| Library / Tipiṭaka / তিপিটক • Tipiṭaka / পরিৰার-অট্ঠকথা • Parivāra-aṭṭhakathā |
কথিনত্থারৰগ্গৰণ্ণনা
Kathinatthāravaggavaṇṇanā
৪৬৭. কথিনত্থারৰগ্গে – ওতমসিকোতি অন্ধকারগতো; তঞ্হি ৰন্দন্তস্স মঞ্চপাদাদীসুপি নলাটং পটিহঞ্ঞেয্য। অসমন্নাহরন্তোতি কিচ্চযপসুতত্তা ৰন্দনং অসমন্নাহরন্তো। সুত্তোতি নিদ্দং ওক্কন্তো। একাৰত্তোতি একতো আৰত্তো সপত্তপক্খে ঠিতো ৰেরী ৰিসভাগপুগ্গলো ৰুচ্চতি; অযং অৰন্দিযো। অযঞ্হি ৰন্দিযমানো পাদেনপি পহরেয্য। অঞ্ঞৰিহিতোতি অঞ্ঞং চিন্তযমানো।
467. Kathinatthāravagge – otamasikoti andhakāragato; tañhi vandantassa mañcapādādīsupi nalāṭaṃ paṭihaññeyya. Asamannāharantoti kiccayapasutattā vandanaṃ asamannāharanto. Suttoti niddaṃ okkanto. Ekāvattoti ekato āvatto sapattapakkhe ṭhito verī visabhāgapuggalo vuccati; ayaṃ avandiyo. Ayañhi vandiyamāno pādenapi pahareyya. Aññavihitoti aññaṃ cintayamāno.
খাদন্তোতি পিট্ঠখজ্জকাদীনি খাদন্তো। উচ্চারঞ্চ পস্সাৰঞ্চ করোন্তো অনোকাসগতত্তা অৰন্দিযো। উক্খিত্তকোতি তিৰিধেনপি উক্খেপনীযকম্মেন উক্খিত্তকো অৰন্দিযো। তজ্জনীযাদিকম্মকতা পন চত্তারো ৰন্দিতব্বা। উপোসথপৰারণাপি তেহি সদ্ধিং লব্ভন্তি। আদিতো পট্ঠায চ ৰুত্তেসু অৰন্দিযেসু নগ্গঞ্চ উক্খিত্তকঞ্চ ৰন্দন্তস্সেৰ আপত্তি। ইতরেসং পন অসারুপ্পট্ঠেন চ অন্তরা ৰুত্তকারণেন চ ৰন্দনা পটিক্খিত্তা। ইতো পরং পচ্ছাউপসম্পন্নাদযো দসপি আপত্তিৰত্থুভাৰেনেৰ অৰন্দিযা। তে ৰন্দন্তস্স হি নিযমেনেৰ আপত্তি। ইতি ইমেসু পঞ্চসু পঞ্চকেসু তেরস জনে ৰন্দন্তস্স অনাপত্তি, দ্ৰাদসন্নং ৰন্দনায আপত্তি।
Khādantoti piṭṭhakhajjakādīni khādanto. Uccārañca passāvañca karonto anokāsagatattā avandiyo. Ukkhittakoti tividhenapi ukkhepanīyakammena ukkhittako avandiyo. Tajjanīyādikammakatā pana cattāro vanditabbā. Uposathapavāraṇāpi tehi saddhiṃ labbhanti. Ādito paṭṭhāya ca vuttesu avandiyesu naggañca ukkhittakañca vandantasseva āpatti. Itaresaṃ pana asāruppaṭṭhena ca antarā vuttakāraṇena ca vandanā paṭikkhittā. Ito paraṃ pacchāupasampannādayo dasapi āpattivatthubhāveneva avandiyā. Te vandantassa hi niyameneva āpatti. Iti imesu pañcasu pañcakesu terasa jane vandantassa anāpatti, dvādasannaṃ vandanāya āpatti.
৪৬৮. আচরিযো ৰন্দিযোতি পব্বজ্জাচরিযো উপসম্পদাচরিযো নিস্সযাচরিযো উদ্দেসাচরিযো ওৰাদাচরিযোতি অযং পঞ্চৰিধোপি আচরিযো ৰন্দিযো। সেসং সব্বত্থ উত্তানমেৰাতি।
468.Ācariyovandiyoti pabbajjācariyo upasampadācariyo nissayācariyo uddesācariyo ovādācariyoti ayaṃ pañcavidhopi ācariyo vandiyo. Sesaṃ sabbattha uttānamevāti.
কথিনত্থারৰগ্গৰণ্ণনা নিট্ঠিতা।
Kathinatthāravaggavaṇṇanā niṭṭhitā.
নিট্ঠিতা চ উপালিপঞ্চকৰণ্ণনা।
Niṭṭhitā ca upālipañcakavaṇṇanā.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / পরিৰারপাল়ি • Parivārapāḷi / ১৪. কথিনত্থারৰগ্গো • 14. Kathinatthāravaggo
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / কথিনত্থারৰগ্গৰণ্ণনা • Kathinatthāravaggavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā / কথিনত্থারৰগ্গৰণ্ণনা • Kathinatthāravaggavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / ৰোহারৰগ্গাদিৰণ্ণনা • Vohāravaggādivaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi / কথিনত্থারৰগ্গৰণ্ণনা • Kathinatthāravaggavaṇṇanā
