| Library / Tipiṭaka / ติปิฎก • Tipiṭaka / ปาจิตฺยาทิโยชนาปาฬิ • Pācityādiyojanāpāḷi |
กถินตฺถารวคฺควณฺณนา
Kathinatthāravaggavaṇṇanā
๔๖๗. กถินตฺถารวเคฺค โอตมสิโกติ เอตฺถ อวตมํ คโต โอตมสิโกติ ทเสฺสโนฺต อาห ‘‘อนฺธการคโต’’ติฯ อนฺธการสเทฺทน ตมสโทฺท อนฺธการปริยาโยติ ทเสฺสติฯ ตนฺติ โอตมสิกํ ฯ อสมนฺนาหรโนฺตติ ตํ อสมนฺนาหรโนฺต, กสฺมา อสมนฺนาหรโนฺตติ อาห ‘‘กิจฺจยปสุตตฺตา วนฺทน’’นฺติฯ เอกโตติ โกเปน สทฺธิํฯ เวรี วิสภาคปุคฺคโล เอกโต อาโกเธน วตฺตนเฎฺฐน เอกาวโตฺตติ วุจฺจติฯ ปหเรยฺยาติ วนฺทนฺตํ ปหเรยฺยฯ ‘‘อญฺญํ จินฺตยมาโน’’ติ อิมินา อญฺญสฺมิํ อารมฺมเณ จิตฺตํ วิทหติ ฐเปตีติ อญฺญวิหิโตติ ทเสฺสติฯ
467. Kathinatthāravagge otamasikoti ettha avatamaṃ gato otamasikoti dassento āha ‘‘andhakāragato’’ti. Andhakārasaddena tamasaddo andhakārapariyāyoti dasseti. Tanti otamasikaṃ . Asamannāharantoti taṃ asamannāharanto, kasmā asamannāharantoti āha ‘‘kiccayapasutattā vandana’’nti. Ekatoti kopena saddhiṃ. Verī visabhāgapuggalo ekato ākodhena vattanaṭṭhena ekāvattoti vuccati. Pahareyyāti vandantaṃ pahareyya. ‘‘Aññaṃ cintayamāno’’ti iminā aññasmiṃ ārammaṇe cittaṃ vidahati ṭhapetīti aññavihitoti dasseti.
สงฺฆโต อุทฺธริตฺวา ขิปิตโพฺพ อปเนตโพฺพติ อุกฺขิโตฺต, โสเยว อุกฺขิตฺตโกฯ เตหีติ จตูหิฯ อวนฺทิเยสุ ปนฺนรสปุคฺคเลสูติ สมฺพโนฺธฯ อนฺตรา วุตฺตการเณน จาติ อนฺตเร วุเตฺตน ‘‘ตญฺหิ วนฺทนฺตสฺส มญฺจปาทาทีสุปิ นลาฎํ ปฎิหเญฺญยฺยา’’ติอาทินา การเณน จฯ อิโตติ ปนฺนรสปุคฺคลมฺหา ฯ อิตีติ เอวํฯ สเจ อุเทฺทสาจริโย จ โอวาทาจริโย จ นวโก โหติ, น วนฺทนีโยฯ สพฺพตฺถาติ กถินตฺถารวเคฺคฯ
Saṅghato uddharitvā khipitabbo apanetabboti ukkhitto, soyeva ukkhittako. Tehīti catūhi. Avandiyesu pannarasapuggalesūti sambandho. Antarā vuttakāraṇena cāti antare vuttena ‘‘tañhi vandantassa mañcapādādīsupi nalāṭaṃ paṭihaññeyyā’’tiādinā kāraṇena ca. Itoti pannarasapuggalamhā . Itīti evaṃ. Sace uddesācariyo ca ovādācariyo ca navako hoti, na vandanīyo. Sabbatthāti kathinatthāravagge.
อิติ กถินตฺถารวคฺควณฺณนาย โยชนา สมตฺตาฯ
Iti kathinatthāravaggavaṇṇanāya yojanā samattā.
นิฎฺฐิตา จ อุปาลิปญฺจกวณฺณนาย โยชนาฯ
Niṭṭhitā ca upālipañcakavaṇṇanāya yojanā.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / ปริวารปาฬิ • Parivārapāḷi / ๑๔. กถินตฺถารวโคฺค • 14. Kathinatthāravaggo
อฎฺฐกถา • Aṭṭhakathā / วินยปิฎก (อฎฺฐกถา) • Vinayapiṭaka (aṭṭhakathā) / ปริวาร-อฎฺฐกถา • Parivāra-aṭṭhakathā / กถินตฺถารวคฺควณฺณนา • Kathinatthāravaggavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / สารตฺถทีปนี-ฎีกา • Sāratthadīpanī-ṭīkā / กถินตฺถารวคฺควณฺณนา • Kathinatthāravaggavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วชิรพุทฺธิ-ฎีกา • Vajirabuddhi-ṭīkā / กถินตฺถารวคฺควณฺณนา • Kathinatthāravaggavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วิมติวิโนทนี-ฎีกา • Vimativinodanī-ṭīkā / โวหารวคฺคาทิวณฺณนา • Vohāravaggādivaṇṇanā
