| Library / Tipiṭaka / တိပိဋက • Tipiṭaka / ပာစိတ္ယာဒိယောဇနာပာဠိ • Pācityādiyojanāpāḷi |
ကထိနတ္ထာရဝဂ္ဂဝဏ္ဏနာ
Kathinatthāravaggavaṇṇanā
၄၆၇. ကထိနတ္ထာရဝဂ္ဂေ ဩတမသိကောတိ ဧတ္ထ အဝတမံ ဂတော ဩတမသိကောတိ ဒသ္သေန္တော အာဟ ‘‘အန္ဓကာရဂတော’’တိ။ အန္ဓကာရသဒ္ဒေန တမသဒ္ဒော အန္ဓကာရပရိယာယောတိ ဒသ္သေတိ။ တန္တိ ဩတမသိကံ ။ အသမန္နာဟရန္တောတိ တံ အသမန္နာဟရန္တော, ကသ္မာ အသမန္နာဟရန္တောတိ အာဟ ‘‘ကိစ္စယပသုတတ္တာ ဝန္ဒန’’န္တိ။ ဧကတောတိ ကောပေန သဒ္ဓိံ။ ဝေရီ ဝိသဘာဂပုဂ္ဂလော ဧကတော အာကောဓေန ဝတ္တနဋ္ဌေန ဧကာဝတ္တောတိ ဝုစ္စတိ။ ပဟရေယ္ယာတိ ဝန္ဒန္တံ ပဟရေယ္ယ။ ‘‘အညံ စိန္တယမာနော’’တိ ဣမိနာ အညသ္မိံ အာရမ္မဏေ စိတ္တံ ဝိဒဟတိ ဌပေတီတိ အညဝိဟိတောတိ ဒသ္သေတိ။
467. Kathinatthāravagge otamasikoti ettha avatamaṃ gato otamasikoti dassento āha ‘‘andhakāragato’’ti. Andhakārasaddena tamasaddo andhakārapariyāyoti dasseti. Tanti otamasikaṃ . Asamannāharantoti taṃ asamannāharanto, kasmā asamannāharantoti āha ‘‘kiccayapasutattā vandana’’nti. Ekatoti kopena saddhiṃ. Verī visabhāgapuggalo ekato ākodhena vattanaṭṭhena ekāvattoti vuccati. Pahareyyāti vandantaṃ pahareyya. ‘‘Aññaṃ cintayamāno’’ti iminā aññasmiṃ ārammaṇe cittaṃ vidahati ṭhapetīti aññavihitoti dasseti.
သင္ဃတော ဥဒ္ဓရိတ္ဝာ ခိပိတဗ္ဗော အပနေတဗ္ဗောတိ ဥက္ခိတ္တော, သောယေဝ ဥက္ခိတ္တကော။ တေဟီတိ စတူဟိ။ အဝန္ဒိယေသု ပန္နရသပုဂ္ဂလေသူတိ သမ္ဗန္ဓော။ အန္တရာ ဝုတ္တကာရဏေန စာတိ အန္တရေ ဝုတ္တေန ‘‘တဉ္ဟိ ဝန္ဒန္တသ္သ မဉ္စပာဒာဒီသုပိ နလာဋံ ပဋိဟညေယ္ယာ’’တိအာဒိနာ ကာရဏေန စ။ ဣတောတိ ပန္နရသပုဂ္ဂလမ္ဟာ ။ ဣတီတိ ဧဝံ။ သစေ ဥဒ္ဒေသာစရိယော စ ဩဝာဒာစရိယော စ နဝကော ဟောတိ, န ဝန္ဒနီယော။ သဗ္ဗတ္ထာတိ ကထိနတ္ထာရဝဂ္ဂေ။
Saṅghato uddharitvā khipitabbo apanetabboti ukkhitto, soyeva ukkhittako. Tehīti catūhi. Avandiyesu pannarasapuggalesūti sambandho. Antarā vuttakāraṇena cāti antare vuttena ‘‘tañhi vandantassa mañcapādādīsupi nalāṭaṃ paṭihaññeyyā’’tiādinā kāraṇena ca. Itoti pannarasapuggalamhā . Itīti evaṃ. Sace uddesācariyo ca ovādācariyo ca navako hoti, na vandanīyo. Sabbatthāti kathinatthāravagge.
ဣတိ ကထိနတ္ထာရဝဂ္ဂဝဏ္ဏနာယ ယောဇနာ သမတ္တာ။
Iti kathinatthāravaggavaṇṇanāya yojanā samattā.
နိဋ္ဌိတာ စ ဥပာလိပဉ္စကဝဏ္ဏနာယ ယောဇနာ။
Niṭṭhitā ca upālipañcakavaṇṇanāya yojanā.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / ပရိဝာရပာဠိ • Parivārapāḷi / ၁၄. ကထိနတ္ထာရဝဂ္ဂော • 14. Kathinatthāravaggo
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / ပရိဝာရ-အဋ္ဌကထာ • Parivāra-aṭṭhakathā / ကထိနတ္ထာရဝဂ္ဂဝဏ္ဏနာ • Kathinatthāravaggavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / ကထိနတ္ထာရဝဂ္ဂဝဏ္ဏနာ • Kathinatthāravaggavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / ကထိနတ္ထာရဝဂ္ဂဝဏ္ဏနာ • Kathinatthāravaggavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / ဝောဟာရဝဂ္ဂာဒိဝဏ္ဏနာ • Vohāravaggādivaṇṇanā
