| Library / Tipiṭaka / д̇ибидага • Tipiṭaka / ган̇каавид̇аран̣ий-бураан̣а-дийгаа • Kaṅkhāvitaraṇī-purāṇa-ṭīkā |
ниссаг̇г̇ияаган̣д̣ам̣
Nissaggiyakaṇḍaṃ
1. жийвараваг̇г̇о
1. Cīvaravaggo
1. гат̇инасигкаабад̣̇аван̣н̣анаа
1. Kathinasikkhāpadavaṇṇanā
ниссаг̇г̇ияаган̣д̣з д̇ин̣н̣ам̣ гат̇инасигкаабад̣̇аанам̣, вассигасаадигаажжзгажийварасаасан̇гасигкаабад̣̇аанан̃жа згад̣̇зсанааяа д̇ат̇аагин̣н̣аабад̇д̇игканд̇хаава взд̣̇ид̇аб̣б̣аа –
Nissaggiyakaṇḍe tiṇṇaṃ kathinasikkhāpadānaṃ, vassikasāṭikaaccekacīvarasāsaṅkasikkhāpadānañca ekadesanāya tathākiṇṇāpattikkhandhāva veditabbā –
гат̇инам̣ яасса жад̇д̇ааро, сахаж̇аа самаяад̣̇ваяам̣;
Kathinaṃ yassa cattāro, sahajā samayadvayaṃ;
чаннам̣ сигкаабад̣̇аанан̃жа, згад̣̇зсавинижчаяо.
Channaṃ sikkhāpadānañca, ekadesavinicchayo.
д̇ад̇т̇а гат̇инанд̇и ‘‘сан̇гхасса анумод̣̇анааяа, г̇ан̣асса анумод̣̇анааяа, буг̇г̇аласса ад̇т̇аараа сан̇гхасса ад̇т̇ад̇ам̣ ход̇и гат̇ина’’нд̇и (бари. 414) важанад̇о д̇зсам̣язва анумод̣̇анаад̣̇ид̇хаммаанам̣ сан̇г̇ахо гат̇инам̣ наама. яат̇ааха ‘‘гат̇инам̣ ж̇аанид̇аб̣б̣анд̇и д̇зсан̃н̃зва д̇хаммаанам̣ сан̇г̇ахо самавааяо наамам̣ наамагамма’’нд̇иаад̣̇и (бари. 412). д̇асмаа гат̇инанд̇и ид̣̇ам̣ б̣ахуусу д̇хаммзсу наамамад̇д̇ам̣, на барамад̇т̇ад̇о зго д̇хаммо. го банасса ад̇т̇аарод̇и? д̇ад̣̇згад̣̇зсова кийрасса д̇хаараа вияа. яат̇аа жааха ‘‘ад̇т̇ааро згзна д̇хаммзна сан̇г̇ахид̇о важийбхзд̣̇знаа’’д̇и. сахаж̇аа наама адта маад̇игаа, д̣̇вз балиб̣од̇хаа, бан̃жаанисам̣саад̇и имз баннараса д̇хаммаа. самаяад̣̇ваяам̣ наама гат̇инад̇т̇аарасамаяо, жийварасамаяо жаад̇и. д̇ад̇т̇а гат̇инад̇т̇аарасамаяо вассаанасса бажчимо маасо. жийварасамаяо наама анад̇т̇ад̇з гат̇инз аяам̣ гад̇д̇игамаасо, ад̇т̇ад̇з жад̇д̇ааро хзманд̇игаа жаад̇и бан̃жа маасаа.
Tattha kathinanti ‘‘saṅghassa anumodanāya, gaṇassa anumodanāya, puggalassa atthārā saṅghassa atthataṃ hoti kathina’’nti (pari. 414) vacanato tesaṃyeva anumodanādidhammānaṃ saṅgaho kathinaṃ nāma. Yathāha ‘‘kathinaṃ jānitabbanti tesaññeva dhammānaṃ saṅgaho samavāyo nāmaṃ nāmakamma’’ntiādi (pari. 412). Tasmā kathinanti idaṃ bahūsu dhammesu nāmamattaṃ, na paramatthato eko dhammo. Ko panassa atthāroti? Tadekadesova khīrassa dhārā viya. Yathā cāha ‘‘atthāro ekena dhammena saṅgahito vacībhedenā’’ti. Sahajā nāma aṭṭha mātikā, dve palibodhā, pañcānisaṃsāti ime pannarasa dhammā. Samayadvayaṃ nāma kathinatthārasamayo, cīvarasamayo cāti. Tattha kathinatthārasamayo vassānassa pacchimo māso. Cīvarasamayo nāma anatthate kathine ayaṃ kattikamāso, atthate cattāro hemantikā cāti pañca māsā.
д̇ад̇т̇а адта маад̇игаа наама баггамананд̇игаад̣̇аяо. д̇аа саб̣б̣ааби ад̇т̇аарзна згад̇о уббаж̇ж̇анд̇и наама. д̇аб̣бхаавабхаавид̇ааяа ад̇т̇аарз сад̇и уд̣̇д̇хааро самбхавад̇и. д̇ад̇т̇а гат̇инад̇т̇аарзна згуббаад̣̇аа зганирод̇хаа анд̇аруб̣бхааро сахуб̣бхааро, авасзсаа гат̇инуб̣бхаараа згуббаад̣̇аа, наанаанирод̇хаа жа. д̇ад̇т̇а зганирод̇хаад̇и ад̇т̇аарзна саха нирод̇хаа, анд̇аруб̣бхаарасахуб̣бхаараанам̣ уд̣̇д̇хаараабхааво згагкан̣з ход̇ийд̇и ад̇т̇о. сзсаа наанаа нируж̇жханд̇и наама. д̇зсу хи уд̣̇д̇хаарабхаавам̣ бад̇д̇зсуби ад̇т̇ааро д̇идтад̇и зваад̇и адтагат̇ааяам̣ ад̇т̇авибхааванаа. сажз ад̇т̇ад̇з гат̇инз бхигкусмим̣ саабзгкз д̇амхаа ааваасаа баггаманд̇з сан̇гхо анд̇аруб̣бхаарам̣ гарод̇и, д̇асса бхигкуно батамамзва муулааваасз нидтид̇ажийварабалиб̣од̇хаабхаавзби сад̇и анд̇аруб̣бхаарз балиб̣од̇хо чиж̇ж̇ад̇и сад̇иби саабзгкад̇ааяа сауссаахад̇д̇аа. иминаа барияааязна баггамананд̇иго гат̇инуд̣̇д̇хааро ад̇т̇аарзна згуббаад̣̇о наанаанирод̇хо ход̇и. д̇ат̇аа анд̇аруб̣бхаарз сад̇и сун̣анд̇ассааби яаава жийваранидтаанам̣ на г̇ажчад̇и, д̇аава барихаарасамбхавад̇о нидтаананд̇иго. яаава саннидтаанам̣ на г̇ажчад̇и, д̇аава барихаарасамбхавад̇о саннидтаананд̇иго. яаава на нассад̇и, д̇аава барихаарасамбхавад̇о наасананд̇иго. яаава на сун̣аад̇и, д̇аава барихаарасамбхавад̇о савананд̇иго. яаава жийвараасаа на чиж̇ж̇ад̇и, д̇аава барихаарасамбхавад̇о аасааважчзд̣̇иго. яаава сиймам̣ наад̇иггамад̇и, д̇аава барихаарасамбхавад̇о сиймаад̇игганд̇иго. ад̇т̇аарзна згуббаад̣̇о наанаанирод̇хо ход̇ийд̇и взд̣̇ид̇аб̣б̣о.
Tattha aṭṭha mātikā nāma pakkamanantikādayo. Tā sabbāpi atthārena ekato uppajjanti nāma. Tabbhāvabhāvitāya atthāre sati uddhāro sambhavati. Tattha kathinatthārena ekuppādā ekanirodhā antarubbhāro sahubbhāro, avasesā kathinubbhārā ekuppādā, nānānirodhā ca. Tattha ekanirodhāti atthārena saha nirodhā, antarubbhārasahubbhārānaṃ uddhārābhāvo ekakkhaṇe hotīti attho. Sesā nānā nirujjhanti nāma. Tesu hi uddhārabhāvaṃ pattesupi atthāro tiṭṭhati evāti aṭṭhakathāyaṃ atthavibhāvanā. Sace atthate kathine bhikkhusmiṃ sāpekkhe tamhā āvāsā pakkamante saṅgho antarubbhāraṃ karoti, tassa bhikkhuno paṭhamameva mūlāvāse niṭṭhitacīvarapalibodhābhāvepi sati antarubbhāre palibodho chijjati satipi sāpekkhatāya saussāhattā. Iminā pariyāyena pakkamanantiko kathinuddhāro atthārena ekuppādo nānānirodho hoti. Tathā antarubbhāre sati suṇantassāpi yāva cīvaraniṭṭhānaṃ na gacchati, tāva parihārasambhavato niṭṭhānantiko. Yāva sanniṭṭhānaṃ na gacchati, tāva parihārasambhavato sanniṭṭhānantiko. Yāva na nassati, tāva parihārasambhavato nāsanantiko. Yāva na suṇāti, tāva parihārasambhavato savanantiko. Yāva cīvarāsā na chijjati, tāva parihārasambhavato āsāvacchediko. Yāva sīmaṃ nātikkamati, tāva parihārasambhavato sīmātikkantiko. Atthārena ekuppādo nānānirodho hotīti veditabbo.
д̇ад̇т̇а анд̇аруб̣бхаарасахуб̣бхаараа д̣̇вз анд̇осиймааяам̣ зва самбхаванд̇и, на б̣ахисиймааяам̣. баггаманасаванасиймаад̇игганд̇игаа б̣ахисиймааяамзва самбхаванд̇и, на анд̇осиймааяам̣. нидтаанасаааадтаанаасааважчзд̣̇игаа анд̇осиймааяан̃жзва б̣ахисиймааяан̃жа. анд̇аруб̣бхааро сан̇гхааяад̇д̇о, баггамананидтаанасаннидтаанасиймаад̇игганд̇игаа буг̇г̇алаад̇хийнаа, сзсаа д̇ад̣̇убхаяавибарийд̇аа.
Tattha antarubbhārasahubbhārā dve antosīmāyaṃ eva sambhavanti, na bahisīmāyaṃ. Pakkamanasavanasīmātikkantikā bahisīmāyameva sambhavanti, na antosīmāyaṃ. Niṭṭhānasaaāṭṭhānāsāvacchedikā antosīmāyañceva bahisīmāyañca. Antarubbhāro saṅghāyatto, pakkamananiṭṭhānasanniṭṭhānasīmātikkantikā puggalādhīnā, sesā tadubhayaviparītā.
д̇ад̇т̇а ‘‘нидтид̇ажийварасми’’нд̇и иминаа жийварабалиб̣од̇хаабхаавамзва д̣̇ийбзд̇и. на ааваасабалиб̣од̇хаабхаавам̣. ‘‘уб̣бхад̇асмим̣ гат̇инз’’д̇и иминаа убхаяабалиб̣од̇хаабхаавам̣ д̣̇ийбзд̇и, д̇асмаа убхаяабалиб̣од̇хаабхаавад̣̇ийбанад̇т̇ам̣ д̇ад̣̇зва вад̇д̇аб̣б̣анд̇и жз? на, висзсад̇д̇аа. гат̇ам̣? гааман̃жзд̇ам̣ д̇асмаа ‘‘уб̣бхад̇асмим̣ гат̇инз’’д̇и гзсан̃жи гат̇инуд̣̇д̇хаараанам̣ наанаанирод̇хад̇д̇аа, сан̇гхабуг̇г̇алаад̇хийнаанад̇хийнад̇д̇аа жа анд̇об̣ахиубхаяасиймаасу нияамаанияамад̇о жа уб̣бхад̇асмим̣ гат̇инз сан̇гхасса, на буг̇г̇аласса уб̣бхад̇ам̣ ход̇и, д̇ат̇ааби ‘‘уб̣бхад̇асмим̣ гат̇инз’’д̇и ид̣̇ам̣ сааман̃н̃аважанам̣. д̇асмаа ‘‘нидтид̇ажийварасми’’нд̇и иминаа нияамзд̇и.
Tattha ‘‘niṭṭhitacīvarasmi’’nti iminā cīvarapalibodhābhāvameva dīpeti. Na āvāsapalibodhābhāvaṃ. ‘‘Ubbhatasmiṃ kathine’’ti iminā ubhayapalibodhābhāvaṃ dīpeti, tasmā ubhayapalibodhābhāvadīpanatthaṃ tadeva vattabbanti ce? Na, visesattā. Kathaṃ? Kāmañcetaṃ tasmā ‘‘ubbhatasmiṃ kathine’’ti kesañci kathinuddhārānaṃ nānānirodhattā, saṅghapuggalādhīnānadhīnattā ca antobahiubhayasīmāsu niyamāniyamato ca ubbhatasmiṃ kathine saṅghassa, na puggalassa ubbhataṃ hoti, tathāpi ‘‘ubbhatasmiṃ kathine’’ti idaṃ sāmaññavacanaṃ. Tasmā ‘‘niṭṭhitacīvarasmi’’nti iminā niyameti.
гим̣ вуд̇д̇ам̣ ход̇и – сан̇гхасса анд̇аруб̣бхаарзна уб̣бхад̇асмим̣ гат̇инз ажчиннажийварабалиб̣од̇хо б̣ахисиймааг̇ад̇о бажчаа г̇анд̇ваа ад̇д̇ано сиймааг̇ад̇о анидтид̇ажийваро аанисам̣сам̣ лабхад̇и зваад̇и гад̇ваа ‘‘нидтид̇ажийварасми’’нд̇и вуд̇д̇анд̇и взд̣̇ид̇аб̣б̣ам̣. д̇ад̇т̇а ааваасабалиб̣од̇хо наама васад̇и ваа д̇асмим̣ ааваасз, саабзгко ваа баггамад̇и. жийварабалиб̣од̇хо наама жийварам̣ агад̇ам̣ виббагад̇ам̣, жийвараасаанубажчиннаа, д̇аб̣б̣ибарийд̇зна абалиб̣од̇хо взд̣̇ид̇аб̣б̣о. д̇ад̇т̇а анад̇т̇ад̇агат̇инаанам̣ жийварагааласамаяз нияамад̇о жад̇д̇ааро аанисам̣саа лаб̣бханд̇и, асамаад̣̇аанажааро анияамад̇о. д̇зна саасан̇гасигкаабад̣̇ам̣ вуд̇д̇ам̣. гат̇ам̣ жад̇д̇ааро нияад̇аад̇и жз? ‘‘жийварагааласамаяо наама анад̇т̇ад̇з гат̇инз вассаанасса бажчимо маасо’’д̇и (баараа. 649) важанад̇о анад̇т̇ад̇агат̇инаанам̣ д̇асмим̣ маасз яаавад̣̇ад̇т̇ажийварам̣ сид̣̇д̇хам̣, д̇ат̇аа д̇ад̇ияагат̇инасигкаабад̣̇з (баараа. 497 аад̣̇аяо) агаалажийварам̣ наама бидтисамаяад̇о бадтааяа д̇ам̣ бадиг̇г̇ахзд̇ваа сан̇гхад̇о лабхид̇аб̣б̣ам̣ жз, яаава жийварагааласамаяам̣ нигкибид̇ваа бхааж̇зд̇ваа г̇ахзд̇аб̣б̣ам̣. буг̇г̇алигам̣ жз, вассаанасса чадтабагкасса бан̃жамид̇о бадтааяа яаава жийварагааласамаяам̣ анад̇хидтид̇ам̣ авигаббид̇ам̣ ваддад̇и ажжзгажийварасигкаабад̣̇зна анун̃н̃аад̇ад̇д̇аа, на д̇ад̇о барам̣. д̇ад̣̇аа уббаннажийварасса бадисид̣̇д̇хад̇д̇аа батамагат̇инзна. д̇ад̇т̇а адтагат̇ааяам̣ вуд̇д̇анаяо сан̇гхигам̣ санд̇хааяа, д̇ат̇аа бораан̣аг̇ан̣тибад̣̇з жаад̇и взд̣̇ид̇аб̣б̣ам̣.
Kiṃ vuttaṃ hoti – saṅghassa antarubbhārena ubbhatasmiṃ kathine acchinnacīvarapalibodho bahisīmāgato pacchā gantvā attano sīmāgato aniṭṭhitacīvaro ānisaṃsaṃ labhati evāti katvā ‘‘niṭṭhitacīvarasmi’’nti vuttanti veditabbaṃ. Tattha āvāsapalibodho nāma vasati vā tasmiṃ āvāse, sāpekkho vā pakkamati. Cīvarapalibodho nāma cīvaraṃ akataṃ vippakataṃ, cīvarāsānupacchinnā, tabbiparītena apalibodho veditabbo. Tattha anatthatakathinānaṃ cīvarakālasamaye niyamato cattāro ānisaṃsā labbhanti, asamādānacāro aniyamato. Tena sāsaṅkasikkhāpadaṃ vuttaṃ. Kathaṃ cattāro niyatāti ce? ‘‘Cīvarakālasamayo nāma anatthate kathine vassānassa pacchimo māso’’ti (pārā. 649) vacanato anatthatakathinānaṃ tasmiṃ māse yāvadatthacīvaraṃ siddhaṃ, tathā tatiyakathinasikkhāpade (pārā. 497 ādayo) akālacīvaraṃ nāma piṭṭhisamayato paṭṭhāya taṃ paṭiggahetvā saṅghato labhitabbaṃ ce, yāva cīvarakālasamayaṃ nikkhipitvā bhājetvā gahetabbaṃ. Puggalikaṃ ce, vassānassa chaṭṭhapakkhassa pañcamito paṭṭhāya yāva cīvarakālasamayaṃ anadhiṭṭhitaṃ avikappitaṃ vaṭṭati accekacīvarasikkhāpadena anuññātattā, na tato paraṃ. Tadā uppannacīvarassa paṭisiddhattā paṭhamakathinena. Tattha aṭṭhakathāyaṃ vuttanayo saṅghikaṃ sandhāya, tathā porāṇagaṇṭhipade cāti veditabbaṃ.
батамагат̇инз (баараа. 459 аад̣̇аяо) батамабан̃н̃ад̇д̇ияаа, ависзсзна ваа згаад̣̇асамз д̣̇ивасз аабад̇д̇и. вассаанасса хи анд̇онивааран̣ад̇т̇ам̣ адтагат̇ааяа ‘‘нидтид̇ажийварасмим̣ бхигкунаа уб̣бхад̇асмим̣ гат̇инз’’д̇и (баараа. 462 аад̣̇аяо) вуд̇д̇ам̣. зсзва наяо д̣̇уд̇ияз, д̇ад̇ияз жа. д̇зна жийварагаалад̇о бурз ваа анд̇о ваа уббаннам̣ жийварагаалад̇о уд̣̇д̇хам̣ згад̣̇ивасамби барихаарам̣ на лабхад̇и. яад̣̇и лабхзяяа, ажжзгажийварасигкаабад̣̇авирод̇хо. ‘‘яаава жийварагааласамаяам̣ нигкибид̇аб̣б̣ам̣, д̇ад̇о жз уд̇д̇ари нигкибзяяа, ниссаг̇г̇ияа’’нд̇и (баараа. 648) хи д̇ад̇т̇а вуд̇д̇ам̣. вассааваасигабхаавзна сан̇гхад̇о лад̣̇д̇хам̣ вудтавассад̇д̇аа ад̇д̇ано санд̇агабхууд̇ам̣ ажжзгажийварам̣ жийварагааласамаяам̣ ад̇иггаамаяад̇о зва аабад̇д̇и, на ажжзгажийварагаалам̣ ад̇иггаамаяад̇о аабад̇д̇ийд̇и. ‘‘анад̇т̇ад̇з гат̇инз згаад̣̇асамаасз уббанна’’нд̇и (баараа. 500) важанад̇о яо жа д̇ад̇т̇а жийваруббаад̣̇о, со жа нзсам̣ бхависсад̇ийд̇и сид̣̇д̇хам̣, анааманд̇ажаараг̇ан̣абхож̇анасигкаабад̣̇з ‘‘ан̃н̃ад̇ра самаяаа’’д̇и (баажи. 222 аад̣̇аяо) вуд̇д̇ад̇д̇аа сзсад̣̇ваяам̣ сид̣̇д̇хамзва. д̇асмаа ‘‘гаалзби аад̣̇исса д̣̇иннам̣, зд̇ам̣ агаалажийвара’’нд̇и (баараа. 500) важанад̇о аад̣̇исса д̣̇иннажийварам̣ барихаарам̣ на лабхад̇и.
Paṭhamakathine (pārā. 459 ādayo) paṭhamapaññattiyā, avisesena vā ekādasame divase āpatti. Vassānassa hi antonivāraṇatthaṃ aṭṭhakathāya ‘‘niṭṭhitacīvarasmiṃ bhikkhunā ubbhatasmiṃ kathine’’ti (pārā. 462 ādayo) vuttaṃ. Eseva nayo dutiye, tatiye ca. Tena cīvarakālato pure vā anto vā uppannaṃ cīvarakālato uddhaṃ ekadivasampi parihāraṃ na labhati. Yadi labheyya, accekacīvarasikkhāpadavirodho. ‘‘Yāva cīvarakālasamayaṃ nikkhipitabbaṃ, tato ce uttari nikkhipeyya, nissaggiya’’nti (pārā. 648) hi tattha vuttaṃ. Vassāvāsikabhāvena saṅghato laddhaṃ vuṭṭhavassattā attano santakabhūtaṃ accekacīvaraṃ cīvarakālasamayaṃ atikkāmayato eva āpatti, na accekacīvarakālaṃ atikkāmayato āpattīti. ‘‘Anatthate kathine ekādasamāse uppanna’’nti (pārā. 500) vacanato yo ca tattha cīvaruppādo, so ca nesaṃ bhavissatīti siddhaṃ, anāmantacāragaṇabhojanasikkhāpade ‘‘aññatra samayā’’ti (pāci. 222 ādayo) vuttattā sesadvayaṃ siddhameva. Tasmā ‘‘kālepi ādissa dinnaṃ, etaṃ akālacīvara’’nti (pārā. 500) vacanato ādissa dinnacīvaraṃ parihāraṃ na labhati.
абарагад̇д̇игааяамзва ваа уб̣бхад̇асмим̣ гат̇инз лабхад̇и, звам̣ ‘‘уб̣бхад̇асмим̣ гат̇инз’’д̇и вуд̇д̇ад̇д̇аад̇и жз? на вад̇д̇аб̣б̣ам̣. ча таанаани хи саабзгкад̇ааяа вуд̇д̇аани . д̣̇удтад̣̇осад̣̇ваяз ад̇хигаран̣ажад̇уд̇т̇ам̣, батамаанияад̇з сод̇асса рахо, д̇ад̇ияагат̇инз аад̣̇исса д̣̇иннам̣ жийварам̣, ажжзгажийварасигкаабад̣̇з ‘‘сан̃н̃аан̣ам̣ гад̇ваа нигкибид̇аб̣б̣а’’нд̇и бад̣̇ам̣, д̣̇удтуллаарожанаббадижчаад̣̇анад̣̇ваяз ад̇хигаран̣ам̣, баарааж̇игаважанан̃жа, д̇ийсу гат̇инасигкаабад̣̇зсу ‘‘адтаннам̣ маад̇игаанам̣ ан̃н̃ад̇арааяаа’’д̇и важананд̇и. д̇ад̇т̇а аад̣̇исса д̣̇иннам̣ жийварам̣ сан̇гхигам̣ бхааж̇ид̇аб̣б̣ажийварам̣ санд̇хааяа вуд̇д̇ам̣, на буг̇г̇алигам̣. сан̃н̃аан̣ам̣ гад̇ваа нигкибид̇аб̣б̣анд̇и вассааваасигажийварам̣ санд̇хааяа вуд̇д̇ам̣. авудтавассзна бажчаа д̣̇аад̇аб̣б̣ад̇д̇аа сан̃н̃аан̣ам̣ гаад̇аб̣б̣ам̣, на н̃аад̇иббаваарид̇ад̇о лад̣̇д̇хам̣ буг̇г̇алигам̣ санд̇хааяа. д̇асмаа д̣̇увид̇хам̣ ажжзгажийварам̣ сан̇гхз ниннам̣, буг̇г̇алз ниннан̃жаад̇и сид̣̇д̇хам̣. д̇ад̇т̇а сан̇гхз барин̣ад̇ам̣ ажжзгажийварам̣ вассуубанааяигад̣̇ивасад̇о бадтааяа, бидтисамаяад̇о бадтааяа ваа яаава бавааран̣аа нигкибид̇ум̣ ваддад̇и зва сан̇гхигад̇д̇аа, буг̇г̇алигамби ‘‘вассам̣вудтагаалз г̇ан̣хат̇аа’’д̇и д̣̇иннад̇д̇аа. д̇аад̣̇исан̃хи яаава вассам̣вудто на ход̇и, д̇аава д̇ассзва д̣̇ааяагасса санд̇агам̣ ход̇и. зд̇д̇аго висзсахзд̇у.
Aparakattikāyameva vā ubbhatasmiṃ kathine labhati, evaṃ ‘‘ubbhatasmiṃ kathine’’ti vuttattāti ce? Na vattabbaṃ. Cha ṭhānāni hi sāpekkhatāya vuttāni . Duṭṭhadosadvaye adhikaraṇacatutthaṃ, paṭhamāniyate sotassa raho, tatiyakathine ādissa dinnaṃ cīvaraṃ, accekacīvarasikkhāpade ‘‘saññāṇaṃ katvā nikkhipitabba’’nti padaṃ, duṭṭhullārocanappaṭicchādanadvaye adhikaraṇaṃ, pārājikavacanañca, tīsu kathinasikkhāpadesu ‘‘aṭṭhannaṃ mātikānaṃ aññatarāyā’’ti vacananti. Tattha ādissa dinnaṃ cīvaraṃ saṅghikaṃ bhājitabbacīvaraṃ sandhāya vuttaṃ, na puggalikaṃ. Saññāṇaṃ katvā nikkhipitabbanti vassāvāsikacīvaraṃ sandhāya vuttaṃ. Avuṭṭhavassena pacchā dātabbattā saññāṇaṃ kātabbaṃ, na ñātippavāritato laddhaṃ puggalikaṃ sandhāya. Tasmā duvidhaṃ accekacīvaraṃ saṅghe ninnaṃ, puggale ninnañcāti siddhaṃ. Tattha saṅghe pariṇataṃ accekacīvaraṃ vassūpanāyikadivasato paṭṭhāya, piṭṭhisamayato paṭṭhāya vā yāva pavāraṇā nikkhipituṃ vaṭṭati eva saṅghikattā, puggalikampi ‘‘vassaṃvuṭṭhakāle gaṇhathā’’ti dinnattā. Tādisañhi yāva vassaṃvuṭṭho na hoti, tāva tasseva dāyakassa santakaṃ hoti. Ettako visesahetu.
‘‘анажжзгажийварз анажжзгажийварасан̃н̃ий жийварагааласамаяам̣ ад̇иггаамзд̇и, анаабад̇д̇ий’’д̇и важанад̇о ажжзгажийварагассзва со абараад̇хо. язна ‘‘вирод̇хо’’д̇и важанам̣ д̣̇ассзяяаад̇и на винаяз висзсахзд̇у бариязсид̇аб̣б̣о. б̣уд̣̇д̇хависаяад̇д̇аа бамаан̣анд̇и жз? на, яад̣̇и звам̣ зд̇т̇а ад̇д̇ано санд̇агабхууд̇амби ажжзгажийварам̣ сан̃н̃аан̣ам̣ гад̇ваа нигкибид̇аб̣б̣амзва, на ад̇хидтаад̇аб̣б̣ам̣ на вигаббзд̇аб̣б̣ам̣ на виссаж̇ж̇зд̇аб̣б̣ам̣. д̇ад̇о ‘‘анаабад̇д̇и, анд̇осамаяз ад̇хидтзд̇и вигаббзд̇и виссаж̇ж̇зд̇ий’’д̇иаад̣̇иважанавирод̇хо (баараа. 651) ад̇хиваасзд̇аб̣б̣о сияаа. д̇ат̇аа ‘‘вассаанасса бажчимз маасз гат̇инуд̣̇д̇хаарз гад̇з д̇асмим̣ маасз ад̇т̇ад̇з гат̇инз гат̇инуд̣̇д̇хаарад̣̇ивасам̣ ад̇иггаамзд̇и, ниссаг̇г̇ияам̣ ход̇ий’’д̇и важанад̇о ниссаг̇г̇ияам̣ ход̇ийд̇и аяамби ад̇т̇авирод̇хо ад̇хиваасзд̇аб̣б̣о сияаа. д̇асмин̃жа ‘‘анажжзгажийварз анаабад̇д̇ий’’д̇и вуд̇д̇ам̣, д̇ан̃жа анад̇хидтид̇ам̣ авигаббид̇амзваад̇и зд̇д̇аго висзсахзд̇у. ад̇ирзгажийваран̃жзд̇ам̣ батамасигкаабад̣̇знаабад̇д̇и, ид̇арам̣ жз анаабад̇д̇иязваад̇и имасса ад̇т̇асса аяам̣ бхаг̇авад̇о висзсахзд̇у. д̇ат̇аа ад̇ирзгад̣̇асаахаанааг̇ад̇ааязва гад̇д̇игабун̣н̣амааяа сан̇гхасса вассааваасигад̇т̇ам̣ ажжзгажийварам̣ вияа д̣̇ад̣̇амаанам̣ на г̇ахзд̇аб̣б̣ам̣, д̣̇асаахаанааг̇ад̇ааяа зва г̇ахзд̇аб̣б̣анд̇и зд̇д̇аго висзсахзд̇у. д̇ад̇о адтагат̇аанаяавирод̇хо жа ад̇хиваасзд̇аб̣б̣о сияаа. д̇ад̇т̇а ‘‘ад̇хидтид̇ад̇о бадтааяа уббаннам̣ ажжзгажийварам̣ на ход̇ий’’д̇и вад̇ваа ан̃н̃ат̇аа наяо д̣̇ассид̇о. бораан̣аг̇ан̣тибад̣̇з со жа наяо сан̇гхигам̣ убаад̣̇ааяа вуд̇д̇ад̇д̇аа на вируж̇жхад̇ийд̇и нзва со жа бадигкид̇д̇о. яат̇аа анажжзгажийварам̣ чадтид̇о бадтааяа уббаннам̣ ад̇ирзгад̣̇асаахаанааг̇ад̇ааяаби бадиг̇г̇ахзд̇аб̣б̣ам̣, бадиг̇г̇ахзд̇ваа жийварагааласамаяам̣ ад̇иггаамаяад̇оби анаабад̇д̇ийд̇и аяамби наяо ад̇хиваасзд̇аб̣б̣о сияаа. д̇ад̇о батамагат̇инавирод̇хо. д̣̇асаахаанааг̇ад̇ааяа зва бадиг̇г̇ахзд̇аб̣б̣ам̣, бадиг̇г̇ахзд̇ваа жийварагааласамаяам̣ ад̇иггаамаяад̇о анаабад̇д̇ийд̇и жз, д̇ам̣ д̣̇вз д̣̇асаахз лабхад̇ийд̇и зд̇д̇аго висзсахзд̇у.
‘‘Anaccekacīvare anaccekacīvarasaññī cīvarakālasamayaṃ atikkāmeti, anāpattī’’ti vacanato accekacīvarakasseva so aparādho. Yena ‘‘virodho’’ti vacanaṃ dasseyyāti na vinaye visesahetu pariyesitabbo. Buddhavisayattā pamāṇanti ce? Na, yadi evaṃ ettha attano santakabhūtampi accekacīvaraṃ saññāṇaṃ katvā nikkhipitabbameva, na adhiṭṭhātabbaṃ na vikappetabbaṃ na vissajjetabbaṃ. Tato ‘‘anāpatti, antosamaye adhiṭṭheti vikappeti vissajjetī’’tiādivacanavirodho (pārā. 651) adhivāsetabbo siyā. Tathā ‘‘vassānassa pacchime māse kathinuddhāre kate tasmiṃ māse atthate kathine kathinuddhāradivasaṃ atikkāmeti, nissaggiyaṃ hotī’’ti vacanato nissaggiyaṃ hotīti ayampi atthavirodho adhivāsetabbo siyā. Tasmiñca ‘‘anaccekacīvare anāpattī’’ti vuttaṃ, tañca anadhiṭṭhitaṃ avikappitamevāti ettako visesahetu. Atirekacīvarañcetaṃ paṭhamasikkhāpadenāpatti, itaraṃ ce anāpattiyevāti imassa atthassa ayaṃ bhagavato visesahetu. Tathā atirekadasāhānāgatāyeva kattikapuṇṇamāya saṅghassa vassāvāsikatthaṃ accekacīvaraṃ viya dadamānaṃ na gahetabbaṃ, dasāhānāgatāya eva gahetabbanti ettako visesahetu. Tato aṭṭhakathānayavirodho ca adhivāsetabbo siyā. Tattha ‘‘adhiṭṭhitato paṭṭhāya uppannaṃ accekacīvaraṃ na hotī’’ti vatvā aññathā nayo dassito. Porāṇagaṇṭhipade so ca nayo saṅghikaṃ upādāya vuttattā na virujjhatīti neva so ca paṭikkhitto. Yathā anaccekacīvaraṃ chaṭṭhito paṭṭhāya uppannaṃ atirekadasāhānāgatāyapi paṭiggahetabbaṃ, paṭiggahetvā cīvarakālasamayaṃ atikkāmayatopi anāpattīti ayampi nayo adhivāsetabbo siyā. Tato paṭhamakathinavirodho. Dasāhānāgatāya eva paṭiggahetabbaṃ, paṭiggahetvā cīvarakālasamayaṃ atikkāmayato anāpattīti ce, taṃ dve dasāhe labhatīti ettako visesahetu.
анд̇араа анаабад̇д̇игкзд̇д̇ажийварагаалаббавидтад̇д̇аа ад̇хидтахид̇ваа бажжуд̣̇д̇хадам̣ вияа д̇ам̣ бунаби д̣̇асаахз лабхад̇ийд̇и жз? на, гаалаббавзсо ад̇хидтаанам̣ вияа ход̇ийд̇и жз? на, ‘‘вассигасаадигам̣ вассаанам̣ жаад̇умаасам̣ ад̇хидтаад̇ум̣, д̇ад̇о барам̣ вигаббзд̇у’’нд̇и важанавирод̇хам̣ гад̇ваа, д̇ад̇о барам̣ д̣̇асаахам̣ авигаббзнд̇ассааби анаабад̇д̇и сияаа. абижа яам̣ вуд̇д̇ам̣ адтагат̇ааяам̣ ‘‘вассигасаадигаа анд̇овассз лад̣̇д̇хаа жзва нидтид̇аа жа, анд̇од̣̇асаахз ад̇хидтаад̇аб̣б̣аа, д̣̇асаахаад̇иггамз нидтид̇аа, д̇ад̣̇ахзва ад̇хидтаад̇аб̣б̣аа, д̣̇асаахз аббахонд̇з жийварагаалам̣ наад̇иггаамзд̇аб̣б̣аа’’д̇и (баараа. адта. 2.630). д̇зна аабад̇д̇ид̇о на мужжзяяа. гаалаббавзсо хи ад̇хидтаанабарияааяо на ж̇аад̇од̇и. зд̇д̇аавад̇аа яат̇аавуд̇д̇о ад̇т̇авигаббо баал̣инаязнзва бад̇идтаабид̇о ход̇и.
Antarā anāpattikkhettacīvarakālappaviṭṭhattā adhiṭṭhahitvā paccuddhaṭaṃ viya taṃ punapi dasāhe labhatīti ce? Na, kālappaveso adhiṭṭhānaṃ viya hotīti ce? Na, ‘‘vassikasāṭikaṃ vassānaṃ cātumāsaṃ adhiṭṭhātuṃ, tato paraṃ vikappetu’’nti vacanavirodhaṃ katvā, tato paraṃ dasāhaṃ avikappentassāpi anāpatti siyā. Apica yaṃ vuttaṃ aṭṭhakathāyaṃ ‘‘vassikasāṭikā antovasse laddhā ceva niṭṭhitā ca, antodasāhe adhiṭṭhātabbā, dasāhātikkame niṭṭhitā, tadaheva adhiṭṭhātabbā, dasāhe appahonte cīvarakālaṃ nātikkāmetabbā’’ti (pārā. aṭṭha. 2.630). Tena āpattito na mucceyya. Kālappaveso hi adhiṭṭhānapariyāyo na jātoti. Ettāvatā yathāvutto atthavikappo pāḷinayeneva patiṭṭhāpito hoti.
абижзд̇т̇а яам̣ вуд̇д̇ам̣ адтагат̇ааяам̣ ‘‘д̣̇асаахз аббахонд̇з жийварагаалам̣ наад̇иггаамзд̇аб̣б̣аа’’д̇и, д̇ад̇т̇аби жийварагаалз уббаннам̣, д̣̇асаахз аббахонд̇з жасса гаран̣ам̣ над̇т̇и, д̇ам̣ ажжзгажийварам̣ агаалажийварамива жийварагаалам̣ наад̇иггаамзд̇аб̣б̣анд̇и сид̣̇д̇хамзд̇ам̣. баал̣ид̇о жа д̇ан̃жз анд̇огаалз уббаж̇ж̇ад̇и, д̣̇асаахз аббахонд̇зби уббаж̇ж̇ад̇и, звам̣ уббаннам̣ ажжзгажийварам̣ ажжзгажийварамзва на ход̇и. на хи д̇ам̣ гаалависзсавасзна ажжзгажийварасан̇кам̣ г̇ажчад̇и. вуд̇д̇ан̃хзд̇ам̣ ‘‘ажжзгажийварам̣ наама сзнааяа ваа г̇анд̇угаамо ход̇и, баваасам̣ ваа г̇анд̇угаамо ход̇и, г̇илаано ваа ход̇и, г̇аб̣бхиний ваа ход̇и , ассад̣̇д̇хасса ваа сад̣̇д̇хаа уббаннаа ход̇и…бз… ‘вассааваасигам̣ д̣̇ассаамий’д̇и звам̣ аарожид̇ам̣, зд̇ам̣ ажжзгажийварам̣ наамаа’’д̇и (баараа. 649). д̇асмаа яат̇аа д̇ам̣ жийварам̣ наад̇иггаамзд̇аб̣б̣ам̣, д̇ат̇аа анажжзгажийварамбийд̇и сид̣̇д̇хам̣ ход̇и. д̇зна вуд̇д̇ам̣ адтагат̇ааяам̣ ‘‘д̣̇асаахз аббахонд̇з жийварагаалам̣ наад̇иггаамзд̇аб̣б̣аа’’д̇и. абижа яад̣̇и звам̣ д̇ам̣ ажжзгажийварасигкаабад̣̇амзва ажжзгажийварам̣ жийварагаалам̣ наад̇иггаамзд̇аб̣б̣анд̇и имасса бана ад̇т̇ависзсасса д̣̇ассанад̇т̇ам̣ бхаг̇авад̇аа бан̃н̃ад̇д̇ам̣.
Apicettha yaṃ vuttaṃ aṭṭhakathāyaṃ ‘‘dasāhe appahonte cīvarakālaṃ nātikkāmetabbā’’ti, tatthapi cīvarakāle uppannaṃ, dasāhe appahonte cassa karaṇaṃ natthi, taṃ accekacīvaraṃ akālacīvaramiva cīvarakālaṃ nātikkāmetabbanti siddhametaṃ. Pāḷito ca tañce antokāle uppajjati, dasāhe appahontepi uppajjati, evaṃ uppannaṃ accekacīvaraṃ accekacīvarameva na hoti. Na hi taṃ kālavisesavasena accekacīvarasaṅkhaṃ gacchati. Vuttañhetaṃ ‘‘accekacīvaraṃ nāma senāya vā gantukāmo hoti, pavāsaṃ vā gantukāmo hoti, gilāno vā hoti, gabbhinī vā hoti , assaddhassa vā saddhā uppannā hoti…pe… ‘vassāvāsikaṃ dassāmī’ti evaṃ ārocitaṃ, etaṃ accekacīvaraṃ nāmā’’ti (pārā. 649). Tasmā yathā taṃ cīvaraṃ nātikkāmetabbaṃ, tathā anaccekacīvarampīti siddhaṃ hoti. Tena vuttaṃ aṭṭhakathāyaṃ ‘‘dasāhe appahonte cīvarakālaṃ nātikkāmetabbā’’ti. Apica yadi evaṃ taṃ accekacīvarasikkhāpadameva accekacīvaraṃ cīvarakālaṃ nātikkāmetabbanti imassa pana atthavisesassa dassanatthaṃ bhagavatā paññattaṃ.
махааадтагат̇ааяам̣ бана д̇ам̣ звам̣ вуд̇д̇ам̣ – гааман̃жзд̣̇ам̣ ‘‘д̣̇асаахабарамам̣ ад̇ирзгажийварам̣ д̇хаарзд̇аб̣б̣а’’нд̇и иминаа сид̣̇д̇хам̣, адтуббад̇д̇ивасзна бана абуб̣б̣ам̣ вияа ад̇т̇ам̣ д̣̇ассзд̇ваа сигкаабад̣̇ам̣ табид̇анд̇и ад̇т̇ависзсад̣̇ийбанабаяож̇анад̇о. д̇асмаа д̇ам̣ д̇асса ад̇т̇ависзсад̣̇ассанад̇т̇ам̣ вуд̇д̇анд̇и сид̣̇д̇хамзва. д̇асмааби взд̣̇ид̇аб̣б̣амзва яам̣ гин̃жи жийварам̣ жийварагааласамаяам̣ наад̇иггаамзд̇аб̣б̣анд̇и. абижа яам̣ вуд̇д̇ам̣ адтагат̇ааяам̣ ‘‘чадтид̇о бадтааяа бана уббаннам̣ анажжзгажийварамби бажжуд̣̇д̇хаарзд̇ваа табид̇ажийварамби зд̇ам̣ барихаарам̣ лабхад̇ий’’д̇и (баараа. адта. 2.646-649). д̇зна ‘‘анажжзгажийварз анажжзгажийварасан̃н̃ий жийварагааласамаяам̣ ад̇иггаамзд̇и, анаабад̇д̇ий’’д̇и (баараа. 650) иминааби анажжзгажийварассааби ажжзгажийварабарихааралаабхам̣ д̣̇ийбзд̇ийд̇и.
Mahāaṭṭhakathāyaṃ pana taṃ evaṃ vuttaṃ – kāmañcedaṃ ‘‘dasāhaparamaṃ atirekacīvaraṃ dhāretabba’’nti iminā siddhaṃ, aṭṭhuppattivasena pana apubbaṃ viya atthaṃ dassetvā sikkhāpadaṃ ṭhapitanti atthavisesadīpanapayojanato. Tasmā taṃ tassa atthavisesadassanatthaṃ vuttanti siddhameva. Tasmāpi veditabbameva yaṃ kiñci cīvaraṃ cīvarakālasamayaṃ nātikkāmetabbanti. Apica yaṃ vuttaṃ aṭṭhakathāyaṃ ‘‘chaṭṭhito paṭṭhāya pana uppannaṃ anaccekacīvarampi paccuddhāretvā ṭhapitacīvarampi etaṃ parihāraṃ labhatī’’ti (pārā. aṭṭha. 2.646-649). Tena ‘‘anaccekacīvare anaccekacīvarasaññī cīvarakālasamayaṃ atikkāmeti, anāpattī’’ti (pārā. 650) imināpi anaccekacīvarassāpi accekacīvaraparihāralābhaṃ dīpetīti.
зд̇д̇аавад̇аа яат̇аавуд̇д̇о д̣̇уд̇ияо ад̇т̇авигаббо баал̣инаязна, адтагат̇аанаязна жа бад̇идтаабид̇о ход̇и. звам̣ д̇аава багин̣н̣агааяа ад̇хигат̇аа барад̇о баатад̇о вид̇т̇аарид̇аа ход̇ийд̇и абагин̣н̣агам̣.
Ettāvatā yathāvutto dutiyo atthavikappo pāḷinayena, aṭṭhakathānayena ca patiṭṭhāpito hoti. Evaṃ tāva pakiṇṇakāya adhikathā parato pāṭhato vitthāritā hotīti apakiṇṇakaṃ.
жийварабалиб̣од̇хо, ааваасабалиб̣од̇хо жаад̇и д̣̇вз балиб̣од̇хаа. д̇зсу згабалиб̣од̇хзби сад̇и анааманд̇ажаараад̣̇иаанисам̣сам̣ лабхад̇и, д̇ам̣ ид̇ха над̇т̇ийд̇и д̣̇ассзд̇ум̣ ‘‘нидтид̇ажийварасмим̣ бхигкунаа уб̣бхад̇асмим̣ гат̇инз’’д̇и вуд̇д̇ам̣. д̇асмаа зва ‘‘ад̇т̇ад̇агат̇инасса хи бхигкуно’’д̇иаад̣̇и вуд̇д̇ам̣. гат̇инад̇т̇аараарахассаад̇и зд̇т̇а ‘‘адтахи ан̇г̇зхи саманнааг̇ад̇о буг̇г̇ало бхаб̣б̣о гат̇инам̣ ад̇т̇арид̇ум̣ – буб̣б̣агаран̣ам̣ ж̇аанаад̇и, бажжуд̣̇д̇хаарам̣ ж̇аанаад̇и, ад̇хидтаанам̣ ж̇аанаад̇и, ад̇т̇аарам̣ ж̇аанаад̇и, маад̇игам̣ ж̇аанаад̇и, балиб̣од̇хам̣ ж̇аанаад̇и, уд̣̇д̇хаарам̣ ж̇аанаад̇и, аанисам̣сам̣ ж̇аанаад̇ий’’д̇и (бари. 409) важанад̇о имзхи адтахи ан̇г̇зхи саманнааг̇ад̇о буг̇г̇ало гат̇инад̇т̇аараарахо наама. буб̣б̣агаран̣ам̣ наама д̇хованавижааран̣ажчзд̣̇анасиб̣б̣анараж̇анагаббагаран̣ам̣.
Cīvarapalibodho, āvāsapalibodho cāti dve palibodhā. Tesu ekapalibodhepi sati anāmantacārādiānisaṃsaṃ labhati, taṃ idha natthīti dassetuṃ ‘‘niṭṭhitacīvarasmiṃ bhikkhunā ubbhatasmiṃ kathine’’ti vuttaṃ. Tasmā eva ‘‘atthatakathinassa hi bhikkhuno’’tiādi vuttaṃ. Kathinatthārārahassāti ettha ‘‘aṭṭhahi aṅgehi samannāgato puggalo bhabbo kathinaṃ attharituṃ – pubbakaraṇaṃ jānāti, paccuddhāraṃ jānāti, adhiṭṭhānaṃ jānāti, atthāraṃ jānāti, mātikaṃ jānāti, palibodhaṃ jānāti, uddhāraṃ jānāti, ānisaṃsaṃ jānātī’’ti (pari. 409) vacanato imehi aṭṭhahi aṅgehi samannāgato puggalo kathinatthārāraho nāma. Pubbakaraṇaṃ nāma dhovanavicāraṇacchedanasibbanarajanakappakaraṇaṃ.
‘‘жийварам̣ наама кома’’нд̇иаад̣̇инаа баал̣ивасзна ж̇аад̇ин̃жа бамаан̣ан̃жа д̣̇ассзд̇ваа ид̣̇аани ад̇ирзгажийварам̣ д̣̇ассзд̇ум̣ ‘‘яам̣ бана вуд̇д̇ам̣ ад̇хидтид̇авигаббид̇зсуу’’д̇иаад̣̇и вуд̇д̇ам̣. табид̇адтаанам̣ саллагкзд̇ваа’’д̇и вуд̇д̇зби яасмим̣ таанз яам̣ табид̇ам̣, д̇асмим̣ д̇ам̣ бажчаа ход̇у ваа, маа ваа, ад̇хидтаанам̣ рухад̇зва. бурз бажчаа табанадтаанам̣ на бамаан̣ам̣.
‘‘Cīvaraṃnāma khoma’’ntiādinā pāḷivasena jātiñca pamāṇañca dassetvā idāni atirekacīvaraṃ dassetuṃ ‘‘yaṃ pana vuttaṃ adhiṭṭhitavikappitesū’’tiādi vuttaṃ. Ṭhapitaṭṭhānaṃ sallakkhetvā’’ti vuttepi yasmiṃ ṭhāne yaṃ ṭhapitaṃ, tasmiṃ taṃ pacchā hotu vā, mā vā, adhiṭṭhānaṃ ruhateva. Pure pacchā ṭhapanaṭṭhānaṃ na pamāṇaṃ.
анд̇имавад̇т̇ум̣ аж̇жхаабаннасса бхигкубхаавабарижжааг̇авасзна сзд̇авад̇т̇аниваасанам̣ ваа гаасааважаж̇анам̣ ваа хийнааяаавад̇д̇анам̣.
Antimavatthuṃ ajjhāpannassa bhikkhubhāvapariccāgavasena setavatthanivāsanaṃ vā kāsāvacajanaṃ vā hīnāyāvattanaṃ.
згаад̣̇асамз арун̣уг̇г̇аманзд̇и анд̇имам̣ табзд̇ваа д̇ад̇о буримад̇арасминд̇и ад̇т̇о взд̣̇ид̇аб̣б̣о. д̇ад̇т̇а анд̇имам̣ наама абарагад̇д̇игааяа батамаарун̣уг̇г̇аманам̣. д̇ан̃хи гаалад̇д̇аа ниссаг̇г̇ияам̣ на гарод̇и. ид̇ха ‘‘нидтид̇ажийварасмим̣ бхигкунаа’’д̇и гаран̣аважанам̣ нид̣̇аанаанабзгкам̣ нид̣̇аанз гаран̣аабхаавад̇о. д̇асмаа зва ‘‘д̣̇асаахабарама’’нд̇и аяамзд̇т̇а анубан̃н̃ад̇д̇ийд̇и вуд̇д̇ам̣. ‘‘ануж̇аанаами, бхигкавз, д̇ижийварам̣ ад̇хидтаад̇ум̣ на вигаббзд̇у’’нд̇иаад̣̇и (махаава. 358) важанад̇о жа ид̇ха ‘‘вигаббзд̇ий’’д̇и ависзсзна вуд̇д̇аважанам̣ вируд̣̇д̇хам̣ вияа д̣̇иссад̇и, на жа вируд̣̇д̇хам̣ д̇ат̇ааг̇ад̇аа бхаасанд̇и, д̇асмаа звамасса ад̇т̇о взд̣̇ид̇аб̣б̣о – д̇ижийварам̣ д̇ижийварасан̇кзбзна барихаарад̇о ад̇хидтаад̇умзва ануж̇аанаами, на вигаббзд̇ум̣. вассигасаадигам̣ бана жад̇умаасад̇о барам̣ вигаббзд̇умзва, на ад̇хидтаад̇унд̇и. зван̃жа бана сад̇и яо д̇ижийварз згзна жийварзна виббавасид̇угаамо ход̇и, д̇асса д̇ижийвараад̇хидтаанам̣ бажжуд̣̇д̇харид̇ваа виббаваасасукад̇т̇ам̣ вигаббанааяа огаасо д̣̇инно ход̇и, д̣̇асаахаад̇иггамз жа анаабад̇д̇ийд̇и. зд̇зна убааязна саб̣б̣ад̇т̇а вигаббанааяа абадисид̣̇д̇хабхааво взд̣̇ид̇аб̣б̣од̇и ликид̇ам̣.
Ekādasame aruṇuggamaneti antimaṃ ṭhapetvā tato purimatarasminti attho veditabbo. Tattha antimaṃ nāma aparakattikāya paṭhamāruṇuggamanaṃ. Tañhi kālattā nissaggiyaṃ na karoti. Idha ‘‘niṭṭhitacīvarasmiṃ bhikkhunā’’ti karaṇavacanaṃ nidānānapekkhaṃ nidāne karaṇābhāvato. Tasmā eva ‘‘dasāhaparama’’nti ayamettha anupaññattīti vuttaṃ. ‘‘Anujānāmi, bhikkhave, ticīvaraṃ adhiṭṭhātuṃ na vikappetu’’ntiādi (mahāva. 358) vacanato ca idha ‘‘vikappetī’’ti avisesena vuttavacanaṃ viruddhaṃ viya dissati, na ca viruddhaṃ tathāgatā bhāsanti, tasmā evamassa attho veditabbo – ticīvaraṃ ticīvarasaṅkhepena parihārato adhiṭṭhātumeva anujānāmi, na vikappetuṃ. Vassikasāṭikaṃ pana catumāsato paraṃ vikappetumeva, na adhiṭṭhātunti. Evañca pana sati yo ticīvare ekena cīvarena vippavasitukāmo hoti, tassa ticīvarādhiṭṭhānaṃ paccuddharitvā vippavāsasukhatthaṃ vikappanāya okāso dinno hoti, dasāhātikkame ca anāpattīti. Etena upāyena sabbattha vikappanāya apaṭisiddhabhāvo veditabboti likhitaṃ.
имасса бана сигкаабад̣̇асса аяам̣ сан̇кзбавинижчаяо – анад̇т̇ад̇з гат̇инз хзманд̇аанам̣ батамад̣̇ивасад̇о бадтааяа, ад̇т̇ад̇з гат̇инз г̇имхаанам̣ батамад̣̇ивасад̇о бадтааяа уббаннажийварам̣ санд̇хааяа ‘‘нидтид̇ажийварасми’’нд̇иаад̣̇и вуд̇д̇ам̣. зд̇т̇ааха – ‘‘раж̇агзхи д̇ховаабзд̇ваа сзд̇агам̣ гаараабзнд̇ассааби ад̇хидтаанам̣ ад̇хидтаанамзваа’’д̇и (баараа. адта. 2.465) важанад̇о араж̇ид̇зби ад̇хидтаанам̣ рухад̇ийд̇и. д̇зна суужигаммам̣ гад̇ваа раж̇ид̇ваа габбаб̣инд̣̇ум̣ д̣̇ад̇ваа ад̇хидтаад̇аб̣б̣анд̇и нияамо гаад̇аб̣б̣о, на гаад̇аб̣б̣од̇и? гад̇д̇аб̣б̣ова. бад̇д̇о вияа ад̇хидтид̇о яат̇аа буна сзд̇абхаавам̣ ваа д̇амб̣абхаавам̣ ваа бад̇д̇о ад̇хидтаанам̣ на виж̇ахад̇и, на жа бана д̇аад̣̇исо яам̣ ад̇хидтаанам̣ убаг̇ажчад̇и, звамзд̇ам̣ д̣̇адтаб̣б̣анд̇и. ‘‘свз гат̇инам̣ уд̣̇д̇хариссад̇ий’’д̇и лад̣̇д̇хажийварам̣ сажз аж̇ж̇зва на ад̇хидтаад̇и, арун̣уг̇г̇аманз зва ниссаг̇г̇ияам̣ ход̇и. гасмаа? ‘‘нидтид̇ажийварасми’’нд̇иаад̣̇инаа (баараа. 462-463;) сигкаабад̣̇асса вуд̇д̇ад̇д̇аа. гат̇инаб̣бханд̇арз д̣̇асаахад̇о уд̇д̇ариби барихаарам̣ лабхад̇и, гат̇инад̇о бана бажчаа згад̣̇ивасамби на лабхад̇и. яат̇аа гим̣ – яат̇аа ад̇т̇ад̇агат̇ино сан̇гхо д̇ижийварам̣ ад̇т̇ад̇ад̣̇ивасад̇о бадтааяа яаава уб̣бхаараа аанисам̣сам̣ лабхад̇и, на д̇ад̇о барам̣, звам̣ ад̇т̇ад̇ад̣̇ивасад̇о бадтааяа яаава уб̣бхаараа лабхад̇и, уд̣̇д̇хад̇з бана гат̇инз згад̣̇ивасамби на лабхад̇и. зд̇т̇ааха – уб̣бхад̇ад̣̇ивасад̇о бадтааяа буна д̣̇асаахам̣ лабхад̇ийд̇и? на, гасмаа? ‘‘ануж̇аанаами, бхигкавз, д̣̇асаахабарамам̣ ад̇ирзгажийварам̣ д̇хаарзд̇у’’нд̇и важанад̇о. гат̇инаб̣бханд̇арзби згаад̣̇асз арун̣уг̇г̇аманз ниссаг̇г̇ияанд̇и аабаннам̣. д̇ам̣ бана ад̇иббасан̇г̇ам̣ ниваарзд̇ум̣ ‘‘нидтид̇ажийварасми’’нд̇иаад̣̇и вуд̇д̇ам̣, на гат̇инад̣̇ивасаани ад̣̇ивасаанийд̇и д̣̇ийбанад̇т̇ам̣. аяамад̇т̇о д̇ад̇т̇а д̇ад̇т̇а аавибхависсад̇и. ат̇а ваа вассигасаадигаа анад̇ирид̇д̇аббамаан̣аа наамам̣ г̇ахзд̇ваа вуд̇д̇анаязнзва жад̇д̇ааро вассигз маасз ад̇хидтаад̇аб̣б̣аа, д̇ад̇о барам̣ бажжуд̣̇д̇харид̇ваа вигаббзд̇аб̣б̣аад̇и вуд̇д̇ам̣. зд̇т̇а ‘‘бажжуд̣̇д̇харид̇ваа’’д̇и важанз убосат̇ад̣̇ивасз зва бажжуд̣̇д̇харид̇ваа вигаббзд̇ваа табид̇ам̣ ход̇и, д̇ад̇о барам̣ хзманд̇асса батамад̣̇ивасад̇о бадтааяа бажжуд̣̇д̇харан̣аабхааваа. звам̣ гат̇инаб̣бханд̇арз уббаннажийварамби взд̣̇ид̇аб̣б̣анд̇и ликид̇ам̣.
Imassa pana sikkhāpadassa ayaṃ saṅkhepavinicchayo – anatthate kathine hemantānaṃ paṭhamadivasato paṭṭhāya, atthate kathine gimhānaṃ paṭhamadivasato paṭṭhāya uppannacīvaraṃ sandhāya ‘‘niṭṭhitacīvarasmi’’ntiādi vuttaṃ. Etthāha – ‘‘rajakehi dhovāpetvā setakaṃ kārāpentassāpi adhiṭṭhānaṃ adhiṭṭhānamevā’’ti (pārā. aṭṭha. 2.465) vacanato arajitepi adhiṭṭhānaṃ ruhatīti. Tena sūcikammaṃ katvā rajitvā kappabinduṃ datvā adhiṭṭhātabbanti niyamo kātabbo, na kātabboti? Kattabbova. Patto viya adhiṭṭhito yathā puna setabhāvaṃ vā tambabhāvaṃ vā patto adhiṭṭhānaṃ na vijahati, na ca pana tādiso yaṃ adhiṭṭhānaṃ upagacchati, evametaṃ daṭṭhabbanti. ‘‘Sve kathinaṃ uddharissatī’’ti laddhacīvaraṃ sace ajjeva na adhiṭṭhāti, aruṇuggamane eva nissaggiyaṃ hoti. Kasmā? ‘‘Niṭṭhitacīvarasmi’’ntiādinā (pārā. 462-463;) sikkhāpadassa vuttattā. Kathinabbhantare dasāhato uttaripi parihāraṃ labhati, kathinato pana pacchā ekadivasampi na labhati. Yathā kiṃ – yathā atthatakathino saṅgho ticīvaraṃ atthatadivasato paṭṭhāya yāva ubbhārā ānisaṃsaṃ labhati, na tato paraṃ, evaṃ atthatadivasato paṭṭhāya yāva ubbhārā labhati, uddhate pana kathine ekadivasampi na labhati. Etthāha – ubbhatadivasato paṭṭhāya puna dasāhaṃ labhatīti? Na, kasmā? ‘‘Anujānāmi, bhikkhave, dasāhaparamaṃ atirekacīvaraṃ dhāretu’’nti vacanato. Kathinabbhantarepi ekādase aruṇuggamane nissaggiyanti āpannaṃ. Taṃ pana atippasaṅgaṃ nivāretuṃ ‘‘niṭṭhitacīvarasmi’’ntiādi vuttaṃ, na kathinadivasāni adivasānīti dīpanatthaṃ. Ayamattho tattha tattha āvibhavissati. Atha vā vassikasāṭikā anatirittappamāṇā nāmaṃ gahetvā vuttanayeneva cattāro vassike māse adhiṭṭhātabbā, tato paraṃ paccuddharitvā vikappetabbāti vuttaṃ. Ettha ‘‘paccuddharitvā’’ti vacane uposathadivase eva paccuddharitvā vikappetvā ṭhapitaṃ hoti, tato paraṃ hemantassa paṭhamadivasato paṭṭhāya paccuddharaṇābhāvā. Evaṃ kathinabbhantare uppannacīvarampi veditabbanti likhitaṃ.
гат̇инасигкаабад̣̇аван̣н̣анаа нидтид̇аа.
Kathinasikkhāpadavaṇṇanā niṭṭhitā.
