| Library / Tipiṭaka / തിപിടക • Tipiṭaka / പാചിത്യാദിയോജനാപാളി • Pācityādiyojanāpāḷi |
കഥിനത്ഥാരവഗ്ഗവണ്ണനാ
Kathinatthāravaggavaṇṇanā
൪൬൭. കഥിനത്ഥാരവഗ്ഗേ ഓതമസികോതി ഏത്ഥ അവതമം ഗതോ ഓതമസികോതി ദസ്സേന്തോ ആഹ ‘‘അന്ധകാരഗതോ’’തി. അന്ധകാരസദ്ദേന തമസദ്ദോ അന്ധകാരപരിയായോതി ദസ്സേതി. തന്തി ഓതമസികം . അസമന്നാഹരന്തോതി തം അസമന്നാഹരന്തോ, കസ്മാ അസമന്നാഹരന്തോതി ആഹ ‘‘കിച്ചയപസുതത്താ വന്ദന’’ന്തി. ഏകതോതി കോപേന സദ്ധിം. വേരീ വിസഭാഗപുഗ്ഗലോ ഏകതോ ആകോധേന വത്തനട്ഠേന ഏകാവത്തോതി വുച്ചതി. പഹരേയ്യാതി വന്ദന്തം പഹരേയ്യ. ‘‘അഞ്ഞം ചിന്തയമാനോ’’തി ഇമിനാ അഞ്ഞസ്മിം ആരമ്മണേ ചിത്തം വിദഹതി ഠപേതീതി അഞ്ഞവിഹിതോതി ദസ്സേതി.
467. Kathinatthāravagge otamasikoti ettha avatamaṃ gato otamasikoti dassento āha ‘‘andhakāragato’’ti. Andhakārasaddena tamasaddo andhakārapariyāyoti dasseti. Tanti otamasikaṃ . Asamannāharantoti taṃ asamannāharanto, kasmā asamannāharantoti āha ‘‘kiccayapasutattā vandana’’nti. Ekatoti kopena saddhiṃ. Verī visabhāgapuggalo ekato ākodhena vattanaṭṭhena ekāvattoti vuccati. Pahareyyāti vandantaṃ pahareyya. ‘‘Aññaṃ cintayamāno’’ti iminā aññasmiṃ ārammaṇe cittaṃ vidahati ṭhapetīti aññavihitoti dasseti.
സങ്ഘതോ ഉദ്ധരിത്വാ ഖിപിതബ്ബോ അപനേതബ്ബോതി ഉക്ഖിത്തോ, സോയേവ ഉക്ഖിത്തകോ. തേഹീതി ചതൂഹി. അവന്ദിയേസു പന്നരസപുഗ്ഗലേസൂതി സമ്ബന്ധോ. അന്തരാ വുത്തകാരണേന ചാതി അന്തരേ വുത്തേന ‘‘തഞ്ഹി വന്ദന്തസ്സ മഞ്ചപാദാദീസുപി നലാടം പടിഹഞ്ഞേയ്യാ’’തിആദിനാ കാരണേന ച. ഇതോതി പന്നരസപുഗ്ഗലമ്ഹാ . ഇതീതി ഏവം. സചേ ഉദ്ദേസാചരിയോ ച ഓവാദാചരിയോ ച നവകോ ഹോതി, ന വന്ദനീയോ. സബ്ബത്ഥാതി കഥിനത്ഥാരവഗ്ഗേ.
Saṅghato uddharitvā khipitabbo apanetabboti ukkhitto, soyeva ukkhittako. Tehīti catūhi. Avandiyesu pannarasapuggalesūti sambandho. Antarā vuttakāraṇena cāti antare vuttena ‘‘tañhi vandantassa mañcapādādīsupi nalāṭaṃ paṭihaññeyyā’’tiādinā kāraṇena ca. Itoti pannarasapuggalamhā . Itīti evaṃ. Sace uddesācariyo ca ovādācariyo ca navako hoti, na vandanīyo. Sabbatthāti kathinatthāravagge.
ഇതി കഥിനത്ഥാരവഗ്ഗവണ്ണനായ യോജനാ സമത്താ.
Iti kathinatthāravaggavaṇṇanāya yojanā samattā.
നിട്ഠിതാ ച ഉപാലിപഞ്ചകവണ്ണനായ യോജനാ.
Niṭṭhitā ca upālipañcakavaṇṇanāya yojanā.
Related texts:
തിപിടക (മൂല) • Tipiṭaka (Mūla) / വിനയപിടക • Vinayapiṭaka / പരിവാരപാളി • Parivārapāḷi / ൧൪. കഥിനത്ഥാരവഗ്ഗോ • 14. Kathinatthāravaggo
അട്ഠകഥാ • Aṭṭhakathā / വിനയപിടക (അട്ഠകഥാ) • Vinayapiṭaka (aṭṭhakathā) / പരിവാര-അട്ഠകഥാ • Parivāra-aṭṭhakathā / കഥിനത്ഥാരവഗ്ഗവണ്ണനാ • Kathinatthāravaggavaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / സാരത്ഥദീപനീ-ടീകാ • Sāratthadīpanī-ṭīkā / കഥിനത്ഥാരവഗ്ഗവണ്ണനാ • Kathinatthāravaggavaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / വജിരബുദ്ധി-ടീകാ • Vajirabuddhi-ṭīkā / കഥിനത്ഥാരവഗ്ഗവണ്ണനാ • Kathinatthāravaggavaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / വിമതിവിനോദനീ-ടീകാ • Vimativinodanī-ṭīkā / വോഹാരവഗ്ഗാദിവണ്ണനാ • Vohāravaggādivaṇṇanā
