| Library / Tipiṭaka / ತಿಪಿಟಕ • Tipiṭaka / ಪಾಚಿತ್ಯಾದಿಯೋಜನಾಪಾಳಿ • Pācityādiyojanāpāḷi |
ಕಥಿನತ್ಥಾರವಗ್ಗವಣ್ಣನಾ
Kathinatthāravaggavaṇṇanā
೪೬೭. ಕಥಿನತ್ಥಾರವಗ್ಗೇ ಓತಮಸಿಕೋತಿ ಏತ್ಥ ಅವತಮಂ ಗತೋ ಓತಮಸಿಕೋತಿ ದಸ್ಸೇನ್ತೋ ಆಹ ‘‘ಅನ್ಧಕಾರಗತೋ’’ತಿ। ಅನ್ಧಕಾರಸದ್ದೇನ ತಮಸದ್ದೋ ಅನ್ಧಕಾರಪರಿಯಾಯೋತಿ ದಸ್ಸೇತಿ। ತನ್ತಿ ಓತಮಸಿಕಂ । ಅಸಮನ್ನಾಹರನ್ತೋತಿ ತಂ ಅಸಮನ್ನಾಹರನ್ತೋ, ಕಸ್ಮಾ ಅಸಮನ್ನಾಹರನ್ತೋತಿ ಆಹ ‘‘ಕಿಚ್ಚಯಪಸುತತ್ತಾ ವನ್ದನ’’ನ್ತಿ। ಏಕತೋತಿ ಕೋಪೇನ ಸದ್ಧಿಂ। ವೇರೀ ವಿಸಭಾಗಪುಗ್ಗಲೋ ಏಕತೋ ಆಕೋಧೇನ ವತ್ತನಟ್ಠೇನ ಏಕಾವತ್ತೋತಿ ವುಚ್ಚತಿ। ಪಹರೇಯ್ಯಾತಿ ವನ್ದನ್ತಂ ಪಹರೇಯ್ಯ। ‘‘ಅಞ್ಞಂ ಚಿನ್ತಯಮಾನೋ’’ತಿ ಇಮಿನಾ ಅಞ್ಞಸ್ಮಿಂ ಆರಮ್ಮಣೇ ಚಿತ್ತಂ ವಿದಹತಿ ಠಪೇತೀತಿ ಅಞ್ಞವಿಹಿತೋತಿ ದಸ್ಸೇತಿ।
467. Kathinatthāravagge otamasikoti ettha avatamaṃ gato otamasikoti dassento āha ‘‘andhakāragato’’ti. Andhakārasaddena tamasaddo andhakārapariyāyoti dasseti. Tanti otamasikaṃ . Asamannāharantoti taṃ asamannāharanto, kasmā asamannāharantoti āha ‘‘kiccayapasutattā vandana’’nti. Ekatoti kopena saddhiṃ. Verī visabhāgapuggalo ekato ākodhena vattanaṭṭhena ekāvattoti vuccati. Pahareyyāti vandantaṃ pahareyya. ‘‘Aññaṃ cintayamāno’’ti iminā aññasmiṃ ārammaṇe cittaṃ vidahati ṭhapetīti aññavihitoti dasseti.
ಸಙ್ಘತೋ ಉದ್ಧರಿತ್ವಾ ಖಿಪಿತಬ್ಬೋ ಅಪನೇತಬ್ಬೋತಿ ಉಕ್ಖಿತ್ತೋ, ಸೋಯೇವ ಉಕ್ಖಿತ್ತಕೋ। ತೇಹೀತಿ ಚತೂಹಿ। ಅವನ್ದಿಯೇಸು ಪನ್ನರಸಪುಗ್ಗಲೇಸೂತಿ ಸಮ್ಬನ್ಧೋ। ಅನ್ತರಾ ವುತ್ತಕಾರಣೇನ ಚಾತಿ ಅನ್ತರೇ ವುತ್ತೇನ ‘‘ತಞ್ಹಿ ವನ್ದನ್ತಸ್ಸ ಮಞ್ಚಪಾದಾದೀಸುಪಿ ನಲಾಟಂ ಪಟಿಹಞ್ಞೇಯ್ಯಾ’’ತಿಆದಿನಾ ಕಾರಣೇನ ಚ। ಇತೋತಿ ಪನ್ನರಸಪುಗ್ಗಲಮ್ಹಾ । ಇತೀತಿ ಏವಂ। ಸಚೇ ಉದ್ದೇಸಾಚರಿಯೋ ಚ ಓವಾದಾಚರಿಯೋ ಚ ನವಕೋ ಹೋತಿ, ನ ವನ್ದನೀಯೋ। ಸಬ್ಬತ್ಥಾತಿ ಕಥಿನತ್ಥಾರವಗ್ಗೇ।
Saṅghato uddharitvā khipitabbo apanetabboti ukkhitto, soyeva ukkhittako. Tehīti catūhi. Avandiyesu pannarasapuggalesūti sambandho. Antarā vuttakāraṇena cāti antare vuttena ‘‘tañhi vandantassa mañcapādādīsupi nalāṭaṃ paṭihaññeyyā’’tiādinā kāraṇena ca. Itoti pannarasapuggalamhā . Itīti evaṃ. Sace uddesācariyo ca ovādācariyo ca navako hoti, na vandanīyo. Sabbatthāti kathinatthāravagge.
ಇತಿ ಕಥಿನತ್ಥಾರವಗ್ಗವಣ್ಣನಾಯ ಯೋಜನಾ ಸಮತ್ತಾ।
Iti kathinatthāravaggavaṇṇanāya yojanā samattā.
ನಿಟ್ಠಿತಾ ಚ ಉಪಾಲಿಪಞ್ಚಕವಣ್ಣನಾಯ ಯೋಜನಾ।
Niṭṭhitā ca upālipañcakavaṇṇanāya yojanā.
Related texts:
ತಿಪಿಟಕ (ಮೂಲ) • Tipiṭaka (Mūla) / ವಿನಯಪಿಟಕ • Vinayapiṭaka / ಪರಿವಾರಪಾಳಿ • Parivārapāḷi / ೧೪. ಕಥಿನತ್ಥಾರವಗ್ಗೋ • 14. Kathinatthāravaggo
ಅಟ್ಠಕಥಾ • Aṭṭhakathā / ವಿನಯಪಿಟಕ (ಅಟ್ಠಕಥಾ) • Vinayapiṭaka (aṭṭhakathā) / ಪರಿವಾರ-ಅಟ್ಠಕಥಾ • Parivāra-aṭṭhakathā / ಕಥಿನತ್ಥಾರವಗ್ಗವಣ್ಣನಾ • Kathinatthāravaggavaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಸಾರತ್ಥದೀಪನೀ-ಟೀಕಾ • Sāratthadīpanī-ṭīkā / ಕಥಿನತ್ಥಾರವಗ್ಗವಣ್ಣನಾ • Kathinatthāravaggavaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಜಿರಬುದ್ಧಿ-ಟೀಕಾ • Vajirabuddhi-ṭīkā / ಕಥಿನತ್ಥಾರವಗ್ಗವಣ್ಣನಾ • Kathinatthāravaggavaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಿಮತಿವಿನೋದನೀ-ಟೀಕಾ • Vimativinodanī-ṭīkā / ವೋಹಾರವಗ್ಗಾದಿವಣ್ಣನಾ • Vohāravaggādivaṇṇanā
