| Library / Tipiṭaka / ਤਿਪਿਟਕ • Tipiṭaka / ਮਿਲਿਨ੍ਦਪਞ੍ਹਪਾਲ਼ਿ • Milindapañhapāḷi |
੧੦. ਕਠਿਨਤਪਨਪਞ੍ਹੋ
10. Kaṭhinatapanapañho
੧੦. ‘‘ਭਨ੍ਤੇ ਨਾਗਸੇਨ, ਕਿਸ੍ਸ ਹੇਮਨ੍ਤੇ ਸੂਰਿਯੋ ਕਠਿਨਂ ਤਪਤਿ, ਨੋ ਤਥਾ ਗਿਮ੍ਹੇ’’ਤਿ? ‘‘ਗਿਮ੍ਹੇ, ਮਹਾਰਾਜ, ਅਨੁਪਹਤਂ ਹੋਤਿ ਰਜੋਜਲ੍ਲਂ, વਾਤਕ੍ਖੁਭਿਤਾ ਰੇਣੂ ਗਗਨਾਨੁਗਤਾ ਹੋਨ੍ਤਿ, ਆਕਾਸੇਪਿ ਅਬ੍ਭਾ ਸੁਬਹਲਾ ਹੋਨ੍ਤਿ, ਮਹਾવਾਤੋ ਚ ਅਧਿਮਤ੍ਤਂ વਾਯਤਿ, ਤੇ ਸਬ੍ਬੇ ਨਾਨਾਕੁਲਾ ਸਮਾਯੁਤਾ ਸੂਰਿਯਰਂਸਿਯੋ ਪਿਦਹਨ੍ਤਿ, ਤੇਨ ਗਿਮ੍ਹੇ ਸੂਰਿਯੋ ਮਨ੍ਦਂ ਤਪਤਿ।
10. ‘‘Bhante nāgasena, kissa hemante sūriyo kaṭhinaṃ tapati, no tathā gimhe’’ti? ‘‘Gimhe, mahārāja, anupahataṃ hoti rajojallaṃ, vātakkhubhitā reṇū gaganānugatā honti, ākāsepi abbhā subahalā honti, mahāvāto ca adhimattaṃ vāyati, te sabbe nānākulā samāyutā sūriyaraṃsiyo pidahanti, tena gimhe sūriyo mandaṃ tapati.
‘‘ਹੇਮਨ੍ਤੇ ਪਨ, ਮਹਾਰਾਜ, ਹੇਟ੍ਠਾ ਪਥવੀ ਨਿਬ੍ਬੁਤਾ ਹੋਤਿ, ਉਪਰਿ ਮਹਾਮੇਘੋ ਉਪਟ੍ਠਿਤੋ ਹੋਤਿ, ਉਪਸਨ੍ਤਂ ਹੋਤਿ ਰਜੋਜਲ੍ਲਂ, ਰੇਣੁ ਚ ਸਨ੍ਤਸਨ੍ਤਂ ਗਗਨੇ ਚਰਤਿ, વਿਗਤવਲਾਹਕੋ ਚ ਹੋਤਿ ਆਕਾਸੋ, વਾਤੋ ਚ ਮਨ੍ਦਮਨ੍ਦਂ વਾਯਤਿ, ਏਤੇਸਂ ਉਪਰਤਿਯਾ વਿਸੁਦ੍ਧਾ 1 ਹੋਨ੍ਤਿ ਸੂਰਿਯਰਂਸਿਯੋ, ਉਪਘਾਤવਿਮੁਤ੍ਤਸ੍ਸ ਸੂਰਿਯਸ੍ਸ ਤਾਪੋ ਅਤਿ વਿਯ ਤਪਤਿ। ਇਦਮੇਤ੍ਥ, ਮਹਾਰਾਜ, ਕਾਰਣਂ, ਯੇਨ ਕਾਰਣੇਨ ਸੂਰਿਯੋ ਹੇਮਨ੍ਤੇ ਕਠਿਨਂ ਤਪਤਿ, ਨੋ ਤਥਾ ਗਿਮ੍ਹੇ’’ਤਿ। ‘‘ਸਬ੍ਬੀਤਿਮੁਤ੍ਤੋ, ਭਨ੍ਤੇ, ਸੂਰਿਯੋ ਕਠਿਨਂ ਤਪਤਿ, ਮੇਘਾਦਿਸਹਗਤੋ ਕਠਿਨਂ ਨ ਤਪਤੀ’’ਤਿ।
‘‘Hemante pana, mahārāja, heṭṭhā pathavī nibbutā hoti, upari mahāmegho upaṭṭhito hoti, upasantaṃ hoti rajojallaṃ, reṇu ca santasantaṃ gagane carati, vigatavalāhako ca hoti ākāso, vāto ca mandamandaṃ vāyati, etesaṃ uparatiyā visuddhā 2 honti sūriyaraṃsiyo, upaghātavimuttassa sūriyassa tāpo ati viya tapati. Idamettha, mahārāja, kāraṇaṃ, yena kāraṇena sūriyo hemante kaṭhinaṃ tapati, no tathā gimhe’’ti. ‘‘Sabbītimutto, bhante, sūriyo kaṭhinaṃ tapati, meghādisahagato kaṭhinaṃ na tapatī’’ti.
ਕਠਿਨਤਪਨਪਞ੍ਹੋ ਦਸਮੋ।
Kaṭhinatapanapañho dasamo.
ਨਿਪ੍ਪਪਞ੍ਚવਗ੍ਗੋ ਦੁਤਿਯੋ।
Nippapañcavaggo dutiyo.
ਇਮਸ੍ਮਿਂ વਗ੍ਗੇ ਦਸ ਪਞ੍ਹਾ।
Imasmiṃ vagge dasa pañhā.
Footnotes:
