алабханд̇о згабаддам̣ баарубаамий’’д̇и вад̣̇анд̇ассааби д̣̇убаддам̣ д̣̇аад̇ум̣ ваддад̇и. яо бана лобхабагад̇иго ход̇и, д̇асса на д̣̇аад̇аб̣б̣ам̣. д̇знааби гат̇инам̣ ад̇т̇арид̇ваа бажчаа сиб̣б̣зд̇ваа ‘‘д̣̇вз жийвараани гариссаамий’’д̇и на г̇ахзд̇аб̣б̣ам̣.
Yaṃ pana samantapāsādikāyaṃ (mahāva. aṭṭha. 306) vuttaṃ ‘‘kathinaṃ pana kena attharitabbaṃ? Yassa saṅgho kathinacīvaraṃ deti, saṅghena pana kassa dātabbaṃ? Yo jiṇṇacīvaro hoti, sace bahū jiṇṇacīvarā honti, vuḍḍhassa dātabbaṃ. Vuḍḍhesupi yo mahāpariso tadaheva cīvaraṃ katvā attharituṃ sakkoti, tassa dātabbaṃ. Sace vuḍḍho na sakkoti, navakataro sakkoti, tassa dātabbaṃ. Apica saṅghena mahātherassa saṅgahaṃ kātuṃ vaṭṭati, tasmā ‘tumhe, bhante, gaṇhatha, mayaṃ katvā dassāmā’ti vattabba’’nti, tampi kathinatthārārahaṃyeva gahetvāva dātabbaṃ. Dentena pana tīsu cīvaresu yaṃ yaṃ jiṇṇaṃ hoti, taṃ tadatthāya dātabbaṃ. Pakatiyā dupaṭṭacīvarassa dupaṭṭatthāyeva dātabbaṃ. Sacepissa ekapaṭṭacīvaraṃ ghanaṃ hoti, kathinasāṭako ca pelavo, sāruppatthāya dupaṭṭappahonakameva dātabbaṃ. ‘‘Ahaṃ alabhanto ekapaṭṭaṃ pārupāmī’’ti vadantassāpi dupaṭṭaṃ dātuṃ vaṭṭati. Yo pana lobhapakatiko hoti, tassa na dātabbaṃ. Tenāpi kathinaṃ attharitvā pacchā sibbetvā ‘‘dve cīvarāni karissāmī’’ti na gahetabbaṃ.
д̇знаад̇и гат̇инад̇т̇аарагзна бхигкунаа. д̇ад̣̇ахзваад̇и д̇асмим̣язва д̣̇ивасз. бан̃жа ваа ад̇ирзгаани ваа кан̣д̣аани чинд̣̇ид̇ваад̇и яат̇аа бан̃жакан̣д̣игаад̣̇ийнам̣ сан̇гхаадиаад̣̇ийнам̣ д̇ин̣н̣ам̣ жийвараанам̣ ан̃н̃ад̇араббахонагаани махааман̣д̣алаад̣дхаман̣д̣алаад̣̇ивасзна бан̃жа кан̣д̣аани ваа ад̇ирзгаани ваа сад̇д̇аад̣̇икан̣д̣аани хонд̇и, звам̣ чинд̣̇ид̇ваа. д̇асмин̃жа гат̇инажийварз гарияамаанз ‘‘ахам̣ т̇зро’’д̇и ваа ‘‘б̣ахуссуд̇о’’д̇и ваа згзнааби агаад̇ум̣ на лаб̣бхад̇и. анаад̣̇ариязна агаронд̇асса д̣̇уггадам̣. д̇асмаа саб̣б̣зхзва саннибад̇ид̇ваа д̇хованачзд̣̇анасиб̣б̣анараж̇анаани нидтаабзд̇аб̣б̣аани. д̇знааха ‘‘сзсабхигкуухиби д̇асса сахааязхи бхавид̇аб̣б̣а’’нд̇и. гад̇ажийварамзваад̇и нидтид̇абаригаммамзва гат̇инад̣̇уссам̣. саб̣б̣анд̇имзна барижчзд̣̇зна анд̇араваасагоби чинд̣̇ид̇ваава гаад̇аб̣б̣о ан̃н̃ат̇аа ад̇т̇ааравибад̇д̇ид̇о. яат̇ааха –
Tenāti kathinatthārakena bhikkhunā. Tadahevāti tasmiṃyeva divase. Pañca vā atirekāni vākhaṇḍāni chinditvāti yathā pañcakhaṇḍikādīnaṃ saṅghāṭiādīnaṃ tiṇṇaṃ cīvarānaṃ aññatarappahonakāni mahāmaṇḍalaaḍḍhamaṇḍalādivasena pañca khaṇḍāni vā atirekāni vā sattādikhaṇḍāni honti, evaṃ chinditvā. Tasmiñca kathinacīvare kariyamāne ‘‘ahaṃ thero’’ti vā ‘‘bahussuto’’ti vā ekenāpi akātuṃ na labbhati. Anādariyena akarontassa dukkaṭaṃ. Tasmā sabbeheva sannipatitvā dhovanachedanasibbanarajanāni niṭṭhāpetabbāni. Tenāha ‘‘sesabhikkhūhipi tassa sahāyehi bhavitabba’’nti. Katacīvaramevāti niṭṭhitaparikammameva kathinadussaṃ. Sabbantimena paricchedena antaravāsakopi chinditvāva kātabbo aññathā atthāravipattito. Yathāha –
‘‘гат̇ан̃жа бана, бхигкавз, анад̇т̇ад̇ам̣ ход̇и гат̇инам̣? на улликид̇амад̇д̇зна ад̇т̇ад̇ам̣ ход̇и гат̇инам̣…бз… на ан̃н̃ад̇ра бан̃жагзна ваа ад̇ирзгабан̃жагзна ваа д̇ад̣̇ахзва сан̃чиннзнаа’’д̇и (махаава. 308).
‘‘Kathañca pana, bhikkhave, anatthataṃ hoti kathinaṃ? Na ullikhitamattena atthataṃ hoti kathinaṃ…pe… na aññatra pañcakena vā atirekapañcakena vā tadaheva sañchinnenā’’ti (mahāva. 308).
д̇знзвааха ‘‘ажчиннаасиб̣б̣ид̇ам̣ бана на ваддад̇ий’’д̇и. д̇зна бхигкунаад̇и ад̇т̇аарагзна бхигкунаа. ад̇т̇арид̇аб̣б̣анд̇и ад̇т̇аран̣ам̣ гаад̇аб̣б̣ам̣. д̇ан̃жа ко д̇ат̇ааважийбхзд̣̇агаран̣амзваад̇и д̣̇адтаб̣б̣ам̣. яат̇ааха –
Tenevāha ‘‘acchinnāsibbitaṃ pana na vaṭṭatī’’ti. Tena bhikkhunāti atthārakena bhikkhunā. Attharitabbanti attharaṇaṃ kātabbaṃ. Tañca kho tathāvacībhedakaraṇamevāti daṭṭhabbaṃ. Yathāha –
‘‘сажз сан̇гхаадияаа гат̇инам̣ ад̇т̇арид̇угаамо ход̇и, бораан̣игаа сан̇гхаади бажжуд̣̇д̇харид̇аб̣б̣аа, наваа сан̇гхаади ад̇хидтаад̇аб̣б̣аа, ‘имааяа сан̇гхаадияаа гат̇инам̣ ад̇т̇араамий’д̇и ваажаа бхинд̣̇ид̇аб̣б̣аа’’д̇и (бари. 413) –
‘‘Sace saṅghāṭiyā kathinaṃ attharitukāmo hoti, porāṇikā saṅghāṭi paccuddharitabbā, navā saṅghāṭi adhiṭṭhātabbā, ‘imāya saṅghāṭiyā kathinaṃ attharāmī’ti vācā bhinditabbā’’ti (pari. 413) –
вид̇т̇ааро. ‘‘бханд̇з, аавусо’’д̇и жа ‘‘анумод̣̇ат̇а, анумод̣̇аахий’’д̇и жа важанабхзд̣̇ам̣ санд̇хааяа ‘‘т̇зраанан̃жаа’’д̇иаад̣̇и вуд̇д̇ам̣.
Vitthāro. ‘‘Bhante, āvuso’’ti ca ‘‘anumodatha, anumodāhī’’ti ca vacanabhedaṃ sandhāya ‘‘therānañcā’’tiādi vuttaṃ.
звам̣ ад̇т̇аарагзна бадибаж̇ж̇ид̇аб̣б̣авид̇хим̣ д̣̇ассзд̇ваа ид̣̇аани анумод̣̇агзхи бадибаж̇ж̇ид̇аб̣б̣авид̇хим̣ д̣̇ассзд̇ум̣ ‘‘д̇зхибий’’д̇иаад̣̇и вуд̇д̇ам̣. ‘‘анумод̣̇аамаа’’д̇и ад̇д̇анаава ад̇д̇ани г̇аарававасзна вуд̇д̇ам̣. гин̃жааби звам̣ вуд̇д̇ам̣, д̇ат̇ааби згагзна ‘‘анумод̣̇аамаа’’д̇и вад̇д̇ум̣ на ваддад̇и, ‘‘анумод̣̇аами’’жжзва вад̇д̇аб̣б̣анд̇и вад̣̇анд̇и, виймам̣сид̇ваа г̇ахзд̇аб̣б̣ам̣. ид̣̇аани гат̇инаанисам̣сз д̣̇ассзд̇ум̣ бхуумим̣ вижаараяанд̇о ‘‘буримавассам̣вудтзсубий’’д̇иаад̣̇имааха. д̇ад̇т̇а д̇зсам̣язваад̇и ад̇т̇аарагаанумод̣̇агаанам̣язва. вуд̇д̇ан̃хзд̇ам̣ бариваарз ‘‘д̣̇виннам̣ буг̇г̇алаанам̣ ад̇т̇ад̇ам̣ ход̇и гат̇инам̣ ад̇т̇аарагасса жа анумод̣̇агасса жаа’’д̇и (бари. 403). д̇зд̇и ад̇т̇аарагаанумод̣̇агаа. д̇ад̇о бадтааяаад̇и ад̇т̇аараанумод̣̇анад̇о бадтааяа. яаава гат̇инассуб̣бхаараад̇и на гзвалам̣ жийварамаасзязва, ат̇а ко адтаннам̣ маад̇игаанам̣ ан̃н̃ад̇арзна ваа анд̇аруб̣бхаарзна ваа яаава гат̇инассуб̣бхаараа бан̃жаанисам̣сз лабханд̇и, уд̣̇д̇хадз бана на лабханд̇ийд̇и ад̇т̇о.
Evaṃ atthārakena paṭipajjitabbavidhiṃ dassetvā idāni anumodakehi paṭipajjitabbavidhiṃ dassetuṃ ‘‘tehipī’’tiādi vuttaṃ. ‘‘Anumodāmā’’ti attanāva attani gāravavasena vuttaṃ. Kiñcāpi evaṃ vuttaṃ, tathāpi ekakena ‘‘anumodāmā’’ti vattuṃ na vaṭṭati, ‘‘anumodāmi’’cceva vattabbanti vadanti, vīmaṃsitvā gahetabbaṃ. Idāni kathinānisaṃse dassetuṃ bhūmiṃ vicārayanto ‘‘purimavassaṃvuṭṭhesupī’’tiādimāha. Tattha tesaṃyevāti atthārakaanumodakānaṃyeva. Vuttañhetaṃ parivāre ‘‘dvinnaṃ puggalānaṃ atthataṃ hoti kathinaṃ atthārakassa ca anumodakassa cā’’ti (pari. 403). Teti atthārakaanumodakā. Tato paṭṭhāyāti atthārānumodanato paṭṭhāya. Yāva kathinassubbhārāti na kevalaṃ cīvaramāseyeva, atha kho aṭṭhannaṃ mātikānaṃ aññatarena vā antarubbhārena vā yāva kathinassubbhārā pañcānisaṃse labhanti, uddhaṭe pana na labhantīti attho.
ид̣̇аани д̇з бан̃жаанисам̣сз саруубад̇о д̣̇ассзд̇ум̣ ‘‘анааманд̇ажааро’’д̇иаад̣̇имааха. д̇ад̇т̇а анааманд̇ажааро наама бан̃жаннам̣ бхож̇анаанам̣ ан̃н̃ад̇арзна ниманд̇ид̇асса санд̇ам̣ бхигкум̣ анаабужчаа гулзсу жаарид̇д̇аабаж̇ж̇анам̣. асамаад̣̇аанажааро наама наамзнаад̇хидтид̇асса жийварасса асамаад̣̇аанажаран̣ам̣, наамзнаад̇хидтид̇аанам̣ д̇ин̣н̣ам̣ жийвараанаман̃н̃ад̇арам̣ жийварам̣ яад̇т̇а гад̇т̇ажи нигкибид̇ваа ан̃н̃ад̇т̇а арун̣удтаабананд̇и ад̇т̇о, жийваравиббаваасод̇и вуд̇д̇ам̣ ход̇и. яаавад̣̇ад̇т̇ажийваранд̇и яаавад̇аа жийварзна ад̇т̇о ход̇и, д̇аавад̇агам̣ анад̇хидтид̇ам̣ авигаббид̇ам̣ жийварад̇хааран̣ам̣, д̣̇асаахамад̇иггамид̇ваа жийварасса табананд̇и ад̇т̇о. г̇ан̣асса бхож̇анам̣ г̇ан̣абхож̇анам̣. г̇ан̣од̇и жзд̇т̇а жад̇д̇ааро ваа д̇ад̇уд̇д̇ари ваа бхигкуу. д̇зсам̣ вин̃н̃ад̇д̇ид̇о ваа ниманд̇анад̇о ваа лад̣̇д̇хасса од̣̇анаад̣̇ийнам̣ бан̃жаннам̣ ан̃н̃ад̇арабхож̇анасса саха г̇ахан̣анд̇и ад̇т̇о. яо жа д̇ад̇т̇а жийваруббаад̣̇од̇и д̇ад̇т̇а гат̇инад̇т̇ад̇асиймааяа мад̇агажийварам̣ ваа ход̇у, сан̇гхам̣ уд̣̇д̣̇исса д̣̇иннам̣ ваа сан̇гхигзна д̇ад̇руббаад̣̇зна аабхад̇ам̣ ваа язна гзнажи аагаарзна яам̣ сан̇гхигам̣ жийварам̣ уббаж̇ж̇ад̇и, д̇ам̣ д̇зсам̣ бхависсад̇ийд̇и ад̇т̇о. д̇знааха ‘‘д̇асмим̣ ааваасз сан̇гхасса уббаннажийваран̃жаа’’д̇и.
Idāni te pañcānisaṃse sarūpato dassetuṃ ‘‘anāmantacāro’’tiādimāha. Tattha anāmantacāro nāma pañcannaṃ bhojanānaṃ aññatarena nimantitassa santaṃ bhikkhuṃ anāpucchā kulesu cārittāpajjanaṃ. Asamādānacāro nāma nāmenādhiṭṭhitassa cīvarassa asamādānacaraṇaṃ, nāmenādhiṭṭhitānaṃ tiṇṇaṃ cīvarānamaññataraṃ cīvaraṃ yattha katthaci nikkhipitvā aññattha aruṇuṭṭhāpananti attho, cīvaravippavāsoti vuttaṃ hoti. Yāvadatthacīvaranti yāvatā cīvarena attho hoti, tāvatakaṃ anadhiṭṭhitaṃ avikappitaṃ cīvaradhāraṇaṃ, dasāhamatikkamitvā cīvarassa ṭhapananti attho. Gaṇassa bhojanaṃ gaṇabhojanaṃ. Gaṇoti cettha cattāro vā tatuttari vā bhikkhū. Tesaṃ viññattito vā nimantanato vā laddhassa odanādīnaṃ pañcannaṃ aññatarabhojanassa saha gahaṇanti attho. Yo ca tattha cīvaruppādoti tattha kathinatthatasīmāya matakacīvaraṃ vā hotu, saṅghaṃ uddissa dinnaṃ vā saṅghikena tatruppādena ābhataṃ vā yena kenaci ākārena yaṃ saṅghikaṃ cīvaraṃ uppajjati, taṃ tesaṃ bhavissatīti attho. Tenāha ‘‘tasmiṃ āvāse saṅghassa uppannacīvarañcā’’ti.
‘‘яам̣ бана д̇ад̇т̇а сан̇гхасса уббаннам̣ бад̇д̇аад̣̇и ваа ан̃н̃ам̣ бхан̣д̣ам̣ ваа, д̇ам̣ саб̣б̣зсам̣ баабун̣аад̇и. яам̣ бана д̇ад̇руббаад̣̇зна д̇ан̣д̣улаад̣̇инаа вад̇т̇ам̣ жзд̇аабид̇ам̣, ад̇т̇ад̇агат̇инаанамзва д̇аани вад̇т̇аани баабун̣анд̇и. вад̇т̇зхи бана д̇ан̣д̣улаад̣̇ийсу жзд̇аабид̇зсу саб̣б̣зсам̣ д̇аани баабун̣анд̇ий’’д̇и г̇ан̣тибад̣̇з вуд̇д̇ам̣, д̇амби жзд̇аабид̇агаалад̇о бадтааяа жийваруббаад̣̇о на ход̇ийд̇и сувуд̇д̇анд̇и д̣̇адтаб̣б̣ам̣. анад̇т̇ад̇агат̇инаа бана имзсу бан̃жасу аанисам̣сзсу жийварамаасз асамаад̣̇аанажаарам̣ табзд̇ваа сзсаанисам̣сз лабханд̇и. яад̣̇и асамаад̣̇аанажаароби лаб̣бхзяяа, баавзяяагаа бхигкуу вассам̣вудтаа огабун̣н̣зхи жийварзхи на бхаг̇аванд̇ам̣ убасан̇гамзяяум̣. яасмаа д̇ам̣ на лаб̣бхад̇и, д̇асмаа жийварамаасзби жийварам̣ самаад̣̇ааяа зва бхаг̇аванд̇ам̣ убасан̇гамим̣су.
‘‘Yaṃ pana tattha saṅghassa uppannaṃ pattādi vā aññaṃ bhaṇḍaṃ vā, taṃ sabbesaṃ pāpuṇāti. Yaṃ pana tatruppādena taṇḍulādinā vatthaṃ cetāpitaṃ, atthatakathinānameva tāni vatthāni pāpuṇanti. Vatthehi pana taṇḍulādīsu cetāpitesu sabbesaṃ tāni pāpuṇantī’’ti gaṇṭhipade vuttaṃ, tampi cetāpitakālato paṭṭhāya cīvaruppādo na hotīti suvuttanti daṭṭhabbaṃ. Anatthatakathinā pana imesu pañcasu ānisaṃsesu cīvaramāse asamādānacāraṃ ṭhapetvā sesānisaṃse labhanti. Yadi asamādānacāropi labbheyya, pāveyyakā bhikkhū vassaṃvuṭṭhā okapuṇṇehi cīvarehi na bhagavantaṃ upasaṅkameyyuṃ. Yasmā taṃ na labbhati, tasmā cīvaramāsepi cīvaraṃ samādāya eva bhagavantaṃ upasaṅkamiṃsu.
звам̣ гат̇инад̇т̇аарам̣ д̣̇ассзд̇ваа ид̣̇аани уб̣бхаарам̣ д̣̇ассзнд̇о ‘‘д̇ам̣ банзд̇ам̣ гат̇ина’’нд̇иаад̣̇имааха. д̇ад̇т̇а маад̇игаад̇и маад̇аро, ж̇анзд̇д̇ияод̇и ад̇т̇о. гат̇инуб̣бхааран̃хи зд̇аа адта ж̇анзнд̇и. д̇аасу баггаманам̣ анд̇о зд̇иссаад̇и баггамананд̇игаа. звам̣ сзсааби взд̣̇ид̇аб̣б̣аа. д̇ад̇т̇а яо бхигку ад̇т̇ад̇агат̇ино гат̇инажийварам̣ аад̣̇ааяа д̇асмим̣ ааваасз нирабзгко ‘‘на бажжзсса’’нд̇и баггамад̇и, д̇ассзвам̣ баггамад̇о гат̇инуд̣̇д̇хааро ад̇игганд̇амад̇д̇ааяа сиймааяа ход̇ийд̇и баггамананд̇иго гат̇инуд̣̇д̇хаарод̇и взд̣̇ид̇аб̣б̣о.
Evaṃ kathinatthāraṃ dassetvā idāni ubbhāraṃ dassento ‘‘taṃ panetaṃ kathina’’ntiādimāha. Tattha mātikāti mātaro, janettiyoti attho. Kathinubbhārañhi etā aṭṭha janenti. Tāsu pakkamanaṃ anto etissāti pakkamanantikā. Evaṃ sesāpi veditabbā. Tattha yo bhikkhu atthatakathino kathinacīvaraṃ ādāya tasmiṃ āvāse nirapekkho ‘‘na paccessa’’nti pakkamati, tassevaṃ pakkamato kathinuddhāro atikkantamattāya sīmāya hotīti pakkamanantiko kathinuddhāroti veditabbo.
яо бана аанисам̣сажийварам̣ аад̣̇ааяа баггамад̇и, д̇асса б̣ахисиймааг̇ад̇асса звам̣ ход̇и ‘‘ид̇хзвимам̣ гариссаами, на буна д̇ам̣ вихаарам̣ г̇ажчиссаамий’’д̇и д̇асмим̣ ааваасз нирабзгко худ̇ваа д̇ам̣ жийварам̣ гаарзд̇и, д̇асса бхигкуно нидтаананд̇иго гат̇инуд̣̇д̇хааро.
Yo pana ānisaṃsacīvaraṃ ādāya pakkamati, tassa bahisīmāgatassa evaṃ hoti ‘‘idhevimaṃ karissāmi, na puna taṃ vihāraṃ gacchissāmī’’ti tasmiṃ āvāse nirapekkho hutvā taṃ cīvaraṃ kāreti, tassa bhikkhuno niṭṭhānantiko kathinuddhāro.
яад̣̇и бана аанисам̣самуулажийварам̣ аад̣̇ааяа б̣ахисиймааг̇ад̇о ‘‘нзвимам̣ жийварам̣ гариссаами, на жа д̇ам̣ ааваасам̣ г̇ажчиссаамий’’д̇и саннидтаанам̣ гарод̇и, д̇ад̣̇аа саннидтаананд̇иго гат̇инуд̣̇д̇хааро.
Yadi pana ānisaṃsamūlacīvaraṃ ādāya bahisīmāgato ‘‘nevimaṃ cīvaraṃ karissāmi, na ca taṃ āvāsaṃ gacchissāmī’’ti sanniṭṭhānaṃ karoti, tadā sanniṭṭhānantiko kathinuddhāro.
д̇ад̣̇зва аанисам̣сажийварам̣ лад̣̇д̇хаа д̇ам̣ аад̣̇ааяа б̣ахисиймам̣ г̇анд̇ваа ‘‘ид̇хзвимам̣ жийварам̣ гариссаами, на г̇ажчиссаамий’’д̇и гаронд̇асса сажз д̇ам̣ жийварам̣ нассад̇и винассад̇и д̣аяхад̇и, наасананд̇иго гат̇инуд̣̇д̇хааро ход̇и.
Tadeva ānisaṃsacīvaraṃ laddhā taṃ ādāya bahisīmaṃ gantvā ‘‘idhevimaṃ cīvaraṃ karissāmi, na gacchissāmī’’ti karontassa sace taṃ cīvaraṃ nassati vinassati ḍayhati, nāsanantiko kathinuddhāro hoti.
сажз бана аанисам̣сажийварам̣ лад̣̇д̇хаа д̇асмим̣ вихаарз саабзгкова б̣ахисиймааг̇ад̇о ‘‘вихаарз бхигкуухи анд̇аруб̣бхаарам̣ гад̇а’’нд̇и сун̣аад̇и, д̇асса савананд̇иго гат̇инуд̣̇д̇хааро ход̇и.
Sace pana ānisaṃsacīvaraṃ laddhā tasmiṃ vihāre sāpekkhova bahisīmāgato ‘‘vihāre bhikkhūhi antarubbhāraṃ kata’’nti suṇāti, tassa savanantiko kathinuddhāro hoti.
аасааяа аважчзд̣̇о зд̇иссаад̇и аасааважчзд̣̇игаа. яо бана язна гзнажи ‘‘д̇уяхам̣ жийварам̣ д̣̇ассаамий’’д̇и вуд̇д̇о д̇асмим̣ жийварз аасааяа вихаарз абзгкам̣ бахааяа б̣ахисиймааг̇ад̇о буна д̇зна ‘‘на саггоми д̣̇аад̇у’’нд̇и вуд̇д̇з аасам̣ чинд̣̇ад̇и, д̇асса аасааважчзд̣̇иго гат̇инуд̣̇д̇хааро ход̇и.
Āsāya avacchedo etissāti āsāvacchedikā. Yo pana yena kenaci ‘‘tuyhaṃ cīvaraṃ dassāmī’’ti vutto tasmiṃ cīvare āsāya vihāre apekkhaṃ pahāya bahisīmāgato puna tena ‘‘na sakkomi dātu’’nti vutte āsaṃ chindati, tassa āsāvacchediko kathinuddhāro hoti.
яо бана вассам̣вудтавихаарад̇о ан̃н̃ам̣ вихаарам̣ саабзгкова г̇анд̇ваа ааг̇ажчанд̇о анд̇араамаг̇г̇зязва гат̇инуд̣̇д̇хаарам̣ вийд̇инаамзд̇и, д̇асса сиймаад̇иггамананд̇иго гат̇инуд̣̇д̇хааро.
Yo pana vassaṃvuṭṭhavihārato aññaṃ vihāraṃ sāpekkhova gantvā āgacchanto antarāmaggeyeva kathinuddhāraṃ vītināmeti, tassa sīmātikkamanantiko kathinuddhāro.
саха уб̣бхаарзнаад̇и сахуб̣бхаараа. аанисам̣сажийварам̣ аад̣̇ааяа саабзгкова б̣ахи г̇анд̇ваа гат̇инуд̣̇д̇хаарам̣ самбхун̣анд̇асса гат̇инуд̣̇д̇хааро сахуб̣бхаарод̇и взд̣̇ид̇аб̣б̣о.
Saha ubbhārenāti sahubbhārā. Ānisaṃsacīvaraṃ ādāya sāpekkhova bahi gantvā kathinuddhāraṃ sambhuṇantassa kathinuddhāro sahubbhāroti veditabbo.
‘‘зд̇асмим̣ бана баггамананд̇игз гат̇инуд̣̇д̇хаарз батамам̣ жийварабалиб̣од̇хо чиж̇ж̇ад̇ий’’д̇иаад̣̇инаа жийварабалиб̣од̇хубажчзд̣̇аад̣̇игасса винижчаяасса вид̇т̇аарад̇о саманд̇абаасаад̣̇игааяам̣ (махаава. адта. 311) вуд̇д̇ад̇д̇аа 8 ‘‘д̇ад̇т̇а вид̇т̇ааравинижчаяо’’д̇иаад̣̇имааха. ад̇т̇ааруб̣бхаараанам̣язва ваа вид̇т̇ааравинижчаяасса д̇ад̇т̇ааг̇ад̇ад̇д̇аа звам̣ вуд̇д̇анд̇и д̣̇адтаб̣б̣ам̣. сзсабалиб̣од̇хаабхааванд̇и авасзсасса балиб̣од̇хасса абхаавам̣, ааваасабалиб̣од̇хаабхааванд̇и ад̇т̇о.
‘‘Etasmiṃ pana pakkamanantike kathinuddhāre paṭhamaṃ cīvarapalibodho chijjatī’’tiādinā cīvarapalibodhupacchedādikassa vinicchayassa vitthārato samantapāsādikāyaṃ (mahāva. aṭṭha. 311) vuttattā 8 ‘‘tattha vitthāravinicchayo’’tiādimāha. Atthārubbhārānaṃyeva vā vitthāravinicchayassa tatthāgatattā evaṃ vuttanti daṭṭhabbaṃ. Sesapalibodhābhāvanti avasesassa palibodhassa abhāvaṃ, āvāsapalibodhābhāvanti attho.
ассаад̇и гааласса. д̣̇асаахабараманд̇и ажжанд̇асам̣яог̇з убаяог̇аважананд̇и ааха ‘‘д̇ам̣ д̣̇асаахабарамам̣ гаала’’нд̇и. ад̇ирзганд̇и ад̇хигам̣, со жа ад̇хигабхааво ад̇хидтид̇авигаббид̇ажийварад̇од̇и ааха ‘‘ад̇хидтид̇авигаббид̇зсуу’’д̇иаад̣̇и. команд̇и (баараа. адта. 2.636-638) комасуд̇д̇зхи вааяид̇ам̣ комабаддажийварам̣. д̇ат̇аа сзсаани. гамб̣алам̣ наама мануссаломаваал̣аломз табзд̇ваа сзсаломзхи вааяид̇ваа гад̇авад̇т̇ам̣. саан̣ам̣ наама саан̣аваагзхи гад̇авад̇т̇ам̣. бхан̇г̇ам̣ наама комасуд̇д̇аад̣̇ийхи бан̃жахи миссзд̇ваа гад̇авад̇т̇ам̣. ‘‘баадзггам̣ ваагамаяамзваа’’д̇иби вад̣̇анд̇и. д̇ад̣̇ануломаанам̣ ваад̇и д̣̇угуулам̣ бад̇д̇ун̣н̣ам̣ сомаарабаддам̣ жийнабаддам̣ ид̣̇д̇хиж̇ам̣ д̣̇звад̣̇иннанд̇и д̇зсам̣ комаад̣̇ийнам̣язва ануломаанам̣ чаннам̣ жийвараанам̣ ваа, д̇ад̇т̇а д̣̇угуулам̣ саан̣асса ануломам̣ ваагамаяад̇д̇аа. бад̇д̇ун̣н̣ад̣̇зсз баан̣агзхи сан̃ж̇аад̇авад̇т̇ам̣ бад̇д̇ун̣н̣ам̣. сомаарад̣̇зсз ж̇аад̇ам̣ вад̇т̇ам̣ сомаарабаддам̣. д̇ат̇аа жийнабаддам̣. имаани д̇ийн̣иби госзяяасса ануломаани баан̣агзхи гад̇асуд̇д̇амаяад̇д̇аа. ид̣̇д̇хиж̇ам̣ зхибхигкуунам̣ бун̃н̃ид̣̇д̇хияаа ниб̣б̣ад̇д̇ажийварам̣. д̇ам̣ бана комаад̣̇ийнаман̃н̃ад̇арам̣ ход̇ийд̇и д̇зсам̣язва ануломам̣. д̣̇звзхи д̣̇иннам̣ жийварам̣ д̣̇звад̣̇иннам̣, д̇ам̣ габбаругкз ниб̣б̣ад̇д̇ам̣ ж̇аалинияаа д̣̇зваган̃н̃ааяа ануруд̣̇д̇хад̇т̇зрасса д̣̇иннавад̇т̇асад̣̇исам̣, д̇амби комаад̣̇ийнам̣язва ануломам̣ ход̇и д̇зсу ан̃н̃ад̇арабхаавад̇о.
Assāti kālassa. Dasāhaparamanti accantasaṃyoge upayogavacananti āha ‘‘taṃ dasāhaparamaṃ kāla’’nti. Atirekanti adhikaṃ, so ca adhikabhāvo adhiṭṭhitavikappitacīvaratoti āha ‘‘adhiṭṭhitavikappitesū’’tiādi. Khomanti (pārā. aṭṭha. 2.636-638) khomasuttehi vāyitaṃ khomapaṭṭacīvaraṃ. Tathā sesāni. Kambalaṃ nāma manussalomavāḷalome ṭhapetvā sesalomehi vāyitvā katavatthaṃ. Sāṇaṃ nāma sāṇavākehi katavatthaṃ. Bhaṅgaṃ nāma khomasuttādīhi pañcahi missetvā katavatthaṃ. ‘‘Pāṭekkaṃ vākamayamevā’’tipi vadanti. Tadanulomānaṃ vāti dukūlaṃ pattuṇṇaṃ somārapaṭṭaṃ cīnapaṭṭaṃ iddhijaṃ devadinnanti tesaṃ khomādīnaṃyeva anulomānaṃ channaṃ cīvarānaṃ vā, tattha dukūlaṃ sāṇassa anulomaṃ vākamayattā. Pattuṇṇadese pāṇakehi sañjātavatthaṃ pattuṇṇaṃ. Somāradese jātaṃ vatthaṃ somārapaṭṭaṃ. Tathā cīnapaṭṭaṃ. Imāni tīṇipi koseyyassa anulomāni pāṇakehi katasuttamayattā. Iddhijaṃ ehibhikkhūnaṃ puññiddhiyā nibbattacīvaraṃ. Taṃ pana khomādīnamaññataraṃ hotīti tesaṃyeva anulomaṃ. Devehi dinnaṃ cīvaraṃ devadinnaṃ, taṃ kapparukkhe nibbattaṃ jāliniyā devakaññāya anuruddhattherassa dinnavatthasadisaṃ, tampi khomādīnaṃyeva anulomaṃ hoti tesu aññatarabhāvato.
д̣̇ийгхад̇о вад̣дхагихад̇т̇аббамаан̣ам̣, вид̇т̇аарад̇о д̇ад̇о убад̣дхаббамаан̣ам̣ вигаббанубаг̇ам̣ бажчимам̣. адтан̇г̇улам̣ суг̇ад̇ан̇г̇улзнаад̇и зд̇т̇а суг̇ад̇ан̇г̇улам̣ наама ид̣̇аани маж̇жхимасса буримасса д̇ийн̣и ан̇г̇улаани, д̇зна суг̇ад̇ан̇г̇улзна адтан̇г̇улам̣ вад̣дхагихад̇т̇аббамаан̣анд̇и ад̇т̇о. жад̇уран̇г̇улавид̇т̇ад̇анд̇и зд̇т̇ааби яат̇аавуд̇д̇аанусаарзнзва ад̇т̇о взд̣̇ид̇аб̣б̣о. язсам̣ бана ад̇хидтаанавигаббанаанам̣ абхаавад̇о ад̇хидтид̇авигаббид̇зсу абарияаабаннад̇д̇аа ид̣̇ам̣ ад̇ирзгажийварам̣ наама ход̇и.
Dīghato vaḍḍhakihatthappamāṇaṃ, vitthārato tato upaḍḍhappamāṇaṃ vikappanupagaṃ pacchimaṃ. Aṭṭhaṅgulaṃ sugataṅgulenāti ettha sugataṅgulaṃ nāma idāni majjhimassa purimassa tīṇi aṅgulāni, tena sugataṅgulena aṭṭhaṅgulaṃ vaḍḍhakihatthappamāṇanti attho. Caturaṅgulavitthatanti etthāpi yathāvuttānusāreneva attho veditabbo. Yesaṃ pana adhiṭṭhānavikappanānaṃ abhāvato adhiṭṭhitavikappitesu apariyāpannattā idaṃ atirekacīvaraṃ nāma hoti.
д̇ам̣ ад̇хидтаанавигаббанам̣ гзнаагаарзна ж̇аанид̇аб̣б̣анд̇и ануяог̇ам̣ санд̇хааяа д̇ам̣ д̣̇ассзд̇ум̣ ‘‘яам̣ бана вуд̇д̇а’’нд̇иаад̣̇и аарад̣̇д̇хам̣. д̇ад̇т̇а яам̣ бана вуд̇д̇анд̇и ад̇ирзгажийварам̣ д̣̇ассзд̇ум̣ ‘‘ад̇хидтид̇авигаббид̇зсу абарияаабаннад̇д̇аа’’д̇и амхзхи яам̣ вуд̇д̇анд̇и ад̇т̇о. д̇ижийварам̣ ад̇хидтаад̇унд̇и наамам̣ вад̇ваа ад̇хидтаад̇ум̣. на вигаббзд̇унд̇и сан̇гхаадиаад̣̇инаамзна вигаббзд̇ум̣ на ануж̇аанаамийд̇и ад̇т̇о. ‘‘имам̣ жийварам̣ вигаббзмий’’д̇и бана вигаббзд̇ум̣ ваддад̇иязва. сааман̃н̃аважанам̣ бана д̇ижийварасса ган̣д̣убадижчаад̣̇ивассигасаадигаанам̣ вияа гаалавасзна висзсаабхааваа жасса вигаббзд̇аб̣б̣ад̇аад̇и д̣̇ассанад̇т̇ам̣ , на бана саб̣б̣ат̇аа вигаббанабадисзд̇ханад̇т̇анд̇и д̣̇адтаб̣б̣ам̣. д̇ат̇аа хи бураан̣ажийварам̣ бажжуд̣̇д̇харид̇ваа навасса ад̇хидтаанаважанад̇о, ‘‘анаабад̇д̇и ад̇хидтзд̇и вигаббзд̇ий’’д̇иаад̣̇иважанад̇о (баараа. 469) жа д̇ижийварассаби вигаббанааяа огаасо д̣̇инно. зса наяо саб̣б̣ад̇т̇а. д̇ижийвараад̣̇ийни хи ад̇хидтаханд̇зна ‘‘имам̣ сан̇гхаадим̣ ад̇хидтаамий’’д̇иаад̣̇инаа д̇ам̣ д̇ам̣ наамам̣ вад̇ваа ад̇хидтаад̇аб̣б̣ам̣. вигаббзнд̇зна бана ‘‘имам̣ сан̇гхаади’’нд̇иаад̣̇инаа д̇асса д̇асса жийварасса наамам̣ аг̇г̇ахзд̇ваа ‘‘имам̣ жийварам̣ д̇уяхам̣ вигаббзмий’’д̇и вигаббзд̇аб̣б̣ам̣. д̇ижийварам̣ ваа ход̇у, ан̃н̃ам̣ ваа, яад̣̇и д̇ам̣ д̇ам̣ наамам̣ г̇ахзд̇ваа вигаббзд̇и, авигаббид̇ам̣ ход̇и, ад̇ирзгажийварадтаанзязва д̇идтад̇и. д̇ад̇о барам̣ вигаббзд̇унд̇и жад̇умаасад̇о барам̣ ‘‘имам̣ жийварам̣ вигаббзмий’’д̇и вигаббзд̇ум̣. ид̣̇ан̃жа барибхун̃ж̇ид̇ум̣ анун̃н̃аад̇ам̣. гзжи бана (саарад̇т̇а. дий. 2.469) ‘‘д̇ад̇о барам̣ вигаббзд̇ваа яаава ааг̇аамисам̣важчарз вассаанам̣ жад̇умаасам̣, д̇аава табзд̇ум̣ анун̃н̃аад̇а’’нд̇и вад̣̇анд̇и. д̇ад̇о баранд̇и ааб̣аад̇хад̇о барам̣. ‘‘имаасан̃жа бана вассигасаадигаган̣д̣убадижчаад̣̇ийнам̣ д̇ад̇о барам̣ вигаббзд̇ваа барибхог̇асса анун̃н̃аад̇ад̇д̇аа д̇ат̇аавигаббид̇ам̣ ан̃н̃анаамзна ад̇хидтахид̇ваа барибхун̃ж̇ид̇аб̣б̣а’’нд̇и г̇ан̣тибад̣̇зсу вуд̇д̇ам̣. ад̇хидтаад̇аб̣б̣авигаббзд̇аб̣б̣ад̇аа ж̇аанид̇аб̣б̣аад̇и ад̇хидтаад̇аб̣б̣ам̣ вигаббзд̇аб̣б̣анд̇и звам̣ ад̇хидтаанавигаббанаа ж̇аанид̇аб̣б̣аад̇и ад̇т̇о.
Taṃ adhiṭṭhānavikappanaṃ kenākārena jānitabbanti anuyogaṃ sandhāya taṃ dassetuṃ ‘‘yaṃ pana vutta’’ntiādi āraddhaṃ. Tattha yaṃ pana vuttanti atirekacīvaraṃ dassetuṃ ‘‘adhiṭṭhitavikappitesu apariyāpannattā’’ti amhehi yaṃ vuttanti attho. Ticīvaraṃ adhiṭṭhātunti nāmaṃ vatvā adhiṭṭhātuṃ. Na vikappetunti saṅghāṭiādināmena vikappetuṃ na anujānāmīti attho. ‘‘Imaṃ cīvaraṃ vikappemī’’ti pana vikappetuṃ vaṭṭatiyeva. Sāmaññavacanaṃ pana ticīvarassa kaṇḍupaṭicchādivassikasāṭikānaṃ viya kālavasena visesābhāvā cassa vikappetabbatāti dassanatthaṃ , na pana sabbathā vikappanapaṭisedhanatthanti daṭṭhabbaṃ. Tathā hi purāṇacīvaraṃ paccuddharitvā navassa adhiṭṭhānavacanato, ‘‘anāpatti adhiṭṭheti vikappetī’’tiādivacanato (pārā. 469) ca ticīvarassapi vikappanāya okāso dinno. Esa nayo sabbattha. Ticīvarādīni hi adhiṭṭhahantena ‘‘imaṃ saṅghāṭiṃ adhiṭṭhāmī’’tiādinā taṃ taṃ nāmaṃ vatvā adhiṭṭhātabbaṃ. Vikappentena pana ‘‘imaṃ saṅghāṭi’’ntiādinā tassa tassa cīvarassa nāmaṃ aggahetvā ‘‘imaṃ cīvaraṃ tuyhaṃ vikappemī’’ti vikappetabbaṃ. Ticīvaraṃ vā hotu, aññaṃ vā, yadi taṃ taṃ nāmaṃ gahetvā vikappeti, avikappitaṃ hoti, atirekacīvaraṭṭhāneyeva tiṭṭhati. Tato paraṃ vikappetunti catumāsato paraṃ ‘‘imaṃ cīvaraṃ vikappemī’’ti vikappetuṃ. Idañca paribhuñjituṃ anuññātaṃ. Keci pana (sārattha. ṭī. 2.469) ‘‘tato paraṃ vikappetvā yāva āgāmisaṃvacchare vassānaṃ catumāsaṃ, tāva ṭhapetuṃ anuññāta’’nti vadanti. Tato paranti ābādhato paraṃ. ‘‘Imāsañca pana vassikasāṭikakaṇḍupaṭicchādīnaṃ tato paraṃ vikappetvā paribhogassa anuññātattā tathāvikappitaṃ aññanāmena adhiṭṭhahitvā paribhuñjitabba’’nti gaṇṭhipadesu vuttaṃ. Adhiṭṭhātabbavikappetabbatā jānitabbāti adhiṭṭhātabbaṃ vikappetabbanti evaṃ adhiṭṭhānavikappanā jānitabbāti attho.
бан̃жабаримаан̣ам̣ ассаад̇и бан̃жагам̣, мудтисса мудтихад̇т̇асса самб̣анд̇хам̣ бан̃жагам̣ мудтибан̃жагам̣. зса на яо мудтид̇д̇иганд̇и зд̇т̇ааби. баарубанзнаби саггаа наабхим̣ бадижчаад̣̇зд̇унд̇и ааха ‘‘д̣̇вихад̇т̇оби ваддад̇ий’’д̇и. на гзвалам̣ ад̣дхад̇зяяова ваддад̇и, ат̇а ко д̣̇вихад̇т̇оби ваддад̇ийд̇и би-сад̣̇д̣̇асса ад̇т̇о д̣̇адтаб̣б̣о. ад̇ирзган̃жаад̇и суг̇ад̇ажийвараббамаан̣амби д̇ад̇о ад̇хигамби. бажжуд̣̇д̇хараамийд̇и табзми, барижжаж̇аамийд̇и ваа ад̇т̇о. ‘‘имам̣ жийварам̣ сан̇гхаадим̣ ад̇хидтаамий’’д̇и (саарад̇т̇а. дий. 2.469) звамби вад̇д̇ум̣ ваддад̇и. гааяавигаарам̣ гаронд̇знаад̇и хад̇т̇аад̣̇инаа жийварам̣ бараамасанд̇зна, жаалзнд̇зна ваа. ид̣̇ан̃хи ад̇хидтаанам̣ язна гзнажи сарийрааваяавзна апусанд̇асса на ваддад̇и. д̣̇увид̇ханд̇и саммукаабараммукабхзд̣̇зна д̣̇увид̇хам̣. ваажаа бхинд̣̇ид̇аб̣б̣аад̇и важанам̣ нижчаарзд̇аб̣б̣ам̣. анд̇ог̇аб̣бхаад̣̇ийсууд̇и анд̇ог̇аб̣бхаубарибаасаад̣̇зсу. сааманд̇авихаарзд̇и яад̇т̇а д̇ад̣̇ахзва г̇анд̇ваа нивад̇д̇зд̇ум̣ саггаа, зваруубз самийбавихаарз. ид̣̇ан̃жа д̣̇зсанаасийсамад̇д̇ам̣, д̇асмаа д̣̇уурз тид̇амби ад̇хидтаад̇аб̣б̣анд̇и вад̣̇анд̇и. ‘‘табид̇адтаанам̣ саллагкзд̇ваа’’д̇и иминаа жийварасам̣лагкан̣ам̣ вуд̇д̇ам̣. на хи табид̇адтаанамад̇д̇асаллагкан̣зна гин̃жи баяож̇анам̣ ад̇т̇и.
Pañcaparimāṇaṃ assāti pañcakaṃ, muṭṭhissa muṭṭhihatthassa sambandhaṃ pañcakaṃ muṭṭhipañcakaṃ. Esa na yo muṭṭhittikanti etthāpi. Pārupanenapi sakkā nābhiṃ paṭicchādetunti āha ‘‘dvihatthopi vaṭṭatī’’ti. Na kevalaṃ aḍḍhateyyova vaṭṭati, atha kho dvihatthopi vaṭṭatīti pi-saddassa attho daṭṭhabbo. Atirekañcāti sugatacīvarappamāṇampi tato adhikampi. Paccuddharāmīti ṭhapemi, pariccajāmīti vā attho. ‘‘Imaṃ cīvaraṃ saṅghāṭiṃ adhiṭṭhāmī’’ti (sārattha. ṭī. 2.469) evampi vattuṃ vaṭṭati. Kāyavikāraṃ karontenāti hatthādinā cīvaraṃ parāmasantena, cālentena vā. Idañhi adhiṭṭhānaṃ yena kenaci sarīrāvayavena aphusantassa na vaṭṭati. Duvidhanti sammukhāparammukhabhedena duvidhaṃ. Vācā bhinditabbāti vacanaṃ nicchāretabbaṃ. Antogabbhādīsūti antogabbhauparipāsādesu. Sāmantavihāreti yattha tadaheva gantvā nivattetuṃ sakkā, evarūpe samīpavihāre. Idañca desanāsīsamattaṃ, tasmā dūre ṭhitampi adhiṭṭhātabbanti vadanti. ‘‘Ṭhapitaṭṭhānaṃ sallakkhetvā’’ti iminā cīvarasaṃlakkhaṇaṃ vuttaṃ. Na hi ṭhapitaṭṭhānamattasallakkhaṇena kiñci payojanaṃ atthi.
ад̇хидтахид̇ваа табид̇авад̇т̇зхийд̇и бажжад̇т̇аран̣амукабун̃чанажол̣абаригкааражол̣авасзна ад̇хидтахид̇ваа табид̇авад̇т̇зхи. ад̇хидтаанад̇о буб̣б̣з сан̇гхаадиаад̣̇ивохаарасса абхаавад̇о ‘‘имам̣ бажжуд̣̇д̇хараамий’’д̇и бажжад̇т̇аран̣аад̣̇ийнам̣ висум̣ бажжуд̣̇д̇харан̣авид̇хим̣ д̣̇ассзд̇и. бажжад̇т̇аран̣аад̣̇инаамзна бана ад̇хидтаад̇аб̣б̣ад̇д̇аа ‘‘имам̣ бажжад̇т̇аран̣ам̣ бажжуд̣̇д̇хараамий’’д̇иаад̣̇инаа вуд̇д̇зби нзвад̇т̇и д̣̇осо. буна ад̇хидтаад̇аб̣б̣аанийд̇и сан̇гхаадиаад̣̇инаамзна ад̇хидтаад̇аб̣б̣аани. баригкааражол̣агасса бана баригкааражол̣авасзна ад̇хидтахид̇ваа табид̇авад̇т̇зхиби сан̇гхаадиаад̣̇имхи гад̇з бажжуд̣̇д̇харид̇ваа буна ад̇хидтаад̇аб̣б̣анд̇и над̇т̇и. буб̣б̣з гад̇аад̇хидтаанамзва ад̇хидтаанам̣. ад̇хидтид̇зна бана д̇зна сад̣̇д̇хим̣ маханд̇ад̇арамзва д̣̇уд̇ияам̣ баддам̣ ваа кан̣д̣ам̣ ваа сам̣сиб̣б̣анд̇зна ад̇хидтаад̇аб̣б̣ам̣, самз ваа куд̣̇д̣̇агз ваа ад̇хидтаанагижжам̣ над̇т̇и. сукабарибхог̇ад̇т̇анд̇и виббаваасад̣̇осаабхаавад̇о яад̇т̇а гад̇т̇ажи табзд̇ваа д̇хаммассаванаад̣̇инаа гижжзна ан̃н̃ад̇т̇а арун̣ам̣ удтаабзд̇ваа ааг̇анд̇ваа ниссаж̇ж̇анам̣ винаава барибхун̃ж̇ид̇ум̣ саггун̣зяяад̇ааяа сукабарибхог̇ад̇т̇ам̣. баригкааражол̣ам̣ ад̇хидтаад̇унд̇и баригкааражол̣ам̣ гад̇ваа ад̇хидтаад̇ум̣.
Adhiṭṭhahitvā ṭhapitavatthehīti paccattharaṇamukhapuñchanacoḷaparikkhāracoḷavasena adhiṭṭhahitvā ṭhapitavatthehi. Adhiṭṭhānato pubbe saṅghāṭiādivohārassa abhāvato ‘‘imaṃ paccuddharāmī’’ti paccattharaṇādīnaṃ visuṃ paccuddharaṇavidhiṃ dasseti. Paccattharaṇādināmena pana adhiṭṭhātabbattā ‘‘imaṃ paccattharaṇaṃ paccuddharāmī’’tiādinā vuttepi nevatthi doso. Puna adhiṭṭhātabbānīti saṅghāṭiādināmena adhiṭṭhātabbāni. Parikkhāracoḷakassa pana parikkhāracoḷavasena adhiṭṭhahitvā ṭhapitavatthehipi saṅghāṭiādimhi kate paccuddharitvā puna adhiṭṭhātabbanti natthi. Pubbe katādhiṭṭhānameva adhiṭṭhānaṃ. Adhiṭṭhitena pana tena saddhiṃ mahantatarameva dutiyaṃ paṭṭaṃ vā khaṇḍaṃ vā saṃsibbantena adhiṭṭhātabbaṃ, same vā khuddake vā adhiṭṭhānakiccaṃ natthi. Sukhaparibhogatthanti vippavāsadosābhāvato yattha katthaci ṭhapetvā dhammassavanādinā kiccena aññattha aruṇaṃ uṭṭhāpetvā āgantvā nissajjanaṃ vināva paribhuñjituṃ sakkuṇeyyatāya sukhaparibhogatthaṃ. Parikkhāracoḷaṃ adhiṭṭhātunti parikkhāracoḷaṃ katvā adhiṭṭhātuṃ.
анад̇ирид̇д̇абамаан̣аад̇и ‘‘д̣̇ийгхасо ча вид̣̇ад̇т̇ияо суг̇ад̇авид̣̇ад̇т̇ияаа, д̇ирияам̣ ад̣дхад̇зяяаа’’д̇и (баажи. 543) вуд̇д̇аббамаан̣ад̇о анад̇хигабамаан̣аа. бажжуд̣̇д̇харид̇ваа вигаббзд̇аб̣б̣аад̇и вассигасаадигабхаавад̇о абанзд̇ваа вигаббзд̇аб̣б̣аа, хзманд̇асса батамад̣̇ивасад̇о бадтааяа анд̇од̣̇асаахз вассигасаадигаавассигасаадигабхаавад̇о абанзд̇ваа ‘‘имам̣ жийварам̣ д̇уяхам̣ вигаббзмий’’д̇иаад̣̇инаа наязна вигаббзд̇аб̣б̣аад̇и вуд̇д̇ам̣ ход̇и. ан̃н̃ат̇аа хи ‘‘вассигасаадигаа вассаанамаасаад̇иггамзнааби, ган̣д̣убадижчаад̣̇и ааб̣аад̇хавуубасамзнааби ад̇хидтаанам̣ виж̇ахад̇ий’’д̇и (ган̇каа. адта. гат̇инасигкаабад̣̇аван̣н̣анаа) вагкамаанад̇д̇аа вассаанамаасад̇о барам̣ асад̇и ад̇хидтаанз гим̣ бажжуд̣̇д̇харзяяаад̇и ‘‘бажжуд̣̇д̇харид̇ваа’’д̇и важанамзва нобабаж̇ж̇зяяа.
Anatirittapamāṇāti ‘‘dīghaso cha vidatthiyo sugatavidatthiyā, tiriyaṃ aḍḍhateyyā’’ti (pāci. 543) vuttappamāṇato anadhikapamāṇā. Paccuddharitvā vikappetabbāti vassikasāṭikabhāvato apanetvā vikappetabbā, hemantassa paṭhamadivasato paṭṭhāya antodasāhe vassikasāṭikāvassikasāṭikabhāvato apanetvā ‘‘imaṃ cīvaraṃ tuyhaṃ vikappemī’’tiādinā nayena vikappetabbāti vuttaṃ hoti. Aññathā hi ‘‘vassikasāṭikā vassānamāsātikkamenāpi, kaṇḍupaṭicchādi ābādhavūpasamenāpi adhiṭṭhānaṃ vijahatī’’ti (kaṅkhā. aṭṭha. kathinasikkhāpadavaṇṇanā) vakkhamānattā vassānamāsato paraṃ asati adhiṭṭhāne kiṃ paccuddhareyyāti ‘‘paccuddharitvā’’ti vacanameva nopapajjeyya.
гзжи бана (саарад̇т̇а. дий. 2.469) ‘‘яат̇аа гат̇инамаасаб̣бханд̇арз уббаннажийварам̣ гат̇инамаасаад̇иггамз ниссаг̇г̇ияам̣ ход̇и, звамаяам̣ вассигасаадигааби вассаанамаасаад̇иггамз ниссаг̇г̇ияаа ход̇и. д̇асмаа гад̇д̇игабун̣н̣амад̣̇ивасз бажжуд̣̇д̇харид̇ваа д̇ад̇о барам̣ хзманд̇асса батамад̣̇ивасз вигаббзд̇аб̣б̣аад̇и звамад̇т̇о г̇ахзд̇аб̣б̣о, бажжуд̣̇д̇харид̇ваа д̇ад̇о барам̣ вигаббзд̇аб̣б̣аад̇и бад̣̇аяож̇анаа взд̣̇ид̇аб̣б̣аа’’д̇и жа вад̣̇анд̇и, д̇ам̣ на яуд̇д̇ам̣. гат̇инамаасз уббаннан̃хи жийварам̣ ад̇ирзгажийварадтаанз тид̇ад̇д̇аа авасаанад̣̇ивасз анад̇хидтид̇ам̣ гат̇инамаасаад̇иггамз ниссаг̇г̇ияам̣ ход̇и. аяам̣ бана вассигасаадигаа ад̇хидтахид̇ваа табид̇ад̇д̇аа на д̇зна сад̣̇исаад̇и вассаанаад̇иггамз гат̇ам̣ ниссаг̇г̇ияам̣ ход̇и анад̇хидтид̇аавигаббид̇амзва хи д̇ам̣ гаалаад̇иггамз ниссаг̇г̇ияам̣ ход̇и, д̇асмаа хзманд̇зби вассигасаадигаа д̣̇асаахабарихаарам̣ лабхад̇и. звам̣ ган̣д̣убадижчаад̣̇иби ад̇хидтаанавиж̇аханад̇о барам̣ д̣̇асаахабарихаарам̣ лабхад̇и. д̣̇асаахам̣ бана анад̇иггаамзд̇ваа вигаббзд̇аб̣б̣аа. нахаанад̇т̇ааяа анун̃н̃аад̇ад̇д̇аа ван̣н̣абхзд̣̇амад̇д̇арад̇д̇ааби жзсаа ваддад̇ийд̇и вуд̇д̇ам̣. ‘‘д̣̇вз бана на вадданд̇ий’’д̇и д̣̇виннам̣ ад̇хидтаанаабхаавад̇о вуд̇д̇ам̣ . ‘‘сажз вассаанз абараа вассигасаадигаа уббаннаа ход̇и, буримавассигасаадигам̣ бажжуд̣̇д̇харид̇ваа, вигаббзд̇ваа жа ад̇хидтаад̇аб̣б̣аа’’д̇и вад̣̇анд̇и.
Keci pana (sārattha. ṭī. 2.469) ‘‘yathā kathinamāsabbhantare uppannacīvaraṃ kathinamāsātikkame nissaggiyaṃ hoti, evamayaṃ vassikasāṭikāpi vassānamāsātikkame nissaggiyā hoti. Tasmā kattikapuṇṇamadivase paccuddharitvā tato paraṃ hemantassa paṭhamadivase vikappetabbāti evamattho gahetabbo, paccuddharitvā tato paraṃ vikappetabbāti padayojanā veditabbā’’ti ca vadanti, taṃ na yuttaṃ. Kathinamāse uppannañhi cīvaraṃ atirekacīvaraṭṭhāne ṭhitattā avasānadivase anadhiṭṭhitaṃ kathinamāsātikkame nissaggiyaṃ hoti. Ayaṃ pana vassikasāṭikā adhiṭṭhahitvā ṭhapitattā na tena sadisāti vassānātikkame kathaṃ nissaggiyaṃ hoti anadhiṭṭhitaavikappitameva hi taṃ kālātikkame nissaggiyaṃ hoti, tasmā hemantepi vassikasāṭikā dasāhaparihāraṃ labhati. Evaṃ kaṇḍupaṭicchādipi adhiṭṭhānavijahanato paraṃ dasāhaparihāraṃ labhati. Dasāhaṃ pana anatikkāmetvā vikappetabbā. Nahānatthāya anuññātattā vaṇṇabhedamattarattāpi cesā vaṭṭatīti vuttaṃ. ‘‘Dve pana na vaṭṭantī’’ti dvinnaṃ adhiṭṭhānābhāvato vuttaṃ . ‘‘Sace vassāne aparā vassikasāṭikā uppannā hoti, purimavassikasāṭikaṃ paccuddharitvā, vikappetvā ca adhiṭṭhātabbā’’ti vadanti.
бамаан̣аяуд̇д̇анд̇и ‘‘д̣̇ийгхасо суг̇ад̇авид̣̇ад̇т̇ияаа д̣̇вз вид̣̇ад̇т̇ияо, вид̇т̇аарад̇о д̣̇ияад̣дхам̣ д̣̇асаа вид̣̇ад̇т̇ий’’д̇и (баажи. 531 аад̣̇аяо) иминаа бамаан̣зна яуд̇д̇ам̣. бамаан̣игаад̇и ‘‘суг̇ад̇авид̣̇ад̇т̇ияаа д̣̇ийгхасо жад̇ассо вид̣̇ад̇т̇ияо, д̇ирияам̣ д̣̇вз вид̣̇ад̇т̇ияо’’д̇и звам̣ вуд̇д̇аббамаан̣аяуд̇д̇аа. бажжуд̣̇д̇харид̇ваа вигаббзд̇аб̣б̣аад̇и зд̇т̇а яам̣ вад̇д̇аб̣б̣ам̣, д̇ам̣ хздтаа вуд̇д̇амзва. яасмаа бхигкуунам̣ д̇ижийварз барибун̣н̣з, ад̇т̇з жа сад̇и бариссааванаад̣̇ийхи ‘‘ануж̇аанаами, бхигкавз, баригкааражол̣ага’’нд̇и (махаава. 357) б̣ахуунам̣ бад̇д̇ад̇т̇авигабариссааванаад̣̇ийнам̣ сан̇г̇ахавасзна баригкааражол̣аад̇хидтаанаманун̃н̃аад̇ам̣, д̇асмаа ‘‘баригкааражол̣з г̇ан̣анаа над̇т̇ий’’д̇иаад̣̇и вуд̇д̇ам̣. бхаг̇авад̇аа хи яам̣ яам̣ бхигкуу лабханд̇и, д̇ам̣ д̇ам̣ иминаа вид̇хаанзна ад̇хидтахид̇ваа буна ‘‘язна язна бариссааванаад̣̇инаа ад̇т̇о ход̇и, д̇ам̣ д̇ам̣ гад̇ваа г̇ан̣ханд̇уу’’д̇и анугамбааяа анун̃н̃аад̇ам̣. д̇знзвааха ‘‘т̇авигаабий’’д̇иаад̣̇и. аад̣̇исад̣̇д̣̇зна ‘‘зд̇аани жийвараани баригкааражол̣аани ад̇хидтаамий’’д̇и асаммукаад̇хидтаанам̣ сан̇г̇ан̣хаад̇и. ‘‘сзнаасанабаригкаарад̇т̇ааяа д̣̇иннабажжад̇т̇аран̣з жаа’’д̇и иминаа ад̇д̇ано санд̇агам̣ бадигкибад̇и. гзжи бана (саарад̇т̇а. дий. 2.469) ‘‘аниваасзд̇ваа, абаарубид̇ваа жа гзвалам̣ бан̃жабийтзсуязва ад̇т̇арид̇ваа барибхун̃ж̇ияамаанам̣ бажжад̇т̇аран̣ам̣ ад̇д̇ано санд̇агамби анад̇хидтид̇ам̣ ваддад̇ий’’д̇и вад̣̇анд̇и, д̇ам̣ аяуд̇д̇ам̣ сзнаасанабаригкаарад̇т̇ааяа д̣̇инна’’нд̇и бажжад̇т̇аран̣асса висзсид̇ад̇д̇аа. бхисиб̣иб̣б̣оханабааваарагож̇аваанамби сзнаасанабаригкаарад̇оязва ад̇хидтаанагижжам̣ над̇т̇ийд̇и взд̣̇ид̇аб̣б̣ам̣.
Pamāṇayuttanti ‘‘dīghaso sugatavidatthiyā dve vidatthiyo, vitthārato diyaḍḍhaṃ dasā vidatthī’’ti (pāci. 531 ādayo) iminā pamāṇena yuttaṃ. Pamāṇikāti ‘‘sugatavidatthiyā dīghaso catasso vidatthiyo, tiriyaṃ dve vidatthiyo’’ti evaṃ vuttappamāṇayuttā. Paccuddharitvā vikappetabbāti ettha yaṃ vattabbaṃ, taṃ heṭṭhā vuttameva. Yasmā bhikkhūnaṃ ticīvare paripuṇṇe, atthe ca sati parissāvanādīhi ‘‘anujānāmi, bhikkhave, parikkhāracoḷaka’’nti (mahāva. 357) bahūnaṃ pattatthavikaparissāvanādīnaṃ saṅgahavasena parikkhāracoḷādhiṭṭhānamanuññātaṃ, tasmā ‘‘parikkhāracoḷe gaṇanā natthī’’tiādi vuttaṃ. Bhagavatā hi yaṃ yaṃ bhikkhū labhanti, taṃ taṃ iminā vidhānena adhiṭṭhahitvā puna ‘‘yena yena parissāvanādinā attho hoti, taṃ taṃ katvā gaṇhantū’’ti anukampāya anuññātaṃ. Tenevāha ‘‘thavikāpī’’tiādi. Ādisaddena ‘‘etāni cīvarāni parikkhāracoḷāni adhiṭṭhāmī’’ti asammukhādhiṭṭhānaṃ saṅgaṇhāti. ‘‘Senāsanaparikkhāratthāya dinnapaccattharaṇe cā’’ti iminā attano santakaṃ paṭikkhipati. Keci pana (sārattha. ṭī. 2.469) ‘‘anivāsetvā, apārupitvā ca kevalaṃ pañcapīṭhesuyeva attharitvā paribhuñjiyamānaṃ paccattharaṇaṃ attano santakampi anadhiṭṭhitaṃ vaṭṭatī’’ti vadanti, taṃ ayuttaṃ senāsanaparikkhāratthāya dinna’’nti paccattharaṇassa visesitattā. Bhisibibbohanapāvārakojavānampi senāsanaparikkhāratoyeva adhiṭṭhānakiccaṃ natthīti veditabbaṃ.
ад̇хидтид̇ан̃жа банзд̇ам̣ жийварам̣ барибхун̃ж̇ад̇о гат̇ам̣ ад̇хидтаанам̣ виж̇ахад̇ийд̇и ааха ‘‘саб̣б̣ан̃жа банзд̇а’’нд̇иаад̣̇и. д̇ад̇т̇а ажчинд̣̇ид̇ваа г̇ахан̣знаад̇и жораад̣̇ийхи ажчинд̣̇ид̇ваа г̇ахан̣зна. хийнааяаавад̇д̇анзнаад̇и г̇ихибхаавааяа аавад̇д̇анзна, виб̣бхамзнаад̇и ад̇т̇о, ‘‘сийлаванд̇ова худ̇ваа г̇ихий бхависсаамий’’д̇и сзд̇авад̇т̇аниваасанзнаад̇и вуд̇д̇ам̣ ход̇и. ‘‘анд̇имавад̇т̇ум̣ аж̇жхаабаннасса сзд̇авад̇т̇аниваасо ваа гаасааяажаж̇анам̣ ваа хийнааяаавад̇д̇ана’’нд̇и гзжи. ‘‘‘хийнааяаавад̇д̇анзнаа’д̇и иминаа бхигкунияаа зва ад̇хидтаанавиж̇аханам̣ г̇ахид̇ам̣ ход̇и. саа хи яад̣̇аа виб̣бхамад̇и, д̇ад̣̇аа ассаман̣ий ход̇и. бхигку бана виб̣бхаманд̇оби яаава сигкам̣ на бажжагкаад̇и, д̇аава бхигкуязваад̇и ад̇хидтаанам̣ на виж̇ахад̇ий’’д̇и абарз. сигкаабажжагкаанзнаад̇и лин̇г̇з тид̇ассзва сигкааяа бажжагкаанзна. яо хи бхигкулин̇г̇з тид̇ова сигкам̣ бажжагкаад̇и, д̇асса гааяалаг̇г̇амби жийварам̣ ад̇хидтаанам̣ виж̇ахад̇ийд̇и. гаалан̇гирияааяаад̇и маран̣зна. лин̇г̇абаривад̇д̇анзнаад̇и бурисалин̇г̇асса , ид̇т̇илин̇г̇асса ваа баривад̇д̇анзна, бурисасса ид̇т̇илин̇г̇абаад̇убхаавзна, ид̇т̇ияаа ваа бурисалин̇г̇абаад̇убхаавзнаад̇и вуд̇д̇ам̣ ход̇и.
Adhiṭṭhitañca panetaṃ cīvaraṃ paribhuñjato kathaṃ adhiṭṭhānaṃ vijahatīti āha ‘‘sabbañca paneta’’ntiādi. Tattha acchinditvā gahaṇenāti corādīhi acchinditvā gahaṇena. Hīnāyāvattanenāti gihibhāvāya āvattanena, vibbhamenāti attho, ‘‘sīlavantova hutvā gihī bhavissāmī’’ti setavatthanivāsanenāti vuttaṃ hoti. ‘‘Antimavatthuṃ ajjhāpannassa setavatthanivāso vā kāsāyacajanaṃ vā hīnāyāvattana’’nti keci. ‘‘‘Hīnāyāvattanenā’ti iminā bhikkhuniyā eva adhiṭṭhānavijahanaṃ gahitaṃ hoti. Sā hi yadā vibbhamati, tadā assamaṇī hoti. Bhikkhu pana vibbhamantopi yāva sikkhaṃ na paccakkhāti, tāva bhikkhuyevāti adhiṭṭhānaṃ na vijahatī’’ti apare. Sikkhāpaccakkhānenāti liṅge ṭhitasseva sikkhāya paccakkhānena. Yo hi bhikkhuliṅge ṭhitova sikkhaṃ paccakkhāti, tassa kāyalaggampi cīvaraṃ adhiṭṭhānaṃ vijahatīti. Kālaṅkiriyāyāti maraṇena. Liṅgaparivattanenāti purisaliṅgassa , itthiliṅgassa vā parivattanena, purisassa itthiliṅgapātubhāvena, itthiyā vā purisaliṅgapātubhāvenāti vuttaṃ hoti.
ганидтан̇г̇улинакабидтиббамаан̣знаад̇и хздтимабарижчзд̣̇ам̣ д̣̇ассзд̇и. орад̇од̇и аб̣бханд̇арад̇о. яо бана д̣̇уб̣б̣аладтаанз батамам̣ аг̇г̇ал̣ам̣ д̣̇ад̇ваа бажчаа д̣̇уб̣б̣аладтаанам̣ чинд̣̇ид̇ваа абанзд̇и, ад̇хидтаанам̣ на бхиж̇ж̇ад̇и. ман̣д̣алабаривад̇д̇анзби зсзва наяо. д̣̇убаддасса бана згасмим̣ бадалз чид̣̇д̣̇з ваа ж̇аад̇з, г̇алид̇з ваа ад̇хидтаанам̣ на бхиж̇ж̇ад̇и. куд̣̇д̣̇агам̣ жийварам̣ маханд̇ам̣ гарод̇и, маханд̇ам̣ ваа куд̣̇д̣̇агам̣ гарод̇и, ад̇хидтаанам̣ на бхиж̇ж̇ад̇и. убхо годияо маж̇жхз гаронд̇о сажз бана батамам̣ чинд̣̇ид̇ваа бажчаа гхадзд̇и, ад̇хидтаанам̣ бхиж̇ж̇ад̇и. ат̇а гхадзд̇ваа чинд̣̇ад̇и, на бхиж̇ж̇ад̇и. раж̇агзхи д̇ховаабзд̇ваа сзд̇ам̣ гаронд̇ассааби ад̇хидтаанам̣ ад̇хидтаанамзва. вассаанамаасаад̇иггамзнаабийд̇и зд̇т̇а би-сад̣̇д̣̇о самбин̣д̣анад̇т̇о. д̇зна на гзвалам̣ буб̣б̣з вуд̇д̇зна д̣̇аанаад̣̇инаа адтавид̇хзнзва гааран̣зна вассигасаадигаа ад̇хидтаанам̣ виж̇ахад̇и, ат̇а ко вассаанамаасаад̇иггамзнабийд̇и звамзд̇т̇а ад̇т̇о д̣̇адтаб̣б̣о. зса наяо ааб̣аад̇хавуубасамзнаабийд̇и зд̇т̇ааби. вигаббанасигкаабад̣̇зд̇и (баажи. 372 аад̣̇аяо) баажид̇д̇ияз сураабаанаваг̇г̇асса навамасигкаабад̣̇з.
Kaniṭṭhaṅgulinakhapiṭṭhippamāṇenāti heṭṭhimaparicchedaṃ dasseti. Oratoti abbhantarato. Yo pana dubbalaṭṭhāne paṭhamaṃ aggaḷaṃ datvā pacchā dubbalaṭṭhānaṃ chinditvā apaneti, adhiṭṭhānaṃ na bhijjati. Maṇḍalaparivattanepi eseva nayo. Dupaṭṭassa pana ekasmiṃ paṭale chidde vā jāte, galite vā adhiṭṭhānaṃ na bhijjati. Khuddakaṃ cīvaraṃ mahantaṃ karoti, mahantaṃ vā khuddakaṃ karoti, adhiṭṭhānaṃ na bhijjati. Ubho koṭiyo majjhe karonto sace pana paṭhamaṃ chinditvā pacchā ghaṭeti, adhiṭṭhānaṃ bhijjati. Atha ghaṭetvā chindati, na bhijjati. Rajakehi dhovāpetvā setaṃ karontassāpi adhiṭṭhānaṃ adhiṭṭhānameva. Vassānamāsātikkamenāpīti ettha pi-saddo sampiṇḍanattho. Tena na kevalaṃ pubbe vuttena dānādinā aṭṭhavidheneva kāraṇena vassikasāṭikā adhiṭṭhānaṃ vijahati, atha kho vassānamāsātikkamenapīti evamettha attho daṭṭhabbo. Esa nayo ābādhavūpasamenāpīti etthāpi. Vikappanasikkhāpadeti (pāci. 372 ādayo) pācittiye surāpānavaggassa navamasikkhāpade.
д̇ам̣ ад̇иггаамаяад̇од̇и зд̇т̇а д̇анд̇и жийварам̣, гаалам̣ ваа бараамасад̇ийд̇и ааха ‘‘д̇ам̣ яат̇аавуд̇д̇аж̇аад̇иббамаан̣а’’нд̇иаад̣̇и. ассаад̇и бхигкусса. д̇асса яо арун̣од̇и д̇асса жийваруббаад̣̇ад̣̇ивасасса яо ад̇игганд̇о арун̣о. жийваруббаад̣̇ад̣̇ивасзна сад̣̇д̇хинд̇и жийваруббаад̣̇ад̣̇ивасасса арун̣зна сад̣̇д̇хим̣. д̣̇ивасасад̣̇д̣̇зна жзд̇т̇а д̇ам̣д̣̇ивасаниссид̇о арун̣о вуд̇д̇о. ид̣̇аани яасса жа ниссаж̇ж̇ид̇аб̣б̣ам̣, яат̇аа жа ниссаж̇ж̇ид̇аб̣б̣ам̣, д̇ам̣ д̣̇ассзд̇ум̣ ‘‘д̇ам̣ г̇ахзд̇ваа’’д̇иаад̣̇и вуд̇д̇ам̣. д̇ад̇рааяам̣ наяод̇и д̇асмим̣ ниссаж̇ж̇анз аяам̣ вид̇хи. ан̃н̃ат̇аабийд̇и бхаасанд̇арзнааби, яааяа гааяажи бхаасааяабийд̇и ад̇т̇о. бадиб̣алзнаад̇и вад̇д̇ум̣ самад̇т̇зна. ааяад̇им̣ сам̣варзяяаасийд̇и убари сам̣варамаабаж̇ж̇зяяааси, сам̣вуд̇агааяаважийд̣̇вааро бхавзяяаасийд̇и ад̇т̇о. имаани жа ‘‘бассасий’’д̇иаад̣̇ийни яат̇ааггамам̣ бадиг̇г̇аахагад̣̇зсагзхи вад̇д̇аб̣б̣аважанаани. д̇ат̇аа хи ‘‘бассасий’’д̇и бадиг̇г̇аахагзна вад̇д̇аб̣б̣аважанам̣, ‘‘аама бассаамий’’д̇и д̇ад̣̇ануд̣̇зсагзна вад̇д̇аб̣б̣аважанам̣. ‘‘ааяад̇им̣ сам̣варзяяаасий’’д̇и д̇ад̣̇ануббадиг̇г̇аахагзна вад̇д̇аб̣б̣аважанам̣, ‘‘саад̇ху судту сам̣вариссаамий’’д̇и д̇ад̣̇ануд̣̇зсагзна вад̇д̇аб̣б̣аважанам̣. иминаа жа ад̇д̇ано ааяад̇им̣ сам̣варз бад̇идтид̇абхаавам̣ д̣̇ассзд̇и. д̣̇вийсу, бана самб̣ахулаасу ваад̇и д̣̇вийсу ваа самб̣ахулаасу ваа аабад̇д̇ийсу буриманаязнзва важанабхзд̣̇о гаад̇аб̣б̣о. н̃ад̇д̇ияам̣ аабад̇д̇им̣ сарад̇и виварад̇ийд̇и зд̇т̇а ‘‘д̣̇вз аабад̇д̇ияо’’д̇и ваа ‘‘самб̣ахулаа аабад̇д̇ияо’’д̇и ваа важанабхзд̣̇о гаад̇аб̣б̣о. д̣̇вийсу, б̣ахуусу ваа важанабхзд̣̇о гаад̇аб̣б̣од̇и ‘‘сан̇гхо имаани жийварааний’’д̇и вад̇т̇увасзна важанабхзд̣̇о гаад̇аб̣б̣о.
Taṃ atikkāmayatoti ettha tanti cīvaraṃ, kālaṃ vā parāmasatīti āha ‘‘taṃ yathāvuttajātippamāṇa’’ntiādi. Assāti bhikkhussa. Tassa yo aruṇoti tassa cīvaruppādadivasassa yo atikkanto aruṇo. Cīvaruppādadivasena saddhinti cīvaruppādadivasassa aruṇena saddhiṃ. Divasasaddena cettha taṃdivasanissito aruṇo vutto. Idāni yassa ca nissajjitabbaṃ, yathā ca nissajjitabbaṃ, taṃ dassetuṃ ‘‘taṃ gahetvā’’tiādi vuttaṃ. Tatrāyaṃ nayoti tasmiṃ nissajjane ayaṃ vidhi. Aññathāpīti bhāsantarenāpi, yāya kāyaci bhāsāyapīti attho. Paṭibalenāti vattuṃ samatthena. Āyatiṃ saṃvareyyāsīti upari saṃvaramāpajjeyyāsi, saṃvutakāyavacīdvāro bhaveyyāsīti attho. Imāni ca ‘‘passasī’’tiādīni yathākkamaṃ paṭiggāhakadesakehi vattabbavacanāni. Tathā hi ‘‘passasī’’ti paṭiggāhakena vattabbavacanaṃ, ‘‘āma passāmī’’ti tadanudesakena vattabbavacanaṃ. ‘‘Āyatiṃ saṃvareyyāsī’’ti tadanuppaṭiggāhakena vattabbavacanaṃ, ‘‘sādhu suṭṭhu saṃvarissāmī’’ti tadanudesakena vattabbavacanaṃ. Iminā ca attano āyatiṃ saṃvare patiṭṭhitabhāvaṃ dasseti. Dvīsu, pana sambahulāsu vāti dvīsu vā sambahulāsu vā āpattīsu purimanayeneva vacanabhedo kātabbo. Ñattiyaṃ āpattiṃ sarati vivaratīti ettha ‘‘dve āpattiyo’’ti vā ‘‘sambahulā āpattiyo’’ti vā vacanabhedo kātabbo. Dvīsu, bahūsu vā vacanabhedo kātabboti ‘‘saṅgho imāni cīvarānī’’ti vatthuvasena vacanabhedo kātabbo.
звам̣ сан̇гхасса ниссаж̇ж̇анавид̇хим̣ д̣̇ассзд̇ваа г̇ан̣асса ниссаж̇ж̇анавид̇хим̣ д̣̇ассзд̇ум̣ ‘‘г̇ан̣асса бана ниссаж̇ж̇анд̇знаа’’д̇иаад̣̇имааха. д̇ад̇т̇а сзсам̣ буримасад̣̇исамзваад̇и ниссаж̇ж̇анаабад̇д̇иббадиг̇г̇ахан̣аниссадтажийварад̣̇аанзсу ‘‘ааяасманд̇аана’’нд̇иаад̣̇инаа вуд̇д̇аважанабхзд̣̇ам̣ винаа авасзсам̣ сан̇гхасса ниссаж̇ж̇анаад̣̇ийсу вуд̇д̇асад̣̇исамзваад̇и ад̇т̇о.
Evaṃ saṅghassa nissajjanavidhiṃ dassetvā gaṇassa nissajjanavidhiṃ dassetuṃ ‘‘gaṇassa pana nissajjantenā’’tiādimāha. Tattha sesaṃ purimasadisamevāti nissajjanāpattippaṭiggahaṇanissaṭṭhacīvaradānesu ‘‘āyasmantāna’’ntiādinā vuttavacanabhedaṃ vinā avasesaṃ saṅghassa nissajjanādīsu vuttasadisamevāti attho.
ид̣̇аани буг̇г̇аласса ниссаж̇ж̇анавид̇хим̣ д̣̇ассзд̇ум̣ ‘‘буг̇г̇аласса банаа’’д̇иаад̣̇и вуд̇д̇ам̣. д̇ад̇т̇а д̣̇вийсу, д̇ийсу ваад̇и д̣̇вийсу, д̇ийсу ваа аабад̇д̇ийсу жзва д̣̇аад̇аб̣б̣ажийварзсу жа. яат̇аа жа г̇ан̣асса ниссаж̇ж̇анз, звам̣ д̣̇виннам̣ ниссаж̇ж̇анзби баал̣и взд̣̇ид̇аб̣б̣аа. яад̣̇и хи висзсо бхавзяяа, яат̇зва ‘‘ануж̇аанаами, бхигкавз, д̇ин̣н̣ам̣ баарисуд̣̇д̇хиубосат̇ам̣ гаад̇ум̣, зван̃жа бана, бхигкавз, гаад̇аб̣б̣о – б̣яад̇д̇зна бхигкунаа бадиб̣алзна д̇з бхигкуу н̃аабзд̇аб̣б̣аа’’д̇иаад̣̇инаа (махаава. 168) наязна д̇ин̣н̣ам̣ баарисуд̣̇д̇хиубосат̇ам̣ вад̇ваа ‘‘ануж̇аанаами, бхигкавз, д̣̇виннам̣ баарисуд̣̇д̇хиубосат̇ам̣ гаад̇ум̣, зван̃жа бана, бхигкавз, гад̇д̇аб̣б̣о – т̇зрзна бхигкунаа згам̣сам̣ уд̇д̇араасан̇г̇а’’нд̇иаад̣̇инаа наязна висум̣язва д̣̇виннам̣ баарисуд̣̇д̇хиубосат̇о вуд̇д̇о, звам̣ ид̇хааби висум̣ баал̣им̣ вад̣̇зяяа. яасмаа бана над̇т̇и, д̇асмаа авад̇ваава г̇ад̇од̇и г̇ан̣асса вуд̇д̇аа баал̣иязвзд̇т̇а баал̣и. аабад̇д̇иббадиг̇г̇ахан̣з бана аяам̣ висзсо – яат̇аа г̇ан̣асса ниссаж̇ж̇ид̇ваа аабад̇д̇ияаа д̣̇зсияамаанааяа аабад̇д̇иббадиг̇г̇аахаго бхигку н̃ад̇д̇им̣ табзд̇и, звам̣ адтабзд̇ваа д̣̇вийсу ан̃н̃ад̇арзна яат̇аа згабуг̇г̇ало бадиг̇г̇ан̣хаад̇и, звам̣ аабад̇д̇и бадиг̇г̇ахзд̇аб̣б̣аа. д̣̇виннан̃хи н̃ад̇д̇идтабанам̣ наама над̇т̇и. яад̣̇и сияаа, д̣̇виннам̣ баарисуд̣̇д̇хиубосат̇ам̣ висум̣ на вад̣̇зяяа. ниссадтажийварад̣̇аанзби яат̇аа ‘‘имам̣ жийварам̣ ааяасмад̇о д̣̇аммий’’д̇и зго вад̣̇ад̇и, звам̣ ‘‘маяам̣ имам̣ жийварам̣ ааяасмад̇о д̣̇змаа’’д̇и вад̇д̇ум̣ ваддад̇и. ид̇о г̇аругад̇арааниби хи н̃ад̇д̇ид̣̇уд̇ияагаммаани абалогзд̇ваа гаад̇аб̣б̣аанийд̇и вуд̇д̇аани ад̇т̇и, д̇зсам̣ зд̇ам̣ ануломам̣. д̇знзвааха ‘‘д̣̇виннам̣ банаа’’д̇иаад̣̇и. ниссадтажийварам̣ бана д̣̇аад̇аб̣б̣амзва, ад̣̇аад̇ум̣ на лаб̣бхад̇и. винаяагаммамад̇д̇амзва хзд̇ам̣. на д̇ам̣ д̇зна сан̇гхасса ваа г̇ан̣асса ваа буг̇г̇аласса ваа д̣̇иннамзва ход̇и. д̇знааха ‘‘ниссадтавад̇т̇у’’нд̇иаад̣̇и.
Idāni puggalassa nissajjanavidhiṃ dassetuṃ ‘‘puggalassa panā’’tiādi vuttaṃ. Tattha dvīsu, tīsu vāti dvīsu, tīsu vā āpattīsu ceva dātabbacīvaresu ca. Yathā ca gaṇassa nissajjane, evaṃ dvinnaṃ nissajjanepi pāḷi veditabbā. Yadi hi viseso bhaveyya, yatheva ‘‘anujānāmi, bhikkhave, tiṇṇaṃ pārisuddhiuposathaṃ kātuṃ, evañca pana, bhikkhave, kātabbo – byattena bhikkhunā paṭibalena te bhikkhū ñāpetabbā’’tiādinā (mahāva. 168) nayena tiṇṇaṃ pārisuddhiuposathaṃ vatvā ‘‘anujānāmi, bhikkhave, dvinnaṃ pārisuddhiuposathaṃ kātuṃ, evañca pana, bhikkhave, kattabbo – therena bhikkhunā ekaṃsaṃ uttarāsaṅga’’ntiādinā nayena visuṃyeva dvinnaṃ pārisuddhiuposatho vutto, evaṃ idhāpi visuṃ pāḷiṃ vadeyya. Yasmā pana natthi, tasmā avatvāva gatoti gaṇassa vuttā pāḷiyevettha pāḷi. Āpattippaṭiggahaṇe pana ayaṃ viseso – yathā gaṇassa nissajjitvā āpattiyā desiyamānāya āpattippaṭiggāhako bhikkhu ñattiṃ ṭhapeti, evaṃ aṭṭhapetvā dvīsu aññatarena yathā ekapuggalo paṭiggaṇhāti, evaṃ āpatti paṭiggahetabbā. Dvinnañhi ñattiṭṭhapanaṃ nāma natthi. Yadi siyā, dvinnaṃ pārisuddhiuposathaṃ visuṃ na vadeyya. Nissaṭṭhacīvaradānepi yathā ‘‘imaṃ cīvaraṃ āyasmato dammī’’ti eko vadati, evaṃ ‘‘mayaṃ imaṃ cīvaraṃ āyasmato demā’’ti vattuṃ vaṭṭati. Ito garukatarānipi hi ñattidutiyakammāni apaloketvā kātabbānīti vuttāni atthi, tesaṃ etaṃ anulomaṃ. Tenevāha ‘‘dvinnaṃ panā’’tiādi. Nissaṭṭhacīvaraṃ pana dātabbameva, adātuṃ na labbhati. Vinayakammamattameva hetaṃ. Na taṃ tena saṅghassa vā gaṇassa vā puggalassa vā dinnameva hoti. Tenāha ‘‘nissaṭṭhavatthu’’ntiādi.
аниссаж̇ж̇ид̇ваа барибхун̃ж̇анд̇асса д̣̇уггаданд̇и сагим̣ нивад̇т̇ам̣ ваа сагим̣ бааруд̇ам̣ ваа гааяад̇о аможзд̇ваа д̣̇ивасамби жарад̇и, згамзва д̣̇уггадам̣. можзд̇ваа ниваасзд̇и ваа баарубад̇и ваа, баяог̇з баяог̇з д̣̇уггадам̣. д̣̇уннивад̇т̇ам̣ ваа д̣̇уббааруд̇ам̣ ваа сан̣таабзнд̇асса анаабад̇д̇и. ан̃н̃асса д̇ам̣ барибхун̃ж̇ад̇оби анаабад̇д̇и. ‘‘ан̃н̃зна гад̇ам̣ бадилабхид̇ваа барибхун̃ж̇ад̇ий’’д̇иаад̣̇иважанан̃жзд̇т̇а (баараа. 570) саад̇хагам̣. д̣̇асаахам̣ анад̇игганд̇зби ад̇игганд̇асан̃н̃ино, взмад̇игасса жа д̣̇уггаданд̇и зд̇т̇ааби ‘‘барибхун̃ж̇анд̇ассаа’’д̇и аанзд̇ваа самб̣анд̇хид̇аб̣б̣ам̣. ад̇игганд̇з анад̇игганд̇асан̃н̃инобийд̇и д̣̇асаахам̣ ад̇игганд̇з жийварз ‘‘анад̇игганд̇ам̣ ид̣̇а’’нд̇и звам̣ сан̃н̃ино, д̣̇асаахз ваа ад̇игганд̇з ‘‘анад̇игганд̇о д̣̇асаахо’’д̇и звам̣ сан̃н̃ино.
Anissajjitvāparibhuñjantassa dukkaṭanti sakiṃ nivatthaṃ vā sakiṃ pārutaṃ vā kāyato amocetvā divasampi carati, ekameva dukkaṭaṃ. Mocetvā nivāseti vā pārupati vā, payoge payoge dukkaṭaṃ. Dunnivatthaṃ vā duppārutaṃ vā saṇṭhāpentassa anāpatti. Aññassa taṃ paribhuñjatopi anāpatti. ‘‘Aññena kataṃ paṭilabhitvā paribhuñjatī’’tiādivacanañcettha (pārā. 570) sādhakaṃ. Dasāhaṃ anatikkantepi atikkantasaññino, vematikassa ca dukkaṭanti etthāpi ‘‘paribhuñjantassā’’ti ānetvā sambandhitabbaṃ. Atikkante anatikkantasaññinopīti dasāhaṃ atikkante cīvare ‘‘anatikkantaṃ ida’’nti evaṃ saññino, dasāhe vā atikkante ‘‘anatikkanto dasāho’’ti evaṃ saññino.
ид̣̇аани ‘‘анад̇хидтид̇з ад̇хидтид̇асан̃н̃ино ниссаг̇г̇ияа’’нд̇иаад̣̇иаабад̇д̇иваарам̣ сан̇г̇ахзд̇ваа д̣̇ассзнд̇о ‘‘д̇ат̇аа’’д̇иаад̣̇имааха. д̇ат̇аад̇и яат̇аа д̣̇асаахам̣ ад̇игганд̇з сан̃н̃аабхзд̣̇зна д̇игабаажид̇д̇ияам̣, д̇ат̇аа анад̇хидтид̇аад̣̇ийсу сад̇д̇асу вигаббзсу ад̇хидтид̇аад̣̇исан̃н̃аабхзд̣̇ад̇од̇и ад̇т̇о. д̇ад̇т̇а ависсаж̇ж̇ид̇з виссаж̇ж̇ид̇асан̃н̃инод̇и гассажи ад̣̇иннз абарижжад̇д̇з ‘‘д̣̇иннам̣ барижжад̇д̇ам̣ маяаа’’д̇и звам̣ сан̃н̃ино. анадтз надтасан̃н̃инод̇и ад̇д̇ано жийварзна сад̣̇д̇хим̣ б̣ахууни ан̃н̃зсам̣ жийвараани згад̇о табид̇аани, д̇аани жз жораа харанд̇и, д̇ад̇рзса ад̇д̇ано жийварз анадтз надтасан̃н̃ий ход̇и, д̇асса надтасан̃н̃ино. зса наяо авинадтаад̣̇ийсуби. авилуд̇д̇зд̇и зд̇т̇а бана г̇аб̣бхам̣ бхинд̣̇ид̇ваа басаяхаавахааравасзна авилуд̇д̇зд̇и взд̣̇ид̇аб̣б̣ам̣.
Idāni ‘‘anadhiṭṭhite adhiṭṭhitasaññino nissaggiya’’ntiādiāpattivāraṃ saṅgahetvā dassento ‘‘tathā’’tiādimāha. Tathāti yathā dasāhaṃ atikkante saññābhedena tikapācittiyaṃ, tathā anadhiṭṭhitādīsu sattasu vikappesu adhiṭṭhitādisaññābhedatoti attho. Tattha avissajjite vissajjitasaññinoti kassaci adinne apariccatte ‘‘dinnaṃ pariccattaṃ mayā’’ti evaṃ saññino. Anaṭṭhe naṭṭhasaññinoti attano cīvarena saddhiṃ bahūni aññesaṃ cīvarāni ekato ṭhapitāni, tāni ce corā haranti, tatresa attano cīvare anaṭṭhe naṭṭhasaññī hoti, tassa naṭṭhasaññino. Esa nayo avinaṭṭhādīsupi. Avilutteti ettha pana gabbhaṃ bhinditvā pasayhāvahāravasena avilutteti veditabbaṃ.
виссаж̇ж̇ид̇зд̇и (баараа. адта. 2.469) ан̃н̃асса д̣̇иннз. гат̇ам̣ бана д̣̇иннам̣ ход̇и, гат̇ам̣ г̇ахид̇ам̣? ‘‘имам̣ д̇уяхам̣ д̣̇зми, д̣̇ад̣̇аами, д̣̇аж̇ж̇аами, он̣ож̇зми, барижжаж̇аами, виссаж̇ж̇аами, ниссаж̇ж̇аамий’’д̇и ваа вад̣̇ад̇и, ‘‘ид̇т̇аннаамасса д̣̇зми…бз… ниссаж̇ж̇аамий’’д̇и ваа вад̣̇ад̇и, саммукааби бараммукааби д̣̇иннам̣язва ход̇и. ‘‘д̇уяхам̣ г̇ан̣хаахий’’д̇и вуд̇д̇з ‘‘маяхам̣ г̇ан̣хаамий’’д̇и вад̣̇ад̇и, суд̣̇иннам̣, суг̇г̇ахид̇ан̃жа. ‘‘д̇ава санд̇агам̣ гарохи, д̇ава санд̇агам̣ ход̇у, д̇ава санд̇агам̣ гариссасий’’д̇и вуд̇д̇з ‘‘мама санд̇агам̣ гароми, мама санд̇агам̣ ход̇у, мама санд̇агам̣ гариссаамий’’д̇и вад̣̇ад̇и, д̣̇уд̣̇д̣̇иннам̣, д̣̇уг̇г̇ахид̇ан̃жа. нзва д̣̇аад̇аа д̣̇аад̇ум̣ ж̇аанаад̇и, на ид̇аро г̇ахзд̇ум̣. сажз бана ‘‘д̇ава санд̇агам̣ гарохий’’д̇и вуд̇д̇з ‘‘саад̇ху, бханд̇з, маяхам̣ г̇ан̣хаамий’’д̇и г̇ан̣хаад̇и, суг̇г̇ахид̇ам̣, сажз бана зго ‘‘г̇ан̣хаахий’’д̇и вад̣̇ад̇и, ид̇аро ‘‘на г̇ан̣хаамий’’д̇и вад̣̇ад̇и, буна со ‘‘д̣̇иннам̣ маяаа д̇уяхам̣, г̇ан̣хаахий’’д̇и вад̣̇ад̇и, ид̇ароби ‘‘на маяхам̣ иминаа ад̇т̇о’’д̇и вад̣̇ад̇и. д̇ад̇о буримоби ‘‘маяаа д̣̇инна’’нд̇и д̣̇асаахам̣ ад̇иггаамзд̇и, бажчимоби ‘‘маяаа бадигкид̇д̇а’’нд̇и, гассаабад̇д̇ийд̇и? на гассажи. яасса бана ружжад̇и, д̇зна ад̇хидтахид̇ваа барибхун̃ж̇ид̇аб̣б̣ам̣. яо бана ад̇хидтаанз взмад̇иго, д̇зна гим̣ гаад̇аб̣б̣ам̣? взмад̇игабхаавам̣ аарожзд̇ваа ‘‘сажз анад̇хидтид̇ам̣ бхависсад̇и, звам̣ мз габбияам̣ ход̇ий’’д̇и вад̇ваа вуд̇д̇анаязнзва ниссаж̇ж̇ид̇аб̣б̣ам̣. на хи звам̣ ж̇аанаабзд̇ваа винаяагаммам̣ гаронд̇асса мусааваад̣̇о ход̇и.
Vissajjiteti (pārā. aṭṭha. 2.469) aññassa dinne. Kathaṃ pana dinnaṃ hoti, kathaṃ gahitaṃ? ‘‘Imaṃ tuyhaṃ demi, dadāmi, dajjāmi, oṇojemi, pariccajāmi, vissajjāmi, nissajjāmī’’ti vā vadati, ‘‘itthannāmassa demi…pe… nissajjāmī’’ti vā vadati, sammukhāpi parammukhāpi dinnaṃyeva hoti. ‘‘Tuyhaṃ gaṇhāhī’’ti vutte ‘‘mayhaṃ gaṇhāmī’’ti vadati, sudinnaṃ, suggahitañca. ‘‘Tava santakaṃ karohi, tava santakaṃ hotu, tava santakaṃ karissasī’’ti vutte ‘‘mama santakaṃ karomi, mama santakaṃ hotu, mama santakaṃ karissāmī’’ti vadati, duddinnaṃ, duggahitañca. Neva dātā dātuṃ jānāti, na itaro gahetuṃ. Sace pana ‘‘tava santakaṃ karohī’’ti vutte ‘‘sādhu, bhante, mayhaṃ gaṇhāmī’’ti gaṇhāti, suggahitaṃ, sace pana eko ‘‘gaṇhāhī’’ti vadati, itaro ‘‘na gaṇhāmī’’ti vadati, puna so ‘‘dinnaṃ mayā tuyhaṃ, gaṇhāhī’’ti vadati, itaropi ‘‘na mayhaṃ iminā attho’’ti vadati. Tato purimopi ‘‘mayā dinna’’nti dasāhaṃ atikkāmeti, pacchimopi ‘‘mayā paṭikkhitta’’nti, kassāpattīti? Na kassaci. Yassa pana ruccati, tena adhiṭṭhahitvā paribhuñjitabbaṃ. Yo pana adhiṭṭhāne vematiko, tena kiṃ kātabbaṃ? Vematikabhāvaṃ ārocetvā ‘‘sace anadhiṭṭhitaṃ bhavissati, evaṃ me kappiyaṃ hotī’’ti vatvā vuttanayeneva nissajjitabbaṃ. Na hi evaṃ jānāpetvā vinayakammaṃ karontassa musāvādo hoti.
яат̇аа жа ид̣̇ам̣, звам̣ ид̇о бараанибийд̇и яат̇аа ид̣̇ам̣ ад̇ирзгажийварад̇хааран̣асигкаабад̣̇ам̣ аажааравибад̇д̇и, звам̣ ид̇о барааниби сигкаабад̣̇аани аажааравибад̇д̇иязваад̇и ад̇т̇о. д̇знааха ‘‘убхад̇обаад̇имогкзсуу’’д̇иаад̣̇и. ааж̇ийвавибад̇д̇ибажжаяаа бана табзд̇ваа д̣̇уб̣бхаасид̇ам̣ ча аабад̇д̇игканд̇хаа бан̃н̃ад̇д̇аад̇и –
Yathāca idaṃ, evaṃ ito parānipīti yathā idaṃ atirekacīvaradhāraṇasikkhāpadaṃ ācāravipatti, evaṃ ito parānipi sikkhāpadāni ācāravipattiyevāti attho. Tenāha ‘‘ubhatopātimokkhesū’’tiādi. Ājīvavipattipaccayā pana ṭhapetvā dubbhāsitaṃ cha āpattikkhandhā paññattāti –
‘‘ааж̇ийвахзд̇у ааж̇ийвагааран̣аа баабижчо ижчаабагад̇о асанд̇ам̣ абхууд̇ам̣ уд̇д̇аримануссад̇хаммам̣ уллабад̇и, аабад̇д̇и баарааж̇игасса. ааж̇ийвахзд̇у ааж̇ийвагааран̣аа сан̃жарид̇д̇ам̣ самаабаж̇ж̇ад̇и, аабад̇д̇и сан̇гхаад̣̇исзсасса. ааж̇ийвахзд̇у ааж̇ийвагааран̣аа ‘яо д̇з вихаарз васад̇и, со бхигку арахаа’д̇и бхан̣ад̇и, бадивиж̇аананд̇асса аабад̇д̇и т̇уллажжаяасса. ааж̇ийвахзд̇у ааж̇ийвагааран̣аа бхигку бан̣ийд̇абхож̇анаани аг̇илаано ад̇д̇ано ад̇т̇ааяа вин̃н̃аабзд̇ваа бхун̃ж̇ад̇и, аабад̇д̇и баажид̇д̇ияасса. ааж̇ийвахзд̇у ааж̇ийвагааран̣аа бхигкуний бан̣ийд̇абхож̇анаани аг̇илаанаа ад̇д̇ано ад̇т̇ааяа вин̃н̃аабзд̇ваа бхун̃ж̇ад̇и, аабад̇д̇и баадид̣̇зсанийяасса. ааж̇ийвахзд̇у ааж̇ийвагааран̣аа бхигку суубам̣ ваа од̣̇анам̣ ваа аг̇илаано ад̇д̇ано ад̇т̇ааяа вин̃н̃аабзд̇ваа бхун̃ж̇ад̇и, аабад̇д̇и д̣̇уггадассаа’’д̇и (бари. 287) –
‘‘Ājīvahetu ājīvakāraṇā pāpiccho icchāpakato asantaṃ abhūtaṃ uttarimanussadhammaṃ ullapati, āpatti pārājikassa. Ājīvahetu ājīvakāraṇā sañcarittaṃ samāpajjati, āpatti saṅghādisesassa. Ājīvahetu ājīvakāraṇā ‘yo te vihāre vasati, so bhikkhu arahā’ti bhaṇati, paṭivijānantassa āpatti thullaccayassa. Ājīvahetu ājīvakāraṇā bhikkhu paṇītabhojanāni agilāno attano atthāya viññāpetvā bhuñjati, āpatti pācittiyassa. Ājīvahetu ājīvakāraṇā bhikkhunī paṇītabhojanāni agilānā attano atthāya viññāpetvā bhuñjati, āpatti pāṭidesanīyassa. Ājīvahetu ājīvakāraṇā bhikkhu sūpaṃ vā odanaṃ vā agilāno attano atthāya viññāpetvā bhuñjati, āpatti dukkaṭassā’’ti (pari. 287) –
звам̣ баарааж̇игаад̣̇ивасзна табзд̇ваа д̣̇уб̣бхаасид̇ам̣ ааж̇ийвавибад̇д̇ибажжаяаа ча аабад̇д̇игканд̇хаа бан̃н̃ад̇д̇аа. д̣̇идтивибад̇д̇ибажжаяаа баажид̇д̇ияад̣̇уггадавасзна д̣̇вз аабад̇д̇игканд̇хаа бан̃н̃ад̇д̇аад̇и саманубхаасанааяа баабигааяа д̣̇идтияаа аббадиниссаж̇ж̇анз н̃ад̇д̇ияаа д̣̇уггадам̣, гаммаваажаабарияосаанз баажид̇д̇ияанд̇и звам̣ д̣̇идтивибад̇д̇ибажжаяаа баажид̇д̇ияад̣̇уггадавасзна д̣̇вз аабад̇д̇игканд̇хаа бан̃н̃ад̇д̇аа. зд̇т̇аад̇и вибад̇д̇игат̇аасу.
Evaṃ pārājikādivasena ṭhapetvā dubbhāsitaṃ ājīvavipattipaccayā cha āpattikkhandhā paññattā. Diṭṭhivipattipaccayā pācittiyadukkaṭavasena dve āpattikkhandhā paññattāti samanubhāsanāya pāpikāya diṭṭhiyā appaṭinissajjane ñattiyā dukkaṭaṃ, kammavācāpariyosāne pācittiyanti evaṃ diṭṭhivipattipaccayā pācittiyadukkaṭavasena dve āpattikkhandhā paññattā. Etthāti vipattikathāsu.
г̇ан̣анубаг̇ад̇аад̇и д̣̇ивасаг̇ан̣анам̣ убаг̇ад̇абхааво. ан̃н̃зхи ‘‘имам̣ жийварам̣ ид̇т̇аннаамасса д̣̇змаа’’д̇и барахад̇т̇з д̣̇иннамби ‘‘на д̇аава д̇ам̣ г̇ан̣анубаг̇ам̣, яаава на хад̇т̇ам̣ г̇ажчад̇ий’’д̇и (махаава. 259) жаммагканд̇хагз вуд̇д̇ад̇д̇аа яаава аахарид̇ваа ваа на д̣̇иннам̣, ‘‘д̇умхаагам̣, бханд̇з, жийварам̣ уббанна’’нд̇и бахин̣ид̇ваа ваа анаарожид̇ам̣, д̇аава д̣̇ивасаг̇ан̣анам̣ на убзд̇и, анад̇хидтид̇ам̣ ваддад̇и. яад̣̇аа бана аанзд̇ваа д̣̇иннам̣ ход̇и, ‘‘уббанна’’нд̇и ваа суд̇ам̣, д̇ад̇о бадтааяа г̇ан̣анубаг̇ам̣ ход̇и, анд̇од̣̇асаахз ад̇хидтаад̇аб̣б̣ам̣. гат̇инасан̃н̃ид̇ам̣ самудтаанамассаад̇и гат̇инасамудтаанам̣, д̇ад̇ияачадтасамудтаанавасзна д̣̇висамудтаананд̇и ад̇т̇о. гааяаваажаахи гад̇д̇аб̣б̣аад̇хидтаанавигаббанаанам̣ агаран̣зна гааяаваажад̇о, жид̇д̇з бана сад̇и гааяаваажаажид̇д̇ад̇о жа самудтаад̇ийд̇и вуд̇д̇ам̣ ход̇и. анад̇хидтаанаавигаббанавасзна аабаж̇ж̇анад̇о агирияам̣. аж̇аананд̇оби аабаж̇ж̇ад̇ийд̇и носан̃н̃аавимогкам̣. гааяад̣̇ваарз жа важийд̣̇ваарз жа гад̇д̇аб̣б̣аагаран̣ад̇о гааяагаммам̣ важийгаммам̣.
Gaṇanupagatāti divasagaṇanaṃ upagatabhāvo. Aññehi ‘‘imaṃ cīvaraṃ itthannāmassa demā’’ti parahatthe dinnampi ‘‘na tāva taṃ gaṇanupagaṃ, yāva na hatthaṃ gacchatī’’ti (mahāva. 259) cammakkhandhake vuttattā yāva āharitvā vā na dinnaṃ, ‘‘tumhākaṃ, bhante, cīvaraṃ uppanna’’nti pahiṇitvā vā anārocitaṃ, tāva divasagaṇanaṃ na upeti, anadhiṭṭhitaṃ vaṭṭati. Yadā pana ānetvā dinnaṃ hoti, ‘‘uppanna’’nti vā sutaṃ, tato paṭṭhāya gaṇanupagaṃ hoti, antodasāhe adhiṭṭhātabbaṃ. Kathinasaññitaṃ samuṭṭhānamassāti kathinasamuṭṭhānaṃ, tatiyachaṭṭhasamuṭṭhānavasena dvisamuṭṭhānanti attho. Kāyavācāhi kattabbaadhiṭṭhānavikappanānaṃ akaraṇena kāyavācato, citte pana sati kāyavācācittato ca samuṭṭhātīti vuttaṃ hoti. Anadhiṭṭhānāvikappanavasena āpajjanato akiriyaṃ. Ajānantopi āpajjatīti nosaññāvimokkhaṃ. Kāyadvāre ca vacīdvāre ca kattabbākaraṇato kāyakammaṃ vacīkammaṃ.
гат̇инасигкаабад̣̇аван̣н̣анаа нидтид̇аа.
Kathinasikkhāpadavaṇṇanā niṭṭhitā.
