| Library / Tipiṭaka / ਤਿਪਿਟਕ • Tipiṭaka / ਪਰਿવਾਰ-ਅਟ੍ਠਕਥਾ • Parivāra-aṭṭhakathā |
ਕਥਿਨਤ੍ਥਾਰવਗ੍ਗવਣ੍ਣਨਾ
Kathinatthāravaggavaṇṇanā
੪੬੭. ਕਥਿਨਤ੍ਥਾਰવਗ੍ਗੇ – ਓਤਮਸਿਕੋਤਿ ਅਨ੍ਧਕਾਰਗਤੋ; ਤਞ੍ਹਿ વਨ੍ਦਨ੍ਤਸ੍ਸ ਮਞ੍ਚਪਾਦਾਦੀਸੁਪਿ ਨਲਾਟਂ ਪਟਿਹਞ੍ਞੇਯ੍ਯ। ਅਸਮਨ੍ਨਾਹਰਨ੍ਤੋਤਿ ਕਿਚ੍ਚਯਪਸੁਤਤ੍ਤਾ વਨ੍ਦਨਂ ਅਸਮਨ੍ਨਾਹਰਨ੍ਤੋ। ਸੁਤ੍ਤੋਤਿ ਨਿਦ੍ਦਂ ਓਕ੍ਕਨ੍ਤੋ। ਏਕਾવਤ੍ਤੋਤਿ ਏਕਤੋ ਆવਤ੍ਤੋ ਸਪਤ੍ਤਪਕ੍ਖੇ ਠਿਤੋ વੇਰੀ વਿਸਭਾਗਪੁਗ੍ਗਲੋ વੁਚ੍ਚਤਿ; ਅਯਂ ਅવਨ੍ਦਿਯੋ। ਅਯਞ੍ਹਿ વਨ੍ਦਿਯਮਾਨੋ ਪਾਦੇਨਪਿ ਪਹਰੇਯ੍ਯ। ਅਞ੍ਞવਿਹਿਤੋਤਿ ਅਞ੍ਞਂ ਚਿਨ੍ਤਯਮਾਨੋ।
467. Kathinatthāravagge – otamasikoti andhakāragato; tañhi vandantassa mañcapādādīsupi nalāṭaṃ paṭihaññeyya. Asamannāharantoti kiccayapasutattā vandanaṃ asamannāharanto. Suttoti niddaṃ okkanto. Ekāvattoti ekato āvatto sapattapakkhe ṭhito verī visabhāgapuggalo vuccati; ayaṃ avandiyo. Ayañhi vandiyamāno pādenapi pahareyya. Aññavihitoti aññaṃ cintayamāno.
ਖਾਦਨ੍ਤੋਤਿ ਪਿਟ੍ਠਖਜ੍ਜਕਾਦੀਨਿ ਖਾਦਨ੍ਤੋ। ਉਚ੍ਚਾਰਞ੍ਚ ਪਸ੍ਸਾવਞ੍ਚ ਕਰੋਨ੍ਤੋ ਅਨੋਕਾਸਗਤਤ੍ਤਾ ਅવਨ੍ਦਿਯੋ। ਉਕ੍ਖਿਤ੍ਤਕੋਤਿ ਤਿવਿਧੇਨਪਿ ਉਕ੍ਖੇਪਨੀਯਕਮ੍ਮੇਨ ਉਕ੍ਖਿਤ੍ਤਕੋ ਅવਨ੍ਦਿਯੋ। ਤਜ੍ਜਨੀਯਾਦਿਕਮ੍ਮਕਤਾ ਪਨ ਚਤ੍ਤਾਰੋ વਨ੍ਦਿਤਬ੍ਬਾ। ਉਪੋਸਥਪવਾਰਣਾਪਿ ਤੇਹਿ ਸਦ੍ਧਿਂ ਲਬ੍ਭਨ੍ਤਿ। ਆਦਿਤੋ ਪਟ੍ਠਾਯ ਚ વੁਤ੍ਤੇਸੁ ਅવਨ੍ਦਿਯੇਸੁ ਨਗ੍ਗਞ੍ਚ ਉਕ੍ਖਿਤ੍ਤਕਞ੍ਚ વਨ੍ਦਨ੍ਤਸ੍ਸੇવ ਆਪਤ੍ਤਿ। ਇਤਰੇਸਂ ਪਨ ਅਸਾਰੁਪ੍ਪਟ੍ਠੇਨ ਚ ਅਨ੍ਤਰਾ વੁਤ੍ਤਕਾਰਣੇਨ ਚ વਨ੍ਦਨਾ ਪਟਿਕ੍ਖਿਤ੍ਤਾ। ਇਤੋ ਪਰਂ ਪਚ੍ਛਾਉਪਸਮ੍ਪਨ੍ਨਾਦਯੋ ਦਸਪਿ ਆਪਤ੍ਤਿવਤ੍ਥੁਭਾવੇਨੇવ ਅવਨ੍ਦਿਯਾ। ਤੇ વਨ੍ਦਨ੍ਤਸ੍ਸ ਹਿ ਨਿਯਮੇਨੇવ ਆਪਤ੍ਤਿ। ਇਤਿ ਇਮੇਸੁ ਪਞ੍ਚਸੁ ਪਞ੍ਚਕੇਸੁ ਤੇਰਸ ਜਨੇ વਨ੍ਦਨ੍ਤਸ੍ਸ ਅਨਾਪਤ੍ਤਿ, ਦ੍વਾਦਸਨ੍ਨਂ વਨ੍ਦਨਾਯ ਆਪਤ੍ਤਿ।
Khādantoti piṭṭhakhajjakādīni khādanto. Uccārañca passāvañca karonto anokāsagatattā avandiyo. Ukkhittakoti tividhenapi ukkhepanīyakammena ukkhittako avandiyo. Tajjanīyādikammakatā pana cattāro vanditabbā. Uposathapavāraṇāpi tehi saddhiṃ labbhanti. Ādito paṭṭhāya ca vuttesu avandiyesu naggañca ukkhittakañca vandantasseva āpatti. Itaresaṃ pana asāruppaṭṭhena ca antarā vuttakāraṇena ca vandanā paṭikkhittā. Ito paraṃ pacchāupasampannādayo dasapi āpattivatthubhāveneva avandiyā. Te vandantassa hi niyameneva āpatti. Iti imesu pañcasu pañcakesu terasa jane vandantassa anāpatti, dvādasannaṃ vandanāya āpatti.
੪੬੮. ਆਚਰਿਯੋ વਨ੍ਦਿਯੋਤਿ ਪਬ੍ਬਜ੍ਜਾਚਰਿਯੋ ਉਪਸਮ੍ਪਦਾਚਰਿਯੋ ਨਿਸ੍ਸਯਾਚਰਿਯੋ ਉਦ੍ਦੇਸਾਚਰਿਯੋ ਓવਾਦਾਚਰਿਯੋਤਿ ਅਯਂ ਪਞ੍ਚવਿਧੋਪਿ ਆਚਰਿਯੋ વਨ੍ਦਿਯੋ। ਸੇਸਂ ਸਬ੍ਬਤ੍ਥ ਉਤ੍ਤਾਨਮੇવਾਤਿ।
468.Ācariyovandiyoti pabbajjācariyo upasampadācariyo nissayācariyo uddesācariyo ovādācariyoti ayaṃ pañcavidhopi ācariyo vandiyo. Sesaṃ sabbattha uttānamevāti.
ਕਥਿਨਤ੍ਥਾਰવਗ੍ਗવਣ੍ਣਨਾ ਨਿਟ੍ਠਿਤਾ।
Kathinatthāravaggavaṇṇanā niṭṭhitā.
ਨਿਟ੍ਠਿਤਾ ਚ ਉਪਾਲਿਪਞ੍ਚਕવਣ੍ਣਨਾ।
Niṭṭhitā ca upālipañcakavaṇṇanā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਪਰਿવਾਰਪਾਲ਼ਿ • Parivārapāḷi / ੧੪. ਕਥਿਨਤ੍ਥਾਰવਗ੍ਗੋ • 14. Kathinatthāravaggo
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਕਥਿਨਤ੍ਥਾਰવਗ੍ਗવਣ੍ਣਨਾ • Kathinatthāravaggavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਕਥਿਨਤ੍ਥਾਰવਗ੍ਗવਣ੍ਣਨਾ • Kathinatthāravaggavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / વੋਹਾਰવਗ੍ਗਾਦਿવਣ੍ਣਨਾ • Vohāravaggādivaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ਕਥਿਨਤ੍ਥਾਰવਗ੍ਗવਣ੍ਣਨਾ • Kathinatthāravaggavaṇṇanā
