| Library / Tipiṭaka / តិបិដក • Tipiṭaka / បរិវារ-អដ្ឋកថា • Parivāra-aṭṭhakathā |
កថិនត្ថារវគ្គវណ្ណនា
Kathinatthāravaggavaṇṇanā
៤៦៧. កថិនត្ថារវគ្គេ – ឱតមសិកោតិ អន្ធការគតោ; តញ្ហិ វន្ទន្តស្ស មញ្ចបាទាទីសុបិ នលាដំ បដិហញ្ញេយ្យ។ អសមន្នាហរន្តោតិ កិច្ចយបសុតត្តា វន្ទនំ អសមន្នាហរន្តោ។ សុត្តោតិ និទ្ទំ ឱក្កន្តោ។ ឯកាវត្តោតិ ឯកតោ អាវត្តោ សបត្តបក្ខេ ឋិតោ វេរី វិសភាគបុគ្គលោ វុច្ចតិ; អយំ អវន្ទិយោ។ អយញ្ហិ វន្ទិយមានោ បាទេនបិ បហរេយ្យ។ អញ្ញវិហិតោតិ អញ្ញំ ចិន្តយមានោ។
467. Kathinatthāravagge – otamasikoti andhakāragato; tañhi vandantassa mañcapādādīsupi nalāṭaṃ paṭihaññeyya. Asamannāharantoti kiccayapasutattā vandanaṃ asamannāharanto. Suttoti niddaṃ okkanto. Ekāvattoti ekato āvatto sapattapakkhe ṭhito verī visabhāgapuggalo vuccati; ayaṃ avandiyo. Ayañhi vandiyamāno pādenapi pahareyya. Aññavihitoti aññaṃ cintayamāno.
ខាទន្តោតិ បិដ្ឋខជ្ជកាទីនិ ខាទន្តោ។ ឧច្ចារញ្ច បស្សាវញ្ច ករោន្តោ អនោកាសគតត្តា អវន្ទិយោ។ ឧក្ខិត្តកោតិ តិវិធេនបិ ឧក្ខេបនីយកម្មេន ឧក្ខិត្តកោ អវន្ទិយោ។ តជ្ជនីយាទិកម្មកតា បន ចត្តារោ វន្ទិតព្ពា។ ឧបោសថបវារណាបិ តេហិ សទ្ធិំ លព្ភន្តិ។ អាទិតោ បដ្ឋាយ ច វុត្តេសុ អវន្ទិយេសុ នគ្គញ្ច ឧក្ខិត្តកញ្ច វន្ទន្តស្សេវ អាបត្តិ។ ឥតរេសំ បន អសារុប្បដ្ឋេន ច អន្តរា វុត្តការណេន ច វន្ទនា បដិក្ខិត្តា។ ឥតោ បរំ បច្ឆាឧបសម្បន្នាទយោ ទសបិ អាបត្តិវត្ថុភាវេនេវ អវន្ទិយា។ តេ វន្ទន្តស្ស ហិ និយមេនេវ អាបត្តិ។ ឥតិ ឥមេសុ បញ្ចសុ បញ្ចកេសុ តេរស ជនេ វន្ទន្តស្ស អនាបត្តិ, ទ្វាទសន្នំ វន្ទនាយ អាបត្តិ។
Khādantoti piṭṭhakhajjakādīni khādanto. Uccārañca passāvañca karonto anokāsagatattā avandiyo. Ukkhittakoti tividhenapi ukkhepanīyakammena ukkhittako avandiyo. Tajjanīyādikammakatā pana cattāro vanditabbā. Uposathapavāraṇāpi tehi saddhiṃ labbhanti. Ādito paṭṭhāya ca vuttesu avandiyesu naggañca ukkhittakañca vandantasseva āpatti. Itaresaṃ pana asāruppaṭṭhena ca antarā vuttakāraṇena ca vandanā paṭikkhittā. Ito paraṃ pacchāupasampannādayo dasapi āpattivatthubhāveneva avandiyā. Te vandantassa hi niyameneva āpatti. Iti imesu pañcasu pañcakesu terasa jane vandantassa anāpatti, dvādasannaṃ vandanāya āpatti.
៤៦៨. អាចរិយោ វន្ទិយោតិ បព្ពជ្ជាចរិយោ ឧបសម្បទាចរិយោ និស្សយាចរិយោ ឧទ្ទេសាចរិយោ ឱវាទាចរិយោតិ អយំ បញ្ចវិធោបិ អាចរិយោ វន្ទិយោ។ សេសំ សព្ពត្ថ ឧត្តានមេវាតិ។
468.Ācariyovandiyoti pabbajjācariyo upasampadācariyo nissayācariyo uddesācariyo ovādācariyoti ayaṃ pañcavidhopi ācariyo vandiyo. Sesaṃ sabbattha uttānamevāti.
កថិនត្ថារវគ្គវណ្ណនា និដ្ឋិតា។
Kathinatthāravaggavaṇṇanā niṭṭhitā.
និដ្ឋិតា ច ឧបាលិបញ្ចកវណ្ណនា។
Niṭṭhitā ca upālipañcakavaṇṇanā.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / បរិវារបាឡិ • Parivārapāḷi / ១៤. កថិនត្ថារវគ្គោ • 14. Kathinatthāravaggo
ដីកា • Tīkā / វិនយបិដក (ដីកា) • Vinayapiṭaka (ṭīkā) / សារត្ថទីបនី-ដីកា • Sāratthadīpanī-ṭīkā / កថិនត្ថារវគ្គវណ្ណនា • Kathinatthāravaggavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វជិរពុទ្ធិ-ដីកា • Vajirabuddhi-ṭīkā / កថិនត្ថារវគ្គវណ្ណនា • Kathinatthāravaggavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វិមតិវិនោទនី-ដីកា • Vimativinodanī-ṭīkā / វោហារវគ្គាទិវណ្ណនា • Vohāravaggādivaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / បាចិត្យាទិយោជនាបាឡិ • Pācityādiyojanāpāḷi / កថិនត្ថារវគ្គវណ្ណនា • Kathinatthāravaggavaṇṇanā
