| Library / Tipiṭaka / តិបិដក • Tipiṭaka / បាចិត្យាទិយោជនាបាឡិ • Pācityādiyojanāpāḷi |
កថិនត្ថារវគ្គវណ្ណនា
Kathinatthāravaggavaṇṇanā
៤៦៧. កថិនត្ថារវគ្គេ ឱតមសិកោតិ ឯត្ថ អវតមំ គតោ ឱតមសិកោតិ ទស្សេន្តោ អាហ ‘‘អន្ធការគតោ’’តិ។ អន្ធការសទ្ទេន តមសទ្ទោ អន្ធការបរិយាយោតិ ទស្សេតិ។ តន្តិ ឱតមសិកំ ។ អសមន្នាហរន្តោតិ តំ អសមន្នាហរន្តោ, កស្មា អសមន្នាហរន្តោតិ អាហ ‘‘កិច្ចយបសុតត្តា វន្ទន’’ន្តិ។ ឯកតោតិ កោបេន សទ្ធិំ។ វេរី វិសភាគបុគ្គលោ ឯកតោ អាកោធេន វត្តនដ្ឋេន ឯកាវត្តោតិ វុច្ចតិ។ បហរេយ្យាតិ វន្ទន្តំ បហរេយ្យ។ ‘‘អញ្ញំ ចិន្តយមានោ’’តិ ឥមិនា អញ្ញស្មិំ អារម្មណេ ចិត្តំ វិទហតិ ឋបេតីតិ អញ្ញវិហិតោតិ ទស្សេតិ។
467. Kathinatthāravagge otamasikoti ettha avatamaṃ gato otamasikoti dassento āha ‘‘andhakāragato’’ti. Andhakārasaddena tamasaddo andhakārapariyāyoti dasseti. Tanti otamasikaṃ . Asamannāharantoti taṃ asamannāharanto, kasmā asamannāharantoti āha ‘‘kiccayapasutattā vandana’’nti. Ekatoti kopena saddhiṃ. Verī visabhāgapuggalo ekato ākodhena vattanaṭṭhena ekāvattoti vuccati. Pahareyyāti vandantaṃ pahareyya. ‘‘Aññaṃ cintayamāno’’ti iminā aññasmiṃ ārammaṇe cittaṃ vidahati ṭhapetīti aññavihitoti dasseti.
សង្ឃតោ ឧទ្ធរិត្វា ខិបិតព្ពោ អបនេតព្ពោតិ ឧក្ខិត្តោ, សោយេវ ឧក្ខិត្តកោ។ តេហីតិ ចតូហិ។ អវន្ទិយេសុ បន្នរសបុគ្គលេសូតិ សម្ពន្ធោ។ អន្តរា វុត្តការណេន ចាតិ អន្តរេ វុត្តេន ‘‘តញ្ហិ វន្ទន្តស្ស មញ្ចបាទាទីសុបិ នលាដំ បដិហញ្ញេយ្យា’’តិអាទិនា ការណេន ច។ ឥតោតិ បន្នរសបុគ្គលម្ហា ។ ឥតីតិ ឯវំ។ សចេ ឧទ្ទេសាចរិយោ ច ឱវាទាចរិយោ ច នវកោ ហោតិ, ន វន្ទនីយោ។ សព្ពត្ថាតិ កថិនត្ថារវគ្គេ។
Saṅghato uddharitvā khipitabbo apanetabboti ukkhitto, soyeva ukkhittako. Tehīti catūhi. Avandiyesu pannarasapuggalesūti sambandho. Antarā vuttakāraṇena cāti antare vuttena ‘‘tañhi vandantassa mañcapādādīsupi nalāṭaṃ paṭihaññeyyā’’tiādinā kāraṇena ca. Itoti pannarasapuggalamhā . Itīti evaṃ. Sace uddesācariyo ca ovādācariyo ca navako hoti, na vandanīyo. Sabbatthāti kathinatthāravagge.
ឥតិ កថិនត្ថារវគ្គវណ្ណនាយ យោជនា សមត្តា។
Iti kathinatthāravaggavaṇṇanāya yojanā samattā.
និដ្ឋិតា ច ឧបាលិបញ្ចកវណ្ណនាយ យោជនា។
Niṭṭhitā ca upālipañcakavaṇṇanāya yojanā.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / បរិវារបាឡិ • Parivārapāḷi / ១៤. កថិនត្ថារវគ្គោ • 14. Kathinatthāravaggo
អដ្ឋកថា • Aṭṭhakathā / វិនយបិដក (អដ្ឋកថា) • Vinayapiṭaka (aṭṭhakathā) / បរិវារ-អដ្ឋកថា • Parivāra-aṭṭhakathā / កថិនត្ថារវគ្គវណ្ណនា • Kathinatthāravaggavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / សារត្ថទីបនី-ដីកា • Sāratthadīpanī-ṭīkā / កថិនត្ថារវគ្គវណ្ណនា • Kathinatthāravaggavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វជិរពុទ្ធិ-ដីកា • Vajirabuddhi-ṭīkā / កថិនត្ថារវគ្គវណ្ណនា • Kathinatthāravaggavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វិមតិវិនោទនី-ដីកា • Vimativinodanī-ṭīkā / វោហារវគ្គាទិវណ្ណនា • Vohāravaggādivaṇṇanā
