| Library / Tipiṭaka / ཏིཔིཊཀ • Tipiṭaka / པཱཙིཏྱཱདིཡོཛནཱཔཱལི༹ • Pācityādiyojanāpāḷi |
ཀཐིནཏྠཱརཝགྒཝཎྞནཱ
Kathinatthāravaggavaṇṇanā
༤༦༧. ཀཐིནཏྠཱརཝགྒེ ཨོཏམསིཀོཏི ཨེཏྠ ཨཝཏམཾ གཏོ ཨོཏམསིཀོཏི དསྶེནྟོ ཨཱཧ ‘‘ཨནྡྷཀཱརགཏོ’’ཏི། ཨནྡྷཀཱརསདྡེན ཏམསདྡོ ཨནྡྷཀཱརཔརིཡཱཡོཏི དསྶེཏི། ཏནྟི ཨོཏམསིཀཾ ། ཨསམནྣཱཧརནྟོཏི ཏཾ ཨསམནྣཱཧརནྟོ, ཀསྨཱ ཨསམནྣཱཧརནྟོཏི ཨཱཧ ‘‘ཀིཙྩཡཔསུཏཏྟཱ ཝནྡན’’ནྟི། ཨེཀཏོཏི ཀོཔེན སདྡྷིཾ། ཝེརཱི ཝིསབྷཱགཔུགྒལོ ཨེཀཏོ ཨཱཀོདྷེན ཝཏྟནཊྛེན ཨེཀཱཝཏྟོཏི ཝུཙྩཏི། པཧརེཡྻཱཏི ཝནྡནྟཾ པཧརེཡྻ། ‘‘ཨཉྙཾ ཙིནྟཡམཱནོ’’ཏི ཨིམིནཱ ཨཉྙསྨིཾ ཨཱརམྨཎེ ཙིཏྟཾ ཝིདཧཏི ཋཔེཏཱིཏི ཨཉྙཝིཧིཏོཏི དསྶེཏི།
467. Kathinatthāravagge otamasikoti ettha avatamaṃ gato otamasikoti dassento āha ‘‘andhakāragato’’ti. Andhakārasaddena tamasaddo andhakārapariyāyoti dasseti. Tanti otamasikaṃ . Asamannāharantoti taṃ asamannāharanto, kasmā asamannāharantoti āha ‘‘kiccayapasutattā vandana’’nti. Ekatoti kopena saddhiṃ. Verī visabhāgapuggalo ekato ākodhena vattanaṭṭhena ekāvattoti vuccati. Pahareyyāti vandantaṃ pahareyya. ‘‘Aññaṃ cintayamāno’’ti iminā aññasmiṃ ārammaṇe cittaṃ vidahati ṭhapetīti aññavihitoti dasseti.
སངྒྷཏོ ཨུདྡྷརིཏྭཱ ཁིཔིཏབྦོ ཨཔནེཏབྦོཏི ཨུཀྑིཏྟོ, སོཡེཝ ཨུཀྑིཏྟཀོ། ཏེཧཱིཏི ཙཏཱུཧི། ཨཝནྡིཡེསུ པནྣརསཔུགྒལེསཱུཏི སམྦནྡྷོ། ཨནྟརཱ ཝུཏྟཀཱརཎེན ཙཱཏི ཨནྟརེ ཝུཏྟེན ‘‘ཏཉྷི ཝནྡནྟསྶ མཉྩཔཱདཱདཱིསུཔི ནལཱཊཾ པཊིཧཉྙེཡྻཱ’’ཏིཨཱདིནཱ ཀཱརཎེན ཙ། ཨིཏོཏི པནྣརསཔུགྒལམྷཱ ། ཨིཏཱིཏི ཨེཝཾ། སཙེ ཨུདྡེསཱཙརིཡོ ཙ ཨོཝཱདཱཙརིཡོ ཙ ནཝཀོ ཧོཏི, ན ཝནྡནཱིཡོ། སབྦཏྠཱཏི ཀཐིནཏྠཱརཝགྒེ།
Saṅghato uddharitvā khipitabbo apanetabboti ukkhitto, soyeva ukkhittako. Tehīti catūhi. Avandiyesu pannarasapuggalesūti sambandho. Antarā vuttakāraṇena cāti antare vuttena ‘‘tañhi vandantassa mañcapādādīsupi nalāṭaṃ paṭihaññeyyā’’tiādinā kāraṇena ca. Itoti pannarasapuggalamhā . Itīti evaṃ. Sace uddesācariyo ca ovādācariyo ca navako hoti, na vandanīyo. Sabbatthāti kathinatthāravagge.
ཨིཏི ཀཐིནཏྠཱརཝགྒཝཎྞནཱཡ ཡོཛནཱ སམཏྟཱ།
Iti kathinatthāravaggavaṇṇanāya yojanā samattā.
ནིཊྛིཏཱ ཙ ཨུཔཱལིཔཉྩཀཝཎྞནཱཡ ཡོཛནཱ།
Niṭṭhitā ca upālipañcakavaṇṇanāya yojanā.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / པརིཝཱརཔཱལི༹ • Parivārapāḷi / ༡༤. ཀཐིནཏྠཱརཝགྒོ • 14. Kathinatthāravaggo
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / པརིཝཱར-ཨཊྛཀཐཱ • Parivāra-aṭṭhakathā / ཀཐིནཏྠཱརཝགྒཝཎྞནཱ • Kathinatthāravaggavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / སཱརཏྠདཱིཔནཱི-ཊཱིཀཱ • Sāratthadīpanī-ṭīkā / ཀཐིནཏྠཱརཝགྒཝཎྞནཱ • Kathinatthāravaggavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝཛིརབུདྡྷི-ཊཱིཀཱ • Vajirabuddhi-ṭīkā / ཀཐིནཏྠཱརཝགྒཝཎྞནཱ • Kathinatthāravaggavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝིམཏིཝིནོདནཱི-ཊཱིཀཱ • Vimativinodanī-ṭīkā / ཝོཧཱརཝགྒཱདིཝཎྞནཱ • Vohāravaggādivaṇṇanā
